熱點點心專門店

營業中

休息中

今晚無意幫襯開呢間店，外面係落緊雨，入到去坐下某個二人單人位冷氣幾凍下，某個阿姐態度囂張，我坐開果張檯搬移到另外一張檯坐。我進來係食客問心果句洗唔洗要我拎野移位仲要冷氣開到17度以上。影響曬我今日心情。

🫖【熱點點心專門店】 很近太子地鐵站，環境比較一般但是在香港這個價格真的太香！出品也ok，適合想要三兩人飲茶 吃點心，性價比真的高！👉千島醬蘿蔔糕這個組合很特別，因為剛來看到其他桌很多點了它 賣相不錯所以嘗試了。發現真的很搭！小粒蘿蔔糕炸得外邊焦脆，沾上千島醬咸中帶點酸甜，意外的好吃！蘿蔔糕裡面也不是那種很濕很軟的，稍微扎實點👉牛肉球三個大牛肉球💰24 真的超值！而且味道也挺不錯的，一點點彈牙。上桌會問要不要喼汁，是有醋的一種復合調料，我們一般用來點春捲之類解膩，喜歡醋的可以要點👉鮮蝦菜苗餃水晶餃皮，裡面全是菜苗&蝦仁🍤沒有豬肉的，所以不喜豬肉的我真的很愛！這款餃子口味比較淡一些，淡淡的鮮味👉燒賣皇蝦餃和燒賣都可以2個一籠哦，味道不錯，才不到💰20，人少也不怕分不完啦

我一個人上完心理學堂後, 自己一個人去食晚飯.我叫了一碟燒賣, 四粒.   我食完後, 還覺得肚餓, 再叫了一碟雪山叉燒包, (兩個).  不錯.  我每次去, 都一定叫一碟食.我坐了一會, 埋單.  總共要: 港幣 五十六元.  一個人食, 我覺得也值.

之前都買過外賣比家人, 不過自己未食過, 今早約友人係度食点心, 可能早的關係, 可以坐到卡位, 蝦餃可以叫兩粒同四粒, 蝦餃幾好👍, 味道不錯, 煎釀尖椒正常味道, 食落好熱, 燒賣就一般, 下次不用叫😅鮑汁鮮竹卷都味道唔錯, 塊腐皮唔會太厚, d餡也夠多👍馬拉糕都幾好, 唔會太甜, 雞包仔同友人share, 味道也ok, 叉燒腸粉也不錯, 餡多皮不會太厚, 個薑汁糕就麻麻地, 無乜薑味可以不叫, 普洱茶也ok, 整體点心ok又夠熱, 小店食下点心, 比酒樓清靜d😘😘 蝦春卷叫走所以無食到😅

2023年10月1日我，先生和兒子，中午12點到熱熱點食點心，炸羅蔔糕最遲上，我先生一口咬下去有3粒沙石感到痛楚，其中一粒有一粒米般長，摸上去很硬，跟收銀講，她只說不好意思，說蝦米有沙，照收錢，我先生回家後發現門左下方門牙崩了，於是我打電話到餐廳，聽電話的只說我現在忙，說我當時沒有告訴她門牙崩，我答說在餐廳內唔會知道門牙有事，叫老板晚一點覆我，下午兩點，餐廳打電話來，說你自己投訴食環，沒有什麼可幫你跟進。

位於太子站一間性價比很高的點心店🤍事緣係想同個朋友晨早流流去飲早茶，但又想搵一間性價比高同好食嘅點心店，就揀咗熱點🌟一入到去見到啲位置都唔多，大約40個位左右😅如果繁忙時間有機會要搭枱！🥲我哋嗌咗：招牌蟹籽燒賣，蝦餃，鮮竹牛肉球，叉燒包，皮蛋瘦肉粥，牛肉腸粉。推介蝦餃，同牛肉腸粉！最後埋單 $144 🤩佢哋嘅嘢食分量十足，好抵食🥰

