金裝燉奶佬餐廳 (美孚新邨)

營業中

休息中

其實呢間唔算好貴但又唔特別平，所以要求唔會設好高有時食飯都要睇埋環境等因素去定論，這店一直好似覺得主打甜品，近年越來越全面化，又飯又扒又湯麵，各式各樣都幾多元化，今午一個人的午餐點了香茅豬扒太陽蛋飯$52其實如果有2塊咁厚又算大塊嘅豬扒我收貨，首先賣相都幾靚仔，一碗白飯份量上面有隻煮得幾好嘅太陽蛋，如果係燶邊蛋就仲正豬扒香茅味唔算好重，但半煮半炸都幾香口，厚肉多汁，仲有少少甜豉油去提味，伴邊有少量烚菜

這天九點鐘就要到西貢行山，本應想到市中心才吃早餐，不過知道西貢周末可以好恐怖，於是放在那裡吃早餐，在荔枝角出發的清晨，我們吃點東西。 朋友在美孚萬事達附近叫的士，當然，順理成章，我們在這裡附近食早餐。 由於大家也是街坊的關係，我們都非常容易選擇，不如就那個近到不得了的燩奶佬吧。 講起金裝燉奶佬，大部分人也一定熟悉吧，只不過冇乜人會寫，佢唔特別出名，唔特別好食，就如平凡的你我他，路過也不會有人察覺，如果零零柒是暗黑裡的瑩火蟲，那麼，我們就是不會閃不會亮的吧。 佢從來沒有翠華般出名，但就有著那連鎖店的名字，說真，我都沒有特別想過好同不好，只是正常情況我也不會選擇。 那些早餐都是正常的選擇，沒有舊式的茶餐的麵加奄列，通常都只是一個主食的早餐，我見到總有點覺得空虛。 餐蛋麵是非常大路之選，應該是朗才女貌的一對，特別之處，係呢度有喇沙湯，可以加兩蚊。 呢個地球係香港先呢樣加錢個樣加錢的風氣，就如我從來不滿意凍飲要加兩蚊，幸好我不是凍飲的fans。 不過，為了那湯底，兩蚊就兩蚊。 對我來說，港版風情的餐蛋麵加上了東南亞的景緻，是有剛造作，但我很喜歡。 樣子滿是氣勢，一放下已嗅到奶香，情況如抱剛好

下午茶黎呢度食個tea set. 雞脾配半件西多士。先食鹹野，雞脾塊皮煎得好香脆，另外用鹵水汁調過味，雞肉就都幾滑，係由於煮既時間剛熟，裡面仲有雞汁留出黎添。後吃西多士，可能塊西多士唔係即叫即做，所以口感有點淋，由於西多無餡，所以用糖槳黎點就剛剛好夠甜。最後我唔要飲品可選擇甜品，係西米露涼粉，雖然雜果係罐頭果，但係有埋甜品食感覺幾抵。

$22，有瑞士雞脾+椰汁紅豆冰，應該算係平的下午茶餐。可惜椰汁紅豆冰，無咩椰汁味，紅豆無咩紅豆味，豆又唔夠起沙，啲冰喺落枱唔夠5分鐘溶晒，其實都仲算唔算紅豆冰。。。好彩隻瑞士雞脾都不過不失。。。

下午茶諗住輕食，就黎呢樹食碗三寶河，但就覺得質素麻麻。首先三寶即指一粒魚蛋，一塊魚片頭仲有兩粒水餃。魚蛋同魚片頭毫無魚味，而水餃就好少少，餡料都足但無特別。最差竟然係河粉，好淋之外仲要係一pat pat，毫無口感可言，變成粉餅。湯底更不在話下，完全係味精。下午茶呢碗粉竟然收接近40元，完全不值。

同女朋友行街行耐左, 結果9:30都未食飯, 諗諗下, 不如平平地去燉奶佬食個宵夜喇唔知係咪太耐無來, 好似加左少少價肉燥稍為鹹左少少我叫錯左呢碟碟頭飯, 感覺好伏, 早知叫多個肉燥算招牌黑糖燉奶, 女朋友至愛, 梗係要叫返碗畀大人做飯後甜品喇~~ 好味呀, 正~~!!

