熱點點心專門店

營業中

休息中

今日放假經過太子，突然好想食點心，盲中中入左熱點，點知發現驚喜～坐低既時候甘岩係下午茶時間，有部分點心都好抵食，例如魚翅灌湯餃同蜜汁叉燒腸。灌湯餃真係有成大塊魚翅，甘平價錢食到都幾抵食,而且湯底夠鮮味，灌湯餃成個拳頭咁大!仲點左蟲草花燉雞湯，意外地好好飲，無落味精，清潤唔咸。瑤柱珍珠雞：好大隻，二個人食就岩岩好，而且入面餡料好多，一啲都無吝嗇。薑蔥牛柏葉：好入味，但又唔會過咸，牛柏葉唔會似橡皮筋甘韌口。瑤柱葉苗餃：面頭有一堆瑤柱，好多菜苗係裡面，咬開既時候多到跌出黎！

香港地道創意點心【#熱點 】蟹籽燒賣王 $14梗係要試吓近排嘅菜式啦大大粒資料餡料都好夠成隻蝦喺個燒賣入邊豬仔鹹水角 $22豬仔造型好得意😎口感外脆內軟 用豬肉碎蝦米冬菇等做餡咸中又帶有一絲甜味豬仔流沙奶皇包 $27熱騰騰嘅豬仔造型包 一咬落去裡面流出金黃的奶皇 好好味呀五指毛桃燉瘦肉 $30味道清甜 益氣健脾去濕 如果成日覺得攰可以試吓飲呢個湯楊枝甘露糕 $24除了有彈牙口感的西米 更有粒粒芒果肉係入面 夠晒juicy 味道一流有茶位費熱點 (太子)太子彌敦道782號麗英大廈地下C號舖

媽媽夜晚突如其來想食點心，見太子呢間熱點都幾出名，所以就帶左媽媽黎飲茶點心款食眾多，有即點即蒸類、腸粉類、煎炸野焗野類、包點類、籠蒸飯類、燉湯、甜品等等，真係幾多選擇我地一共叫左7樣點心，樣樣都想食😂🌟蟹籽燒賣王 （2粒） $1414蚊2粒真係好抵食，正常size不過就啖啖肉，入面仲有蝦仁🌟鮮竹牛肉球 $21最鐘意就係食牛肉球，一籠有3粒，一粒都好大粒，好香牛肉味🌟瑤柱珍珠雞 （2隻）$27呢個真係好平，平時出面食一隻都要20蚊咁制，呢個27蚊都有2隻，仲要份量十足，真係幾多瑤柱。🌟香茜牛肉腸 $24食點心唔小得腸粉，腸粉都有成5份，因為最想食牛肉，所以叫左呢份，食落有酒樓既水準，好滑同軟熟。🌟楊枝甘露糕 $24見到楊枝甘露糕，未上齊都忍唔住嗌，貪佢有幾件同媽媽一齊分，完全冇晒罪惡咁。而家足料，有西米芒果同西柚。🌟蒜香蝦春卷 $23呢個最推介，出黎個陣已經熱辣辣，仲有成4件咁多，入面都幾多餡，點埋醋食真係一流🌟千島醬香脆蘿蔔糕 $29蘿蔔糕鋪滿木魚片同千島醬，蘿蔔糕入口即溶🥰我哋叫咗普洱，啲茶葉好香，衝出黎嘅味道好濃，每位都只係$8茶錢，堂食仲有88折，折完埋單一個人都唔洗100蚊，抵