豬麥流沙奶黃包（2個）$29外表其實幾可愛，豬🐽個鼻哥窿可以筷子🥢吉穿再流啲奶黃祝黎🤭惡趣味幾好挽；流沙奶黃口感都幾沙，但有啲太稀了🙌🏻；包外皮幾軟，但有啲厚，變相個流沙奶黃餡會相對小🤔雪山叉燒包（2個）$27外皮一層層，幾鬆化🫰🏻叉燒同個醬個調味幾夠🫶🏻，皮同內餡配搭岩岩好😃（我鐘意呢個多啲）金牌蝦餃皇（2籠）$32外皮幾薄，餡好足料，啲蝦🦐幾彈牙，無切得好碎，保留番蝦的爽口感🫰🏻，整體不錯～蟹籽燒賣皇（2籠）$30燒賣偏鹹，但餡好足料，蝦既比例好似仲多過豬肉😂；口感好豐富，而且爽口彈牙👍🏻，食到最尾會有蟹籽既味衝番出黎🤔幾有層次香茜牛肉腸 $24芫茜味好出🥶（鐘意芫茜🌿應該試下）；牛肉同腸粉都好滑，但牛肉比例有啲小🫡瑤柱珍珠雞（2隻）$27糯米蒸得幾糊，但唔係成pat果啲👍🏻；但好似無咩瑤柱🤔，有浸味係度（我估用瑤柱煲左個飯？😂），但整得幾精緻，調味都幾好🙌🏻鮮竹牛肉 $23個蔥味幾足🫡，牛肉都幾滑（但本人不起鮮竹牛肉，不能比太多評價）分數：？/10食物🥘：6.5/10環境🏞️：7/10服務👩🏻‍🍳：6.5/10價錢💰：6.5 /10

約三點鐘入座， 比較迫滿人，但剛好有兩枱空位， 諗住等佢執拾完可以坐低， 點知有位都叫我哋繼續等已經覺得好奇怪，過10分鍾問嘅時候又叫我哋等多陣， 未有枱，心諗張空枱唔係冇人咩？ 點知等咗～20分鍾，有3個人入嚟， 即刻俾張空枱佢地， 原來話我哋2個人，只可搭枱坐唔可以坐d四人位😵😵😵講真呢種餐廳都係速食唔會坐得耐， 我等咗～20分鍾(如果繼續等應該唔止)，一早畀我坐都差唔多食完走得， 見到咁嘅服務實在太差即刻走咗， 鍾意受氣嘅先好入去呀🙂

已經係encore左好多次尼間點心，次次必叫蘿蔔酥，芋頭角。佢個蘿蔔酥整到好似天鵝咁有特色 可以用來打卡，跟住入面係蘿蔔絲，熱辣辣，蘿蔔都香甜，皮酥脆真係好正。而芋頭角都係酥脆，好足料，芋泥混左d五香粉入去好惹味，推薦

週末與家人飲早茶，選擇到這間位於太子的熱點點心專門店。環境雖然比不上酒樓，但這裏的點心和茶錢（$5/位）都較便宜，又免收加一，所以可算是價廉物美。雪山叉燒飽 （$18）上枱時的叉燒飽仍暖，外皮有甜甜的薄牛油皮舖面，內裏包裹着的叉燒份量夠，難怪很多食客也有點。鳳爪排骨飯 （$20）老人家最喜愛的鳳爪排骨飯，貪其夠飽肚。排骨不太肥，飯粒飽滿有飯香。鮮竹牛肉球 （$22）鮑汁鮮竹卷 （$21）牛肉球的肥肉和瘦肉比例合適，內裏的芫茜味足，配上喼汁，非常惹味。鮮竹卷也是好吃的，跟其他餐廳的水準差不多。