飲食業難請人，中午繁忙時候都可以有兩張卡位俾員工食飯，不過難為左食客了。入正題，天氣炎炎，又想食碗糖水，全個美孚社區得佢有得食，冇計照去，點知為左個配角就失去左個主角。先點個泰式豬頸肉炒河糖水後上，57蚊，相片正正常常，幾吸引，就試下。我前面個兩枱員工用膳一直冇停止，員工大聲講大聲笑，工作氣氛幾好。我就一等就等二十分鐘冇人理乜都冇，水都冇杯，再追幾分鍾就有啦。一望嘩，我有叫幾成熟咩？生㗎，事件攪左我三十分鐘，急急腳要走。即刻叫個糖水食完走人。廚房冇心機做，我唔難為前線員工，唯有放上黎分享下啦。。。完

男朋友去完比賽，就去附近餐廳醫肚，夜晚10點幾，可以食宵夜餐～宵夜餐包熱飲，如果唔叫嘢飲，可以升級要甜品鮮茄肉醬煎蛋意粉-$43，字面睇比起《店長推介》嘅鮮蕃茄肉醬意粉-$52平,仲多隻蛋添~我就叫咗呢個~~~味道方面中規中矩，不過不失~而我男朋友就叫咗鮮蕃茄大蝦牛肉意粉~蕃茄味幾濃郁，配大蝦+牛肉，感覺很豐富最後我就要咗個熱嘅椰汁黑糯米~甜度適中，不會過甜，只係感覺不夠熱...兩個人食咗$96，晚餐宵夜+糖水，好滿足

吃多了，趁有空檔就多過來泳池游番廿個塘，但游水過後還是要吃飯，每日如是的循環，其實我是不會瘦。在美孚泳池對面的食街，是我們每次游泳後醫肚的地方，無他，只因運動過後沒有多少力度再走遠一點，吃飽才算。 走到街頭的金裝燉奶佬，是間看似坐得較舒適的茶餐廳，每一張都是紅色梳化椅的卡座。 餐牌色彩鮮豔，顏色對比明亮，令人食慾急增。不過有金裝包裝既茶餐廳卻沒有金裝的服務，雖然我們未算肚餓，不過坐了十五分鐘都沒有人過來送杯水或是邀請我們下單，那我們只好繼續研究食什麼。我們點的都各附上餐湯，但一直只送來一碗，問問店員說還有一碗未到，但久久都沒有被處理，要追問下，原來發現從一開始連餐都落錯了。沒有什麼特別的例湯，而且味精味/咸味很重。 +$9換購潮流特飲，藍蝶花這個美麗而優雅的名字，伴隨其獨特的紫藍色天然色素，既可寧神安眠，又可紓解壓力，很難抗拒一試。藍蝶花味道清淡，有少許甘甜，下層雪梨的部分混入太多的糖漿，完全嘗不到任何雪梨味道，要搞拌過後才可稍作平衝。水晶是啫哩狀小粒，沒有味道，可有可無。海南雞飯餐， 整體上第一眼少了想像要有的油光，雞塊吃落像家中媽媽整咸雞的味道，但卻掩蓋了雞肉的鮮味，旁

今日自己食LUNCH, 諗唔到食乜不如就HEA HEA地食燉奶佬啦, 見到佢又有新野, 我見唔太肚餓就不如試下, 再加杯凍檸槟啦, WOW, 竟然有四塊厚厚既檸檬, 好滾動!我見到隔離對公公婆婆食得咁開心, 就試下啦呢個日式芥辣手撕雞沙律, 咦! 有驚喜喎, 辣辣地又少少攻鼻, 為味蕾帶黎刺激既感覺, 第二個滾動位係佢竟然唔係薯仔沙律, 係鮮果沙律, 好JUICY , 味道清新, D沙律菜都算新鮮, 好味喎, 唯一要COMPLAIN既係佢個雞肉有D靭, OVERALL黎講都滿意呀! 同埋想講個SIZE都唔細架, 食完都幾飽.

