板前壽司 (已結業)

差唔多10點半先去，超難得係唔駛等位。又一城間板前，上一次食等左一個鐘多小小。入到去，個侍應哥哥就睇一睇錶，就帶我入去同我講話要落單就一次過，其實都唔多禮貌，不過都無所謂。差唔多個個月都幫襯板前，質素一直都保持水準。連續兩日都食壽司，比起另一間連鎖壽司店可謂高下立見。今日點了不多，有帶子、八瓜魚、玉子、炸蠔、同埋炙燒八瓜魚鬚，朋友就狂掃醬漬三文角同金三文魚。雖然都差不多收舖，帶子還是很新鮮，味道一貫美味。其實壽司，只要材料保持新鮮就保持好味道。玉子都好軟，好甜。整體而言都食得好舒服，係可能趕收工的哥仔令我坐得唔舒服。或者分店開得多，培訓未必足夠，食物再好，不禮貌也會令人有壞印象。幫我埋單的是經理，禮貌十足，都沒所謂。最美中不足的是都仲係食唔到赤貝，板前的赤貝真係好好味，三個月前撞到有貨一次，到而家都無。

中秋節快樂!今天中秋節居然好in食sushi~~男朋友一直猶豫不決,要板前定板長.平時我就食開板長喇~咁板前同板長又冇乜分別呢??平d?好味d?個款唔同??星期五6點中既板前已經要等位了.仲要等多30張........見唔係咁肚餓,邊睇小朋友溜冰,繼續等!7點終於安排入座,一行4人,驚死唔夠食咁猛點.最後太飽有d夾硬食埋.不過行左陣超市,又肚餓喇★基本上有得點既都點了,除左海膽冇得賣之外~三文魚繼續做3蚊一件,差不多就點了12件.另外三文魚油漬仲要4.5蚊兩件,聽男朋友講係三文魚冇人食既部份,一d脂肪.不過一於少理,又叫左10件.北寄貝係我最欣賞的,唔似其他sushi店孤孤寒寒咁俾得一邊仔.冇我至愛既雞軟骨,普通點了個炸墨魚咀.做得太差了,根本食唔出係有彈力.今次我地仲點了白桃酒.細細罐兩個人分夠晒!食完之後硬係覺得大佬板長好食d...唔知呢~

板前一直給我的印象都是食物非常新鮮的，所以久不久便會去幫襯，尤其又一城的那間，可是，昨天的經驗實在令我對這間那麼有名的食店作出重新評價。到晚餐的尾聲，通常我都會問一下所有食物到齊了沒有，因為他們漏單是非常常見的，一位店員(A-wai)告訴了我們應該差不多，還有油甘魚壽司未到，由於我亦不知道油甘魚本身的樣子是什麼，所以告訴他，可能已經來了，不過池魚刺身不到，誰不知他說，已經售罄，可能同事沒有交代。跟著，我便隨便問問，其實油甘魚是什麼樣子的，他亦回答上面有粒柚子的，我當時才發現，跟本沒有來過，便告知他此情形 (其實那個店員已經在較早前把其他人的蒸蛋送錯到我們的座子)，再請他去叫經理CHECK，竟然經理(黑眼圈極深的)的回答是，「師傅那張單說有出過喎!」，當然，我很實在的告訴他，「可惜我們沒有吃過」，請他再CONFIRM 一下，於是他請了送那碟過來的另一位店員(高高的)來，我再問他(當時經理亦送了6件油甘魚壽司來)，「你送來的有三款，3件面頭有薑蔥的，3件鯊魚，仲有3件......」他亦很快回答，「象拔蚌。」「係呀，邊有油甘魚，TOTAL 18件」，誰不知佢仲撐，「唔係，中間有6件油甘魚架」

不得不佩服板前壽司,繼$3一舊3文魚壽司後, 又黎一個$4.5 既三文魚醬油漬壽司.我只可以說無三文魚味而只有醬油味既漬壽司. 飯很散, 一點就散曬. 三文魚醬油漬壽司係魚片已而,平時人地已經唔要既食材仲可以收$4.5一客, 真的很聰明.蟹捧壽司- 蟹捧轉了用cheap貨, 無味道, 唔得.螺貝壽司-係唯一可以說係仲keep到水準既壽司睇佢地將d食物好似三文魚呀, 帶子呀等等,打開曬向甘open既area, 唔係好衛生吧.

