熱點點心專門店

營業中

休息中

今日想同朋友兩個去歎茶，所以就試左呢間有唔少好評既點心專賣店，門口見有裝修幾懷舊，環境都幾乾淨衛生，我地兩點去到，竟然平日呢個鐘數都坐滿人，咁我地應該無揀錯店舖好有懷舊feel,簡單得黎都幾搶眼坐低就睇下有咩點心食，發現都幾多款，選擇都唔少，有好多款點心都好想試最我地點左一個飯，六個點心，飽到上心口豬嘜流心奶黃包係我最想食，因為佢個外型真係好可愛好吸引，唔試都唔得，唔好以為佢得個樣，一咬就爆曬餡，流沙奶黃好香好滑，中意流沙包既絕對值得一試之後食左蜜汁叉燒腸，佢一上菜就香噴噴，仲要d叉燒多到凸曬出黎，足料到咁真係良心之作，腸粉外皮夠滑夠薄，叉燒每啖都會食到鮑汁鮮竹卷以為普普通通無咩特別，點知一咬先發現入面有肉，配鮑汁好惹味，咁既價錢除左有質素仲好抵食下次一定要encore 最驚喜係灌湯餃，竟然真係有魚翅，唔係用粉絲扮真係一大舊魚翅伴灌湯餃一齊上，湯餃入要有蝦有蟹柳有肉，好足料，湯係精華所在，睇落好清但味道好濃，而且重點係無加味精，配少少醋吊味已經好好飲，我地一人一啖好快就清左，好正蟹籽燒賣皇都係無得彈，蝦好大粒又爽口彈牙，豬肉半肥瘦，配合得好好，最欣賞係可以點兩粒或四粒，一般去酒樓人少想

臨近9點仲有一間營業緊嘅點心，真係好感動！位置好方便，食完過對而就有巴士站店入而嘅壁畫非常吸睛，環境乾淨，店員好有效率！選擇唔多，想食都但樣樣都係我想食嘅野，最基本嘅嘢食都齊雪山叉燒包上邊脆皮超級脆，入邊嘅叉燒夠熱，夾埋一齊簡直完美依家好難食到芋角，仲要係新鮮滾熱辣，好大舊超滿足第一次食楊枝甘露糕，有少少似芒果布甸但入邊有齊柚子西米等等蝦卷入邊有芒果，加埋一齊食有啲日式風味～呢間點心最值得讚嘅就係迷你燒賣同蝦餃，每籠都有兩粒兩個人食啱啱好一人一粒，又可以留肚試多一樣點心啦春風得意腸意外地好用心，上面竟然仲有蟹子，加埋一齊食好正雞紮好飽滿，入面超級足料，首先有卷左2圈嘅腐皮，包住入面有芋頭，仲有一大舊冬菇，當然仲有雞，好大份好抵食！

係太子行完，見到呢見咁傳統嘅裝修，確定入去食個點心飲下茶。見到咁多款點心食，唔知揀咩好。雪山叉燒包好得意。上邊脆脆，入邊熱嘅叉燒包。口感豐富。蝦餃可以揀兩粒。啱晒兩個人食。蝦餃好新鮮，口感彈牙，呢個好好味！鮮蝦腸係啖啖都係大蝦。腸粉厚身有令身。睇到好開胃。腸粉整得幾好味，最重要係蝦大大粒同新鮮。跟住叫個沙爹金錢肚。濃味嘅沙爹汁已經滲透金錢肚。好惹味。質感依然彈牙爽口。醬汁鳳爪都整得好夠味。滿滿吸啲皮出黎，好正！燒賣都可以揀兩粒。又係夠新鮮。新鮮嘅野簡簡單單都已經好好味。鮮蝦菜苗餃個味道好夾。菜苗嘅甜味加埋鮮蝦鮮甜味。呢個一定要食。珍珠雞好濃郁嘅荷葉味。乾身又夠香。食完已經好飽。飲杯茶吹下水。今日好滿足。

