Charisme Pavillion

今晚捐窿捐罅俾我搵到呢一間私房菜，嘢食好正，唔單止食材新鮮，而且煮法又考究。白汁燉白肺湯-首先處理白肺已經好考功夫，再白鑊後燉湯，一啲腥味都冇，反而杏仁咪出眾，湯帶稠滑順喉，十分滋潤。冰鎮鮑魚配燒汁芥辣醬-鮑魚口感軟腍，配醬汁夠惹味。鑲鑽黃金蝦-鹹蛋黃足料，而且係用燕麥去做外層，減退油膩口感，而且唔會食到厚粉漿。而且大蝦肉質新鮮彈牙。生煎鯪魚餅-打到鯪魚餅起晒膠，而且無咩碎骨，咬落啖啖魚肉。砵酒焗桶蠔-蠔身肥厚，薑蔥惹味。古法瓦罉豉油雞-一上枱就見豉油汁卜卜卜卜的，玫瑰露酒嘅香味直撲入鼻，入口甜甜地，雞肉就非常嫩滑，讚！上湯浸時蔬-菜心鮮甜，而且帶有少少金華火腿香。招牌名門炒飯-好足料，炒得又夠乾身。薑湯煲番薯糖水-薑味適中熱辣辣上枱，多番薯，係標準甜度。總括食材新鮮，而且煮法考究，好啱家庭聚會，下次再試其他菜式。…Read More

是日與友好出戰灣仔名門私房菜品嚐順德菜式。入座後店員好快整返壺鐵觀音飲下先。我哋叫了螺頭炖翅骨湯，懷舊蝦多士拼大良炸鮮奶，冰鎮鮑魚配燒汁芥辣醬，古法瓦罉豉油雞，上湯浸時蔬，乾煸野菌龍躉球粉絲煲，北菇扣鵝掌煲，招牌名門炒飯。螺頭炖翅骨湯-老火炖湯就係先要足料足料同足料，另外飲得出好夠火喉。螺頭鮮甜味道加上雞同豬肉炖，將肉汁香都融入湯中。香濃而唔會確喉，證明出真材實料。懷舊蝦多士拼大良炸鮮奶-蝦多士重點係要香口同埋唔會有過多油留在多士中形成油膩感。大廚應該大火將過多油份迫出來，所以咬下只有香口蝦多士味道而沒有成口油。冰鎮鮑魚配燒汁芥辣醬-鮑魚都好大隻，鮮甜鮑魚鮮味爽口彈牙。先原味吃一口，再塗上芥辣醬又另有一番味道。古法瓦罉豉油雞-玫瑰露香味直上我的味覺。雞肉嫩滑再加上豉油玫瑰露香味在瓦罉上持續保熱。上湯浸時蔬-菜芯夠嫩，新鮮蔬菜散發著田園的味道。再加入上湯浸更加發揮出菜芯之鮮甜。乾煸野菌龍躉球粉絲煲-龍躉份量多之外仲要係大塊，俾到我口口鮮甜龍躉肉咬下之口感。野菌粉絲爆到香口融入龍躉鮮美，唔止配料咁簡單，直頭自己都係主角咁好味道 北菇扣鵝掌煲-炆得夠時間令鵝掌同北菇入晒鮑魚汁味道。北菇夠大隻，有口感，鵝掌夠淋。生菜底又係吸了日月精華同樣精彩。招牌名門炒飯-飯炒得乾身，將大量材料都混入去炒得均混，炒飯炒得香口。守尾門係糖水既紫米露，足料好味道。…Read More

今日朋友介紹食順德菜，黎試一試係咪咁正先。點左個6人餐，有螺頭炖翅骨湯，冰鎮鮑魚配燒汁芥辣醬，懷舊蝦多士拼大良炸鮮奶，北菇扣鵝掌煲，乾煸野菌龍躉球粉絲煲，古法瓦罉豉油雞，上湯浸時蔬，招牌名門炒飯，紫米露。螺頭炖翅骨湯：清甜冇味精，飲得出經過長時間炖出黎。好香肉湯味道。冰鎮鮑魚配燒汁芥辣醬：大大隻鮑魚，夠晒淋配合芥辣醬食多重口感。懷舊蝦多士拼大良炸鮮奶：蝦多士炸得乾身唔會有油膩感。大良炸鮮奶加上蟹肉味道唔會太濃烈又有奶香味道。