🫖家鄉炒米粉💵22🍀🍀🍀🍀🍀🍀🍀🍀🍀🍀炒米粉係我同朋友既回憶😆所以要嗌黎食🤪入面有火腿絲、紅蘿蔔絲🥕、椰菜絲、蔥去炒，份量都大份，食落好香好有油香蔥味，亦唔會過鹹，加埋辣椒油仲正🤪🫖熱點蝦餃皇💵16🍀🍀🍀🍀🍀🍀🍀🍀🍀🍀$16有2粒蝦餃，好岩想食蝦餃但唔想食咁多既食貨🤪皮薄餡多，蝦餃皮唔似出面茶樓咁厚皮～蟹籽燒賣皇💵14🍀🍀🍀🍀🍀🍀🍀🍀🍀 $14有2粒燒賣，好大粒，食落重香菇🍄豬肉味🐷但口感有啲老同有啲肥～🫖沙嗲金錢肚💵32🍀🍀🍀🍀🍀🍀🍀🍀🍀 金錢肚好大塊，食落都好爽口又無咩雪味，幾好食但唔夠多沙嗲汁，因為我無咩牙力，金錢肚好腍只係我咬唔開🤣🫖薑蔥牛柏葉💵28🍀🍀🍀🍀🍀🍀🍀🍀🍀🍀牛柏葉個味比較淡，帶啲芫荽同薑味，不過蒸得有啲韌🥲🫖鮮蝦韮王腸💵30🍀🍀🍀🍀🍀🍀🍀🍀🍀 鮮蝦都足料但韮王較少😂腸粉皮厚左少少🤏🏻可以多返啲韭王～🫖豬麥紫薯流心包💵27🍀🍀🍀🍀🍀🍀🍀🍀🍀 因為今日無流沙包，得紫薯🍠流心包，所以試試～$27/2隻包，紫薯流心包以豬仔造型上菜🐷好可愛，好岩小朋友食，個味就淡左啲，不過餡多同埋包既口感好鬆軟～☀️整體而言，熱點個位置勁易搵👍🏻所有食物都即叫即做，同埋都好快上菜，不過職員有啲

早幾年好似開咗好多間全日買點心嘅專門店，但依家好似越來越少見。有時候夜晚都想食點心，就要專登去搵。今次就嚟到呢間熱點點心專門店。雪山叉燒包，叉燒餡個味道唔錯，唔會太甜太鹹味道恰到好處，而且肥肉同埋瘦肉嘅比例好均勻，配埋個包食完全唔會覺得油膩。炸芋頭酥，呢樣嘢喺出邊其他舖頭好少見，佢U2頭嚟做成外皮，個餡入邊係肉碎，好似鹹水角嘅餡料一樣。出邊賺得非常酥脆，中間嗰層又有芋頭嚟嘅軟綿，中間又有肉碎嘅咬口，層次非常豐富。蝦餃燒賣同其他點心都整得唔錯，依家錢亦都非常親民。

收工後突然想食點心依家食點心都唔需要特登去酒樓啦記得搭車經過太子呢一間點心專門店點心款式頗多 環境坐得舒服 二人多數安排卡位 飲茶少不免叫蝦餃燒賣 蝦餃大隻 燒賣厚肉 比起酒樓我覺得哩到好味啲🤪食蝦餃燒賣點少得點埋辣椒油呢♥️沙嗲金錢肚👍🏻金錢肚切得大大塊 沙嗲味濃郁 整塊金錢肚掛汁力高 正😍 蘿蔔亦都好鮮甜雪山叉燒包叉燒包皮薄 入面嘅叉燒餡相對地都算多嘅春風得意腸好怕食腸粉塊皮係一夾就散爛晒春風得意腸就外軟內脆 因為入面加咗脆脆增加左口感 小梨子鹹水角👍🏻樣貌討好 比起酒樓嘅鹹水角炸得香脆亦都唔會成口油食到 鹹水角外皮煙韌 鹹魚蒸雞龍仔飯見到30幾蚊以為係好似一盅兩件嘅size咁一上到枱俾個份量嚇親 呢個份量起碼有三碗飯😂鹹魚兩大塊 鹹香味濃 雞件滑唔多肥膏

今日難得放假就陪亞媽飲下茶，店舖不大位於太子站A出口右轉行1分鐘，門口仲有外賣點心檔外賣，等10分鐘可入坐相比起去大酒樓等成世個number，真係快好多，啱曬我D吾冼急最緊要快ge人，枱上已放點心紙比你剔。亞媽點左佢至愛蜆蚧鯪魚球，魚丸淋身打得吾夠Q彈，我當然叫個蟲草花燉雞湯養下顏，用料十足味道也不錯，蝦餃、燒賣一籠2件/4件，我地叫2件可以嚐其他點心，蝦餃皮簿餡靚蝦肉新鮮，燒賣D豬肉餡夠大夠肉地好有鮮味，值得一試👍🏻春風得意腸，腸皮包著脆網紙中間仲有蝦，上面舖滿蟹子十份好味。香芒炸蝦卷炸物新鮮做唔油好味一流😋雪山叉燒包餡料亦不錯，瑤柱菜苗餃大大隻，鳳眼形上面仲舖滿瑤柱絲，用料一D都吾小氣店舖亞姐服務快手快腳不慌不忙，茶$4位全日免收加一，點心熱辣辣上枱8樣野人均消費$100。小店而言總體是高質👏🏻點心仲系全日供應。

