譚仔三哥米線

營業中

休息中

雖然次次買譚仔外賣都要等到火都嚟埋，今次由消防局落車已經打電話外賣，然後去到舖頭俾錢，最後都要等成20分鐘。其實店內並不是太多客人，而門外只係小貓三四隻等外賣，唔明白點解次次都要等好耐。今日先知道，原來譚仔終於裝咗PayMe ，付款有優惠。今日叫咗個3餸米線，1個小食同飲品，埋單$ 73 都幾貴下。雞肉金菇豬潤三哥酸辣湯底 $48叫咗少米線，一嚟怕自己食唔曬；另外知道由早幾年開始少米減一蚊，三哥就會捐一蚊比「小母牛」，助貧困農戶走上自力更生的脫貧路，食米線既同時又做到善事。不過今日叫少米就真係得好少好少米線。一向只食(重慶)三哥酸辣湯底，今日個湯底略嫌咸咗啲。另外印象中個湯底有其他配料好似榨菜嗰啲，但今日只有辣椒皮，偷工減料，得個咸字。蒜泥白肉 $ 23 (外賣自取加配優惠)日漸縮水既白肉，薄郅透光，只能淺嘗。凍檸水明明叫咗少冰，最後成品都係冰多到督唔到，真係chur 2啖就冇咗一直以來都係譚仔fans，依家除咗價錢越來越貴，份量越來越少，出菜越來越慢之外，唔知未來會唔會更差。

叫四餸米就否以用$30食一個一餸米加用半價食土匪雞翼。 叫左春卷， 我覺得春卷d蝦肉幾新鮮。不過土匪雞翼d 雞翼就真係愈黎愈細仔，迎年譚仔d野愈食愈縮水。 相對係大加價

遇上肥貓星期日返工，咁我又可以行東薈城Outlet!Outlet!Shopping!Shopping!🤩🤩,到左lunch就同肥貓及同事食個Lunch!好耐無見又好耐無出去食，一個lunch既時間都唔夠🤭Lunch時間有無爭分奪秒，所以通常都係邊間唔使點等位就食邊間，咁岩譚仔三哥有位，就食譚仔啦😛土匪雞翼 - 每次必叫，連續叫左兩碟，雞翼面撒有孜然粉同黑之麻，食過番尋味😋（P.S.再香脆少少會更好）豆卜乍醬米線（酸辣中辣）- 試左啖湯底，即刻精神爽利，下次想試下挑戰下大辣豆卜牛肉米線（酸辣3小辣）- 牛肉又冧又滑，豆卜索哂汁，3小辣唔算太辣過橋米線（清湯）- 咩都有，簡直大滿足呀。（豬肉，牛肉，雞肉，腩肉，火腿，豬潤，牛肉，墨丸，魚蛋，乍醬，腐皮，豆卜，生菜，酸菜，芽菜，韭菜，竹笙）

昨天分享過情人節午餐今天就來分享元宵節午餐，繼續發放甜蜜正能量希望大家也能嚐到苦中一點甜吧！上星期五車爸爸放補假沒特別事當然乖乖留家！至於車媽媽也決定跟從老細放假一天，午餐走到附近的譚仔三哥米線開餐，還未到情人節浪漫的三哥已推出了加辣之戀人辣得火熱套餐來應市，難得可以撐檯腳一於吃份加辣之戀人辣得火熱套餐啦！辣之戀人辣得火熱套餐＄115隨餐送贈擦出愛火花卡2張，可惜兩小無猜「椒」古力要2月14日才有得送！頭盤有兩份這個是情竇初開青瓜，選上辣度比較輕的重慶口水汁，青瓜新鮮爽口吃下去脆卜卜好吃啊！ 另一客是小鹿亂撞雲耳同樣選了重慶口水汁，雲耳口感爽滑加上口水汁是惹味的。小食是猜「情」尋土匪雞翼3隻，從來是三哥名物的土匪雞翼總是有吸引，皮香肉嫩又多汁真心讚。主菜名叫天作之合過橋米線為遷就車爸爸而點了清湯，大大碗兩份吃分甘同味*巧Sweet*。套餐本包Chill Sweet特飲2杯可選葡萄烏龍茶或鹹檸梳打，我倆一個怕甜一個怕凍所以最後選了走甜凍檸檬茶和熱奶茶算了！