北菇扣鵝掌煲：鵝掌夠晒淋，北菇大大隻有咬口。鮑魚汁炆得好夠味，生菜入晒味。乾煸野菌龍躉球粉絲煲：炒得好乾身，龍躉啖啖肉，大口大口咁咬，真係爽呀。龍躉鮮甜好味，大量配料混入粉絲，粉絲完全吸收晒。古法瓦罉豉油雞：豉油汁味道岩岩好，雞肉口感好入晒味。上湯浸時蔬：菜芯新鮮爽甜。招牌名門炒飯：炒飯香口到一個點，材料豐富。紫米露：甜度岩岩好。…Read More

今晚幾位好友相聚，當中朋友極力推薦灣仔「名門私房菜」，地方算合適，朋友都在不同地區過來，大家異口同聲說方便，真係好似做廣告🤣🤣。不過酒樓地方不是很大，注要有二間房、一個大廳，👆🏻記得預早訂位。爵士湯@密瓜、雞、瘦肉、螺頭燉湯稱得上爵士湯，當然有翻咁上下架勢堂🤣，就連當中爵士、名人和富豪都會指定要飲的湯。今日我們都去品味－吓，先看豐富湯料，蜜瓜、雞、瘦肉和螺頭燉製而成👍🏻。店員介這個「爵士湯」最適合在秋冬時節養顏養生飲用，不過飲落又真係好清甜，－點都不肥膩，我們就連煲湯的雞件和螺片都吃光了😋。冰鎮鮑魚配燒汁芥辣醬 $98只日本酒醃製的大大隻冰鎮鮑魚，既消暑又醒胃，以爽滑彈牙的口感，再加上自製酸味嘅燒汁芥辣醬，更能帶出鮑魚鮮味，口感豐富。👍🏻荔芋香酥鴨 $638/隻（預訂）必食之選！正係荔芋已經贏晒😋軟香嫩滑，夾雜香酥炸成的無骨鴨件，不知不覺，－件又一件。😘😘🍻生煎鯪魚餅 $198/例正宗順德小吃，金黃色的鯪魚餅，入口入口軟稔甘香，最適合座酒🍺。糯米飯炒糕蟹 $888/隻（預訂）原隻大糕蟹炒薑、蔥、糯米飯👍🏻👍🏻蟹糕、蟹汁等完全溶化在糯米飯內，加上醃製的薑、蔥，香氣濃郁，糯米飯吸收所有榚蟹和薑蔥精華，份外惹味，我覺得糯米飯才是大主角🤣🤣。鍋燒無錫骨 $578/例（預訂）聽店員講，這個無錫骨係以新鮮靚食材 “黑毛豬” ，軟嫩度適中，加入黑糖錯更能提升料理的層次感！ 臘味飯（時令煲仔飯）$778秋風起食臘味！油鴨肶拆肉+潤腸+香爆葱雞球+冬菇.. 份量十足！陣陣飄香，除咗臘味的味道，還有少許焦香味(飯焦)，飯焦香脆可口👍🏻，整體來講，煲仔臘味飯色香味俱全😘😋😋。我們邊食邊大讚朋友的好介紹，超滿足…Read More

朋友說要邀請我到一間位於灣仔的順德私房菜嚐嚐。今日，我就跟他來到這間「名門私房菜」。菜餚選擇很多，套餐也有不同選擇，套餐包含主菜、飯、蔬菜和甜品。 馳名杏汁燉白肺湯燉白肺湯工序繁多費時，一般餐館未必供應。奶白色的豬肺湯，真材實料。馥郁的杏香，杏汁香濃；豬肺亦熬煮得入味。 冰鎮鮑魚配燒汁芥辣醬大大只的冰鎮鮑魚 口感細嫩，軟硬適中，爽口彈牙。香氣飄逸的燒汁芥辣醬帶提鮮妙用，嚐到鮮味可口的冰鎮鮑魚 蝦多士 皮薄脆口，蝦膠厚而爽口，不感油膩。蘸點酸梅醬汁更滋味。 大良炸鮮奶金黃外層炸得薄脆，內裏充滿奶香。味道帶微甜，外脆內軟的大良炸鮮奶真的不錯。 順德煎釀鯪魚順德菜代表名物，以新鮮鯪魚拆肉打成魚膠，再釀回魚身煎香。