因為去又一城買家電，而我每星期最少都食一次壽司，所以去板前食晚飯啦去到立即攞位都要等90幾張，最後1個半鐘之後先可以入坐個肚仔又餓唯有買住2個麵包頂住肚先三文魚腩壽司、吞拿魚腩極肥有根壽司、珍寶帆立貝壽司、三文魚手卷、三文魚子手卷、蟹肉蟹籽沙律、明太子雞翼其實壽司我覺得板前呢間好似握得冇禁實，夾起有D散但魚肉都算新鮮不過我地9點幾坐底就好多嘢都賣晒又因為好耐冇食板前，見佢有D板長冇嘅食物就試下啦，女皇鍾意食明太子，我就叫咗個明太子雞翼，其實係明太子釀咗入雞翼裡面，但明太子唔多香雞翼應該係炸完再番叮，所以唔香脆唔會Encore囉！又一城嘅板前等位嘅人都幾堅持，好少會放棄，所以我覺得等得耐過apm板長好耐冇食過板前，因為係板長嘅粉絲，我覺得呢間嘅壽司上面嘅魚生比板長薄但係好少見壽司吧有女師傅，又一城呢間就有喇我地食開板長佢地嘅壽司吧師傅全部都有戴上口罩，但板前就冇似乎略欠衛生。

板前壽司是我喜愛的一間壽司店 ~~~ 去到又一城，當然拎飛先啦! 等左大約一個半hours ~今期三文魚壽司 $3 /件，三文魚醬油漬壽司就 $4.5 /2件，一定要食個夠啦！既然特價壽司限住數量，於是我地就用晒 D Quota ~三文魚醬油漬壽司 x 2 客 ($4.5 /兩件)三文魚壽司 x 12 件 ($3 /件)都仲係好新鮮 ~蟹棒壽司 ，好鍾意食呢度 D 蟹棒壽司~腐皮壽司，食落口脆脆的，又幾特別！甜蛋壽司，出奇地好味 ~珍寶帶子壽司，好新鮮，夠彈牙，帶子比飯大上幾倍 ~這一餐整體上非常好。埋單240~250左右 ~這裡的員工服務態度很好，工作效率都快，不負我所望!

難得同舊同學聚會，想係又一城搵間坐得耐的餐廳，大家一致同意食板前。六點拎位，等到八點先有，好彩又一城夠大，行左轉返呢都仲未到　＞＜等餐死後，終於有得食，首先來一盤三文魚壽司，再來鮮帶子、赤貝、玉子、墨魚　etc三文魚不用說，3蚊碟，大大件，回本必備；赤貝雖然35蚊，但大件同鮮甜的程度令人開心不得了，真係成隻手指咁長的赤貝，未食先興𡚒，食完超開心。帶子，生熟都鮮味，不過熟帶子點都唔夠鮮帶子鮮甜，玉子就有點失望，鹽燒蝦就食唔出有什麼與別不同，另一個遺憾係海膽賣哂。可能真係太多人，要舉手好耐先有人，同埋真係等得太耐，無點耐性都唔駛食，除此之外都好滿意，人人食三蚊三文魚都食都飽飽，埋單都只係每人100，徹底扺食。下次有聚會都會食，赤貝係不二之選。

經過上次在 LCX 分店的苦等後，決定再試一次又一城的分店~星期日兩點才到逹，雖然嚴格來說是 tea time，可是還要等 20 張飛~本來想可能五人比較難等到迴旋枱，可是 waitress 很細心的先問我們會不會坐卡位/吧位而且更預早提我們打電話叫朋友來 (過半數才能入座)款式花多眼亂，先來三客特價三文魚~ok~三文魚算是肥美~但有點太薄了腐皮 sushi 是把腐皮烘脆的，有別於一般的做法~可是卻有點太乾了~別忘了腐皮的汁是 sushi 的靈魂呢珍寶帶子份量依然勁﹗厚肉，沾了豉油都掩不住那種鮮甜，令人回味。魚子杯飯細細杯，飯加了海苔粉，把魚子撈勻，加少少豉油，滿口都是脹卜卜的飯粒及魚子。咬下的時候，魚子的汁和飯粒融為一體，那種魚子的鮮味直上腦門，獨有的口感，想起都想再食。魚子的份量絶不欺場，個人覺得比魚子 sushi 更好食，因少了礙事的紫菜，飯的份量較多，令魚子不會太咸太濃，味道剛剛好﹗其他 sushi 都很新鮮，不過印象沒有太深刻。相比魚生，板前的炸物比較遜色。雞軟骨用類似 KFC 的方法炸，是很脆，但粉太厚有點硬，也搶了軟骨那種咬下去 "pop" 一聲的咬感。炸軟殼蟹算是 ok

