熱點點心專門店

營業中

休息中

而家飲茶都覺得困難，好多間飲開嘅都執咗，好彩呢間未執，喺太子地鐵站隔離夠晒方便，之後就去花墟買花，寫意嘅一天。茶位 $4/人雖然今次溜咗幾次單，但呢度啲點心即叫即蒸好夠熱，加返分！正價點心： 點心到：雪山叉燒包兩隻$19必食推介！好熱好新鮮，雪山薄身酥脆香口，包皮又係夠薄唔會飽滯，包餡唔會得啲醬同肥膏，好食呀豬仔鹹水角兩隻 $22幾得意，唔太油，外脆內煙韌，甜甜哋再加咸咸哋嘅肉餡又幾好味魚翅灌湯餃$39湯餃嘅料都飽滿，而且真係有魚翅架！落埋醋仲提味熱點蝦餃王 兩件$16大大點塞滿蝦，蝦肉爽口有鮮蝦香，唔錯喎蟹子燒賣王兩件$14都係大大粒，豬肉餡有肉汁，頂部仲有蝦肉同蝦籽添！虎皮煎釀尖椒$22有四大條，即煎好熱辣，魚肉香口，尖椒辣辣地加埋鼓油好味蜆蚧鯪魚球$26又係即炸好新鮮漲卜卜，彈牙有魚味，但個蜆蚧就太稀啦蟲草花雞粥$26好大碗！比一般更大碗！4-5人share都ok 喎。粥煲到帶金黃色代表雞肉係連粥一齊煲，粥真係好味好多！粥入面啲雞件同蟲草花比預期多，呢個價好抵食豆漿兩杯$24唔飲茶的話仲有豆漿選擇，用紙杯上，飲唔晒拎走都方便

🔥☀️熱點☄️💥 地址 ：太子彌敦道782號 麗英大廈地下C號舖對面 *･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*喺繁華鬧市嘅太子入面都有間飲茶嘅好地方裏面先用咗反射光嘅原理用咗玻璃同埋白燈光一入去嘅感覺就係 精神！😆裏面兩邊嘅窗上面有特色香港飲茶嘅壁畫兩邊主要係卡位 中間有少量係2-3人位唔好聽到飲茶就以為裏面剩係得老友記現場所見都有兩成係後生仔兩三成係中年 加上有創意既點心 都吸引到年青人例如紫色嗰個豬豬奶皇包薑汁千層糕幾特別 煙煙韌韌韮王鮮蝦腸 蝦🦐🦐🦐🦐大大隻雪山叉燒包 必試 有啲似鍋貼版嘅菠蘿包但係個餡係叉燒🤣🤪茶位先至$4一位 😙😙另外想講一講佢有玄米茶 好飲 清新下午茶時間去仲加抵食返電話外賣自取有九折

之前行過見呢度開咗間點心店，只知近花墟果邊有，今日上openrice見呢間有造型點心，且評價都ok，所以今日嚟試吓……呢度吾大，都幾迫，不過二人坐最角落單邊卡位都好ok……豬仔造型流心奶皇包（＄27）～得意，夠熱辣辣，夠流沙，好食潮州粉果（＄17）～皮薄都算多餡，正常豬仔造型鹹水角（＄22）～豬仔樣得意，香脆好好食鳳爪排骨飯（＄19）～正常嘅味道糯米包（＄23）～好耐冇食，夠熱，有啲黏糯感芋角（＄24）～又係好耐冇食，外鬆化內軟，好食呢間啲嘢食吾錯，地方就細啲、枱較密，好彩我哋坐角落位……

每經過太子附近，又到下午茶時間，我都會幫襯熱點點心，嘆番個中式下午茶。下午茶的點心，大部分都係減兩蚊左右。但係灌湯餃原價40蚊，在下午茶時段， 29蚊就可以享用。 招牌點心， 莫過於春風得意腸粉。 下午茶時段冇得減，維持三十六蚊一碟 外軟內脆 十分美味， 必食。芋角，亦都係我每次必食之一， 外面炸得鬆化，裏面熱辣辣。雪山叉燒包， 出品日不錯。至於牛肉球亦都係新鮮滾熱辣， 但係味道都係 一般。茶錢每位多謝四蚊， 冇加一。

豬豬包流心好正唔會太甜 甜度適中 鬆軟 食時候要注意d相對於蝦餃🦐我更喜歡燒賣因為足料正宗 一口可以一塊 裡面有冬菇豬肉 外面魚子真係好正宗金錢肚算足味底下係油渣 很入味 一定要忖熱🔥食咪凍左韌度加深 至於鳳爪去飲茶🫖我一定要叫 所以都係要熱食最好 味道不錯😌唔會太霖 平時我唔會食叉燒包但係今次我卻破例覺得突然叉燒包都幾好味 主要可能因為佢的外皮脆又甜甜地 雞湯方面差d火候如果煲耐些就更好了 蛋散也許一開始就凍？我覺得過甜 我開始以為會脆口點知竟然黏黏痴痴真係估唔到