呈上時魚香飄飄， 厚魚膠爽口彈牙，肉質鮮味，沒有碎骨，釀餡不破皮， 表面酥香，味道甘香，可見廚藝精湛 原來盛載的碟子還是熱的，可保存餸菜的温度，這個用心安排很好。 名門陳皮豬肋骨豬肋骨酥香，肉質鬆化。加入陳皮可使食物添上甘香味道，令豬肋骨的肉香中散發着一層芳香 ，增添了獨特的風味。 上湯浸時菜菜心鮮嫩香甜，蒜子亦帶甜味。上湯中加入金華火腿，使湯底是那樣鮮甜。 是日甜品：蕃薯糖水 嚐到蕃薯香甜原味，香甜味道中帶來薑的絲絲微辣。整體而言，用心製作出高品質的巧手料理，真的令我回味無窮。殷勤細心的服務態度，使我有賓至如歸的感覺。飽吃一頓，心滿意足。…Read More

中國飲食文化博大精深，其中「順德菜」在粵菜中有著重要地位，以清，鮮，爽，嫩，滑為特色，而煎釀鯪魚、 均安蒸豬、銅盤焗雞等更是我最喜歡的順德菜式。聽聞灣仔 『名門私房菜』是一間專做順德菜的老字號，特地訂好位，跟先生食一頓地道順德菜，餐廳裝修雅緻，坐得舒服，泡好菊花茶，坐定定等食。🎯冰鎮鮑魚配燒汁芥辣醬新鮮的沙律菜上擺上2隻巨型的大連鮑魚，十分吸引眼球。鮑魚經日本酒醃製，入口軟淋且帶淡淡的酒香味，沾上混合芥末的燒汁同食， 更能凸顯鮑魚鮮味，中日合璧，絕對是創新又獨特的一道前菜。🎯鑲鑽黃金蝦虎蝦炸得色澤金黃，外層包上經鹹蛋黃炒香的麥片，入口酥脆且鹹鮮味十足。 虎蝦新鮮又夠大隻，爽口彈牙啖啖肉，令人十分滿足！！🎯一口鮑魚雞粒豆腐煲把家常菜也做得講究，是順德菜的精髓。這道鮑魚雞粒豆腐煲也不例外。 小鮑魚先用玫瑰露酒浸過夜， 入口酒香撲鼻， 雞肉入味之餘跟豆腐一樣嫩滑，整體好出色，是用心的佳作。🎯古法瓦罉豉油雞豉油雞用瓦煲盛載，雞皮色澤油亮，令人垂涎欲滴。雞肉除豉油香外，更帶玫瑰露酒的清香味， 火候控制嚴謹，雞肉嫩滑細緻 ，食完雞，再用豉油汁撈飯。🎯砂鍋炒時蔬翠綠的生菜用砂鍋上枱，揭蓋一刻，香氣四溢，蒜頭，蔥頭，甜麵豉醬同炒，生菜清甜又爽脆 。🎯生磨蛋白杏仁茶即點即磨的杏仁茶，入口杏仁味道濃郁， 略帶少許杏仁的天然苦澀味，混合半生熟的蛋白絲，養顏暖胃，很滋潤。食完整頓飯，完全唔口渴， 『名門私房菜』的出品健康又高質，連出名嘴刁的先生也讚不絕口，接下來的父親節，定要帶爸爸來品嚐地道順德菜，一表孝心 ！！…Read More

其實一向都好鍾意食中菜，見到灣仔有私房菜館，朋友之前已經預先訂左位今次我地試左幾款菜式，分別係冰鎮鮑魚配燒汁芥辣醬、欖角陳皮牛肉餅、鮮菠蘿咕嚕肉同哈哈哈芥蘭煲 冰鎮鮑魚配燒汁芥辣醬鮑魚用清酒醃過，所以食落去會有淡淡嘅清酒香，口感唔韌好爽！建議大家試咗原味先，之後先再加醬汁，加咗醬汁之後味道甜甜地，仲有少少芥辣味，更加好味欖角陳皮牛肉餅呢道菜真係令我好驚喜，起初以為只係普通平時食嗰d窩蛋牛肉飯嗰啲肉餅，但係一擺落口之後，個牛肉味好香好濃，仲好彈牙，估唔到一個咁簡單嘅菜式都可以煮到咁出色鮮菠蘿咕嚕肉咕嚕肉係即叫即炸，所以入口真係好脆，採用既肉都好腍，但唔會係成舊肥羔，醬汁酸甜度啱啱好哈哈哈芥蘭煲 呢個芥蘭煲除咗有用蝦乾之外，仲有用到鮮蝦，好符合佢既菜名呀！芥蘭爽口唔會硬同苦！最後就係甜品紫米露，煙煙韌韌，帶奶香味，甜度岩岩好！…Read More