今日同媽媽去完花墟買啲花💐晏晝最好就係悠悠閒閒食返幾個一盎兩件所以就決定黎呢一間點心專門店嘆返個下午茶😋.🌟熱點蝦餃王(2隻) ($16)食點心一定要食蝦餃🤪蝦餃皮薄又晶瑩通透 見到入面大大隻蝦🍤一啖咬落去仲有汁係入邊.🌟蟹籽燒賣皇(2隻) ($14)另一樣必點嘅就係燒賣蝦同瘦肉嘅比例非常好面頭仲落左幾多蟹籽😚.🌟香茜牛肉腸 ($24)至於牛肉腸粉皮都夠薄食落滑溜 牛肉餡都好多 調味唔錯😙.🌟豬仔鹹水角 ($22)呢個鹹水角造型成隻豬仔 整得好神似!🐖睇見都真係唔捨得咬落去🥰而且仲係即叫即炸 入口脆卜卜.🌟豬麥流沙奶皇包(2隻) ($27)呢間店睇黎特別鐘意小豬 連奶皇包都係豬嘅造型🐷咬落去滿口都係流沙奶黃流出來睇得之餘味道都好好🤗.🌟八寶籠仔蒸飯 ($49)其他嘅酒樓好少見呢個飯🤩八寶飯嘅材料包括鳳爪、排骨、雞粒、肉燥、冬菇粒、臘腸、粟米、香芋粒佢嘅特別之處在於用上荷葉墊底 所以啲飯都有荷葉清香成個飯份量好多 所以好抵食而且一次過可以食到咁多餸 真係好滿足😋.🌟魚翅灌湯餃 ($40)估唔到灌湯餃入面真係有魚翅而且仲大大隻，差唔多有手掌咁大.呢間鋪頭嘅點心都係即叫即蒸 每樣上台都係熱辣

今日喺旺角行街，行來行去都唔知食乜好，我諗諗下記得太子嗰邊有一間點心想食好耐，咁就行咗去，間熱點點心專門店就喺地鐵站側邊，但去到都幾爆下，，，一坐低就問飲咩茶，，好有茶樓既感覺，，，但佢好特別，有玄米茶。我哋叫咗熱點蝦餃皇，蟹籽燒賣皇，鮮蝦菜苗餃，沙嗲金錢肚，春風得意腸，雪山叉燒包，家鄉鹹水角同埋楊枝甘露糕。首先上既係熱點蝦餃皇，，啖啖蝦肉，而且皮薄而鮮蝦菜苗餃，蝦肉都好大粒，正，之後就上左春風得意腸，，，呢個幾特別，，，有d似個d超市賣既卷，但佢用腸粉包住，，正，沙嗲金錢肚，，，，份量比平時食開既茶樓都多小小，，，味道幾好，，，咸水角剛剛炸好，，，外皮軟熟，，，而個雪山叉燒包更加要趁熱食，外皮鬆脆正，最後就食個甜品楊枝甘露糕，，不太甜，，清清地幾好，，，岩哂我呢d身型既人仕，，，點心整體很不錯，，而且價格唔算貴

好耐都沒有出來做過瑜珈難得同朋友約到時間一起出旺角決定食個下午茶先去做運動行到太子見到一間叫“熱點”點心鋪入去先發現茶位$4/人仲要全日免加一都好抵食熱點蝦餃皇$16皮薄餡多一口咬落啖啖蝦肉好彈牙仲有些小汁好鮮甜蟹籽燒賣皇$14大大粒嘅燒賣一啖咬唔晒啖啖肉好滿足臘味糯米包$23第一次見糯米包覺得好新奇上到來係一個個包咁皮超薄一啖咬落似食緊糯米飯幾得意鮮蝦韭王腸$30每一件到都有大大粒蝦皮都幾滑不過就韭黃少左d醬油就分開來上鮮竹牛肉球$21牛肉球入面仲有馬蹄比較多汁醬汁蒸鳳爪$21鳳爪十分之軟爛幾入味唔需要點咬就已經脫骨家鄉炒米粉$22炒米粉係每次飲茶必叫米粉炒得岩岩好一啲都唔會油食得出係即叫即炒分量仲要好大碟蒜香蝦春卷$23一上來見到個樣就覺得好好味岩炸完就送出來趁熱食真係好香脆豬仔鹹水角$22個造型超級得意有d唔忍心食落肚個外脆內軟內餡鹹香中帶甜味📍 熱點 (太子)太子彌敦道782號麗英大廈地下C號舖