食點心真係一流，基本上想食嘅嘢都可以有齊晒！所有嘢都黎得好快而且我覺得值得一讚嘅佢地既店員😚！店員佢哋都好Nice～都會推介下呢度嘅點心邊樣好食。平時出邊飲茶嘅話茶錢都差唔多$8到一位，但係呢度$4一位茶！真係好平！所以都可以嚟呢度食～真係幾推薦呢度嘅雪山叉燒包🤣～個人來講真係勁鍾意🤣🤣我同朋友黎叫左咁多都係180幾😂😂都幾抵食！☀️蝦餃開價都幾大粒，覺得比平時酒樓食嘅大dd🤣幾正🤪🤪🌙 鳳爪️ 份量正常，鳳爪都幾入味🤣唔錯唔錯🌟 燒賣 呢度既燒賣既菇味比較重，中意食菇既都怕幾中意，所以都Ok🤩☀️雪山叉燒包雪山叉燒包唔係度度都食到，好開心呢度有得食，都仲幾好食！係脆脆地既！同埋入邊既叉燒都唔少！真係要食！！！🤣🤣🤣️🌙豬麥流沙奶黃包見佢幾cute咁，同埋有個like會推介，咁就要試下佢啦😚咬一啖真係流沙！！好正！朋友第一啖咬得太大啖，搞到漏哂出黎😂😂🤣所以我醒目細細啖，咁先影得到😝😝🌟蟲草花燉雞湯突然想飲下湯，見到呢度好似5錯同埋佢寫埋d功效，即刻吸引左😂！所以叫左呢個，飲落似有家的味道，都幾好😚入邊仲有好多料，證明到真材實料既🥸☀️蛋散同出邊嘅味道都係一樣嘅，係因為見好耐冇食所以又想試吓😂

地鐵旁邊一家點心店，小小的，點心有創意，口味不錯。環境一般，座位小，但茶位費也比較便宜。招牌的雪山叉燒包，和旁邊那家米其林也差不多。小豬流沙包特別好吃，要小心燙哈哈。排骨鳳爪飯也不錯。性價比高，值得常去。

今日plan左同老友行山，上山前一定要食足先起行，晨早流流最好緊係飲啖茶食個包啦今次就黎左呢間熱點飲茶食點心，環境都唔錯，好乾淨，用既係傳統茶樓用既碗筷，就算唔係去茶樓飲茶都好有feel，而家呢到又無茶樓咁嘈咁亂，非常好點心款式都好多，仲有幾款自創食物最得意係呢個豬豬流心奶黃包，好得意好有心機唔止好睇仲好好味，入面啲奶黃勁流心又勁多，高質另一個值得一提既係呢個春風得意腸，有少少似炸兩，外層係腸粉，包住入面一層脆片，入面係鮮蝦，勁有口感八寶飯，鳳爪排骨飯升級版，勁大份仲要勁多料，除左鳳爪排骨仲有雞、豬肉碎、臘腸、冬菇，一次滿足你多個願望其他食物都好高質，而且價值一啲都唔貴，性價比極高，極度推薦！

成日經過太子都會見到呢間點心餐廳，雖然外表唔算起眼，但聽講入面既點心都相當有水準，咁就膽粗粗同朋友去試下啦店入面既裝修唔算話好華麗，但勝在簡潔乾淨，員工都熱情有禮。熱點蝦餃王（8/10） 蝦餃皮晶瑩夠晒薄，入面餡料十足，大大隻蝦咬落去夠彈牙又Juicy，認真唔錯春風得意腸 (7.5/10) 聽個名都唔係好知咩東東，但食落去好有驚喜，外面薄薄一層腸粉皮，包住炸得金黃酥脆既春卷皮同彈牙既蝦膠，口感十分有層次，好味！ 豬仔鹹水角（6/10） 呢款豬仔鹹水角賣相十分可愛，外皮酥軟煙韌，入面既豬肉餡料唔會太鹹，足料！豬麥流沙奶黃包(8/10) 又係另一個打卡可愛既造型，可見師傅係點心造型上面好有心機，唔好以為佢好睇唔好食，一啖咬落去，濃濃既流沙餡湧晒出黎，散發住淡淡的鹹香，絕對推薦！但記住食個時要小心燙傷哦

花墟睇完花 係附近周圍行下見到呢間餐廳見到佢價錢幾平 就試下 不過佢一籠就得2件 唔係酒樓係開既3件蟹籽燒賣皇 $14拍得住酒樓既燒賣 食落去啖啖肉 有油香味 佢肥瘦做得岩岩好香茜牛肉腸 $24腸粉幾滑口 牛肉新鮮夠滑豬仔鹹水角 $22真係整到成隻豬仔咁 幾得意豬麥流沙奶皇包 $27 好得意 見到人地點 就跟住試下 味道都好好 流沙