和媽子慶生, 不想在酒樓太嘈吵及擠迫的地方, 私房菜應該是不錯的選擇早前聽朋友說灣仔有間樓上私房菜, 菜式主要以順德為主順德名菜得聽過大多是以鮮魚做菜, 順德人喜歡以清、鮮、爽、嫩、滑為煮菜的特色那就訂檯與家人試試看店內有2個房間, 地方也很乾淨整潔舒服的聽聞它的歷史悠久, 但裝潢都不是很古老等我向大家介紹幾味個人認為必點的食物:杏汁白肺燉花膠家人一向愛喝湯,  包括我自已, 老媽雖隔日都會煲湯, 可是燉豬肺不易搞的, 一年都可能只會做1-2次因為太多功夫, 所以外出吃飯, 尤其在高級一點的餐廳才會點 (有信心及乾淨一點)知道名門有, 立即預訂!白肺的好處可溫肺止咳, 長輩們在換季天氣容易喉乾喘咳, 喝個滋補湯水補一補奶白色的湯底, 帶微微的杏仁香, 燉湯用料十足, 有女士大愛的花膠, 白肺及豬肉湯甜清潤, 白肺入味, 花膠實淨有咬口喝過湯後, 來個矜貴的冷盤:冰鎮鮑魚配燒汁芥辣醬勁有睇頭的鮑魚, 每隻份量都不少醬汁有2種: 芥辣醬及自家特製的醬油 (像是甜椒香蔥醬油)肉質爽彈鮮嫩, 份量肥厚大於湯匙配上它的自家特製的醬油, 相比芥辣少了刺鼻的感覺, 溫和得來也帶出鮑魚的鮮味!懷舊蝦多士香口熱氣食物, 無人能拒!百分百的金黃色脹卜卜反而我覺得像個錢包內布原隻蝦及蝦膠的, $58/件是值得!而那個醬不是現盛, 都是自製的! 比現盛得少甜, 也沒有那麼稠杰, 廚師很用心老嗲愛吃魚, 吃順德菜又點少得『魚』呢~這煲可以一次滿足兩個願望薑蔥魚嘴焗雞鍋又魚又雞, 所以煲的份量都很大超多薑蔥, 但濃味又不會過火超大的魚頭已預先切開一半, 看得出又是一味很花功夫的菜式魚頭潔淨後需要煎過才入煲魚頭就留給愛吃魚的長輩們, 而我就吃雞件及配菜雞件是多肉少骨, 肉質剛熟, 不老還很嫩滑, 也不會乾到變柴皮, 煲內絕無碎骨 (平日吃的雞煲是經常發生的, 很討厭!!)配料除薑蔥外, 還有很入味的冬菇, 是不能錯過的, 因為炆到很入味!想吃得健康, 不能份份都點肉, 來個素扮肉的菜式啦:蜜餞合桃素叉燒素叉燒每粒都蘸上甜甜的蜜餞, 它的甜不會過火, 是點到即止的加入脆口微甜的合桃, 多吃健康, 又不單調一頓完美晚餐, 當然不少得以滋補甜品作句號生磨蛋白杏仁茶無錯, 都是杏仁, 是晚要頭尾相應很多人不喜歡杏仁的味道, 但聽完老闆講完後, 他們的杏仁是自己生磨, 而且每個季節的杏仁出來的味道都有所不同的確名門出來的, 沒有假的味道, 杏仁味是很清淡的, 而且是微甜, 非常適合我家的口味加了蛋白, 令口感更滑朋友介紹的, 果真沒錯~…Read More