想食點心但一早要返工無得飲早茶，所以放工就過咗嚟食dinner。小店嘅點心係自己製作，食落又真係幾有驚喜！🤩🫖🥢生菜🥬份量多，健康之選～😜蝦餃王🦐蝦餃大大粒而皮薄餡靚，外皮彈牙而且唔黏口，餡料嘅蝦大大隻，彈牙鮮甜😋豬肉燒賣🐖豬肉紮實有鹹鮮味，仲有菇香～小梨子鹹水角🍐外型得意，外脆內黏，餡料係炒香嘅豬肉碎，好食～春風得意卷🫔腸粉皮滑、脆網紙脆、鮮蝦彈、芫荽爽，呢隻腸粉真係好少見，味道同口感嘅層次都豐富！魚翅灌湯餃🐟🥟大大隻，好足料～😄雪山叉燒包🍞叉燒包表皮酥，叉燒餡鹹中帶甜，唔錯！楊枝甘露糕🥭呢個糕嘅食落有芒果同西柚果肉，有酸酸嘅果味，唔會死甜，仲有粒粒西米露，正！以呢個佢作為晚餐嘅句號真係完美！🥰。呢間小店嘅點心都幾高質素，價錢又唔算貴，真係有驚喜。😇日後想飲茶一定會再嚟過，啲嘢食用心製作，新鮮熱辣，好過食啲連鎖餐廳一式一樣嘅點心！😎

熱愛點心嘅我發現咗一間又抵食又好食嘅點心舖，喺太子地鐵站附近都幾方便，叫咗三樣嘢都係$54 ，特別欣賞個雪山叉燒包，熱辣辣好鬆化，叉燒味道幾香，另外個腸粉好滑，不過個燒賣就略嫌鹹咗啲，全部都係即叫即整，都幾好食。

今日做完運動經過太子，見到間又平又抵食嘅點心。好肚餓嘅我同朋友就入咗去食。呢度點心種類好多，亦都好多有得意嘅造型。先嚟咗兩隻蝦餃。呢度有樣嘢好，就係蝦餃可以兩件咁上，有時一款點心上太多，真係食唔到多幾款。之後上咗個北菇棉花雞。好香嘅冬菇味，啲魚肚索晒啲雞嘅味道，非常好食。呢個鹹水角個樣好得意，入面係啲豬肉粒嚟嘅，鹹香得來又香口。我覺得最好食係呢個春風得意腸，入面係脆嘅。我哋仲叫咗灌湯餃，粒餃子好大粒。最尾叫個甜品就係楊枝甘露糕，唔太甜。

同朋友行街，行開附近，話想飲下茶，就近黎左呢間點心專門店。因為飯點原因，都基本full左，需要等一陣。睇菜單，價錢唔算貴，大眾價，甘就要睇質素先見真章。例牌蝦餃，燒賣，鳳爪。呢度要讚一下蝦餃燒賣都可以兩件起叫，十分人性化。鳳爪好唔錯，入味夠冧。瑤柱菜苗餃強烈推薦，瑤柱的鹹香搭配菜苗的清新，好鮮味。朋友見到個豬仔好得意，又叫左一份，紫薯流心，甜而不膩，唔似奶黃流心甘膩。平時楊枝甘露就飲得多，糕就真係第一次見。梗係要試下啦，都強烈推薦啊，個人感覺比飲品仲要有層次，而且清甜而不膩，讚！！！距地燉湯都好唔錯，叫左個海底椰清下熱，感覺無味精，有阿媽燉湯的水準，都好難得。總括價錢大眾化，點心質素夠水準，都無得輸。