粵式點心是粵菜中重要部分，它收納了嶺南小點的精髓，吸取了各大菜系及宮廷菜的技術長期發展而來，所以吃點心就是吃了中國菜的精髓，吸收了各方營養，享受了各地文化，超值💰。我很喜歡飲茶吃點心，但發現近年香港的點心普通達不到要求，可能是我年紀大了，嘴刁了。看到開飯網這麼多推薦，特意來試試。想不到平凡的店面，點心卻是出奇的好，我們選了各種各樣的點心七八種，樣樣都非常好吃，而且價錢便宜，服務熱情，全店滿座的情況下，店員態度都很好，盡快滿足我們的要求。特別推薦雪山叉燒包，熱乎乎的上桌，味道鮮美不膩，吃完覺得不夠。魚翅罐湯餃也很好，真的有一排魚翅在湯裡，決不欺客，份量不少，湯甜餡美，喝完暖了身子，飽了肚子。另外還有蝦餃，燒賣，香芒海鮮卷，芋角，豆苗餃，揚枝甘露糕都做得頗有水準，是飲茶吃點心的好地方。

早幾日同老公及亞媽去太子煤氣公司買煮食爐, 見到有間食點心嘅餐廳, 就入去醫肚.雪山叉燒包, 白雪雪而又酥化嘅外表好吸引.蜂巢炸芋角, 炸到金黃色, 餡料十足, 好味傳統嘅蜜汁叉燒包, 一籠有 3 個, 熱辣辣, 蜜汁味夠濃.熱點蝦餃皇, 應該係鎮店之寶, 一籠 2 隻, $16, order 兩籠 $30, 抵食 d, 大大隻嘅蝦肉夠彈牙香茜牛肉腸, 薄薄嘅腸粉皮包住碎牛肉, 夠爽滑.甜品係我最愛, 檸蜜炸蛋散. 蛋散炸很通透又酥脆, 上而嘅芝麻加上沙糖更帶出味道 嘩, 未見過咁大籠馬拉糕, 熱辣辣, 軟綿綿的, 好有口感.薑汁千層糕, 陣陣嘅薑汁味, 煙煙靭勒的, 唔會太甜, 味道剛剛好.北菇滑雞飯, 唔油膩, 雞肉又多又滑.擺滿成張枱 唔使加一, 坐足一個鐘, 埋單每人一百

市面而家新興好多點心專門店，咁啱喺太子呢頭做完嘢，經過呢間點心店喺外面見到有孖寶，好似幾ok,入去先知係外賣。睇點心紙，點心唔平，但開咗位，唯有剔咗個蒸點同盅頭飯。茶係茶包 盅頭飯飯係熱上，但份量就較少，拎起啲雞肉同舊冬菇，個飯得一半都無，太多味精，飯當然唔係靚米。蒸點餃皮太厚同濕，菜苗份量可以，蝦肉尚算大隻👌食到一半，侍應攞張下午茶點心紙嚟，早知等多陣食下午茶啦總結：呢度環境係茶餐廳格局，坐位逼狹，冷氣又太大，可取是點心係熱上，但味精太重，咁嘅地方、環境、食物同價錢，絶對有更好嘅選擇！

每次經過都想食好耐！係好傳統嘅茶樓 真係買少見少🥺🥺係剩返好少既舊式啲既茶樓✨雪山叉燒包外面係酥脆 個皮好脆 同埋裡面啲叉燒好足料 香甜又好味個包口感好好 極推 出面食唔到！流沙奶皇包真係流沙架！好多都呃人 但佢真材實料 同埋好重奶黃味 唔係死甜！而且造型好得意係豬仔😙鮮蝦菜苗餃😋入面好多菜！！蝦都好大粒，好足料燒賣😋必食！係經典茶樓既燒賣😋蝦餃😋好大隻蝦 飲茶基本上都必食仲有呢個春風得意腸 好搞笑既名出面係腸粉皮包住入面係鮮蝦、粟米、蟹子、芫荽口感同個味道都好豐富 樣又靚識落又正必叫！！！😋 整體上，所有嘢食都好好食而且價錢唔會好貴 除翻開每人都係$70-$80建議一定要試嘅係奶皇包😙叉燒包 同埋腸粉👍🏻👍🏻推！

同爸爸飲茶，揀咗間係屋企附近，即叫即蒸嘅茶館。熱點蝦餃皇蝦餃同燒賣都係呢度嘅招牌，而且可以兩粒咁樣叫，就可以試多幾款食物，蝦餃皮好薄，入面有原隻蝦，而且非常彈牙，好鮮甜。蟹籽燒賣皇餡有蝦、蟹籽同埋豬肉，非常新鮮，肉質彈牙。鮮蝦菜苗餃餃皮薄餡靚，有大大隻蝦，菜苗好新鮮，幾值得食。魚翅灌湯餃有一舊魚翅，湯底好鮮甜，灌湯餃皮都係好薄，內餡有豬肉、冬菇等，好豐富。蜜汁叉燒腸叉燒餡好多，好香。腸粉皮唔會太厚，而且好滑。蜆介鯪魚球新鮮炸起，熱辣辣，外脆內軟，而且好彈牙。蒜香蝦春卷炸得好脆口，蒜香唔算好濃，但配搭蝦肉好香口！八寶籠仔蒸飯有8款材料，鳳爪、排骨、芋頭、臘腸、雞粒、肉燥、冬菇粒同粟米，好豐富，尤其加咗臘腸之後。而且係用咗荷葉蒸飯，食落好香，有淡淡荷葉味。