想食到優質特式私房粵菜, 其實選擇有好多, 更不絕樓上舖喺灣仔83號2樓呢度就搵到呢間極具氣派既名門私房菜室內裝修得好豪華, 喺優質環境下進食絕對係享受粉葛鯪魚赤小豆煲豬𦟌豬踭豬横脷湯 - $448/例個人鍾意粵菜既原因之一係因為有老火靚湯飲😍名門呢款湯, 成大款湯料煲埋4,5碗湯咋, 味道之濃可想而知, 唔好話味精丫, 連鹽都唔洗落添呀, 連個湯料都非常入味👍冰鎮鮑魚配燒汁芥辣醬 - $78/隻(兩隻起)鮑魚係預先加左些少醃料製好, 經歷左24小時既炮製, 入味加爽滑口感令你回味無窮, 加埋佢個燒汁芥辣醬, 特別得黎帶一點辣味, 令人更加上癮😍荔芋乳鴿酥 - $128/件（兩件起）呢款乳鴿酥比較少見, 未咬開前以為係d 普通炸野, 上面加左少少冬菜蝦乾一齊食, 一咬開陣陣香芋味撲面而來, 乳鴿味亦很香濃, 係個芋蓉比較厚身, 如果薄d 會更好👍生炒臘味糯米飯 - $188/例生炒臘味糯米飯向來都受人熱愛, 呢度既炒飯炒得好乾爽, 粒粒分明, 唔會一pat 野咁, 所以口感會比較豐富👍配埋惹味臘味, 令人欲罷不能🤤…Read More

為朋友慶生選址一定環境寧靜、環境衛生企理、食物質量高結果大家選了一家私房菜，對河魚不感興趣的我今晚竟然首嚐順德菜。私房菜位置灣仔街市旁個商廈，商廈外掛有廣告箱，地址好找。餐廳格局以茶樓形式，俱八十年代簡單裝潢我們一行四人被安排到廳中的中間六至八人圓枱以順德魚茸羹先打頭陣，暖一暖胃羹內有豆腐、蛋白、菜心粒、莞茜、草菇及已拆好的魚肉羹底很好滑，魚味滲出，魚味不會太濃烈連不容易接受魚的我都再添一碗⚠️此份量為「例」即六碗，另有「例半」、「兩例」等等前菜有冰震鮑魚，先加入白露水及日本酒去烹煮，啖啖清酒香。再配自家調燒汁加wasabi，味道甜甜地得來令鮑魚更惹味因為中秋過後正是食芋頭的最佳時機，所以店家都扭轉傳統的荔芋香酥鴨，一來無須大費周章order一整隻鴨，食得大家胃頂頂所以創作了新秋冬新菜式，把醃製好的新鮮乳鴿肉都釀住去，小小圓圓的一個酥外層的酥皮炸得好鬆軟又不油膩，這非常講求油溫，就這個酥皮我已給它滿分一粒粒乳鴿肉與洋蔥碎做餡，口感有點像叉燒包配為這道菜而每天新鮮自家製蝦籽蝦乾烤雞肝XO醬，超級香很考工夫的一道荔芋乳鴿酥，小弟再比一次💯分！⚠️由於備料關係，這菜式要預早兩日訂鵝肝蝦多士半張手掌般大的鵝肝，整體實淨，厚切鵝肝熟度竟然均勻，外層不會太濃。做到口感軟滑而不油膩再配砵酒汁，多加一份香味甜味，再度提升味道層次。蝦多士亦非常有驚喜，超級厚的蝦膠放於一塊薄脆多士上，主客分明而且啖啖肉。還夾有條蟹柳呢鮑汁北菇扣鵝掌以瓦煲裝著可煲溫 ; 冬菇香鵝掌都炆得好腍好入味，鵝掌更是一「損」即離骨。用南北杏製成的蛋白杏仁茶未必人人接受到杏仁味，但如果接受到的朋有一定一定會愛上這道甜品暖乎乎白雪雪的杏仁茶沒其他材料，就只有蛋白。杏仁味甘香非常，蛋白更是滑不留口，好滋補養生💕想唔到第一次食順德菜就咁滿意…Read More