I am TELLING THE TRUTH here::我常常來板前的，一向覺得这裏很好吃。。。 想不到那天時運低 (April 29, 2009, Wednesday, about 8pm-8:30pm ), ，不但加州手卷太咸太濕（卷裏面那生菜濕濕的，有不少水滴出來！但經理說那只是汁，　“加州手卷就是這樣的！＂），而更在桌上看到蟑螂!　It's true. 我坐在最靠近門的一個位！有幾個客也看到! The rest of the food is good as always .Especially love their raw tuna. The price is very reasonable. But the attitude of this one 經理 must improve. and They MUST clean the shop better!!

四月廿六日(星期日)這已經是我倆第三次幫襯了!今次是因為要看電影,多謝openrice的戲票,可以去看血戰!看戲前吃個晚餐,我選擇了板前!一個對於我們來說一個有意思的地方五時半左右,都要等位,我們已經比較早到了,真是多人呢,不愧為人氣number1壽司店呀!等了15分鐘左右有位!是迴轉位!我們點了三文魚壽司,promotion:3元一件,不過比之前的薄,但是我寧舍喜歡吃板前的三文魚,特別鮮味的!火灸鰻魚壽司:不錯,汁多!鮮味炸蠔,算不錯,不過不夠新鮮,有點點腥味龍蝦沙律壽司,喜歡點這個,salad味不蓋蝦味芥辣墨魚:比較辣,wasabi多了,吃到我差點流淚芒果龍蝦沙律卷:芒果味道甜!我分開了吃,因為芒果太甜已經蓋過了龍蝦味道北奩貝,就一般的新鮮板前好像有了板長後就比下去了

食過咁多間板前，都係又一城店最有品質保證!!最鍾意係佢用料新鮮同水準穩定，呢d都係銅鑼灣東角道店無得比的!!放工後與同事一行三人到板前宵夜，大約晚上10:20，等了一會就有order位了，雖然要與其他人share一張檯，但也不要緊的.坐低後，第一件事當然要點仍然是$3件的超值三文魚壽司啦!!我們order了3碟。此外，我們還點了三文魚腩壽司、海鰻壽司、油甘魚壽司、玉子壽司、炸蠔、南瓜天婦羅，當然唔少的我們最鍾意嘅SAKE!!做得咁辛苦，點都要飲番杯慰勞吓自己!!食物方面，三文魚、油甘魚依然新鮮，不過可能$3件的關係，三文魚壽司的飯有少少暖；而油甘魚也不及以往肥美，此乃美中不足，不過仍然鮮甜可口。至於海鰻和玉子則是一貫水準，而炸蠔和南瓜天婦羅亦能保持水準，炸蠔外面香口內面多汁，好吃!!SAKE方面，我們要了"白鶴"，不錯的，夠醇，不過如果凍飲有得揀"玉乃光"就更加好!!服務方面，侍應很有效率，執拾很快手，order了的食物亦很快到，值得一讚!!價錢方面，order了咁多食物埋單只是$220，抵!!怪不得成為了我們收工後的宵夜飯堂。

同 honey 到 festival walk 睇戲食飯, 發現 板前 仲有 $3 件 三文魚壽司. 好多人排隊, 但是 好抵食, 排了 1 小時 都 抵.哈哈, 我們 挑戰 前記錄, 共 吃了 16 碟三文魚壽司. 雖然 是特價壽司, 但是 三文魚壽司仍然很 新鮮, 沒有 將貨就價, 抵讚! 最愛 那 小小 飯團 配上 長長 而又新鮮肥美 既 三文魚 的 完美組合, 吃得好開心!可是 新推出 的 半價 $4.5 有 兩件 的 三文魚 油漬 壽司..原來是三文魚的 表面 燒過 少 許 既 肥脂, 上面 加了 有 洋蔥絲 , 仍然很 好 “星” 又難食!!!! 該款 壽司 不在 menu 內, 食客要另外 向 waiter order. 其實, 這 個 三文魚 油漬 壽司 都好 “環保” 下, 好似 拿些 吾要的 三文魚肥脂 , 重新 包裝 後, 以 特價壽司 出售, 真有 ,生意頭腦了 !!!另外, 要了 軟 壳蟹手卷 各 海膽 手卷. 手卷的 紫菜 十分 香脆, 軟 壳蟹 是 新鮮 即做 的, 很好吃, 每次 都要 叫 這款 壽司! 至於海膽 手卷 既海膽, honey 話 不太新

