糖佰府 (已結業)

個個都知九龍城出名泰國菜，但甜品一樣有名。老字號糖佰府，價錢親民$20-30已經有好多選擇，甜品款式又多，而且有特色又夠新潮，周不時又有學生優惠，無理由唔支持下小店依間鋪好似係分店黎，仲有間舊鋪係將軍澳Menu簡單清楚，中西糖水都有，真係抵食特別既甜品仲會放大影相，圖片真實，唔驚中伏連我最愛既芋圓都有，迎合一眾客人口味牆上貼上好多明星合照，原來好多明星都黎食過(應該係去舊鋪)，仲發現合照入面同d明星影相個位女士，正正係樓面招呼緊客人雙丸椰皇紫米雙丸椰皇紫米用椰皇水+椰汁煮成既糖水，唔會太甜，混合左椰水同椰汁2款口味，味道好特別，加埋3丸，有芋圓，蕃薯丸同湯丸，仲有紫米一齊食，好有口感，感覺好豐富，一次滿足晒咁多種願望由細到大都鍾意食糖不甩，貪佢夠有咬口，又似湯丸，依到竟然有兩溝糖不甩湯丸，好感動玉桂蘋果批加雪糕自家製既蘋果批，鬆脆皮底包住切片蘋果，要夾住一齊食先好味，配一球自選雪糕，好有童真既感覺

晚飯過後，我約了朋友去吃糖水，九龍城很多糖水鋪，所以我從家中來到九龍城食糖水，我們經過這間糖水鋪，看見店內的顧客很多，糖水的種類很多很特別，店內環境舒適和清潔衛生，給我一種舒服的感覺，便決定入去試一試芒果豆腐綿花冰配綠茶雪糕($51)芒果加豆腐的綿花冰很創新，還是第一次聽，但食上來味道也不錯，鮮甜的芒果粒，豆腐綿花冰十分冰凍，綠茶雪糕有很濃郁的綠茶味椰林飄香($45)用椰皇水製成椰皇冰，十分冰凍，很適合這炎炎的夏日食用，椰子味非常濃郁而且味道十分清甜法式玉桂蘋果批配曲奇雪糕($35)格紋焦痕的玉桂蘋果批非常香軟鬆綿，味道酸中帶點甜，令人十分開胃，吃上來曲奇雪糕有粒粒的曲奇，曲奇味十分濃郁整體來說，糖水的選擇很多，糖水的質素非常高，糖水的用料非常新鮮，價錢相對非常合理，店員有良好的服務態度和有禮貌，所以我認為這間餐廳值得再去惠顧

今天和媽媽在九龍城食完飯後, 心思思想食埋甜品, 行下之後見到呢間甜品小店。入面好colourful我幾中意, 坐位都幾舒服, 睇相有好多明星都有來過。媽媽揀左榴槤忘返 (走糖水) $38因為媽媽糖尿病但又好想食, 所以同老闆娘傾完後佢話豆腐花可以唔加糖水。底層係豆腐花加香濃的榴槤cream，上面有榴槤肉，椰果，小丸子同水晶珠，有咬口，幾樣不同質地既野放埋一齊味道很夾。媽媽話新鮮既榴槤果肉勁香，味道好濃郁, 唔加糖水都有少少甜, 好好食。呢個甜品只是$38，物超所值。雙丸椰皇紫米 $40這個甜品用原個椰皇載住, 一捧上來已經覺得好香椰味!!!打開椰蓋就見到甜品用料好足，有兩顆芝麻湯圓、數粒芋圓、紫米，加上椰皇肉, 真的好豐富。整體甜道適中, 椰奶味道好濃, 仲可以挖椰皇肉出來食, 芋圓、湯圓煙韌口感十足 , 加上硬度岩岩好既紫米，覺得好滿足。熱騰騰非常啱女生食, 而且一年四季都可以食。呢度甜品唔貴，食物水準高，下次會再來。另外老闆娘非常好客，招呼又周到，當時落大雨, 老闆娘主動幫手收傘同摺好放入傘筒。而且好耐心聽/解答我地的要求！今時今日好需要呢D服務態度！

去左九龍城食泰菜，食完想吃少少甜點作完美句號。呢間糖水舖裝潢以木材為主，走自然風，舖內貼滿城中名人影星光臨的相，似乎甚有名氣！其實較少係糖水舖點窩夫，總覺得糖水舖唔會做得出好味嘅窩夫，但老公想食就隨佢心意，呢個窩夫出乎預料之外的好食，外脆內軟，用的窩夫粉靚，配上雜莓少少酸及雲尼拉雪糕，完美配搭。呢個窩夫真的不比窩夫專門店的遜色！我另外要了無花果雪梨燉海底椰，滋潤一下肌膚，用上貴價無花果（cheap的無花果乾係壓扁左的，呢個係原粒烘乾或曬乾）清甜好多！老公要了合桃糊，味道濃郁，食得出真材實料。總結：點左三種不同類別的甜品糖水，都用上貴價食材，但價錢郤相當親民。小店值得支持

