Video
Read full review
2022-11-23
90 views
日本過江龍天丼🇯🇵|即叫即炸天婦羅🤤|長過手掌嘅天婦羅穴子🤩|金子半之助「就似這一區，曾經稱得上美滿甲天下」閒來無事，相約友人係灣仔睇show前搵嘢食，咁啱經過利東街(囍帖街)，發現進駐多好多唔同特色嘅餐廳，最後都係比較鐘意揀日式食物，所以就揀咗依間日式天婦羅丼，金子半之助以前係東京都有幫襯過，曾經嘅招牌天婦羅山非常打卡吸晴，特色用麻油嚟炸天婦羅，所以最有印像係佢天婦羅嘅麻油香氣。利東街依間分店用上木系設計，以日式居酒居裝修作招徠，平日夜晚6點半左右等候咗10分鐘左右就安排入座。-江户前天丼 4.2/5⭐️單睇餐牌介紹已經比依個份量豐富嘅江戶前天丼吸引住，由於坐係吧枱前，落單後見到師傅即叫即炸天羅婦同時聞到麻油嘅香氣，更加期待新鮮即炸嘅天婦羅丼。等左15分鐘左右，一碗好澎湃嘅天婦羅送上我面前，天婦羅穴子非常吸晴，有成30CM長，仲長過手掌。仲有天婦蝦炸蝦2隻，小柱魷魚天婦羅餅，炸流心溫泉蛋同炸海苔塞滿哂成個碗，飯底本身已經淋上天婦羅汁，就咁食都已經好好味，店員介紹可以連同炸流心溫泉蛋漿一齊享用，令到飯底更加濕潤可口，增添唔同食法。另一樣我比較鐘意嘅就係小柱天婦羅餅，入口煙韌，啖啖貝柱入
即叫即炸天婦羅🤤|
長過手掌嘅天婦羅穴子🤩|
金子半之助
「就似這一區，曾經稱得上美滿甲天下」
閒來無事，相約友人係灣仔睇show前搵嘢食，咁啱經過利東街(囍帖街)，發現進駐多好多唔同特色嘅餐廳，最後都係比較鐘意揀日式食物，所以就揀咗依間日式天婦羅丼，金子半之助以前係東京都有幫襯過，曾經嘅招牌天婦羅山非常打卡吸晴，特色用麻油嚟炸天婦羅，所以最有印像係佢天婦羅嘅麻油香氣。利東街依間分店用上木系設計，以日式居酒居裝修作招徠，平日夜晚6點半左右等候咗10分鐘左右就安排入座。
-江户前天丼 4.2/5⭐️
單睇餐牌介紹已經比依個份量豐富嘅江戶前天丼吸引住，由於坐係吧枱前，落單後見到師傅即叫即炸天羅婦同時聞到麻油嘅香氣，更加期待新鮮即炸嘅天婦羅丼。
等左15分鐘左右，一碗好澎湃嘅天婦羅送上我面前，天婦羅穴子非常吸晴，有成30CM長，仲長過手掌。仲有天婦蝦炸蝦2隻，小柱魷魚天婦羅餅，炸流心溫泉蛋同炸海苔塞滿哂成個碗，飯底本身已經淋上天婦羅汁，就咁食都已經好好味，店員介紹可以連同炸流心溫泉蛋漿一齊享用，令到飯底更加濕潤可口，增添唔同食法。另一樣我比較鐘意嘅就係小柱天婦羅餅，入口煙韌，啖啖貝柱入口非常滿足。天婦羅炸蝦正常水準發揮。
重頭戲當然係30CM長嘅穴子，師傅係天婦羅穴子上加上柚子解膩，入口啖啖肉嘅穴子都唔會覺得非常油膩，穴子外脆內嫩，配埋天婦羅汁更加滋味，再飲返杯啤酒冰涼一下口腔，完美作結。
–
總結:餐廳主打天婦羅丼，定價吸引，份量豐富又吸睛，細心加分位係會係穴子上加上柚子中和返天婦羅嘅油膩感，侍應亦都會為客人介紹食法，鐘意食日本嘢嘅朋友唔好錯過。
====
金子半之助 (灣仔)
📍灣仔皇后大道東200號利東街地下G16號舖
====
江戶前天丼
1 views
0 likes
0 comments
Post
