影片
電話號碼
63385686
營業時間
今日營業
07:30 - 16:30
17:30 - 21:30
星期一至日
07:30 - 16:30
17:30 - 21:30
以上資料只供參考, 請與餐廳確認詳情
今天下午 ，我走了過去港灣豪庭廣場地下 的海灣茶居午飯 。 我叫了 一碟豆角炒茄子 和白飯一碗。 在熱騰騰的鍋中，豆角與茄子相遇，綻放出令人難忘的美味。豆角的清脆與茄子的柔軟完美結合，散發出誘人的香氣，勾勒出一道獨特的風味。每一口的咀嚼都是一次享受，散發出一股股讚賞的情感。豆角炒茄子， 加上一碗白飯， 就是一道美食。
繼續閱讀
海灣茶居並不是傳統大酒樓, 但環境算是舒適寬敞嘅小茶居, 服務員姐姐亦禮貌招呼.我哋叫咗飲茶必食嘅蝦餃, 燒賣和叉燒包. 蝦餃皮薄薄, 蝦肉新鮮彈牙,. 燒賣豬肉, 鬆軟多汁, 蝦肉爽口彈牙, 叉燒包軟熟, 叉燒餡肥瘦適中, 好味！👍我哋亦叫咗碗柴魚花生粥，煎蘿蔔糕， 鮮蝦腸粉，豉汁釀茄子🍆，時菜鯪魚球🐟，馬拉糕和薑汁雞包仔. 柴魚花生粥係非常傳統嘅港式粥, 不多酒樓供應. 粥底綿密鮮甜, 花生軟糯, 柴魚味道鹹香可口.蘿蔔糕 煎得金黃脆皮, 外脆內嫩, 食到絲絲蘿蔔, 口感十足, 蘸少少甜辣醬更惹味.鮮蝦腸粉, 蝦肉彈牙爽口, 腸粉皮嫩滑有好重米味．正！😍豉汁釀茄子🍆, 茄子好腍滑, 鯪魚肉新鮮彈牙, 魚肉飽滿啖啖肉, 食到淡淡嘅蝦米味和果皮味, 加上惹味玻璃豆豉芡汁, 添加層次感和滋味.😌時菜鯪魚肉, 啖啖新鮮鯪魚肉, 加上蝦米和果皮, 口感豐富好味.馬拉糕軟熟, 鬆軟, 富蛋香, 吃下去不黏牙且不太甜. 薑汁雞包仔, 雞包混合薑絲, 薑汁味香濃, 麵包亦軟滑, 味道一流真係值得推薦海灣茶居, 價錢好合理, 依家不收茶錢, 下午茶任選兩款點心, 只收$38。真抵食！👍
繼續閱讀
想食點心又唔想去酒樓等位，海灣茶居啱晒我地，午飯時間約1230直入唔洗等。兩個人叫咗：▶️營健清灼菜心菜心煮得幾淋，對於好怕食硬菜莖嘅朋友，呢碟絕對冇問題。▶️山竹牛肉球味道正常，附送大大塊腐竹，正！▶️四寶滑雞扎一盅兩件，足料，雞件和魚肚都好大份，味道正常。以蟹柳取代了火腿，鍾意食火腿嘅朋友可能要失望了。▶️一口黃金炸饅頭（6個）上碟熱辣辣，bite-size 分量啱啱好，就算每人食3粒都唔會太飽。▶️一人籠仔蒜香蝦蒸飯好少餐廳午市都有籠仔飯供應，所以實在期待！值得欣賞嘅係用咗開邊蝦，方便起肉。蒜香都入味；可惜飯太濕和淋，蝦肉又有點霉。如果要方便就腳，唔使等位，上菜快，我地應該會再選擇海灣茶居。
繼續閱讀
大角咀呢邊比較少行同少食野，今次行到過黎所以都搵埋野食，係呢區我算一個外區人而且唔算多行既地方，見到呢間非連鎖式餐廳所以就揀黎試下，食完之後就覺得還好算唔錯既餐廳，可以一試。點了，金銀蛋浸菜苗，枝竹火腩煲，加48蚊點沙姜雞，燉湯。金銀蛋浸菜苗，唔錯又足料，金銀蛋真係算唔少，而菜苗都份量都ok整體份量又算可以。枝竹火腩煲，唔錯又係足料，火腩都算唔少又有菇類，火腩食落去口感都算少少林又唔算太肥，枝竹大塊。沙姜雞味道正常啦，不過不失。燉湯味道夠濃還不錯。除返開兩人131蚊又真係幾抵，而且仲有糖水紅豆沙包埋，食落去足料又唔稀。整體黎講，呢間質素算唔錯，而且坐卡位都夠舒服。
繼續閱讀
上一次嚟食過非常高質，價錢又合理，於是再返頭食第二次晚餐＋$25 加配煎釀茄子釀咗嘅唔係魚滑而係蝦滑，味道同顏色完全唔同，更加爽彈好味，茄子多汁又熱辣辣，最緊要夠淋川味麻婆豆腐麻、辣味剛好，太多就太辣且口都麻，而師傅煮到非常惹味，令人胃口大開，不停伴飯食，連唔食飯嘅我都清晒蒜茸粉絲蒸斑頭腩 $ 98份量十足，粉絲超多，超濃香蒜蓉味，斑頭腩新鮮多肉又夠爽，魚皮同樣又厚又膠，補充骨膠原唯一係師傅未完全清理好魚鱗。。。晚餐配送綠豆沙濃稠度超好，甜度一流，雖說係跟餐，但真係足料
繼續閱讀