史上最臭譚仔新湯 螺酸湯米線 最近譚仔出咗個新湯 今次呢個湯其實唔難想像 就係 大陸好出名 嘅螺螄粉啦 而家只係新出左一日 湯入面酸筍濃烈嘅臭味 已經喺譚仔鋪面彌漫 如果變成常設餐牌 過多幾星期 有幾臭可想而知.總結如果你想試新湯 你又唔鍾意酸筍？小編就唔建議你試啦 唔洗睇下面啦 （‼️但都要比like呀）（😅希望呢篇文幫到朋友仔 防伏啦）.講番譚仔新湯 又好唔好食呢？⭐️螺酸湯米線$43👎🏻湯底方面 比較淡 唔算濃 冇螺粒酸豆角 酸味明顯 酸筍方面 冇咁臭 （但即使係咁都應該好多人覺臭）🤔辣度方面 可以自行選擇 👎🏻但譚仔差左個紅油 感覺辣得冇咁爽👌🏻海螺片正常🤔麻辣豬皮 係濃烈嘅嗅覺影響下 再加埋湯底浸住豬皮 所以麻辣味唔係太感覺到 值得一讚 豬皮冇毛 都彈牙 有4-5塊.如果同淘寶螺螄粉比較絕對係淘寶 螺螄粉比較好食我平時幾鍾意食螺螄粉 但就唔落酸筍因為煮完 真心成屋都好重味好臭🤦🏻‍♀️比全屋歧視相比之下 譚仔 湯淡 螺味唔重 少咗個紅油冇咁過癮完全輸比一包$1x 淘寶即食麵.⭐️總結唔食酸筍嘅你 唔建議點鐘意食螺螄粉嘅你 建議你自己煮鍾意食螺螄粉 但又唔鍾意咁濃味 唔想咁油 呢個湯就

今晚唔想煮飯，行過譚仔三哥見到出左新款米線，所以就入去試一試佢。新款米線入面有龍蝦丸，酸菜同魚片，原本呢個餐跟既湯底係煳麻湯底，但今日我想食啲酸既野，所以就叫左普通酸辣湯底。估唔到酸辣湯底又同呢款米線幾搭，感覺好似去左食酸菜魚米線咁。酸菜酸酸甜甜，非常之開胃，同酸辣湯底十分夾。魚片冇骨，十分彈牙，龍蝦丸亦都唔錯。湯底方面，除左酸味之外，仲有少少辣，岩晒食唔到太辣但想食辣既朋友仔。另外叫左黎食譚仔必點既土匪雞翼，襯佢熱辣辣個陣食，真係一流架。

晚市見一半入座率都冇，樓面又有10個員工，以為okay。點知等左25分鐘，仲要摧先肯上，真係唔掂，亦好明白點解咁少人。真心建議除非你時間多得滯，唔係嘅話真係唔好幫襯。

疫情期間明明做外賣但係等候時間依然很長，阻住晒，希望佢可以請多啲廚師應付客人，叫一個普通餐等成個鐘，一早應該摺埋，咁嘅店啲嘢食好似鑲金咁，又唔同客人講等幾耐，導致啲人喺門口聚集容易傳染疾病

最近應該好多人都會叫外賣， 很懷念三哥米線，就用網上外賣平台叫了一個外賣。我家在東沖，最近的外賣店就是三哥米線東涌分店。我點了一個麻辣湯底--大辣的牛肉米線。 價錢44元，再加30元外賣費用。 麻辣湯底火喉十足， 因大辣的關係，所以麻痺到舌頭也沒有知覺呢。 牛肉非常軟熟，是新鮮牛肉片做的。 還有一些芽菜蔥做配菜， 配上麻辣湯底，非常惹味。外賣的好處，是自己可以另加一些配料，我就加了腐竹和玉豆。這個三哥米線麻辣牛肉米線令我非常滿意， 下次也會再光顧。