是日同朋友去九龍城食飯友人推介食一間叫糖佰府既糖水鋪呢間位於龍崗道既糖水店店面比較細但好在我地7點左右去無咩人侍應姐姐好有禮貌，仲推介好多甜品俾我地。入面座位唔多 繁忙時間應該好爆場牆上貼滿左好多明星幫襯的照片打開menu，西式、中式同fusion甜品都好多選擇。姐姐力推椰皇系列既甜品，但最後我地叫左一款木瓜南北杏燉雪耳同無花果海底椰燉雪梨等左五分鐘左右就有得食首先嚟既係芒果pancakepancake皮好薄好滑，芒果唔算多，但同cream既比例完美 ，食完一d都唔滯朋友點既燉木瓜細細碗但好足料，糖水調味適中、清甜無比，而且好滋潤。 我點既燉雪梨就偏甜左少少，可能係我本身不太嗜甜既關係但夏天食碗咁清潤既糖水，的確為炎炎夏日消一消暑！是日我地叫左3款甜品$81價錢合理而且多選擇以後食甜品又多個選擇

今晚專登去九龍城這出名多美食的地方逛逛,食完超美味的晚餐後,肚子還有剩餘的空間就上去openrice看食評,找間糖水店延續滿足感。看到糖百府好評也不小,以為這間是比較有質素的糖水舖,怎知令我們非常失望,這已經不是好味或不好味的問題了。我們外買了芝麻合桃糊及榴槤班㦸,芝麻合桃糊還可以的。但是榴槤班㦸內𥚃的榴槤肉已變酸及刺喉,還有班㦸底都出了水,估計已變壞了很久,不是ㄧ般的久吧。我第ㄧ時間打去店家説出事情,她也叫我如在附近可拿回去换,但我們住得遠就算了吧,我們也只希望店家能正視和改善最根本的品質問題吧。

到了飯後甜品的時間，我和朋友路過這間甜品店，看見食物的賣相挻有吸引力，價錢十分合理，店內環境清潔衛生，看見牆上的貼了很多老闆跟不同明星的合照，甜品的質素應該非常不錯，所以決定入去試一試心太軟配曲奇，朱古力碎粒雪糕($40)香軟鬆綿的心太軟，吃的時候緩緩流出香濃的黑朱古力醬，清新淡雅粒粒曲奇碎的曲奇雪糕，甜綿清香的朱古力碎粒雪糕什莓窩夫配綠茶雪糕($40)嫩紅微酸的什莓，非常香軟鬆綿的窩夫，綠茶味十分濃郁的綠茶雪糕芒汁什果涼粉丸子($35)用芒果攪拌成的芒汁，十分鮮甜，新鮮鮮甜的西瓜，哈密瓜，柔滑的涼粉，軟彈煙韌的小丸子整體來說，食物的質素非常高，價錢相對非常合理，店員有良好的服務態度，有禮貌，勤力，所以我認為這間餐廳值得再去惠顧

人生中食過最難食既一野糖水店，本身點左一個沙冰，好難食，佢換左碗芒果撈比我，一樣咁難食。呢碗野九唔撘八撈埋一碗 雜果啫喱加西米露加芒果粒加糖漿...好似撈左水喉水咁既味#糖佰府#好難食#想嘔#咁都可以開分店#有冇專重啲食物？#中伏

食完晚飯，行了陣，又是時候食埋個糖水作為今日嘅總結，因呢間店係朋友之前吃過，糖水選擇多有傳統，有新款西式口味！今次就點了個清潤嘅雙丸椰皇西米$38，無錯真的係呢個價錢，足料！芋圓、番薯圓、湯圓，入口煙韌彈牙，好有口感，而各圓子在口中散發出自己嘅香味，有芋香同番薯香，而個西米糖水甜度適中，西米煮得好軟滑，暖暖地入口真係唔錯！而朋友就點了個新出嘅口味～椰林飄香$45，就係凍食，製作比較繁複，先抽了椰皇內嘅水同椰肉處理後再雪成冰，而再將製成刨冰並放回椰皇內，而上面則放了不同新鮮甜美嘅果肉！有甜芒、士多啤梨、香蕉、藍梅，真係色彩繽紛，視覺享受完，再到味覺享受！夠晒fresh!食完後真係好滿足！

每次喺九龍城食完晚飯，都鍾意去食糖水繼續吹水。呢間中西合璧，價錢又唔貴。榴槤精一眼就睇中左榴槤忘返 $38。因為係豆腐花托底。佢最鍾意去成個榴槤肉裝成嘅波波球，齒頰留香喎。今次佢話食到有啲酒味，甘香之中帶一點苦。有層次重點係季節限定，並唔係每次黎都有得食。配上小丸子，口感更佳。因為晚飯食得唔夠飽，我自己一個人獨吞左個什莓窩夫 $40什莓酸酸甜甜夠晒醒神，窩夫外脆內軟的，甜蜜蜜的蜜糖牛仔.waffle再配一球雲呢拿雪糕，滋味無窮兩條友肚餓到再追加芒果班戟 $26好味！