前幾天晚飯時份經過太子附近，見這間點心專門店有不少客人，心想應該不會中伏，便進去大胆一試，怎知真是只此一次，沒興趣再幫襯了。點心水準一般，沒有驚喜：魚翅灌湯餃 – 餡料不多，無味鳳爪排骨飯 – 說鳳爪必食，但味道一般，飯嫌略乾蝦餃皇 – 標榜蝦餃”皇”，隻蝦應該有翻咁上下，但真實 SIZE 令人失望燒賣皇 – 口感一般，只能叫燒賣，不值叫燒賣”皇”豬嘜流沙奶皇包 - 這個外貌有趣，不過不失食物質素一般，坐位擠迫，近牆壁的雅座還好，如坐在中間位置感覺十分差勁，眼見有不少被安排坐在中間的食客，都要求調去雅座卡位。這裡勝在價錢相宜，可是侍應服務差勁，安排坐位先後次序混亂，侍應沒禮貌，上點心時經常粗心大意把餸汁弄污檯椅，甚至弄污食客衣服，當晚眼見還因此與食客起爭執，而侍應的態度卻十分惡劣。其實太子附近都有幾間不錯的點心專門店，坐位較寬敞，服務也不錯，吃東西的環境會影響心情，所以，應該不會再幫襯這間食店了。

對於我呢啲唔鍾意食飯嘅人來講，食點心就啱晒，所以平時都會發掘邊度有點心舖好食❤️‍🔥今次去咗太子一間有霓虹燈，好搶眼嘅點心舖，位置好方便，太子站A出口行幾步就到。一睇menu，點心價錢比其他地方平，而且燒賣同蝦餃可以揀2粒或者4粒，咁我哋就可以試多啲唔同嘅嘢食～見到舖頭仲有啲特色養生嘢飲，啱晒冬天👍🏻一場嚟到梗係要嗌招牌嘅雪山叉燒包、豬仔鹹水角、蜂巢炸芋角，全部炸嘢，食得好滋味！值得一讚鹹水角除咗外型精緻，餡料亦都好足，唔會剩係得層皮。成餐飯最好食我覺得係芋角，咬落去好鬆軟，一定要食！之後仲嗌咗燒賣、蝦餃、鳳爪、排骨、鮮蝦菜苗餃同埋蜜汁叉燒腸，鳳瓜夠稔， 蒜味好出，難得地望落好有光澤。菜苗餃都幾出色，啲菜多到爆，可以平衡返食咗成餐肉。最後甜品就叫咗薑汁千層糕，勁鍾意食薑嘅我就略嫌薑味唔太重，口感煙韌搭夠，再飲多幾杯茶話呢餐寫個完美句號。總結來講呢間點心舖嘢食味道係中上，而且價錢十分之抵，我見到佢仲有好多套餐可以揀，而且仲有湯水飲，茶錢只係每人$4，下次一定會再幫襯！

