更多
2016-08-07
556 瀏覽
老爸喜愛中茶,平時蒲開市中心嗰邊,一家四口跟嬸嬸有事在附近處理完畢,是但揾間唔使等位嘅中入去啦,燒腩仔塊脆皮有少少靱,肉又鹹炸韮菜餃,外皮炸得脆口,韮菜香,肉餡淡,不過整體味道係唔錯嘅。香煎薄撐,有蔥自然香,煎得都夠薄,唔會成口粉皮感覺。甜豆藕片淮山純粹有碟植物點綴,可惜准山只得兩小塊,味道不過不失春風得意腸嘅春卷唔夠脆囉。出水芙蓉帶子飯,帶子近乎失蹤,豆腐就多,湯飯似的,夏天食就適合不過啦味道恰當,只係料有點揾笨。話梅豬軟骨,色水就有喇,但味道唔驚喜,食唔出話梅的酸甜味。最後要份甜薄撐,不外乎椰絲芝麻砂糖餡,包得唔實一夾即散,以上餡料大家都估到咩味道啦⋯⋯
張貼