真知味小廚

營業中

休息中

食物係好味既， 新鮮既， 但餐廳唔憂做， 成日未食完， 員工未問你就收野早餐時段叫左個豬仔包奶醬配奄列， 火腿通粉配雙蛋， 豬扒餐肉公仔麵通粉幾大碗， 全部餐都set定左唔可以改

在柴灣工廠區的上班族，在食晏之時，一般都會在工廠區飯堂解決，又或者去附近屋苑商場的食肆。這次來到位於住宅區的真知味小廚，是典型的街坊茶記格局，取價未算十分便宜，但勝在份量夠，得以維持其性價比。由於在下食晏時閒較遲，每次去到此店，通常都會被告知某些午餐已經沽清，只餘下個別午餐。正因如此，一直未有機會試到這裡的名物 - 荷葉飯。不過，其他餐也有特色，例如這次吃的魯肉雞翼飯，飯和餸是分開上。驟眼看，眼前只有一碟飯和一碗汁，但原來汁內有乾坤，就是把雞翼藏在裡面，賣相和安排都甚有特色，而且味道也不錯，算是抵吃的一餐！

同朋友幾個入左呢度食個快晚餐，人都幾多，侍應都做唔切，我叫左個栗米班腩飯，好快就有，幾好 wor, 啲班腩幾脆，幾厚切，啖啖都係肉，好正，個汁就咁睇有啲似鼻涕，不過味道正常😂，成個飯份量就好足夠，仲飲左杯熱檸蜜，好飲的

係運動場練完跑後知道有波友係真知味度食梗lunch,就火速會合去食返個lunch,如果冇朋友拎定位睇怕新春期間都要等好耐架喇。我揀左午餐e 泰式冬陰功豬頸肉米線(42蚊左右)加3蚊要左杯凍檸茶少冰少甜凍檸茶都係太多冰, 可能要叫少少冰先得米線比普通飯類要等耐d,一黎到個賣相好吸引, 色香味俱全, 有好多南薑, 香芧, 檸檬葉, 蕃茄係個面度, 見到紅色一堆堆既辣醬, 同桌友人有2個食完加1個食梗既都流哂口水, 因為真係好香。食落口就知不得了喇, 因為真係香味四溢, 深深地激活左我既味蕾, 而豬頸肉有好多塊, 煎得香香地, 同明顯已醃好再煮,而用米線而唔用河粉會較彈口同冇咁吸水, 食到最後都仲有好多湯可以飲。 惟一需要改善既係可以落返d草菇或蔬菜。碗麵其實真係好惹味同好辣, 真知味既泰國菜真有水準, 好想跟師父學野係屋企可以自己煮老闆打埋得間店頭頭是道, 員工勤快同食物keep住有水準, 希望第日可提供更多泰國菜式供食客選擇

Lunch最煩諗食乜，好彩小西灣夠多茶記，總有一間在左右。今日我同同事就黎咗呢間出名荷葉飯嘅茶記，佢有個優惠午餐menu，每日7-8款有飯有粉麵，$41包例湯或熱飲，而荷葉飯就係膽黎嘅，日日都有。我就點咗泰式豬頸肉炒河，份量十足豬頸肉都幾多舊，最後打包咗2/3個河，泰式辣醬幾惹味，可惜味道偏咸。而是日中湯係赤小豆瘦肉，冇想像中咁重味精，而且瘦肉又係好足料，食極都仲有。同事點咗排骨荷葉飯，拿手菜果然冇失盡，排骨又淋又入味，飯底好香好好食，雖然個飯好大份，但最後都食得哂。呢間係小西灣唔錯嘅選擇，下次lunch會試吓泰式無骨海南雞飯。

正所謂輕輕鬆鬆鄧子峰，時間又到三點三，係時候嘆返個下午茶😎位於小西灣嘅真之味，坐立於小西灣嘅中心，交通四通八達，喺小西灣富欣花園落車，直行轉左，只需要行50米就到啦⤵️。佢嘅下午茶餐價錢十分親民，價錢大約於$ 20至＄40不等。今日我揀咗個普通嘅花生醬西多士，唔好睇佢個樣平平無奇，佢用嘅火喉岩岩好，外表炸得金黃鬆脆，唔似得一般連鎖式快餐店炸得又乾又硬。而內裡亦都啲都唔簡單，花生醬嘅味道唔只濃郁，仲好有咬口，皆因佢用左原粒花生醬。🐾唔知大家有冇一種習慣，先將西多士切好晒先開始食，而我每次食西多士都會先搽上半塊牛油，加入大量嘅糖漿再將佢切成16分，慢慢一口一口細細咀嚼🐾花生醬西多士再搭個熱檸水，都只係$23，係現今物價通脹嘅香港，真係好少有 👍🏼