燉奶佬最近價格上漲了，原本已經屬中上價錢的各款早餐，上調了$1 。這款$30的雙腸餐麵配扭扭粉早餐，普通的兩條不是太鹹的香腸，配一個尚算柔軟的餐包，另跟一盒小牛油，最有心的是伴碟的少量椰菜，但不知何解帶一點點腥味的。 可取的是該店的即磨咖啡，香濃而不澀。

今日我同同事食晏, 不如就去試下呢間燉奶佬, 其實我對燉奶佬既印像都幾好架, 記得佢既咖喱同甜品唔錯.因為我食左個幾豐富既早餐, 所以LUNCH就食LIGHT D, 叫左肥牛喇沙米線, 點知落完單之後個待應就話原來冇喇沙, 問我轉第二D, 但我都無乜特別野想食, 佢見我左諗右諗, 待應哥哥就提議咁不如你個個肥牛喇沙轉清湯底啦, 我話ok.我仲見到呢度有好多花款野, 包括我叫左呢個藍蝶花石榴特飲, 其實我一向都唔鐘意食D好人工味和人工顏色既野, 但呢杯飲品有驚喜, 成杯野個LOOK好吸引, 入落個味幾天然, 唔ARTIFICIAL, 而且個顏色撞得好靚. 藍蝶花飲落去有D似洛神花但無左朕酸味, 加埋D石榴汁, 仲有好煙靱嘅啫哩, 都真係幾好飲喎!跟住就嚟咗個清湯肥牛米線, 其實佢個湯底, 豆腐同菜都ok既, 米線的麵質都算適中, 但個敗筆就係個肥牛肉既肉質好靱, 係每一舊都好靱, 所以就令到呢碗米線扣哂分.而我同事就叫左呢個焗豬扒飯, 我試左一啖黎食, 個味道都Ok, 但塊豬扒就略嫌乾身左一d, 但整體上焗豬扒飯都係OK既.餐廳裝修同其他分店都大致上一樣, 呢度坐得都幾舒服, 而且仲有窗

同朋友星期六去食飯，叫左個焗豬扒飯同凍柯華田，個飯啲飯一粒粒，size好似正常米嘅一半似米碎，仲好似煮未熟咁，成個飯好難食！凍華田一般茶餐廳貨色朋友食印尼炒飯，無問佢no comment不過啲侍應服務真係差到惡劣，經理勁黑面，有2個女侍應（尤其帶眼鏡馬尾果個，另一個短髮+肥）真係惡劣到5知點解會請呢啲人？依加轉左menu cut左好多野食，但水準差到咁！？美孚真係無好野食～

雖然，你見依間金裝燉奶佬劣評多過好評，而主要評價都只喺OK，但早晚返放工經過，都仲喺好多人幫襯，所以，睇個評價都好難反映現實。不過，小弟都晌度食過唔少餐，老婆話佢早餐唔喺好得，下午茶試過亦都麻麻，反而晚餐較為好啲。所以，依一晚有點事，無時間去買餸煮飯，兩公婆就搵「燉奶佬」搵掂 。燉奶佬嘅晚餐確有好多選擇，部份亦都有點特色。紅咖喱大蝦海鮮鍋飯餐，賣$51，配健康油菜及精選靚湯，又加送是日滋潤甜品，睇落好豐富，大膽一試。 羅宋湯（跟餐）所謂精選靚湯，只不過喺中湯或西湯，要咗碗羅宋湯，因為之前飲過好幾次，記得都唔喺差，屬穩陣之選。酸酸辣辣，醒胃過人，味道濃郁，算佢無欺場架嘞 。 健康油菜（跟餐）蠔油就唔見有，不過，菜芯上加咗啲肉燥，有啲古靈精怪嘅感覺，菜芯亦稍為老咗啲 。 紅咖喱大蝦海鮮鍋飯 $51 以細砂鍋盛載，上枱時滾熱辣，而且飯量十足。海鮮料唔少，有魷魚、帶子粒……但大蝦唔太多，不過，勝在紅咖喱夠惹味，飯底炒得夠「勻巡」。 椰汁西米露（跟餐）是日滋潤甜品想轉燉奶喺唔得，只好乖乖要碗椰汁西米露，一如以往，勁多西米，椰奶味重。老婆較鍾意食湯粉麵，所以，瞄準馬來西亞喇沙系列，

話說2145入坐，叫左個咖哩牛腩飯，個飯黎到時，真係嚇我一跳，$46個飯，居然成碗牛腩都係膏同埋2舊薯仔，仲有少許牛腩碎，於是我同個應該係經理嘅人講啦，佢居然答我咖哩牛腩係咁，仲同我講，佢今日都係食呢個，我即時呆左！到最後，我都係放棄左，食唔落！間野d服務態度都好有問題！