真知味小廚

營業中

休息中

有次晚上21:25入去食宵夜，當時有幾張空卡座，正在坐低的時候，職員叫我坐埋多人那邊，跟住我話坐呢度，職員堅持要我坐埋人堆，跟住我就起身走人，此店是22:00關門，得返果半個鐘做生意又唔係坐滿人，都要咁麻煩，作為消費者條氣真唔順，成個小西灣淨係得你有嘢食賣咩，做生意服務都好緊要架，Black list佢。

最近因為要帶小孩到小西灣課外活動，所以經常來這邊。今早去了一間位於附近的茶餐廳，享用了一頓美味的早餐。這間茶餐廳以經典的港式美食聞名。我點的是羅宋湯通粉，湯底色澤濃郁，濃郁的番茄味讓人口齒留香。湯中還有各種蔬菜和午餐肉，增添了豐富的口感和層次感。通粉本身則是煮得剛好，彈牙有嚼勁。總之，這碗羅宋湯通粉絕對是一道美味的早餐選擇，讓人吃得心滿意足。在品嚐了美味的羅宋湯通粉之後，我還點了一杯他們招牌的奶茶。這杯奶茶的香氣撲鼻而來，喝起來香滑順口。奶茶的色澤深邃，充滿了濃濃的茶香和濃郁的牛奶味道，完美地平衡了甜和苦的味道。喝下這杯奶茶，讓我感到一陣舒爽和滿足。不僅如此，這間茶餐廳還深受街坊們的喜愛。這裡十分熱鬧，許多街坊們聚集在這裡享用早餐，互相交流。總的來說，這間街坊茶餐廳的早餐絕對值得一試。羅宋湯通粉的驚喜口感和奶茶的香滑口感絕對會讓人回味無窮。加上街坊們的喜愛和親切的氛圍，這裡絕對是一個理想的早餐聚會地點。如果你想品嚐道地的港式美食，不妨來這間茶餐廳一試，你絕對不會失望的！

小西灣有幾間茶餐廳, 最好食就係呢間!其實都唔止小西灣, 呢間茶餐廳真係好有水準!佢啲小炒飯麵仲好食過酒樓添! 🌟🌟🌟🌟十級推介, 泰式四寶飯🌟🌟🌟🌟有海南雞, 泰式豬肶, 滷蛋, 扎肉同埋咸酸菜.一次過食到四款餸, 如果你一個人嚟食, 最啱點呢個.佢嘅海南雞好滑, 無骨. 無食一排, 個豬肶比之前更加好食, 唔會好肥, 又唔會好咸, 味道剛剛好.不過今次隻滷蛋個皮就韌咗啲.另跟湯/飲品 🌟🌟豉椒炒聖子🌟🌟超級大碟, 聖子手指size咁大, 味道好OK. 不過可能呢個 size難洗, 咬落有卜卜聲, 可能係沙嚟，但係仲食到.跟白飯, 湯/飲品

📍#真知味小廚#MFJ小西灣 #MFJ中菜 #MFJ港式人均消費: HKD66小西灣有間好好味嘅茶餐廳，唔出名但好多街坊都識！ 佢雖然係茶餐廳隔局，但晚市有好多風味小菜！ ⭐️招牌小炒皇🥬$88啲韮菜十分惹味爽口！少少椒絲增加口感，啲蝦乾勁粗勁大隻！ 蝦乾就比較濃味，連韭菜一齊食個味剛剛好⭐️啫啫通菜煲🥬$82原煲上的啫啫通菜煲，上枱仲滾緊！ 香味垂涎三尺！佢唔似出面得個死咸，反而食到菜香！肉碎粒唔多，仲有蝦乾，就咁食都唔會咸！⭐️蔥油雞🐔$95成個木桶上嘅蔥油雞😳 同我想像中有啲出入，我以為係蔥碎果種，仲要浸住豉油😂 不過隻雞都幾香滑，其實個豉油唔咸，少少調起雞嘅鮮味⭐️海皇玉子豆腐🍲$88𥚃面有玉子豆腐同海鮮，啲玉子豆腐炸過好香，而個芡汁好好味，同啲玉子豆腐勁夾！⭐️沙拉骨🐷$82食小菜我真係好鍾意食沙拉骨😍 個骨其實已經充滿酸酸的味道，加上邪惡嘅沙律醬，真係超級好味👍🏻⭐️梅菜扣肉🐷$88細細煲其實都幾多扣肉！ 扣肉少瘦多肥，肉質鞋咁少少，但味道唔錯！ 不過食梅菜扣肉重點不在扣肉而是梅菜！ 啲梅菜入晒味，正到不得了！你話佢係味超級好味的確唔係，但勝在水準一直保持到！ 佢果種嘅好味係穩穩定定嘅