之前食過一次晚飯, 覺得都幾抵食既.今次就試下下午茶啦.叫左一個豉椒排骨炒麵, 一個常餐配瑞士雞翼撈麵豉椒排骨炒麵 (唔記得影相), 排骨頭大, 沒甚麼肉, 每一舊都好大, 根本放唔入口,重點係骨多個肉一個常餐配瑞士雞翼撈麵, 2隻雞全翼係我非常欣賞既, 呢度既瑞士雞翼竟然係用花椒八角煮架.因為見到係撈麵上, 中式煮法味道當然唔似瑞士汁啦~唯有當普通雞翼食. 麵非常濕,明顯地無飛好水就上碟. 麵無落任何調味, 店方一定係諗瑞士汁已經好夠味啦.錯錯錯!!!! 因為麵非常濕, 掛唔到瑞士汁, 兩者就好似不相識一樣. 各行各路.完全唔夠味. 要自行加胡椒粉調味. 兩款既味道都不太好除了味道外, 用餐環境也不舒服, 當日由於是星期六, 人流比較多, 店員不停的行來行去, 位置已經不夠, 經常會撞到椅背.用餐時間全程不停有人好趕急的行來行去. 完全不能安靜的用餐而且店員安排位置的做法奇差. 完全有趕客之意.印象不太好

上午6點左右，本人在小西灣村想食個早餐後再工作，發覺村里的商場食店全部未開，唯有走幾步去隔離村。這間餐廳很早就開，都好，可以方便一些早開工的上班族。這里很多都係自己一個，每人都搭枱，但大家都好似坐慣唔太介意。今次我點了一個餐肉羅宋湯螺絲粉、蛋+多士、香腸，這個餐原價29蚊，我點了凍飲，所以額外要加3蚊，不過我都唔介意。其他配菜我都覺得沒太多特別，但這個主菜真係值得推薦一下，很大很多配料呀，每樣配料都大大件！我自已一個根本食唔唒，講返味道方便，其實就偏鹹，這個要改善，如果那隻蛋是炒蛋就好了，這個價錢可以配多士都好抵😍所以這份早餐其實可以合格和拎好高分。但我要講比大家聽，我用後一小時，本人肚子大解放，足足兩次，因為我那天只是去了這間餐廳，所以本人覺得自己應該食唔慣這間餐廳，所以如果大家個肚子係玻璃肚，就要考慮清楚啦！

小西灣膽朋友帶我嚟呢度食下午茶，話呢間野係區內居民嘅頭號飯堂。睇睇餐牌，選擇都幾多，多士、沙律、雞翼、三文治、薯條、撈丁、炒飯、湯麵等等應有盡有，我就叫左個芝士鹹牛肉炒蛋潛艇，25蚊包埋熱飲，算係街坊價~個潛艇嚟到都真係幾長，個包咬落鬆軟新鮮唔似隔夜，入面嘅芝士呈半溶狀態，牛肉同蛋mix埋一齊炒，幾樣嘢配合埋好好味，幾乎食每啖都有餡料喺入面，唔會話包多個餡好多，所以都算物超所值~

平時閒日都要上班，好少可以吃下午茶XD難得今天是紅日做完正經事之後就去了吃 下午茶就選了沙律配炸豬扒 / 司華力腸 ^^沙律超多紅腰豆 =" = ！ 不過整體來說還不錯吃的。司華力腸是雕了花再炸的XD！另外還點了一個芝士鹹牛肉奄列潛艇 這個不錯。如果芝士可以再溶一點就好了。最後飲品點了這裡的熱奶茶 (因為凍飲要加$3，還是飲熱的算)這裡的奶茶~茶味比較濃~但也算不錯的 ^^ 

這舖位的食肆總做得不長久，過去轉了又轉，直至真知味的出現。每到晚市時份，店外便會出現人龍，開頭以為只是曇花一現，怎料不經不覺又開了幾年。為了避開人潮，我們六時左右便到達餐廳，侍應阿姐推介了幾款食物，態度親切沒有硬銷感覺。泰式海南雞飯是該店的名物，當然不能錯過，由於廚房已預先準備好，此菜是以超快的速度送上。雞件全都去骨的關係，吃時乾淨俐落啖啖肉，肉質非常嫩滑，是剛剛浸熟的狀態，可是香味略為單薄，需蘸上醬汁方妥當。雞皮不算厚，皮下有一層啫喱，我就嫌此雞溫度稍冷，若微微翻熱應較理想。黃油飯雖然乾爽，但同樣缺欠香料的芬芳，整體來說，這道菜式算不上是出眾之物。生炒骨則是即叫即製，所以送來時新鮮熱辣，它的外層炸得香脆可口，肉排沒有過份肥膩，又不會煮得過乾。配合酸甜得宜的醬汁，是送飯的良伴。瑤柱金菇扒豆腐味道有點過鹹，豆腐亦不算很滑溜，倒是瑤柱出奇地多，絕不欺場。至於黑椒茄子班腩煲質素平平，黑椒味可以再重一點，令這個菜式多些活力。今餐二百多元結賬，抵呀！

