阿久根和牛拉麵屋

營業中

休息中

店入面座位唔算好多，全部都係好日式嘅高椅好似去咗日本拉麵店啊靠近門嘅位置係廚房，可以隱約見到拉麵師傅整麵，但又有玻璃隔住唔會好大油煙 既然叫和牛拉麵屋，咁當然要試下和牛叉燒!有好多種湯底選擇，每樣都好似好吸引咁 慢煮A4和牛叉燒拉麵 $158湯底揀咗香濃海老湯 和牛好大塊，有2片望落好粉嫩，食落都好嫩滑，入口即溶!湯底好濃郁，仲有好多蝦乾 慢煮雞肉拉麵每款湯底都唔同價錢，今次試咗推薦嘅雞白湯 $80 同樣都好嫩滑，而且燒到好香同樣濃厚嘅雞肉風味而清爽嘅口感 仲嗌咗波子汽水 +$25 見到隔離枱嘅人嗌咗沾麵都好吸引下次試下沾麵先~

本身好鍾意食拉麵，但覺得香港好多拉麵店都唔夠日本好食，有一日經過廣華街，無意中見到一間小店喺轉角位，好有日本道地小店嘅感覺，就即刻Mark低好想試。尋晚終於試咗，果然冇失望，叫咗碗豚肉+海鮮濃湯，個湯真係好濃好鮮香，豚肉都燒得剛剛好，唔會好油膩但又好啱重口味嘅我，差啲忍唔住飲晒啲湯。雖然坐得有啲迫，唔算話好舒服，但係又好食嘅嘢就滿足，下次會再幫襯試吓其他拉麵！佢仲有啲自家嘅調味料，辣粉/拉麵胡椒等等，悶悶地想轉口味都可以試吓🥳

聽聞係名店，帶住期待既心情入鋪試一下。入到鋪唔太多人，都幾多吉位，咁冇人帶位我就隨便坐低然後寫野，寫到一半比啊姐叫坐埋牆邊（即係比多d空間可能之後有兩/三位入黎），冇咩問題其實。跟住寫寫下野啊姐又同我講話叫我將個袋放坐位背，都唔係問題黎我本身都係咁諗，問題係佢態度語氣唔友善，見到bar台上面有微笑服務獎之類，個人經歷不敢苟同。服務唔太好食落都唔會開心，麵質冇選擇軟硬但我覺得岩岩好，口感係唔錯。湯底唔錯，牛肉更正係唯一想讚既地方。但留意個價錢，同價位有好多其他選擇。

今次試咗招牌牛小排濃厚蝦湯沾麵，蝦湯重口味，食到最後會有少少鹹，因為蝦湯太重味，所以食唔出牛小排有牛肉味，有少少浪費咗個牛，不過份量好大，一定夠飽肚，有機會嘅都可以一試

第一次寫食評估唔到俾間咁嘅垃圾嘢，先讚一讚佢先，雞軟骨餃子算經典正常，夠脆夠熱，香口有汁。食左兩碗拉麵$138嘅三叉燒蝦湯拉麵，蝦湯好濃，但係除咗濃冇其他優點，湯唔熱，三種肉雞肉勁柴，叉燒肉好韌，A4牛冇牛味，唐心蛋有蛋腥味，就連酸筍都可以難食完全冇味似菜乾，另一碗牛肩胛蝦湯拉麵，牛韌到咬唔到，調味似係就咁用黑椒之後煎熟，食落係西餐味道，完全同拉麵唔夾。座位間隔勁窄，啲凳坐得勁唔舒服，結論係錢多，想試伏可以試吓。

喺旺角行完街發現一間小店 要轉入去內街先搵到 門面唔大 主打食和牛拉麵 但去到店家話今日已沽清 即管試下佢其他拉麵▪️ 鶏白湯炙燒豚肉拉麵 $82雞白湯選左清淡口味 味道真係有淡淡雞湯味 唔會好肥膩 同埋佢配菜都好足料有木耳、筍、流心蛋、蔥及紫菜等豐富口感😋▪️ 黑蒜濃湯炙燒豚肉拉麵 $92 🥰湯底非常濃郁 濃濃的黑蒜油香味 而且搭配肥瘦適叉燒😍十分滿足❤️❤️▪️ 日式餃子🥟 $48餃子就比較普通 個人覺得唔夠香脆 不算特別出色經過旺角不妨去試下呢間有日本風格的拉麵店 留意餐廳比較細 大約只有10個座位🤣

😋阿久根和牛拉麵屋Food ordered 😋1. Slow-cooked A4 wagyu Tsukenmen with prawn soup 慢煮A4和牛叉燒沾麵🍜2. Additional eggs🥚3. Coke🥤4. Cream sodas🥤 👧🏻🗣️ The slow-cooked A4 wagyu Tsukenmen includes A4 wagyu meat🥩, ramen🍜, green onion, bamboo shoots, seaweed and fungus. The prawn soup is really rich with smelly prawn flavour🦐. The wagyu is quite raw, so my accompany does not desire it, but the wagyu does taste good for me👅Funny things: they offered you a manual for enjoying the tsukenmen, grab a bit noodles and dip int

