黎到長沙灣呢邊食都算多野揀有唔同既餐廳可以選擇~
今次就揀左呢間食堂試下, 環境係寬敞又坐得幾舒服既~
午餐就點了三文魚飯太餐試下, 雖然份量唔算大不過50幾蚊還可以接受既~因為都有唔少配菜.
三文魚都算大塊而且口感唔錯, 賣相都ok既.
其他配菜味道正常,普普通通沒有特別~自己唔太好呢類沙律菜就只係食左少少, 蒸蛋都算滑,味道正常吧~
>>>整體黎講<<< 坐得舒服既餐廳, 食物質素係ok唔錯既地方~
食lunch黎試下係一個選擇~

黎到黃埔, 上次食左隔離壽司店, 見到有呢間餐廳又有套餐試所以今次決定試下呢間啦.
呢間今次食係無咩客人咁, 比上次見到仲少, 坐得係幾舒服, 環境都算唔錯.
叫左2人套餐, 燒椒醋黑皮蛋, 蔥油雞, 炒雞球, 家鄉酥肉.
燒椒醋黑皮蛋 (OK), 不過味道同平時出去食既米線店係有點唔同, 口感就一樣既.
蔥油雞(OK), 有部分去左骨, 食得方便, 下面雖然係拍青瓜, 不過味道算唔錯,雞都算滑.
炒雞球(OK) 雞算滑
家鄉酥肉(OK) 份量算OK而且都無咩骨, 唔點落D粉度就沒有麻味, 視乎個人口味~
白飯量(OK) 夠熱~
飲品叫左凍檸樂沒有揀特別飲品, 沒咩評價~
>>>整體黎講<<< 呢間食物水準算唔錯, 268既二人套餐未計加一都可以接受~

黎到沙田市中心行下行下就順便搵地方食晚餐啦, 行到呢邊又係呢個長假期入邊有好多餐廳都唔駛等位.
最後都係揀左呢間試試, 雖然有卡位坐, 環境算是比較舒服.
不過食物質素真係比較低, 賣相已經一般, 質素就更加低, 炒麵68蚊連餐牌頁闊度都大過個鐵板,完全唔抵.
壽司方面,三文魚味道算正常, 舊飯有部分真係好少好細,而且一夾就好容易散,質素低.
蟹棒玉子味道都係正常不過覺得唔夠凍, 舊飯一夾都係好容易散開.
卷物真係比較細舊而且賣相好一般, 味道普通,唔太抵.
最唔值係個鐵板海鮮炒麵, 太細份之餘要68蚊, 海鮮又唔係多, 完全唔值.
>>>整體黎講<<< 唔值而且質素低既一餐...

黎到荃灣呢頭搵野食 呢間未食過就揀左呢間食 舒適度算可以既，不過呢間係貴價酒樓，感覺環境及坐椅應該可以再舒服啲。 食物方面，魚都算爽口，不過份量真係比較少。 雞既話，味道正常，口感還可以不過唔夠滑，比相像中有點失望。呢個價錢覺得可以更好質素。 咕嚕肉味道正常不過唔夠鑊氣而且份量太少，完全唔值。 炒飯算乾身既，味道都係普通。 呢度服務比較差。雖然侍應有手套，不過上菜侍應放菜時手套整到客人筷子夾餸位之後又用手推一推開筷子放餸就走了，手套推車執野都會污糟，之後又用手直接接觸筷子夾餸位，唔衛生，需要留意。 整體黎講， 呢間價錢真係算貴，食物質素唔值呢個價錢，服務唔掂，份量太少，失望一餐。

旺角多野食多野揀大家都知不過新年期間搵野食就有啲難度既，呢間火鍋平時都多啲人食下反而新年假期間唔算多人食又唔駛點等位於是就食呢間啦，其實之前都食過不過就要等位。 今次有卡位坐，揀左個set係食120分鐘。整體都係主要食牛同海鮮。 呢度啲牛既味道算唔錯，而且口感ok林林地又有鮮味。月見封門柳應該係最好味之一，味道同口感good呀，豬方面就算是正常沒有甚麼特別吧。 海鮮方面，鮮鮋墨魚仔食落都算係爽口彈牙，蝦就夠哂大隻，口感就算是正常。 另外都有其他自助食物可以揀不過食餐牌上既肉同海鮮都已經食得好豐富了。 整體黎講係台式火鍋選擇之一。

