影片
更多
2023-02-04
908 瀏覽
2月4日星期六，14：55拎飛仔，2人一起到拎的，間中平日都會嚟食，正常咁等位，這裏座位比較少所以等一陣正常的，但今日嚟到真的一肚氣，門口等叫入座，叫到26，有2個26號走出嚟佢寫錯咗又話唔係佢寫，唔知邊個寫，佢問我哋邊個嚟先，其實我記得係我嚟先，但我唔確定，另一個26號又唔敢講佢嚟先，剛巧同行友人行咗去轉角位食煙，我話去咗食煙即刻返嚟，咁對方2個喺度，是但啦讓佢先冇所謂，我話下一張啦，我叫佢行返過嚟～下一張到我嘅我咪坐低開茶先，食煙最多咪5至10分鐘，咁就繼續等一陣，後面有27 28 29，係到2-3分鐘的，我友人留言我去埋廁所先返，咁我同佢講咁我坐低先，跟住有位再叫問我個返嚟未，都唔畀我入，仲要態度鬧人咁樣，直接就叫後面27 28 29入，咁頭先重複咗26嘅時候你唔同我講一定要等到你個同行友人返嚟人齊先入得，只係兩個26號畀咗人先，頭先你同我講一定要見到2個喺曬度先入得嘅咁我就走啦，使乜企喺門口繼續等
張貼