（極差）服務方面：一到門口時 有個呀嬸既職員已經見到我 佢冇問我地幾位 反而好冷淡咁行開左（由入黎班走個樣都黑晒）好似唔想歡迎我入黎食野 入到去時 係冇客人（0個）然後佢先冷淡一句：坐啦 之後我坐左去最入邊位置 但冷氣教大風關係我換左位 跟住個呀嬸走埋去好大力咁拍番埋d椅 似發髀氣 專登比我聽 。當時水都係自己倒 冇理過我 埋單時都係黑面 多謝bye bye一句都冇 食野途中仲係我隔離同廚師係咁吹水大聲講野 好騷擾😮‍💨😮‍💨（好食）食物質素：叫左個和牛拉麵面 濃蝦湯底濃烈 不錯！另外和牛肉質幾好口感 但可以再多少少份量 整體滿意，可能沾麵份量會多d總結都係因為服務太差 唔休做咁 我不歡地走 不會再來

同朋友專登黎試Openrice 收藏左好耐的拉麵🍜真係好難搵，三角街口要轉入小巷，搵左幾分鐘。6點左右到餐廳，店內未有客人，店員呀嬸要求我地坐某兩個指定位置，ok fine~到點餐喇，其實除左兩碗拉麵，仲叫左蘋果汁&雞軟骨餃子🥟 （menu冇, 只有牆上貼有）所以禮貌一問店員呀嬸，係咪可以照叫？我地已經邊講邊指住幅圖，但呀嬸一大句：下？咩話（幾冇禮貌）咁唯有再重覆，但好似我地有錯咁🫠兩碗麵湯底幾濃，但慢煮牛好un，not my cup of tea正正常常～到收錢果陣仲正，行到門口，呀嬸面無表情+無尾音咁講：「你果邊（收錢）」。跟住我問有冇八達通，佢連答都唔L想答，直接用手指住「只收現金」有冇咁串？老闆黎？超級冇禮貌！香港仲有好多好食的拉麵店，人地有番正常禮貌的！唔該哂！

入去坐低，店員就同我哋講今日冇和牛😂只有高凳，大概有10個位左右，唔知點解舖頭有陣苦瓜味😂只收現金，記得帶夠現金。*慢煮薩摩雞拉麵 $95二選一，清爽或者濃厚，我揀咗人氣嘅”濃厚”。雞湯唔係單純嘅雞湯，有啲豚骨湯嘅味道，微微黏口，個人喜歡單純嘅雞白湯多啲。薩摩雞肉質扎實有彈性、醬汁濃厚帶甜味，但同湯底唔夠夾。拉麵係捲麵，口感煙韌，鹼水唔會太重，能夠掛湯之餘亦食到麵嘅質感。雞軟骨餃子 $48餡料係椰菜肉餡+雞軟骨，口感卜卜脆，但餃子皮軟爛，唔夠香脆，少失望。

🔥熱鍋特濃蝦湯 🦐 沾麵掛汁有嚼勁 😍 巨型虎蝦、慢煮牛同樣出色 🐮 拉➡️睇menu🐭 米奇老豬Vol. 369 🐷老豬係沾麵迷 🇯🇵目前最愛係米芝蓮推介左無數次嘅中環周月 @shugetsu_hk 🤫今次試左旺角嘅 @akune_wagyu_ramen估唔到都幾有驚喜啵 😍係可以打入三甲嘅程度！.🐖🐖 《濃蝦湯沾麵》🐖🐖 ➡️ 沾麵汁超濃嘅蝦膏味 🦐🦐🦐質感好稠密杰身 好似d忌廉濃湯咁！而且係用石頭鍋上睇住佢熱到滾好治癒 🤤食到最後都仲係熱嘅 超抵讚！➡️ 配料木耳幾爽脆 溏心蛋偏鹹➡️ 麵條粗度屬中等 但好煙韌 🦷有驚喜❗️1⃣️ 香煎虎蝦 🛑 8.5/10 🛑 💰$128💰虎蝦都幾大隻 肉質彈牙 煎得幾香 係難得有蝦味嘅🦐不過近頭位置嘅味有d梅梅地（利申：老豬好憎食蝦頭嘅）2⃣️ 慢煮安格斯牛小排 🛑 8.2/10 🛑 💰$148💰慢煮牛肉質軟稔 牛味同油脂感中等 老豬妹妹身為牛魔王都認證✅.❣️🐭總評分🐷❣️味道：8.4/10 服務：7.7/10環境：7.7/10 （店舖較小，只有高凳吧臺，坐得比較擠擁）CP值：✴️ 中 ✴️ ENCORE：✅ .自費️⭕/試食.📍 阿久根和牛拉麵屋 📍旺角廣華街13號