之前叫過外賣，幾好食，打算試試堂食。叫咗幾款點心，好快燒賣就黎咗...點知中間係生既！說好的即叫即蒸呢！同侍應反映，有換過碟，但心情好差😓食咗半粒生豬肉燒賣落肚！其他點心都正正常常，燉湯偏淡，雪山叉燒包好好食。食哂所有野，但蝦餃仲未到。問侍應可唔可以取消，佢話整緊，好快有。ok！佢一入廚房就即刻拎籠蝦餃出黎，但一入口凍既，連個餡都凍！叫侍應取消籠蝦餃，埋單走人！真係食到火滾！燒賣生既！蝦餃凍既！仲話自己係即叫即蒸！絕對唔會再幫襯！

今日午餐去左 熱點 點心專門店食點心。地點就喺太子站一出行一分鐘左右。座位好闊落，點心選擇都幾多，仲有豆漿。我同朋友兩個人一齊食，蝦餃燒賣有得揀兩件一籠。我地叫左蝦餃，燒賣，瑤柱菜苗餃，小梨子鹹水角，鮮蝦韭黃腸，蜂巢芋頭角，雪山叉燒包。仲叫左一杯紅棗桂圓豆漿同一杯燕麥薏仁豆漿。蝦餃皮都幾煙韌，而且蝦嘅餡嚟算好鹹。燒賣幾有驚喜，有咬口，味道剛剛好，好食。瑤柱菜苗餃，賣相好靚，瑤柱鋪滿喺面，菜苗夠軟熟，好睇亦好食。小梨子鹹水角，顧明思義，鹹水角係梨形，外皮外脆，咬落煙韌，餡唔會得肥豬肉，而且沙葛仲幾有咬口。鮮蝦韭黃腸，皮幾滑，但比一般嘅腸粉較厚，韭黃好香，而鼓油另上，唔點豉油都幾夠味。蜂巢芋頭角，同樣賣相好吸引，咬落去仲係熱辣辣，芋頭好香，份量都幾多，滿滿都係芋香，外脆內軟。雪山叉燒包，包外面甜甜地好軟熟而叉燒味都好出，咬落叉燒碎加埋叉燒醬好好食。豆漿熱飲較香濃，燕麥薏仁較清新，紅棗桂圓豆漿就多左份清甜味。

🔺 熱點 (太子)放假慶祝做業主🥳🥳傾完裝修勁累，求其落街食d 野，見佢opemrice 食評唔錯就揀阻呢間點心試，不過就麻麻地😅😅下次可以試第2間～🔻煎蛋牛肉飯（$27)蛋黃過熟，冇得篤穿佢流蛋黃液落飯到，牛肉d芫茜過多，食唔到牛肉味，比芫茜味蓋過晒，飯就冇乜突別，吸唔到餸菜味。🔻棉花雞（$32)有骨既雞件3小舊，有一舊冬菇同埋3舊'棉花'😂汁底偏油，冬菇入味既，不過份量就少阻d~🔻鮑魚汁鮮竹卷（$23)好似得層腐皮食咁，入面勁少餡冇野食，汁都冇幾滴，7仔d 叮叮鮮竹卷仲好食😂🔻春風得意腸（$36)入面個脆脆整得好硬，又唔算唔好食，不過就真係好普通～🔻雪山叉燒包（$19)一碟有有2個，由於岩岩出爐急得濟食阻唔記得影相😂佢熱辣辣，個包都軟屬，但叉燒儕較少。🔻千島醬香脆蘿蔔糕（$29)呢個係我唯一一樣覺得好食既😂估唔到千島醬同蘿蔔糕都幾夾，面頭再加阻d 木魚絲，食落好多章魚燒咁幾得意～總結：環境方面坐位都幾迫，d 姐姐出出入入係咁撞到我張凳都幾唔舒服😢

太子，旺區中嘅旺區。幾條街就有幾間點心店。依間就係正彌敦道，所以最易去。人流好多，平日10點幾都full 哂。入面咩年齡嘅人都有。menu 都係tick tick tick想食咩就tick.唔算太多種類，應該有嘅都有。爆哂，要坐細檯蝦餃，皮唔厚，入面足料餐廳推介瑤柱菜苗餃好足料，勁多瑤柱係面，有d 菜食，感覺健康燒賣，大粒，正常發揮黎d 得意野。唔太常見春風得意腸，腸粉包春卷。手工菜，好食。有芫茜，唔食芫茜嘅朋友要留意下。最後小飲湯水就叫個燉湯飲吓足料，唔太油，冇味精。$30