夜晚放工係附近經過，又想飲下茶食下點心，就入左黎呢間。熱點蝦餃皇2隻（$16）：蝦肉包得好飽滿，皮薄餡靚，而且蝦肉彈牙，新鮮蟹籽燒賣皇2隻（$14）：size好大粒，豬肉新鮮，蟹籽份量多，啖啖肉好滿足薑蔥牛栢葉（$28）：每塊牛栢葉好大舊，而且爽口彈牙，個底仲有啲豆卜，吸晒啲精華，好食沙嗲金錢肚（$32）：好香牛肚味，而且可以將沙嗲汁掛晒係啲牛肚到，每一啖充滿住香而不辣嘅味道，岩晒食唔到辣嘅朋友春風得意腸（$36）：好香脆炸得，出面用啲腸粉包住，外軟內脆，層次次感豐富，而且上面加左啲蟹籽，增添脆卜卜嘅口感豬麥流沙奶黃包2隻（$27）：外觀豬仔樣幾得意，個餡非常流沙，而且要趁熱食先有流沙效果！最中意呢個！鳳爪排骨飯（$27）：飯蒸得好香，排骨好冧，而鳳爪亦好大隻，一個人真係食唔晒！要兩個人食先得呀！雪山叉燒包2個（$19）：外面焗得好香脆，而叉燒份量好充足，個餡非常熱，食落去真係要預心熱，size勁大隻，食完好滿足蟲草花燉雞湯（$30）：飲落去好香蟲草花味，好滋補，而且湯渣都好多，最緊要係雞髀肉黎架！拍得住屋企煲嘅老火湯！千島醬香脆蘿蔔糕（$29）：煎得有金黃焦香嘅味道，配埋千島醬+木魚

呢度啲嘢食上菜速度都幾快, 全部點心都係即叫即蒸, 大約等十分鐘左右啲點心就會陸陸續續上到枱呢度啲蝦餃同燒賣可以兩粒, 兩粒咁叫, 可以食多啲款式蝦餃裏面啲肉同埋啲蝦都幾飽滿, 絕對冇偷工減料糯米包唔係度度酒樓都有㗎, 呢個懷舊小食吾錯, 裏面啲糯米飯煙煙靭靭, 又夠飽肚楊枝甘露糕, 適合啲飲完茶食完點心, 想食下啲甜品嘅朋友, 一碟有三嚿, 份量都唔少, 足夠2个人一齊食呢間餐廳冇加一, 而且茶錢係4元一位, 所以價錢會比一般嘅酒樓平啲

疫情下，給予膠盆先洗濯碗筷茶杯，令食客安心。👍🙂 茶錢 每位 $4 都算比起市價平好多～ 抵飲食物最美味是剛煮好，熱辣辣上枱即食 👍 餐廳熱點就拿捏得好好 😋😋 熱點係冇改錯名嘅，溫度造就味道我就食咗下面呢啲：1）即叫即蒸蝦餃，有兩隻裝 👌2）即叫即蒸燒賣，也有兩隻裝，不是傳統四隻裝，給予一至兩位的食客也可有得選擇。份量唔算超級大多，就一口燒塄我感覺，唔會太濟3）傳統的叉燒包 👌4）千島醬香煎蘿蔔糕 😋😋 呢個幾有創意，第一次食蘿蔔糕，會有日本木魚絲，見到佢哋跳舞，好興奮😆5）皮蛋瘦肉粥 😋😋 皮蛋瘦肉粥，煲得好靚，我同媽媽都食清光。不過，我望見隔離枱嘅客人，上山嘅時候，會係已經落咗胡椒粉。餐廳都好大方，會禮貌咁幫佢換返，但下次都可能係講定聲好啲餐單上，有幾款點心都很吸引，好想下次可以試食的，分別是五指毛桃燉湯、蟲草花燉湯、雪山义燒包、蜂巢炸芋角、虎皮煎釀尖椒、藥膳燉鳳爪，這幾款。

係太子區返工真係好多嘢食，平時多數都係食茶餐廳，但係今日去咗飲茶，因為平時經過呢間舖頭都好多人，外面望入去又乾淨，同埋門口見到啲價錢一啲都唔貴，好大眾化。叫個點心盅頭飯都係$25，其他點心都係十幾蚊一碟真係覺得好抵店員好有禮貌招呼我地入去，入到去見到好多卡位，已經坐滿晒人，不過地方都好闊，落坐得多比較舒適。炸芋角，外面炸到香脆熱辣辣，咬入口好香，好多肉汁，芋頭同啲肉配搭得啱啱好👍五指毛桃燉瘦肉湯，啲湯燉都好香，一飲入口就覺得好甜，完全唔會有味精味，真材實料，因為我自己比較鍾意飲湯，飲一啖就知係好嘢蟲草花雞粥，個粥好鮮甜，完全將個雞味融入咗去啲粥到，而且雞肉仲係好嫩滑，蟲草花又爽甜，正蝦餃皇，蝦餃做到啲皮好薄，仲要有兩隻大蝦喺入邊，啲蝦好爽，好彈牙，而且仲係好新鮮，好鮮甜，真係好好味😋蜜汁叉燒腸，腸粉皮做得好滑，每一舊都包住好多叉燒，睇到廚師係好用心去做，加少少豉油食真係好食四寶滑雞扎，外面啲皮煮到好爽口，配埋大大嚿嘅雞同埋芋頭.真係唔錯。牛柏葉唔係好多地方有得食，呢間煮到好爽口而且仲有幾舊豆腐卜係入邊，啲豆腐卜吸晒啲甜味。嗌左成10碟野，埋單都唔使兩舊水，喺太子區好少有咁平，又咁好食😋

