譚仔三哥米線

營業中

休息中

逸東真係冇乜好食，得茶餐廳, KFC, 老麥果啲。本身對三哥冇乜好印象，之前食過溺灣仔果間，少辣都辣到跳舞，之後冇再去過。果日凍冰冰，好想食碗熱既粉，就咁就去左食三哥喇！我大約11：45am入去，可能仲早，冇乜人，啲員工啊姐就自己坐埋食面，叫極落單都冇人彩我，等左10分鐘度啦。最後終於有個啊姐黎落單, 見隔離枱個個叫套餐，有16款餸，但由於我一個人食唔曬，所以放棄左！我揀左散叫，由於上次有不好既經驗，今次保守啲食酸辣湯底，餸叫左豬潤，酸菜，腩肉酸辣湯幾好味，飲左好多，正！酸菜要叫另上，因為浸左入湯林左冇咁好味。豬潤幾爽口，同深水埗維記有得輝！腩肉，係最難食，冇味又硬！下次唔會再叫~

接近9時半，跟友人嘗試新開的逸東譚仔，係三哥的﹗都知道逸東D消費比出面高，連譚仔都貴過人,,,$23﹗跟友人各點一碗米線,,腩肉薄得透到下面的韮菜豆卜很像魚片這個是酸辣米線，但感覺很清,,冬菇未熟總括而言，味道比外面的分店淡一點,,但水準比邨內/區內的食店已經好好,,10點截單，有食客想加單都唔肯，落定閘，叫你埋單，好似催你走

好日都唔食譚仔，一食就出事。夜晚去到，啲阿姐好似趕住收工咁，唔想做生意；雖然十九幾人搭埋一張枱係譚仔固有既特式，但係喺一半吉枱既情況之下，啲阿姐仲要強迫新入去啲客搭枱 (方便清潔)，點都講唔過去，以後請都唔去。

雖然住東涌，但都寧願山長水遠坐車出九龍食！都唔會去呢間分店！其實食譚仔都唔係食service嘅，我都明白。但係明明有位揀，係都要人搭枱。似係趕客多過做生意。搞到食餐飯都唔開心，呢幾十蚊真係可以慳番。