在銅鑼灣工作的好友在小週末約局到灣仔來個私房菜晚餐,並帶上美酒一同分享,如此吸引當即答應!由於餐廳所處大廈的位置交通方便,離地鐵站很近,所以我從灣仔站出閘後不用走好遠便到了;好朋友已經先到了,我也趕快進內;一坐下來,就感覺餐廳營造的氛圍佈局有點嶺南畫風格調;餐廳的燈光與擺設,就像在一塊國畫的絹布上,點潑著西洋畫的架構,正合了折合了中西/融匯古今的風格,頗有心思!之後侍應生遞上了小食與餐牌;這小食酸瓜皮蛋,用上爽脆的醃青瓜/紅蘿蔔/白蘿蔔配上優質的皮蛋,可以與好友一邊品嚐一邊細細地研究餐牌;我細看餐牌下發現,基本上定價的菜品價錢都以8字為尾,心裡勾起上一輩人說這意思中有著客人吃了飯後會發發發之意,可見餐廳其實真帶著傳統的價值觀;而菜品的種類選擇豐富多彩,與好友一致認為著侍應生來推介一下會比較好;其介紹了此私房菜餐廳主要是用了古法去炮製,在傳統的製作方式中又結合了現代的食材而有所調整;依照侍應生的建議,我倆就點了以下一些有新有舊表現相當精彩的菜式:先來的杏汁燉白肺湯,一打開蓋就聞到淡香的杏仁味;估計數量甚多的杏仁已溶化在湯中,令湯汁顯得純白而濃稠;趁著熱燙時快來嚐味,喝起來綿滑舒暢,似有一堆香甜不苦澀的杏仁滑入喉嚨之中!而且有著豬肺帶來的絲絲肉味,令整個湯再加添了重量感,確是令人刻下極深印象!湯盅內藏數塊的豬肺,看樣子處理得很潔淨;蘸著醬油來吃,豬肺的爽脆彈牙口感中又有點軟綿綿的十分過癮,而醬油可減低其肉膻味,但未覺可提升許多,於是著侍應生拿來辣椒油;這店家廚師親製的辣椒油,香味與辣味皆不俗,其中透出的煙燻味與豬肺一拍即合,在辣味的提升下,配上來自法國南部的紅酒更令人吃得暢快!整個湯可看出,杏仁的溶化程度與豬肺的白淨的程度,花了人力時間是必不可少的,這正是古法菜要用心製作的含義!第一道精彩的濃湯過後,到了冰鎮鮑魚出場的時候;據餐廳方面介紹,鮑魚是用上南非鮮鮑,灼到剛熟就用冰水浸泡一會,以保持其口感及鮮味;鮑魚表面光滑亮麗,可見處理得十分乾淨;蘸上特製的燒汁芥辣醬,在爽脆彈牙的肉質中有鹹甜香辣的醬汁輝映,不但提高鮮味,更添細緻複雜的層次!接著來的是傳統順德名菜--大良炸鮮奶與懷舊菜式--蝦多士配特色柚蜜醬汁;炸鮮奶外皮薄而酥脆,不帶油膩的感覺,卻有煙燻香味;內裡鮮奶糰很幼滑,一嚼之下滿口牛奶香味,再加上點點的煉奶,帶來更甜美的感覺!熱辣辣的蝦多士的蝦膠做得很有彈性,外皮的酥脆與多士的薄脆,有上下夾擊的脆口感覺,形成了一個很有趣的口感;配上了那濃濃的柚子蜜糖醬汁,帶來了一番別有風味的鹹味甜味鮮味相交的感覺!