黎到南昌呢邊行下就搵埋野食，其實呢邊比較少黎，見到和平飯店好似幾好咁，環境望落夠寬敞就於是食呢間，都等左一陣位。 環境算寬敞位置都夠闊不過食物質素真係比較一般了，呢個價錢 本身諗住有更好既食物質素，點知質素就比較一般，而且部分份量太少了。 醉雞酒味唔夠濃，雞絲粉皮唔夠凍。 津白同粗抄味道就算是正常。 不過炒飯食落有燶味，唔知係咪炒得太勁，食唔到了。 小籠包味道正常，沒有特別之處又唔算係好多料又多汁個種。呢個價錢就覺得唔值。 總結黎講，失望既一餐了，食物質素唔值呢個價錢。

朝早8點幾諗住食大家樂早餐，咁就準備用app去點定餐去到有得拎，點知個app顯示太忙連接唔到點唔到餐，試左好多次都係咁，服務好差。去到門市買又等左10+分鐘先有，而且速度都好慢，部分職員唔太熟手咁，要改善問題，見到廚房放左好多食品係出口處，水吧都未拎到。 食物質素方面，早餐點銀針粉，炒麵，熱檸檬茶。 銀針粉就比較細碗，炒麵質素算正常，今次唔算太油，試過成個炒麵油得好誇張，今次相比下算正常了。 熱檸檬茶正常。 總結黎講，app點餐經常出現問題或故障點唔到餐，要改善。

呢一晚黎到將軍澳行下之後就搵野食啦係呢邊都有幾個商場連住行都有D餐廳可以揀下, 最終就係揀左呢間食堂,

將軍澳都比較少去既, 所以今次就試左呢間, 服務正常食物就不過不失,未至於真係好吸引, 其中一個原因係燉湯用膠碗上,
感覺就有點怪,而且有點細碗,料就算是可以.

蒜泥白肉算是OK 不過蒜尼味道唔太夠了.
粉絲大蝦算是不錯,蝦夠大隻而肉質口感是可以的,粉絲唔林口感算有點彈, 幾好味.

整體黎講, 算是不過不失晚餐只係燉湯用膠碗上就有點怪了.

旺角多野食多野揀，雅蘭係旺角市中心呢度都有幾間餐廳或火鍋可以選擇，今次食牧羊少年其實都食過幾次，質素味道都係ok既，而且坐sofa位就更加舒服。 呢度既食物味道普遍都比較濃一點，岩唔岩就視乎個人口感喜好。 份量就真係算細份，所以2個人可能叫3至4款食物先會足夠。 pizza 都未算大份，2個人食再加多3款食物都算是足夠。長通粉口感還算ok 唔係林之之既口感不過汁比較多所以會比較濃郁。 反而呢度既飲品就真係比較一般沒有太特別。 總結黎講，呢間食物質素不過不失，因為唔算大份相比黎講價錢就會有啲貴。

長沙灣有唔少茶記選擇， 行到呢邊有個商場 見到呢間米籽就走入去食，環境算唔錯又寬敞，坐得舒服，一啲都唔迫既。 最終係揀左醉雞配飯 熱檸檬茶。 醉雞配飯，呢個味道感覺非常一般，而且酒味有啲唔夠濃，雖然碗夠大，但雞份量唔算多因為好多都比較多骨既，而且食落去又唔算入味，感覺差了一點。。。 熱檸檬茶，自己始終比較鍾意飲有檸檬既檸檬茶，呢杯都算是沖粉或沖劑之類，沒有檸檬係份入邊而且要加9蚊就覺得有啲貴了。 如果唔加野飲，呢個餐50幾蚊值唔值就見仁見智啦。 整體黎講，呢個醉雞有啲失望，檸檬茶始終有檸檬先岩口味。