海灣茶居

營業中

休息中

今日同男朋友去咗位於大角咀嘅海灣茶居 發覺大角咀真係好多嘢食 不過鍾意飲茶嘅我哋最後都係揀咗中式飲茶 😎 因為我哋兩個真係好肚餓所以我哋點咗比較多菜式！首先我哋點咗一個手撕雞飯 佢哋嘅手撕雞肉質好嫩滑 份量亦都好多 我自己比較推薦 如果配埋佢哋嘅辣汁就更加出色 調味得好好 ❤️‍🔥❤️‍🔥佢哋嘅叉燒飯超級出色 叉燒嘅份量好多 同埋佢哋肥瘦超級均勻 咬落去嘅時候唔會好乾好柴 係有叉燒嘅肉香慢慢出來 好正 見到佢哋晚市嘅時候仲有做點心 真係覺得好特別 所以我哋叫咗葱油餅黎試下！ 好正 咬落去嘅時候重油香 同埋炸得剛剛好 好鬆脆 甜品方面我哋就叫咗一個雙皮奶同埋綠豆沙 佢哋嘅雙皮奶整得好滑 好濃奶味 我自己都幾鍾意食 而綠豆沙就煲得好綿 好啱夏天食🥳🥳🥳