稻香 (已結業) 查看

平日黎飲茶係幾抵飲，可能經濟問題吧，廿幾蚊揀兩個點心，真係算抵啦，而且款式都唔少，味道就可以接受既。雞札用腐竹包住不過味道都算可以既，都足料，不過不失。鳳爪味道都正常，份量可以接受，無特別。其他點心都係正常，另外叫左一皮蛋碗粥都比較大碗，唔算稀既，所以都接受到既。只係蘿蔔榚既口感比較差，覺得太林了，同太易散，食落去唔太好味道。不過服務就比較差，叫極都唔應之餘同埋追左好多次單，話整緊整緊，等左成個鐘先知無整，服務都幾差，不過價錢平所以睇你想要邊樣啦。總結食物質素一般。價錢平但服務差。

是咁的今日同屋企人呢放假呢，一齊出嚟飲餐茶傾下偈，因為真係好耐冇飲茶啦。我哋近近哋去咗荃灣千色匯嗰度飲茶呀揀咗稻香，可能荃灣食物選擇多啦所以我哋朝頭早去到香都唔使點等位。入到去招呼我哋坐定定就開始玩咩叫嘢食喇，佢都有啲早晨特價可以選擇嘅如果唔想揀呢就可以揀返其他正價嗰啲。我哋梗係唔執輸啦，叫咗幾個有特價精選嘅早點，然後再嗌其他我哋心水嘅嘢。喺稻香我覺得最抵食係佢嘅蝦餃，而我最鍾意食咩就去流沙包啦。整體嚟講佢嘅食物質素同價錢都合理嘅，又唔使等位呢餐茶都幾方便。

今日約咗幾個朋友嚟到稻香嗰度打邊爐，我哋幾個師奶仔梗係等到佢哋家事畀佢時候先嚟打邊爐啦，夜晚過咗八點半之後有七折喎圍起每個人都係百幾蚊而且佢仲係雞煲加火鍋嘅任食火鍋。今晚嚟到八點半嘅時候都好多人喺度等位等緊佢做特價時段，好彩我哋都等咗唔係好耐就有位入去食嘢啦。 除咗自助火鍋之外另一個賣點係有免費嘅飲品同埋甜品任食任攞，甜品都叫做多選擇有芝麻胡同埋豆腐花仲有雪糕。。我哋幾個女仔食完個雞煲之後咁梗係即刻寫配料打邊爐啦。整體嚟講，打邊爐有嘅配料配，佢全部都有而且仲要係啲特價段真係大件夾抵食。正

今天去了荃灣逛街，下午大約兩点在稻香飲茶，等大约兩三分钟便有枱了。星期六没有下午茶優惠時段，怪不得比较容易揾位。家鄉鹹水角 $19，不是脹卜卜的鹹水角，賣相不太好，但吃落蠻好食的。香煎蝦米腸 $19，上枱時没有甜酱麻酱，要自己去拿，腸粉不夠熱。鼎湖腐皮卷 $22，不夠熱很多油，腐皮有点韌不够脆身，咬口感覺甚差。蜜味叉燒腸 $22，又是不夠熱故不太好吃。珍珠蝦蘿蔔糕$24，这個值得一讚，是即做即吃，味道不错，蘿蔔糕外面脆身而过裡面軟滑。酥皮叉燒餐包 $19，都是嫌它不够熱，酥皮不脆口，包的質感也做得不好。上素蒸粉果$15，这個比较蒸得夠熱，但味道普通。整体来说，點心未能做到即叫即蒸，不夠新鲜熱辣。

眾所周知，稻香一直有火鍋放題不過不是每一間分店也有亦不是每一間分店開始的時間也一樣荃灣分店就八點半開始，可以吃2.5小時每位只需$148再加一小帳另外最近有優惠—每四位可以有一位免費真是低處未算低的價位，沒有對手湯底有很多味道，而我選了最新的胡椒肉骨茶湯底胡椒極重，但不覺得像肉骨茶的確有很大舊豬骨和豬腳，材料十足但加湯只能加水，愈吃愈淡其實叫了很多食物，但太多朋友不好意思瘋狂影相大家最關心的一定是肥牛上碟速度算快，沒有漏單，一碟大約六塊，雪花也正常，不會整塊都是肥膏順帶一提，丸類一份很多，盡量叫半份好了你看，朋友叫了一整鍋都是丸子…生蝦不錯，但蜆後來來的都很多沙而且蜆叫了很多次才來一點點廣島蠔一份有六粒，十分正大大粒，味又不腥雪糕是雀巢的，比較特別的有紅豆及芋頭味飲品方面，都是可樂汽水那些比較特別是有健康工房的清熱飲品及壹豆漿出品的豆漿兩者都比較受歡迎總結，先不論環境，大酒樓環境絕對完贏同樣價位下，真的找不到同類型的可以與之比較

