更多
2015-05-25
1036 瀏覽
今日几個寶貝突然喺公司樓下出現~真係好開心啊~~於是即時安排開飯啦~~其中一個話想試下呢到間板前,咁我地就一齊去等位開飯~!!可能時間尚早,所以舖頭冇乜人~服務員姐姐就帶我地坐左入去埋邊的卡位~~正~!坐落先吹兩句咀~再望下個新穎的電子餐牌~呢到已經用電子落單一段時間~寶貝們玩晒野好似未見過咁~V嘩鬼叫~真係失禮死人~依我個人喜好~我都係中意舊式落單多D~可以同服務員多作交流...!寶貝們係咁指指點點,我都唔知佢地點左乜野~只好見咩食咩啦'!!鵝肝沙律 - 開頭來的時候,我以為係雜菜沙律~鵝肝細粒到碌大眼都睇唔到~即時向服務員了解一下~冇几耐轉另一份出黎~~嘩~~塊鵝肝大件好多~而且煎得好外層有點燶有點脆~好味~!!沙律方面蔬菜款式唔多但好新鮮,撈埋D漿油汁,與出面的沙律食法有D唔同~相當特別燒鯖魚餐 有飯有湯仲有個小沙律~真係好豐富!一夾之下鯖魚燒得皮好脆,猛火燒之下封住魚的肉汁,魚肉唔會燒得熟到鞋口~好味道~壽司 - 寶貝們點左十几款壽司,三文魚,立魚,左口魚,油甘魚.甜蝦味道相當鮮味,而且味道好出~唔會唔知自己食緊乜野魚.每件壽司飯的份量好適當,唔會太大~一口一件SIZE啱啱好~
於是即時安排開飯啦~~其中一個話想試下呢到間板前,咁我地就一齊去等位開飯~!!
可能時間尚早,所以舖頭冇乜人~服務員姐姐就帶我地坐左入去埋邊的卡位~~正~!
坐落先吹兩句咀~再望下個新穎的電子餐牌~呢到已經用電子落單一段時間~
寶貝們玩晒野好似未見過咁~V嘩鬼叫~真係失禮死人~
依我個人喜好~我都係中意舊式落單多D~可以同服務員多作交流...!
寶貝們係咁指指點點,我都唔知佢地點左乜野~只好見咩食咩啦'!!
鵝肝沙律 - 開頭來的時候,我以為係雜菜沙律~鵝肝細粒到碌大眼都睇唔到~即時向服務員了解一下~冇几耐轉另一份出黎~~嘩~~塊鵝肝大件好多~而且煎得好外層有點燶有點脆~好味~!!沙律方面蔬菜款式唔多但好新鮮,撈埋D漿油汁,與出面的沙律食法有D唔同~相當特別
燒鯖魚餐 有飯有湯仲有個小沙律~真係好豐富!一夾之下鯖魚燒得皮好脆,猛火燒之下封住魚的肉汁,魚肉唔會燒得熟到鞋口~好味道~
壽司 - 寶貝們點左十几款壽司,三文魚,立魚,左口魚,油甘魚.甜蝦味道相當鮮味,而且味道好出~唔會唔知自己食緊乜野魚.每件壽司飯的份量好適當,唔會太大~一口一件SIZE啱啱好~
軍艦 - 唔同的落單時間質素會有所唔同~有時D紫菜上抬已經淋晒,有時又會脆脆地~饀料都一樣~份量有時會多有時會少~真係估佢唔到~除份量會有所唔同~饀料就水準大至質素平均!
日式蒸蛋 - 寶貝點左一碗蒸蛋,一打開蒸蛋睇落好以蒸左好耐咁,食落一D都唔滑,蛋味係有既,但就冇乜海鮮味~
燒三文魚頭 - 我地總供點左兩次燒三文魚頭~第一次真係燒得好好味~帶有少少燶脆好惹味~所以決定再點一次~點知第二次就有點失色~雖然份量係大件左,但係少左之前一份的香脆..出品質素好唔穩定.
5式刺身拼盤 - 唔知係咪拼盤的關係,刺身質感不過不失~冇乜特別,當中以帶子同油甘魚比較鮮味~可能單點比較好~
三文魚腩刺身 - 忍唔住的點多兩份三文魚腩刺身.入口好重魚香味~同普通的三文魚刺身明顯唔同~ YU~正~!
兒童套餐 - 寶貝一時貪玩點左個兒童餐黎睇下有乜野~一上枱真係有點搞笑~蟹柳同玉子都係預料中事~只係有條腸仔...食落腸仔唔係一般的BBQ廚師腸,似係台灣腸~唔錯~兒童餐的軍艦同大人的軍艦好似有D唔同~份量睇落硬係少D!!
綠茶冷麵 - 食落冇乜綠茶味,而冷麵就煮得好淋,一D都唔爽口,口感比較差~ V__V
我地一邊傾一邊食~服務員放下熱水壺等我地自己加茶~相當細心~
店舖的洗手間設備我覺得尚可接受~只係唔明白點解要行上行落~女的要行上一層共有兩格,細細地算係乾淨都可以用~!
總括黎講...算係個坐得舒服,係個KILL TIME 吹水的好地方~!!
張貼