今日阿仔學校假期， 老公咁啱又放假， 一齊去城寨公園 ， 行到攰攰哋， 揾間糖水舖食下甜品 嘆下先。 平日下午茶時段， 冇人同我哋爭位， 任坐唔嬲 。牆上貼滿 甜品相， 睇見都想食。 另外一邊牆就貼滿同明星影嘅相，心唸應該都唔差掛。 叫完三個甜品， 點知先來個燒賣， 老闆娘話下午茶學生送嘅， 又幾抵喎! 阿仔叫咗個涼粉雪糕，因為係佢至愛， 有兩球雪糕， 佢話好好味 。 我就叫咗個椰冰紅豆芋圓， 芋圓好彈牙， 紅豆又夠甜 ，加埋兩球椰冰 ，透心涼。 老公叫咗個拿破崙 ，賣相不俗，皮夠酥脆，吉士甜甜地，一口一口慢慢吃， 視覺同味覺嘅享受。 阿仔食完涼粉雪糕又話想飲嘢， 見到牆上貼著椰皇水6蚊杯，平平地， 就叫咗杯嚟飲下， 好清甜喎，抵

糖水、甜品，飯後不可缺少的食物，而家經過不斷改良的甜品，除左中式外，亦加入了西式做法，琳琅滿目，色彩豐富，胃口大增。糖佰府是一間中西式的糖水鋪，可以食到各式各樣的甜點，我地真係有口福！白雪世界-好貼切的名稱，有芒果、西米、椰冰、爆珠、小丸子，材料豐富。芒果鮮甜夠香味、香濃椰冰、爆珠爽口、小丸子有嚼口，韌性。生磨合桃湖-用二個字形容*超正*，從不起眼的一款甜品，真是好香甜，勁香濃的合桃味，加上用米，生磨而成，入口即溶，滑溜，口裏還食到未磨碎的合桃，回味無窮！不忘打包二碗回家孝敬父母。

去九龍城食完飯，食得飽飽地，仲有空間可以騰出，食甜品。行過，錯過，都不能錯過的糖品鋪，糖佰府，每次去食，我地入去時，只有一兩檯客，當我地坐下，不久，就客似雲來，整間滿座，要等位，沒辦法啦，兩旁的牆壁上都貼滿明星及簽名，難怪，咁多人來幫襯啦！咁啱，我咳了很久，都未好返，見到有無花果雪梨純海底椰，啱我。雪梨湯汁清潤補肺，清甜又止咳，雪梨純得稔甜。雙丸椰皇紫米，老闆娘奉上一個最大的椰皇，夠厚椰肉，紫米夠稔糯，糖水夠香滑，陣陣椰香好味、湯丸大粒，有嚼口，花生糖心，香甜。還有就係在糖佰府這間店會備有小碗和叉匙給客人自由取用，非常細心呢！方便晒我哋這些樣樣都要試，鍾意食多幾款嘅客人！

今晚我哋有三人行，多咗個麻煩電燈膽，食完 Thai 菜後剛剛想食甜品這間店子望落去經濟實惠，30幾蚊有交易友人係鬆弛熊粉絲，乜都唔理叫了心太軟 $40，因為可以無限同鬆弛熊自拍仲可以揀兩個雪糕球，咁我就一於食一個芒果，佢食朱古力碎粒啦！我自己就覺得最近比較喉嚨乾燥，雙丸椰皇西米 $38，感覺夠晒滋潤，口感順滑，潤喉最舒服老公 order 了芒汁雜果涼粉丸子 $35，涼粉可以下火，重點係我又想食丸子喎⋯⋯haha, 咁就可以兩邊都 share 啲嚟食, 一個價錢滿足我三個願望.

今日想食吓甜品，就約朋友到九龍城一間糖水店食。呢間鋪原來有好多名星朋友來食嘢，仲影相簽名在黑板上面留念。我叫左雙丸椰皇紫米，法式燉蛋，窩夫加雪糕。先講椰皇紫米：紫米露加入新鮮椰青內，再放入湯圓和一粒粒軟彈煙韌類似湯圓嘅嘢。都好有口感呀！飲出來不但有紫米味更有椰青味，香滑清甜，紫米仲係軟綿綿的。有口感。窩夫+芒果加雪糕，最特別係佢個牛仔蜜糖樽，夠精緻有趣。呢個最適合下午茶時段食。窩夫鬆軟，雪糕又滑，不是一般雪糕，加一大片芒果，香甜好味。食完呢個都包包。之後就係法式燉蛋，燉蛋上面加上焦糖，薄薄的一片金黃色，都幾吸晴呀！焦糖是脆脆的，甜度適中，食落好特別。燉蛋嫩滑細密，不稠不老。都好好食。我再見到有提拉米蘇，好似個花盤仔咁，好特別下次要試下先。原來有個下午茶係窩夫加雪糕都係28元。好低呀！學生哥放學後，有點肚餓，不防到呢間糖水店飲碗糖水，放鬆一下，仲有燒賣或咖喱魚蛋送。