Home Bar & Restaurant

營業中

休息中

餐牌更新，只有小吃和串燒，選擇不多隨便叫了些薯條、雞心串、燒茄子，味道十分平庸，算不上好味Cocktail 不合水準，pina colada 和sangria 只有藥水同糖水味

這晚娘娘「無啦啦」，說自己很開心，要慶祝一下，於是要外出「啤啤佢」... 先支持下本土經濟，來一個香港手工啤！“豬拼盤”，有焗豬扒及幾支 不同部位、口感的豬肉串燒，味道不錯，肉也夠嫩滑，但如果配的是花生沙嗲，可能會更好！"一口牛"，不算嫩滑，但味道也可，合格。少吃多滋味，串燒只3支，有牛舌、雞軟骨、雞腎，全部脆口、煙韌、入味。“串燒豆角”，微辣，脆口，有點蔬菜下落肚，感覺健康點，減輕一下今晚的罪惡感。

今日朋友約咗嚟荃灣飲酒，就咁睇似玩飛鏢吹水飲酒嘅酒吧，不以為意打開菜單，叫左幾個串燒小食先知原來係隱世串燒店雞軟骨，牛舌心，雞腎上菜熱辣辣，真係即叫即燒，平均一串有4至5舊雞腎爽口，辣味適中，牛舌心可以大塊啲燒魷魚🦑小辣，非常惹味，送啤酒一流燒雞泡魚燒到邊邊位有焦糖化程度，甜甜地又脆口，咬落有質感，好味燒菠蘿🍍話說女孩兒應多吃菠蘿，多汁，做到乾身但入邊勁爆汁效果，讚燒豬頸肉非常惹味，小辣好香，串燒最重要係燶邊位唔苦，佢做到，世一，唔係講笑炒粉絲中辣，粉絲乾身，唔會食到成咀都係油，好味燒翠玉瓜正常發揮，冇菠蘿咁正整體來講我估唔到荃灣區原來有一間隱世串燒舖頭，豬頸肉世一，真係要多多支持依啲小店。有心有誠意，抵讚！

入到黎以為得飲酒，見到餐牌有串燒，唔知好唔好食叫一兩樣試吓先。叫左牛舌心同雞軟骨，好惹味，夠味甜甜地，食完仲想再食！叫左豬頸肉，有脆口、燶燶哋又有肉汁，一啲都唔乾，啱啱好。叫左個炒粉絲，都係好夠味。最正係個生菜包，啲肉鮮甜不過唔夠辣！最後食到飽飽地，問佢有冇雞泡魚乾，係有嘅！甜甜地少少辣鹹鹹，又唔會太乾，送酒一級棒！以為淨係飲嘢坐得舒服，點知食落有驚喜！值得一去再去👍下次帶埋阿爸阿媽嚟試吓德國豬手

這晚又和娘娘去劈酒 ...畢竟是酒吧，我們先點了一杯“Peaches and Cream Martini”，賣相美觀，但充滿藥水味，！有個靚女在賣新口味的嘉士伯，馬上點了一杯救火，味道確是不過錯的，但八十塊一杯，怪不得。要吃了，先點了個串燒拼，有雞肉、雞腎、雞軟骨 ... 雞腎處理得很好，沒雪味，夠香夠辣。雞肉應該用了叉燒醬，燒得很好，大小剛剛是“一口size”，滋味！那雞軟骨和雞肉是同一樣味道的，應該也是用了叉燒醬，一樣好味！我們吃完這串燒當然不夠，四處張望看看鄰座有什麼好吃的，給鄰座發現了，但那的美女很友善的說，「燒羊架好味！」“燒羊架”烤得剛剛好，很嫩滑，也帶點羊肉的騷味，美女的確沒介紹錯！這個“泰式海鮮炒粉絲”是這晚的亮點，香，夠辣，惹味，絕對是泰國菜館水準！這“串燒素菜”有蒜頭、翠玉瓜、韭菜、豆角、菠蘿，跟之前的燒烤水準一樣好，份量也夠，有部分食材也沾了些叉燒醬去烤，正！“泰式無骨鳳爪”，甜酸辣共冶一爐，配搭得宜，沒配料和沙律菜充足，口感清爽，夠健康。這個真的是個隱世廚房，這裏“唔知係間酒吧咁簡單”！最後要說的一句是，我不喜歡這裏有不少人在室內抽烟，我明白這是酒吧，但大家都是