再來的是全晚的另一焦點菜式--瓦罉豉油雞 此菜是以瓦煲呈上,一打開煲蓋就有一股濃郁的醬油香味飄散在半空,而且雞皮與雞肉色深均勻而亮麗;快快夾一件來嚐嚐味:滿足到可用入木三分來形容!數種豉油醬汁的互相融合,好像透過雞皮滲入了鮮嫩的雞肉裡面,在雞肉的本味之中,堆疊了醬油的鮮甜與鹹味,另有蔥段所帶來更複雜的香味,極大提高了醬油與雞肉的融和,那種味蕾所感受的深情令人印象深刻!不愧為巧手菜式!此時,配上我們自帶來自法國南部濃郁而有層次的紅酒,邊吃邊喝,迸出的火花就在齒頰間多了一股花香味,更加精彩!而最後一道蝦乾魚肚大芥菜煲,此湯煲在一輪煎炸與濃味的菜式之後,正好作出一個平衡;魚肚的膠質豐富,品嚐起來綿滑中又有煙韌的口感;蝦乾的鹹鮮味都被大芥菜與湯汁吸附了,所以喝著湯吃著菜都是滿滿的蝦乾融和之味!總結此餐,果真是一頓可以嚐到精緻的懷古揉今的,而又令人味蕾十分滿足順德菜,又有一種新的體會!餐廳一方見我與好友十分欣賞其菜品,連開瓶費也減半了;所以這私房菜餐廳在一個寧靜的飲食氛圍與服務經營得如此用心,實在值得讚賞!飯後水杯指數(食店食物調味濃淡度,5杯為最濃),本人給予3杯,以古法炮製的食物來說值得頗高程度的推薦!…Read More

早前看電視節目，鼎爺教整炸鮮奶。跟朋友們說起，大家討論一番, 又說想吃順德菜，又說想吃私房菜。要找食, 當然是找OPENRICE吧，看到名門私房菜，好像不錯喔！ 杏汁燉白肺湯奶白色的杏汁燉白肺湯，入口順滑帶有豬肺的甘香味，落肚後散發出溫和暖意，感覺瞬間驅走內體寒氣。豬肺清潔得乾淨，而且腍得來有嫩滑彈性。的確是滋補潤肺養顏的靚湯！懷舊蝦多士配特式柚蜜醬金黃香脆的蝦多士，炸得剛剛好，香脆得來不覺油膩，而且夠乾身。除了蝦膠外，還有蝦肉夾在蝦膠與多士多間，咬落香軟彈牙，有著三種層次，由軟彈到香脆！ 大良炸鮮奶金黃香脆外層，包著潔白幼滑的鮮奶，充滿鮮奶的香甜，享受外脆肉嫩的口感! 冰鎮鮑魚配燒汁芥辣醬侍應告知是用清酒及白老水去煮，令鮮味更突出。鮑魚夠軟彈結實，再沾上燒汁芥辣醬，味道更豐富！砵酒焗桶蠔深紫色濃郁的砵酒汁包圍著奶白色肥美的桶蠔，大隻之餘十分嫩彈, 而且還保留到蠔汁。 美中不足是砵酒味偏甜，有點搶去蠔的鮮味。:)古法瓦罉豉油雞 一上枱就被它潤澤鮮色及濃香豉油汁吸引住了！飽滿的雞件舖得滿滿，雞皮軟薄沒有多餘肥膏，雞肉入味而且嫩滑！豉油汁帶有酒香，片糖的香甜及潤澤感，估計還有甘草、花椒、八角及姜片等香味！朋友還笑說想把豉油汁打包回家做瑞士雞翼, 哈哈！ 生炒臘味糯米飯生炒飯糯米飯是冬天必食佳品，暖胃飽肚。建議5-6人以上分享比較合適，皆因份量大且用料十足，臘腸臘肉蝦乾還有蛋絲，飯粘身有咬口但嫌飯不夠乾身！蛋白杏仁茶奶白的杏仁茶充滿杏仁香，帶有嫩滑蛋白，微甜恰好，暖身又養顏的甜品。幾天後在另一飯局中，聽聞名門私房菜是由香港國際星級富豪食府富臨飯店阿一鮑魚名廚胡德明先生所創立。果真是系出名門！…Read More