譚仔三哥米線

營業中

休息中

My noodles was too al dente for me,Whilst Hong Kong people generally prefer their noodles a bit under cook or al dente, I prefer mine soft .The sour vegetables used in this soup makes it more appetising and it's kinda warms and opens up your tummy for more food to comeThe staff were pretty rude. It feels like she wasn't bothered to help the customers and was shooing is away. Maybe it is the so call Hong Kong style?~

東涌唯一一間譚仔三哥，在屋邨裡面營業自然人流不絕，而東涌入面的譚仔三哥與市區的三哥分店在質素方面還是差一點點。米線在湯裡面還是沒有煮散，仍是很明顯一團的狀態。而蒜泥白肉的味道偏咸，油味重，個人覺得譚仔的白肉比較好吃。

好耐無食譚仔米線，今日晚餐特登落嚟譚仔三哥食米線。晚市時間譚仔真係好Q多人，基本上係無咩姐姐得閒招呼人架。我唔理，自己搵位搞掂。肚餓又口淡淡，最後揀左鮮茄湯底既過橋米線湯底加冬菇。平時都係食胡辣湯底，今日一於試試新野。食落真係好鮮茄味，有誠意，湯底似乎真係加咗番茄蓉，即係打到碎曬𠴱種。mix 埋落湯度口感會杰杰地，唔似一般既湯水。咁食法都不錯，成個湯都會偏向香甜既口感，會令胃口好啲，啱曬今日既我。唔係講笑，譚仔淨叫兩三個餸其實計落都唔便，但呢個套餐就堅係抵食，咁多料加埋先係60蚊。最後一提，埋單俾錢咁簡單竟然要排隊等成三分鐘，因為無曬人手，連收錢姐姐都出埋去幫手😑

譚仔三哥已經成為咗我哋兩公婆三五時就會出現既地步，連同啲呀姐都熟埋^_^最大既優點係100幾蚊就可以黎個輕量式譚仔三哥放題，叫好多小食，例如土匪雞翼，麻辣口水雞，辣豬耳，蒜泥白肉等等好好味既小食。再黎個過橋米線已經好足夠for兩個人食.最正嘅就梗係呢度嘅土匪雞翼啦，如果好彩的話可以食到剛剛焗好出嚟嘅仲正，個香味傳到成間舖都聞到。麻辣口水雞就一般，蒜泥白肉都好食，唯一缺點就係食完之後個口超大陣味。過橋米線份量好足，配料有多都幾抵食。

同朋友仔去逸東買野，因為大家都係學生唔想食太貴，決定去譚仔三哥到食。因為係晚餐時間，人有點多，等左19分鐘有位了。香港人真係好鐘意食米線，至於食譚仔每人心中都有一個組合一開頭緊係要叫個前菜，皮蛋!!!蔥蒜泥先係重點，呢間做得唔錯，如圖所見，油唔太多，皮蛋蛋花好令唔錯! 食落蔥蒜泥好重土匪雞翼都係一定要點既，上面既孜然粉好重口味呀，大愛!like 而且好入味呀雞肉腐皮小SPICY係我至愛再加杯凍0菜，正到一個點

我平時都係食開譚仔無食過三哥，但今日返工所以就冇得揀，就同個friend一齊試吓三哥。咁我見佢嘅配搭都好似譚仔，我就帶咗個出名嘅墨丸小辣麻辣，我覺得佢個小辣比起譚仔個小辣就冇咁辣，反而過墨丸我覺得譚仔冇三哥咁好食。咁三哥嘅好處就係可以叫薯粉，因為我本人都幾鍾意食薯粉比起米線，佢個薯粉係屬於幼細嗰種，我都幾鍾意。之後發現原來薯粉配麻辣汁都真係幾夾，呢個真係三個優勝之處，我諗我之後再食都係因為佢個薯粉。

譚仔系香港標誌性本地美食，相信大部香港都食過，今次特意寫食評，有啲地方想譚仔改善一下。系東涌堂食好幾次，都保持到水準，但系今次叫外賣令人大跌眼鏡。腩肉炸醬豬潤麻辣特辣同土匪雞翼，每次都食麻辣特辣，夠過癮。吾知點解今次既湯底特別油，要自己撈起好厚既一層油，米線未食浸泡系湯已經好稔，豬潤食落好腥，似未熟，其他食物都冇問題！

話說我係譚仔三哥既粉絲😻但逸東呢間真係愈吃愈差我既最愛自制套餐係三酸雞肉米線加土匪雞翼三酸辣又吾辣（係連少辣都無咩）酸又吾夠酸🙄🙄🙄但土匪雞翼依然好吃之前吃都還可以最近真係吾多得希望好吃返吾係我寧願去機場吃😂