餐廳已經由2018年11月1日正式轉左串燒酒吧，將不再提供西餐營業時係1500~0400happyhour時間逢星期一至日1500~2000以前既生啤紅白酒cocktail 都一樣會提供

餐廳已經由2018年11月1號正式轉型做串燒酒吧~以前所有的西餐將不會再提供 包括lunch set dinner set ~現時餐廳主要提供串燒 泰式小食Happy Hour時間不變 逢星期一至日 1500~2000

今晚收到男朋友既surprise🌹💐 好開心☺️☺️❤️ 我地仲一早book左Home呢間餐廳食飯哦👫 因為我之前食過覺得都幾好食既😛不過今晚夜晚就麻麻哋啦🙈🙈 我哋叫咗個小食拼盤💁‍♀️ 但係而家嘅小食拼盤已經唔係之前我食嗰款啊🙇‍♀️ 選材差咗 用料冇咁靚lu🤦‍♀️🤦‍♀️ 洋蔥圈好普通 魷魚圈就還可以 不過粉漿都係厚咗啲🤦‍♀️ 炸雞塊直程麥當勞嗰個完勝 有啲失望哦🙍‍♂️跟住我哋叫咗個set dinner 白酒忌廉海鮮大燴💁‍♂️💁‍♂️ 包餐湯餐包同沙律 最鍾意食佢個沙律入面嗰啲益力多爆珠珠💁‍♀️好得意好好味架💁‍♀️💁‍♂️海鮮大燴有帆立貝大蝦青口🙆‍♀️🙆‍♂️ 不過材料都係普通 冇乜大驚喜🤷‍♂️加上我哋已經好飽了🙇‍♀️我哋仲叫咗兩杯酒💁‍♂️ 中晒伏🤦🏻‍♂️🤦‍♀️ 唔記得咗叫左咩啦 不過一杯係香茅味太濃 一杯就有啲似藥水味🤦🏻‍♂️🤦‍♀️但係我今晚都係好開心哦😘😘多謝男朋友哦❤️☺️

提前同好朋友慶祝生日，放左工出荃灣！好朋友揀左佢鐘意哩間Home bar restaurant 食生日飯！想入去度門好難開⋯好彩侍應見到我！入去好有情調，黑黑地，每張有小臺燈，情侶來哩度食晚餐應該幾浪漫！晚餐有set有散叫，我同好友叫了一個-安格斯肉眼扒餐，有沙律，有餐湯！再加錢飲特飲！塊牛扒就嫌佢有d肥⋯另外叫左一個pizzza，超好味！另外之前已打電話來order甜品寫上Happy Birthday 給主角好友。估唔到佢出哩個甜品時⋯仲會播生日歌整個場地⋯好開心😆😆😆侍應仲幫生日好友同我影左一張大合照，即時送俾主角，好窩心同驚喜！

上半場同外母大人慶祝母親節，下半場就同我媽咪慶一慶佢，地點就選擇左細細佬極力推薦的這裡~由於一早已訂位的關係，唔使點等就可入坐了~ 一開始時，職員安排我地佳喺BAR枱附近，由於那邊的坐位對我母親上不太方便，店方都立即幫我地轉返去長枱嗰邊，抵讚~由於母親節關係，基本上唔多選擇，我地就叫左幾個SETS DINNER 加碟媽咪欽點意粉share~先來沙律跟餐湯，沙律上有塊風乾火腿，配合爽脆蔬菜，咸香好味。餐湯是南瓜湯，最大驚喜是附送的條狀麵包，內藏芝士，沾湯黎食十級正~主菜逐一上枱了~ 先黎羊仔排同黑毛豬，兩者味道都不錯，配菜也同樣好吃，但美中不足之處是同樣過熟。接著是德國豬手同白汁煮海鮮。豬手份量適中，跟配酸菜解膩，但略嫌外皮太硬，一般般；白汁海鮮有大蝦、青口、帶子及魚柳，大堆頭，味道也OK~最後上枱反而是茄汁大蝦意粉，我沒有品嚐，但外貌頗吸引~甜品為Brownie，劃上句號。整禮黎講算是不錯的，大時大節係咁上下。媽咪，母親節快樂，身體健康~！