呢排疫情嚴重於是同阿妹帶咗個譚仔外賣，分別帶咗最新出嘅譚仔撈薯粉同炸醬雞肉茄湯米線。外賣雖然份量少左啲但味道依然，而新出嘅撈薯粉又重口味咗啲，嗌咗小辣都好似仲辣咁辣可以改善下啲口味。

前幾日見到三哥出左新套餐 覺得幾抵食 試試嘍 叫左三鎹加皮蛋 第一口就食左皮蛋先 咬左一啖怪怪地 感覺得出同以前食過葛唔同 感覺應該係隔夜鎹 唔新鮮 今次唔死心 買左過橋 第一口食豬潤 點知豬潤係半熟有點失望 希望再改進下 其他都唔錯 番茄湯底好好味

上年錯過了譚仔三哥的情人節套餐，今年一於捉小夫落去試椒夕相對二人套餐，套餐一共有五道菜仲有好浪漫的名字呢！首先飲品有夠薑男朋友和麻辣女朋友兩款，不過我倆都覺得辣的飲品有些古怪最後都係放棄了！但可以免費轉飲熱奶茶和凍檸茶這樣應該浪漫得安全些！兩款前菜分別有溫柔手帕青瓜及情竇初開雲耳，兩款都微辣惹味好開胃呢。 主菜有煙靱前面過橋米線一碗有齊晒多樣餸菜兩份食啱啱好。另外還有個小食羅曼蒂克土匪雞翼，感覺好似海盜一樣但又有些浪漫搞到我精神好錯亂！其實食呢個餐最重要就係個甜品5少辣朱古力，一人一粒唔使爭食落去味道麻麻辣辣，而且朱古力味都幾香好過癮呢！如果下年都仲有嘅話我諗我都會再嚟食嘅哈哈哈...... 

疫情未退心情少不了受損！這陣子不是减肥的好時候，那放任少許嘴巴讓自己快樂點吧！所以在家附近的譚仔三哥米線亦變得好重要哈哈........... 少喝甜飲的我被這杯點米線加＄10便可享用的葡萄烏龍茶吸引著！喝下帶幽幽的烏龍茶味亦富葡萄的香甜挺清甜不錯耶！ 我們選了兩款餐前小食先有不合我的口水汁雜菌，口水汁都夠香辣配索味的雜菌頗能刺激味蕾，作為開胃小食合晒老婆大人！ 另一份小食選了蒜泥白肉，其實三哥的出品真好過不少菜館的出品，耐不耐我也會來吃一次的。 點了過橋米線跟老婆大人共同分享！貪其一碗有齊豬肉、火腿、魚蛋、腐皮、韭菜、牛肉、牛丸、墨丸、芽菜、豆卜、竹笙、雞肉、腩肉、豬膶、生菜，另外還有酸菜和乍醬等夠豐富嘛！

過橋米線番茄大辣🍅🌶以前一直食麻辣口味🌶自從上次同朋友食完番茄口味🍅之後就愛上😍不過東涌呢間分店既中辣同大辣🌶係差唔多既米線份量比以前少左一點😔土匪雞翼🍗水準依舊 外皮脆卜卜 內裡肉嫩最推介 竹笙 炸醬 雞肉🐥逸東村呢間餐廳 應該係僅次於麥當勞非常受歡迎星期六日 有時仲要等位😆不過最近傳染病肆虐 就比較冷清 不過佢地原本平時將筷子放喺枱上面現在改為店員分配👍👍👍更放心使用 唔驚比其他客人掂過 😝

譚仔米線真係成日都會去食.....平靚正幾乎可以講得出所有佢嘅優點....三個送，50幾文...大碗喺香港真係，唔再容易搵得到.....雖然差唔多60文已經係好多人嗻，一小時工資... 但無論點講佢都係抵食嘅...真係大份嘅男人都食得飽...另一個胡辣湯底一流...忍唔住又寫下食評..... 唔知有冇人發覺如果你叫一個餸炸醬，非常之咁大碗。兩三個菜嘅話…碗炸醬，少一半有多喇……有無知的人可以解答下我標準