2月4日星期六，14：55拎飛仔，2人一起到拎的，間中平日都會嚟食，正常咁等位，這裏座位比較少所以等一陣正常的，但今日嚟到真的一肚氣，門口等叫入座，叫到26，有2個26號走出嚟佢寫錯咗又話唔係佢寫，唔知邊個寫，佢問我哋邊個嚟先，其實我記得係我嚟先，但我唔確定，另一個26號又唔敢講佢嚟先，剛巧同行友人行咗去轉角位食煙，我話去咗食煙即刻返嚟，咁對方2個喺度，是但啦讓佢先冇所謂，我話下一張啦，我叫佢行返過嚟～下一張到我嘅我咪坐低開茶先，食煙最多咪5至10分鐘，咁就繼續等一陣，後面有27 28 29，係到2-3分鐘的，我友人留言我去埋廁所先返，咁我同佢講咁我坐低先，跟住有位再叫問我個返嚟未，都唔畀我入，仲要態度鬧人咁樣，直接就叫後面27 28 29入，咁頭先重複咗26嘅時候你唔同我講一定要等到你個同行友人返嚟人齊先入得，只係兩個26號畀咗人先，頭先你同我講一定要見到2個喺曬度先入得嘅咁我就走啦，使乜企喺門口繼續等

係平台下單叫外送，叫左6道餸1豉汁鳳爪: 蒸得唔夠淋，唔夠耐，要好用力咀嚼2蝦餃：食材唔夠鮮，落好重味精，令人口渴3牛肉球：蒸得唔夠淋，彈牙到好似龍蝦丸咁4炸芋角：可以5皮蛋瘦肉粥：多料，但我唔好皮蛋6珍珠雞：呢個最難吃，有浸漂白水味有點拿口，唔知咩事唔敢食整體來講，食材準備時間不足，預熱時間不足，沒有老牌點心的水準，用時間趕出來嘅快餐，感覺好敷衍，上到枱就算數🫠🫠🫠伏過最緊要記得餐廳名，先唔會再伏，自我提醒，唔好再嘥錢俾佢

港式茶餐廳可以來逛街之餘邊享受美食🍴-📍水晶鮮蝦餃 紮實的蝦肉 一整個滿足感喜歡吃蝦一定要點👍🏻-📍豉汁蒸鳳爪每次吃港式都必點 入口即化口味不會到太辣-📍奶皇流沙包 港式的經典 吃多有點膩鮮蝦餃 吃下來最推薦❤️

傳統節日總係想食返d傳統野食，適逢中秋節於是就決定去飲茶。但係一般茶樓大時大節都肯定會好多人，於是就決定試下呢類茶餐廳式點心茶樓。呢間熱點位置好方便，係正港鐵站隔離，平時都多人排隊，今日就特登早少少過去食。佢地裝修幾特別，牆上有好多香港特式景點插畫，都幾有心思。我地點左照牌既豬麥流沙奶皇包，日鵝夜鵝蘿蔔酥，鳳爪排骨盅飯，金牌蝦餃皇，八寶籠仔蒸飯，仲有雞扎。個豬麥流沙奶皇包造型可愛，奶黃流心好香好熱，推介！日鵝夜鵝蘿蔔酥都係貪佢造型可愛所以點，佢用左天鵝造型，都幾神似，雖然個皮硬左少少，但好足料，蘿蔔亦好滑。其他點心都好好味,八寶籠仔飯材料亦非常多，又大大盤，推介大家有時間去試下！總括而言性價比好高

話說行完半日麥理浩徑，一行6人諗住飲餐茶，係太子附近見到間有人排隊點心鋪，諗住一試佢究竟。一來我地6人就叫左8個點心，一個腸粉，一個籠仔蒸飯，侍應送餐一打開，蒸氣騰騰，食欲拌拌，蝦餃，牛肉，燒賣，粉果，芉角，咸水角，金錢肚，鮮竹卷，叉燒腸，樣樣精彩，夠熱又好味，加上籠仔蒸排骨飯一打開滿滿的蒸氣會使人食欲大增，不足20分鐘已經一干人等食飽晒肚，計埋茶位人頭4蚊都只是2百幾，每人多謝40元有找，實在市區難得等值荀餐。