今日來到稻香不用等位都幾方便，今日我地二人來到叫了水仙，但味比較淡，今日叫了四個點心，大約十分鐘食物開始來到，但熱度有點不夠，蘿蔔糕有四件但一夾就爛，幸好仲有點蘿蔔碎而且味道都不錯，叫了辣椒油但一點都不辣只可講有增加少少香度。粉果配蝦餃每款有二隻岩晒我地，蝦都幾大隻又爽口，皮夠薄身，粉果都多料不錯，糯米卷比較細件，糯米飯都幾香軟熟，义燒腸的义燒比較少但腸粉都幾滑身，四件點心二人食差不多，結帳不用百二元都可以不太貴。

同屋企人黎酒樓打邊爐，稻香價錢都算幾抵食，又多野選擇，牛肉都幾新鮮，大碟又多片。烏冬份量仲多，本身都怕唔夠，所以叫左2個，無捻過佢一個都咁多，一份相等於2包烏冬到。仲可以叫庶汁飲，得閒打下邊爐都幾唔錯。

姨甥仔生日話要食龍蝦伊麵，就揾咗稻香。第一次所有食物都係由小朋友發辦，佢揀咗蝦蝦伊麵+豉油王海蝦套餐，乾扁四季豆同柚子蜜焗肉排。套餐算抵食，龍蝦伊麵加豉油王海蝦都係 $238，正常份量唔係細細碟，啲蝦仲要新鮮入味 👍👍👍乾肩扁四季豆有啲辣，上檯色水有啲暗啞 😅柚子蜜焗肉排好香甜，仲有幾件罐頭蜜桃 😋小朋友食得好開心，問邊樣最好味，佢排次序話龍蝦伊麵，然後個蝦同肉排一樣，最後係四季豆，始終都係少食疏菜 🤣🤣🤣酒樓都好生意，如果可以分開火鍋同小菜啲檯會好啲。另外餐具有點污漕 😡

成家人晨早流流打算飲個茶，近近地就去左呢間稻香。點知⋯⋯先講啲仲正正常常既先，個煎蝦米腸係油左啲但都仲入到口，佢似煎完擺左陣先出，所以個皮有啲韌。個南乳雞腳都係正正常常冇乜特別。跟住就黎到精彩一part，話說阿姐上腐皮卷時冇喼汁，問佢拎時佢黎手就倒晒上個腐皮卷到，好不幸地我地當中係有人唔多好喼汁(嗰個就係我😂)咁當冇事照食啦，一夾起舊腐皮卷——我已經知佢下面啲油可以再返鑊煎多碟腐皮卷。入口時真係覺得自己把口啷過油😂睇戲我就睇過啲演員爆肚，舊粉果一上枱就爆肚我就真係第一次見😂唔知佢係咪覺得有野好好笑所以笑爆肚？呢盤野⋯⋯er⋯⋯我唔記得左佢係咩名，好似係關發財好事嗰啲吉利野事，所以係有髮菜蠔豉同豬脷。但唔知點解除左豬脷紥到個穩馬步之外，其他料都相繼墮馬，仲要好似打風咁歪埋一邊，而我幾相信當日係風和日麗的。其實千色匯真係有好多茶樓，估唔到自己會揀上呢間，當係去左個奇妙世界算，但係時候出返黎😂但稻香真係要加油💪唔係好難打上下左右啲酒樓喔！