平時好少出開荃灣但其實荃灣都幾好行要大商場有大商場，要舊街小鋪都有經過大河道既街邊小店仲可以感受到細個放學去文具店，零食店流連既感覺今次係因為睇新樓盤所以去左荃灣朋友推薦話呢間home 餐廳好好食一定要去咁當然唔好錯過啦入到去環境唔錯喎，bar & restaurant 氣氛好好，黎睇世界杯都係好好既選擇我地坐高枱都幾舒服，燈光偏暗餐廳裡面好多細節位都放左裝飾餐湯唔係話太特色，但係幾好味既👍🏻👍🏻舊包熱辣辣外面脆卜卜，入面係 mozzarella cheese😋😋😋第一次食呢種餐包，幾特別不過就偏淡既前菜既沙律都唔馬虎火腿片配上黑醋汁，仲有幾粒芒果爆珠咁都比佢諗到用爆珠整沙律😂😂口感幾新鮮得意不過個太多汁，酸左少少主菜我地穩陣派叫左個 ribs 而佢既配菜竟然係紫薯蓉😍😍😍個豬肋排都焗得好好食又好大份，2個人都食唔哂另外揀左個自選意粉煙三文魚加大啡菇配扁意粉🍝🍝🍝連落咩汁都可以揀埋做人最緊要有選擇比我地自己揀都幾開心😃味道都唔錯👌👌👌唔記得呢杯野似個名好似係有士多啤梨同香蕉都係好飲最後送多個甜品係細細粒既芝士蛋糕食到咁飽但又要食埋甜品先滿足咁呢個份量就岩岩好喇 yeah 總括而言環境，

昨晚返工後去叉叉電 環境舒服 鍾意佢唔會趕頭趕命咁上菜 會等客人食完再等陣先過黎收碟上下一樣 沙律同湯都好味面包入面有芝士 但面包有點太乾同硬主菜令到整餐失色左 叫左鹹豬手同羊架 加左鵝肝鹹豬手普通 唔會令人再想去食羊架..無咩肉味同羊味鵝肝反而幾好甜品係朱古力慕絲蛋糕 都ok而餐飲因為唔飲酒 叫左茉莉茶同士多啤梨奶昔 都ok整體黎講 我比較喜歡佢既環境 令人放鬆舒服 野食一般

今日咁岩去開荃灣做野，諗住去愉景新城度食晚飯，點知行過愉景新城對面見到有兩間西餐廳，一間之前同朋友食過，咁今晚就試埋哩一間啦🤗🤗🤗一入到去見到好多人happy hour 緊，因為六點鐘乍，好鐘意哩度呀，好多好靚既裝修，「一日一啤酒，醫生遠離我。」見到好多枱嗌左摩天輪炸物，不過好似好大份，我同朋有兩嗰怕食唔哂🤪🤪俾我發現左樣好抵既野，夜晚時段每人消費$180，可以加$80任飲紅，白酒。真心抵，可惜今日揸左車，無得飲！我地嗌左黑松靈薯條，芝士焗西蘭花🥦，自選意粉🤪🤪黑松露薯條好味，啲汁都好出色，個西蘭花如果多啲芝士同埋唔好咁淋就好啦，嗰自選意粉係煙三文魚蛋黃汁意粉，中規中矩啦，我都係對佢既仼飲紅，白酒有興趣啲🤪🤪

went there 8 p.m. they could actually speak good English.service was good.if you were to enjoy the happy hour, please be industrious, be there earlier than 8 o clock.mohito was quite good, not excellentbecause alchohol scent was there.but tasted good.the risotto was excellentthe base, shrimp, scallop... etc was tasted just like them and was sooo good...want to go there another time

餐廳的位置不錯，頗方便。店內的環境和氣氛都好舒服！好喜歡這裡的裝飾品和有趣的掛牌標語。店員態度親切，不造作，食物更是有水準，頗喜歡食黑毛豬面珠肉，好味，好稔，份量剛好。另加80元任飲紅白酒，選酒都是值得飲的質素！因第一次來只叫了SET DINNER,要要來試餐牌上其他的食物，這餐廳真是超出我預期，竟然能夠在荃灣可以找到這樣好餐廳。特別的，窩心的，滿意的，就是我們在訂枱時忘記了說慶祝生日，來到才跟一位好nice的女店員說這問題，她雖然說現在才說是不能幫我們加名字在甜品上，但她都安排了蠟燭給我們，到甜品加蠟燭上枱時，現場即播放生日歌，真是意想不到！更驚喜的是她也安排了送我們一張即影即有的相片，真是好感動有如此滿足客人的服務！我們預我會再光顧。