九月二十二日 (星期六)是日很健康，相約了眾食友齊行山集合地點是甚少踏足的柴灣，在開飯網搜尋了好一陣子，決定先到這家茶餐廳吃個午飯才去會合大家架架妹打開餐牌，見到她愛點的常餐(因不用想)，但給架架仔阻止了是的，難得來此，也要試這裡的招牌菜從食友得知，這裡的煲類是頗不錯的，就點一個沙爹粉絲牛肉煲再看看張貼於牆上的餐單，說其沙薑雞也是拿手之作，好，也儘管一試老火湯十分足料，瘦肉煲得極軟腍，火侯十足沙薑雞十分嫩滑，雞味濃郁，皮的脂肪也不多沙薑醬很香口，不只用來伴雞，拿來撈白飯吃也非常惹味餐牌內有一整頁的煲類選擇點了個惹味的沙爹粉絲牛肉煲可惜粉絲和牛肉都較幼身，牛肉欠煙韌口感，但沙爹卻十分香濃，挺醒胃的煲內有不少芽菜，都很爽口，且亦減低了沙嗲的肥膩感覺店子看來十分受街坊歡迎，下午茶時後亦十分爆滿!看飽飽，是時候做點運動!

好坦白.我活到今天.柴灣這個地方我才第四次去.當天下午去灣仔見工.晚上要出席聚會.中間這一段時間要找地方去,靈機一觸知道見工樓下有車15分鍾直達柴灣.愛食的我當然要做食評.幸好柴灣的地形不複雜.我將柴灣分開3邊認路.地鐵站.小西灣道.藍灣半島.只要知道店在那邊我就不會迷路.真知味.在外觀看也知道是新店,環境光猛,清潔衛生.環境大,冷氣仲好勁.服務不過不失.不會熱情亦不會罵人.我看到門外不少肥雞,而招牌上最明顯也是寫海南雞飯的價錢.我當然點了一客.45元加凍檸茶.凍檸茶7元:我只嫌冰粒太多.機本上茶味濃.檸檬也夠厚,酸味也足.好正.海南雞飯:以茶記以言.相當企理.但味道有好有壞.首先說好的方面.湯不俗,是紅蘿蔔豬肉湯.煲至材料也溶,但味道竟然相當清甜,一滳油都找不到.也不會飲完口乾.飯粒亦是要讚的地方.粒粒分明,很重油香味.而且啖啖都熱辣辣.相當滋味.壞的方面.醬油.有點求其.變了辣汁.薑蓉.同酸蘿蔔.前二者像稀色了.味道什淡.完全無辣味.後者也有醒胃作唯一的賣點.雞絕對沒有浸完熱水.浸凍水.令皮更滑.完全沒有技巧.只是用熱水弄熟.雞肉鞋口.味道什淡.皮亦厚.味道沒有雞應有的鮮甜.埋單5

數到多人食的小西灣美味茶餐廳，不能少了真知味！除了太興之外，真知味是小西灣茶餐多人食的一家！咕嚕肉，新鮮熱嗱！炸得香脆，而且無乜肥肉！惹味的酸甜醬恰到好處！第一次叫牛腩煲！想不到，牛腩有咁多！而己很軟林、也很入味！一點也不軔、也無肉渣。很好味，食不停口！黎個薺！~金菇扒豆腐~醬汁惹味，豆腐滑溜，不錯！送飯一流了！滑蛋蝦仁就有點遜色。上次黎，是有點流質的滑蛋。今次就過了火喉。希望下次好一點吧？啫啫雞煲！次次黎都上食一次。用上了小洋蔥爆香了！惹味得很！略嫌雞細舊了一點。其他的還不錯！多數，雞都保持到軟滑。除了雞胸鞋了一點。

與奶奶食下午茶首選最出名的泰式無骨海南雞飯及鳳爪排骨荷葉飯紅蘿蔔粟米湯夠老火, 有味飯頗大碗而且軟硬適中泰式無骨海南雞, 啖啖滑雞肉, 雞皮脆而且皮層下有層啫喱, 最好就是有鮮雞味鳳爪排骨荷葉飯有好香的荷葉味, 荷葉飯是炒飯, 飯裏也有义燒粒等餸料, 炒功唔錯,飯粒分明唔會有糊口的機會, 鳳爪排骨唔算多並且味道比炒飯普通原來冬蔭公湯米線都唔失禮, 冬蔭公湯飲得出香茅及檸檬葉等香料味, 飲完無口渴, 飲完會流汗夠足料瑞士汁乾炒牛河幾夠鑊氣, 河粉條條都包色而且無一嚿嚿, 但略嫌唔夠甜味