第一次出糧請男朋友食飯, 選擇左佢最喜歡的日食^_^一食低就狂剔野食, 都系比較中意剔單的order方式。三文角壽司、饅魚壽司、魚子壽司、蟹子壽司、鐵火卷：肥美新鮮!! 大大件又好味!!蟹子沙律： 不過不失 無咩特別 ~勝在大碗!炸蝦天婦羅： 好熱好脆, 不過炸粉唔系幾掂吉列炸蠔： 好味道! 蠔都幾新鮮!三文魚刺身：新鮮~ 不過好似唔夠壽司好味wor...鵝肝壽司：熱辣辣~ 入口即溶!! 好好味!餃子：無咩特別其餘仲食左d咩就唔記得,, 因為最後食剩好多野>_< 已經飽到喊...以為至少都$400, 點知都系$365 , 下次唔洗嗌甘多已經又飽又抵：)

下午約左朋友下午二時到板前吃飯.. 諗住二時應該冇咁多人啦.. 點之仍然是要等位.. 叫到288. 我地二人取的枱號是303都等左半小時多. 等到胃痛之時.. 到了~ 有得食. 入到座後.見到多左一樣新款食物. 就是蕃薯天婦蘿，廿蚊有四件, 塊件來的. 見到己經即刻叫啦.... 樣樣野都即叫即整. 很快上枱.. 蟹棒.. 麻麻地. 擺到硬化.. 沙津醬都凝固狀 . 不過舊飯很軟. 炸蝦, 好熱. 新鮮, 脆到蝦尾都可吃埋蒸蛋: 今次好差. 水汪汪的, 多水了，味道帶淡口. 裡面少左料, 冷烏冬 ; 呢間不得. 太重雪味. 唔彈牙. 個汁淡mau mau. 冇味.. 不過份量好多. 食左咁多野.. 點之個炸蕃薯仲未到. 問佢又話要炸... 由入座即叫.. 坐左45分鐘.. 都仲未. 跟住叫左 2 客炸軟殼蟹手卷. 等左五分鐘左右就送到. 好熱. 紫菜好脆口. 不明白都係炸物, 為何要咁耐.. 又問又話要炸.. 點之坐左一個小時多. 先黎到一個入座時己叫的 非常失望. 一咬下去. 涷的. 不是剛剛炸好.好像放了好耐先拎出黎.. . 仲要一味係度拖.. 話要時間炸..塊蕃薯好鬼薄

和豬豬女友來了又一城, 她都有一排冇食壽司, 今日心思思, 來到這裡也排了幾個字隊入內食壽司啦.都係下午茶, 叫幾樣算了.都叫了些少食的.推介的响螺芝士卷d 螺冇乜味, 芝味蓋過晒了.味ok. 但得兩碌.另看到有個新派卷係三文米卷, 又唔太貴, 也叫了.係一早已弄起的, 一咬係勁凍, 係剛在雪櫃攞出來的.有好多紅蘿蔔絲, 青瓜絲, 菜; 加上塊三文魚, 味道理應不錯.但係不是太新鮮... 三文魚冇乜鮮味, 一吃就食得出.可能是一早弄起所以咁...吞那手卷, 紫菜係仍脆的, 係剛弄起的, 一流!炸蝦天婦羅也是剛炸起的, 蝦新鮮, 但粉略厚. 服務一般. 叫了個八爪魚小食, 冇上, 又冇人提及過有冇, 最後埋單叫佢cancel 個柯打.但個姐姐不停幫我加茶, 一讚!今日因趕時間,累到豬豬女友狼吞了這餐, 希望下次可正正經經食返餐啦~