去屋企附近 茶餐廳 晚飯小炒 通常都要 賭賭運 是那個大廚炒啦 嗰日有無馬跑啦 有無波踢啦 都會直接影響用餐質量 今晚還好 師傅啱啱出糧 😅😅由於較近我家 很多時晚餐就 全倚賴這裡的外帶 疫情爆發初期 附近質素高的 茶記不多 幾乎每晚都買小菜套餐 普遍 80-100元不等 💸💸後期為了省儉 每日6:00pm 前改買 下午茶 炒粉麵餐 40元 包飲品 而且鑊氣夠 美味 可省下不少 但當每星期 有5至6晚 都吃差不多的餐食 而且外賣到家 沒有堂食 那麼美味 就算多好吃 也會有膩的一天 況且 師傅間中輸了馬仔 自然烹調會走樣 👨‍🍳👨‍🍳近日 多了外出吃飯 比較少在這裡 外賣 這晚 沒想到吃甚麼 再次來這 吃鑊氣小菜 🔪🔪 師傅果然還在 蒸龍躉仔 時間恰好 生炒骨夠鑊氣 汁料調味出色 外酥脆內軟嫩 油鹽水灼菜 也對板 相當滿意又滿足的一頓 🍚🍚

難得今日早起身所以落咗樓下食早餐，估唔到七點半已經好多人食。我嗌左個豬扒太陽蛋出前一丁，豬扒唔係煎嘅，應該係炸嘅雖然有啲油膩，但好飽肚。而且個麵煮得好好食，唔會太淋，即使擺咗好耐都唔會話好難食，反而隻太陽蛋好似係一早已經煎定，所以有少少凍，如果可以即煎個麵應該好perfect，30幾蚊食個早餐我覺得好抵食，佢仲要係出前一丁而唔係公仔麵。但我建議大家可以早啲落去食，我見七點九去食嘅時候坐哂人，原來樓下有間好抵食嘅茶餐廳真係好幸福

早餐A鮑魚火腿忌廉雞湯通粉，加兩隻蛋同一塊多士，無論堂食外賣都係選擇佢，早上加杯熱奶茶醒醒神，正！通粉份量都好多，成個餐食曬真係頂到上心口，不過次次食完都好口渴

每次諗起呢度既冬陰功都會流口水，但有時會賣哂。今日考完試9秒9 去食返個獎勵下自己，等左10分鐘左右。我碗冬陰功終於到左喇。迎面而來既麻辣和椰香味 ，用筷子一夾，湯底十分濃郁，有各種冬陰功既材料。食咁辣既麵當然要叫凍飲。冬陰功加凍檸茶係絕配可能係茶餐廳風格，呢度做野既侍應會時不時趕你走。有時真係好冇癮

夜晚食宵夜真知味其中一個好選擇自從食過一次佢既冬陰公米線返唔到轉頭，又抵又出奇地好味冬陰公豬頸肉米線$43好有椰奶香味，又夠辣而且十分之足料，香料十足之前食過下午茶相比下宵夜分量多好多豬頸肉都都佔左大半👏🏻仲叫左個常餐，炸菜麻辣雞米線Wow⋯⋯份量十足，而且好麻辣頂得住先好叫，岩哂凍冰冰食👍🏻人就係犯賤。唔想得辣又偏鐘意食最後成條脷麻左，咀唇紅哂但又幾享受呢種感覺😂😂😂😂

星期日吃晚飯，六點半已經要排隊入座了。茶餐廳格局，算是坐得舒服。 小菜款式相當多，我們一行五人點了菜膽雞、咕嚕肉、啫啫通菜煲、紅燒豆腐和煎墨魚餅。 分量大，小炒夠鑊氣，味道好卻偏濃味。 價錢經濟實惠，難怪咁多街坊支持。 不過服務一般，吃到尾聲亦無耐性希望快點結帳。