今天路過此店 , 剛好兩點下午茶 , 發現他特價點心紙的"午市茶市點心打孖上", 竟然仲貴過散叫 , 呵呵呵 ~~~~~~~~~~~~~~~~~~~~~~~~~~~~~~而且"龍蝦湯銀絲卷" 竟然完全無"龍蝦湯" , 職員表示 , 向來如此=~=~~~~~~~~~~~~~~~~~~~~~~~~~~~~~~呼籲各位選擇時 , 請慎重~~~~~~~~~~~~~~~~~~~~~~~~~~~~~~以下附上"龍蝦湯銀絲卷"的圖 , 給大家參考

荃灣千色匯樓上有好幾間茶樓，但唯獨係稻香大排長龍拎曬飛仔，其他都吾洗等位。心諗，稻香應該好抵，吾係點會甘多人幫襯。大約等左20分鐘左右啦，終於入到去。搞吾之得甘多人啦，原來搞緊折，大中小點都有折。叫左兩碟點心，因為都吾係好餓，係想坐底飲下茶。雞扎好新鮮，因為食到佢件芋頭係乾身好粉，如果平時翻蒸既話係會溶溶爛爛的。鮑汁雞蛋腸好滑，份量都好大。不過啲雞蛋就太少了，都吾係幾食到蛋味。埋單都係30幾蚊，都幾抵。但係上菜就太慢，等左好耐。

同媽媽慶祝母親節，揀咗大牌子嘅酒樓-稻香，一來呢間稻香嘅地點好近媽媽，二來係呢啲大時大節，好多酒樓都會坐地起價，稻香價錢亦都相對合理。今次叫咗一個雙拼（有波士頓龍蝦配伊麵+例牌燒鵝）、瑤柱蛋白炒飯、滋補花膠雜菜煲。先講講個雙拼，兩個餸加埋$288都算抵食，燒鵝係好食，熱辣辣之餘啲肉嫩滑有肉汁，而且入味，但對龍蝦配伊麵就唔好太大期望，冇乜特別，伊麵更加比其他餐廳遜色。值得一讚係個瑤柱蛋白炒飯，不單止有鑊氣，而且啖啖都有瑤柱絲，好抵食！至於個花膠雜菜煲就不過不失啦，但係得好少花膠仔（不過都預咗嘅），而且都係用啲比較平，超級市場都買到嘅花膠。可能適逢母親節前夕，而且又係星期五，所以都好旺場，接待署職員安排座位就比較亂，例如我見到明明有人已經訂咗枱，職員叫佢企埋一邊，等緊轉頭有枱就俾佢入。但係唔知係咪另外一個人又同佢個職員相熟，就咁比佢入咗先，搞到明明等候緊人啬即時向職員表達不滿，好彩最後職員都處理左。

好耐冇食稻香，因為個價錢都幾貴，但適逢呢排做堅1蚊1隻雞，所以就去試下。聽人講隻雞係炸子雞，仲要原隻上自己用手拆，我就冇乜所謂，用手食仲正，不過聽人講如果叫佢拎返入去斬就要收返你正價，可能有人試過啦。我哋兩個人食，叫咗一隻雞同一個雜菜煲，個煲既份量都算幾大，不過味道淡左啲，但佢啲花膠都幾多，同埋都幾大塊，而隻雞真係唔錯，個皮好脆，佢會連埋一對手套俾你，一拆開隻雞好多雞汁流出來，正。不過好老實，啲侍應既態度就真係麻麻地。

話說之前飲開茶嘅酒樓搬離荃灣區，無左平靚正選擇之餘，仲突然間無得食必點雪山叉燒包。所以近幾個月都試試區內不同酒樓，希望找到美味可口的取代者。周六到了城市中心試一試稻香（同大廈的另外兩間都大排長龍呢）。叫了數款點心試試味，金錢肚，鳳爪，椒鹽豆付，菠蘿叉燒包。整體質素尚可，椒鹽豆付外面脆口，內里軟滑，，熱食很美味。菠蘿叉燒包如果熱食都不錯，不過還是取代不了雪山叉燒包的地位！價錢方面則有點小貴。

純粹為$1雞而來 $1雞 價錢來講 質素好好！ 但菜單冇乜款式可以揀，價錢都不便宜，好難覺揀左3樣野食！ 豬手，骨太多，太肥，很小肉，只係味道還不錯！ 黑椒牛仔骨，份量都多，但牛仔骨太多筋，食到好攰！