好耐之前喺呢間食過一次，嗰次好正，食過之後念念不忘～所以前排有同媽咪去咗食～店舖就唔算好大，細細間，氣氛十足～而且都好好生意，一到夜晚好多人排隊，佢哋呢間主打拉麺同沾麺～慢煮安格斯牛小排龍蝦湯沾麵：我哋order咗兩份😆🤣證明真係好食！蝦湯好濃郁！而且係用石頭鍋上,所以一直熱辣辣👍❤️食嘅時候要小心揩到石頭鍋， 牛小排好重牛味，又唔會硬，好好味雞軟骨餃子 🥟：呢個係期間限定嘅雞軟骨餃子🤣都幾特別，食落去有啲雞軟骨脆脆地嘅口感

入到餐廳首先聞到好大陣臭味，咁坐低啦，舖頭冷氣好弱，坐左一陣已經出晒汗。座位底下又有兜殺蟲藥係到。 我同朋友叫左個A4和牛拉麵同慢煮安格斯牛小扒濃蝦湯沾麵….碗野黎到賣相還可以，但味道同份量真係搞唔掂😩⋯⋯ 味道黎講個沾麵係鹼水麵黎，個湯底死咸，完全冇鮮味，一啖咸一啖苦，真係攞命。牛肉方面就不過不失，但個A4和牛拉麵就得3塊，3塊唔緊要，但切到真係A4紙咁薄….. 整體黎講真係伏，價錢同質素唔成正比，300幾個正評唔知點黎…

慕名而來食和牛沾麵😍旺角有一間都幾多人介紹過嘅和牛拉麵館，有時仲要排隊先食倒。餐廳門面已經好有日本風情，大門旁邊有許愿掛牌牆。內部係全吧台設計，傳統日式小店嘅裝修格局，好似去咗轉日本食拉麵咁，氣氛好好🥰👍🏻佢哋有拉麵同沾麵選擇，其中最大賣點係佢哋嘅慢煮A4和牛叉燒！🤤 淨係聽個名已經想試！湯底選擇都唔少，除咗招牌嘅濃蝦湯同雞白湯，仲有魚介湯、香蒜醬油湯同埋黑蒜濃湯。以拉麵小店嚟講，選擇算多元化👍🏻============ヽ(○´∀`)ﾉ♪慢煮A4和牛叉燒沾麵 $168✰ A4和牛叉燒果然名不虛傳🤤 半生熟嘅慢煮和牛叉燒油脂豐富，肉質軟嫩。✰我選擇咗雞白湯，雞白湯用薩摩雞熬製，以熱辣辣嘅石鍋奉上，非常香濃嘅雞湯味，由於用於沾麵所以比較杰身，食完麵可以叫店員加清湯飲埋個湯㗎😍✰半熟糖心蛋都好出色👍🏻霜燒美國安格斯牛小排魚介湯沾麵 $148✰慢煮安格斯牛小排一樣好出色👍🏻份量好多有大概6-7片。✰魚介湯非常鮮甜香濃。石鍋夠熱上檯時仲係滾起狀態。一樣食完麵之後加清湯可以飲埋個湯😋沖繩苦瓜餃子 $48✰如果鍾意食苦瓜嘅話，必食呢個苦瓜餃子，係苦瓜+豬肉餡料，呢個配搭好新穎，估唔倒咁好食。✰餃子外

阿久根和牛拉麵屋係一位於廣華街的拉麵小店。去到朋友講起先知原來呢間係係李泳豪開既 (鼎爺個仔)，原諒我真的太無知，哈哈哈。原以為和牛拉麵一定好貴，點知又唔會喎，平時食開既叉燒都係豬肉，和肉配拉麵又出奇地幾好食。店仔細細，主要係吧枱，但都唔會太逼，有幾分日本地道拉麵店嘅格局。牛肩胛肉濃蝦湯拉麵 $99鮮蝦淆製而成的湯底味道濃郁, 巨濃巨鮮，果然夠真材實料。拉麵軟硬適中, 口感有彈性。牛肩胛肉燒得香口，牛味香濃，有咬口之餘唔會韌。最欣賞個糖心蛋，流心蛋黃好軟滑。 牛小排濃蝦湯沾麵 $148蝦湯比湯拉麵的更加鹹香濃郁, 質地偏杰, 容易掛汁，而且熱辣辣滾住上檯好吸睛。粗身拉麵爽口彈牙, 煙韌有口感，份量大足。 配上京蔥絲、雲耳絲、筍片一齊食，令拉麵更有層次。牛小排不用多說，非常嫩滑，牛味無牛肩胛肉咁香濃，但富油香，非常好吃。日式餃子 $48餃子就同一般拉麵店差不多，都係好食的。微脆又香口。同拉麵係絕配。限定啤酒 $38夏日炎炎，加上食牛肉的關係，當然要啤一啤，清爽舒服，完美的ending。