又係一間成日都黎食既好地方，有好味既小炒。喺屋菀附近，算係做街坊生意，成日見到一家大細黎食。忙起上黎，都要等位。每晚嗰菜單都唔同，黎遲左既話，好多都會賣哂。今晚又再試佢地既套餐，睇下有咩食先。最後叫左 瑤柱金菇扒豆苗同埋獅子頭旺菜煲。嗰汁唔算好鹹，好多豆苗。目測應該都有 一斤半左右。都係嗰句，減肥係要食多啲菜嘅 ，啱曬我。 同埋我見到差唔多每一台都有叫，你就知呢個係皇牌啦。好耐冇食獅子頭，呢一個獅子頭煲又幾ok喎。佢入面除咗有大大粒嘅獅子頭外，仲有好多菇類，粉絲，蝦米，紅椒，黃椒 ，蔥段咁。 都幾惹味。如果一個人嚟食，叫呢個煲就最啱 。有菜又有肉，咁先會營養均衡㗎嘛。 獅子頭好滑同彈牙蔬菜裏有好鮮甜 推薦呢一個煲。

作為喺小西灣10幾年到屹立不倒嘅茶餐廳梗係有佢啲吸引力嘅好多時我都係晏晝或者下午茶時段黎次次食親都係茶餐熱奶茶係好好食嘅奶茶亦都唔錯今日一個人食晚飯唔知食乜好就醒起好耐冇食佢嘅海南雞飯呢間餐廳一開始最出名就係泰式海南雞飯同泰式豬手飯記得好多年前食過好好食 今日再回味番今日可能係星期日嘅關係所以好多人 外賣海南雞飯都等左好耐好彩拎到返屋企啲嘢都仲係熱辣辣嘅即刻試吓啲雞肉係唔係仲係咁好食一試啲味翻返嚟啊個味咁多年都唔變仲係好好食我最鍾意係食橙色嗰個汁好有泰式風味 加埋啲蒜 勁正！ 佢最好嘅係唔會畀晒雞胸你 佢會比d雞髀或者雞亦 再加d雞胸 咁就唔會全部係肉 有啲骨咬下 同埋佢啲雞好滑相對起之下佢嘅油飯就較為遜色都算幾好嘅但係稍為有啲太濕 而個中湯佢話係木瓜湯 都不值一提 非常一般既例湯

麻辣雞絲米粉位廚師好重手。。。雞絲好多。。。食物都好新鮮。。但始終係茶餐廳。。坐落未必好舒服。。。比較多蚊蟲。。。。同侍應冇笑容。。。。做野比較講效率。所以會想你食完快d走。。。。。

今日屋企吾煮飯，所以一家人去左樓下食晚飯。呢間餐廳成日好多人食，不過我地排左一陣，好快就有位。首先我地叫左魚香茄子煲，熱辣辣，出哂煉，鹹魚味非常香，又惹味，送飯食真係一流。另外我地叫左金菇扒豆腐，重有西蘭花伴碟，對吾多食菜既人係一個好選擇。最後重叫左啫啫雞煲，煮到入哂味，又有豬肝，岩岩好，吾會太熟太老，不過鹹左少少。呢間餐廳所有送都好岩送飯，所以我地成日落樓下食。每個餐都配飯，飲品或湯，我揀左老火湯，因為煲得好夠火喉。

在小西灣比較少有夠鑊氣的小廚，真知味屬其中一間。已食咗幾次，品質有保持。而品種方面都幾多選擇，除了餐牌外，牆上亦貼上一些廚師推介。今次6:00左右到不算多人，之前試過七點幾到就很多人，要在門口等位。脆皮蜜桃咕嚕肉很香，肉不肥膩亦不多炸粉，唯一扣分是並不脆皮，很可惜，有機會是預先炸好再返炒。小炒皇，好味，枸菜很嫩沒有渣，腰果脆口亦不會，另外仲有些少海鮮。哈哈……這菜送啤酒仲正跟餐還有白飯及例湯，如轉凍飲加$3。凍檸檬茶已叫少甜，但都比較甜如以地區來講，價錢就偏貴少少，因份量不算大碟。味道方面整體唔錯，可不防一試