疫情之後都有成年冇去過飲茶，因為平時飲茶通常都會坐好耐，同朋友家人談天說地，今日去完太子嘅價真棧買嘢，望過對面見到好多人等位，呢間點心專門店，即刻過馬路去試吓咁啱係午餐時段，人流非常多要等位，等咗大約10分鐘就可以入去入面地方好光猛，有四人枱同兩人枱蜂巢炸芋角$24，有三隻平均為到$8隻，同出邊嘅價錢都差唔多，但佢最優勝之處就係餡料好多，芋角係用芋泥來作皮，啲碎肉調味啱啱好唔會太咸，外皮炸到好脆，金黃色，表層小眼密佈，形狀如蜂巢內層軟滑，食落啲餡仲有少少肉汁有種鹹鹹甜甜嘅味道雞扎係茶樓非常多人叫嘅一種點心雞扎出邊以腐皮卷煮一舊雞肉同魚肚，加埋芋頭，魚肚吸收左湯汁同埋雞油，咬落每一啖都充滿着湯汁，味道香濃叉燒腸$24，腸粉嘅皮非常薄，加咗層薄薄嘅油，食落口軟綿綿又非常滑溜叉燒切到非常細容易入口餡料都非常多蝦餃$30有兩隻，見到入面既蝦肉非常大，又爽口，蝦餃係我最鍾意嘅點心，出面層皮又薄，又煙韌又彈牙，沒有甚麼味道，但口感好好

每次喺彌敦道等巴士嘅時候都會見到呢間餐廳.雖然係間小店,但舖頭成日都好多人.今日放假就同丫媽出嚟試吓！朝早11點幾既平日,都仲係好多人喺度飲緊茶😂舖頭細細差唔多全部枱都坐滿哂人！舖頭啲侍應多數係丫姨，感覺好似去左啲舊式茶餐廳咁😂細心啲睇，舖頭啲牆壁係有花心機！好似壁畫甘，畫左啲點心上去！我地叫左好多點心！當中我地叫左畫左係牆既豬仔咸水角！熱辣辣，外型得意同都幾好食！通常出面呢啲有樣,但味道就係麻麻地！另外藥膳雞腳都估吾到出色！好濃既當歸藥材味，仲濃過啲大酒樓！推介！仲有叫左蝦餃燒賣等…最尾叫左個魚肉釀尖椒😬好好味！啲尖椒辣辣地！魚肉又煎到脆脆地！日最後埋單先200吾洗！超抵！

見好多宣傳依間嘅嘢食，所以一試。一入店睇晒環境其實唔係太多枱，所以感覺好迫喼😅因為自己一個人叫唔到好多嘢食所以揀咗五款特色啲嘅點心。個人認為雪山叉燒包不及普通嘅叉燒包好味，可能我唔鍾意個皮啩🤣之後個豬仔鹹水角好得意，本來見openrice影嘅係啤利形原來已經轉咗。點咗份大愛嘅炸竽角好好味、鮮竹卷就冇我想像的味道感覺怪怪地，沒有印象中的蠔油汁顏色，最後叫咗兩粒蝦餃，蝦餃皮薄蝦多size都幾大粒😋食到咁上下先知唔記得影相😭所以淨返一個雪山叉燒包、兩隻豬仔、一個芋角😝