雖然天時暑熱，但是還是勇於步行一下😪，有天比較早出發，就可以來到這間譚仔了。附近的學生哥也因為沒有什麼多選擇，平日有不少學生哥會在譚仔三哥門外排隊呀，吃米線。這天人流不多，獨自闖進，找個座位便坐坐。其實都不用怎麼看餐牌吧，因為無論他是譚仔還是譚仔三哥，定還是什麼普通的雲南麻辣米線，我大部份時間都會點腩肉墨丸米線。這是人流不多，店內環境夠涼，所以可以試一試10小辣。旁邊的小肥仔好像等候了很久，但是我的，好像不一會就端來了。腩肉，份量也不少，每片都差不多厚度，不會太肥膩，上面的豬皮亦都沒有黏著毛，味道比較清，還是可以。墨丸，譚仔三哥比較多，會有四粒，但是墨丸不算大大粒，亦都沒有墨魚粒粒在內。米線的份量，好似比普通譚仔少，沒有網網千斤的感覺，只是覺得剛剛好，足夠果腹。聽到旁邊有女士還只點了竹笙就足夠，還要小米線，好像沒有什麼意義。凍檸茶味道正常，不算太甜，檸檬亦夠新鮮，正正常常，味道還好，解辣正好。

三哥酸辣米線，一啲都唔酸唔辣，返到屋企要加白醋，腩肉雞肉又冇味，請問好多年前個水準去曬邊？以前響深水埗店真係會食到上癮，湯底夠酸夠辣，米線又彈牙。真係要揾人去呢間舖做下QC...

起樓下!下下都要四五十蚊一個茶餐嘅地方~ 三十幾蚊有一碗米線直情好似一股清泉咁! 我就最鍾意清湯~ 因為一蚊都唔想加!!不過如果食飯時間去的話真係插針刀插入~ 香港人 的確好鍾意食米線呀

今日早左收工，無仔仔一齊食，決定食辣野叫左碗炸醬，雞肉麻辣中辣（個人覺得係絕配）重叫左細土雞亦，今日好多汁又唔乾，等得又唔耐，正唔知係咪隔左二個幾月無食覺得好好味但態度e舊

放假去迪士尼玩，作為一個精明嘅消費者梗係要入去樂園玩之前食咗嘢先之後就喺東涌搵咗間譚仔三哥食...首先，佢哋嘅檸檬茶淡到同水差唔多當我叫店員幫我加啲糖漿嘅時候，我見到A店員比B店員嘅時候， B店員個嘴臉好不滿（佢仲要係試工中）！其實我身為消費者，我唔係叫你做啲咩，加糖漿其實係一件好簡單嘅事，仲要嗰陣B店員係好得閒！你整嘅檸檬茶冇茶味都算，仲好意思俾面色我睇？叫咗一份細嘅土匪雞翼，呢間嘅土匪雞翼得個咸字！完全無咗譚仔土匪雞翼嗰種香味！＄15一碟嘅酸菜，份量真係好小！我叫左金針菇、芽菜、炸醬麻辣小辣，味道同平時食嘅差唔多...重點係佢哋做晒啲外賣先比堂食嘅人，坐我隔離嗰位小姐都等到不耐煩，話自己等左二十分鐘我就等左15分鐘以上總括而言，俾錢食嘢，仲要受氣！絕對唔可以原諒

今日12時就收左工,東涌出名無咩野食,譚仔米線清清地叫做唔錯,26元一碗,加一餸就5元,叫了墨魚丸腩肉米線,胡辣湯底,呢個湯底不是間間譚仔有,我鐘意原因係有重胡椒味而不辛辣,腩肉唔肥,墨魚丸就一般,夏天食粉麵比較開胃,再追加左個胡南土匪雞翼,幾野味有肉汁,但味精重,好口乾,服務就冇咩,快靚正咁,加6元有埋飲品

食物方面,雞翼變到好乾好LOAN,次次我都叫佢唔好咁LOAN,但係分別都不大,D香草冇左原身既香味,食到既只係一堆黑色野,D肉有D鞋同乾,我覺得似係先烚後燒既原因. 而家叫開既九菜牛肉米線.個麻辣湯底比D九菜沖到淡哂,因為D九菜佢用清湯烚完就加落碗麻辣米線到而唔係九菜連麻辣一齊煮.有時真係會有D扯火小食方面我最喜歡係香草雞中翼,果時如果雞翼細隻,佢係會比夠六隻,本身係五隻既.D香草你食到係一種香料味,咬到一粒粒既感覺.而且好香.雞翼皮亦都好煙韌.當時係得油菜同雞翼.野飲得荳漿.如果有機會見到譚仔,我會同佢反影下!!!