影片
更多
2014-01-14
465 瀏覽
今日超忙超勁趕又肚餓~由於想快快填飽個肚再工作,所以決定喺公司樓下開餐好快手咁點左佢的下午茶餐,有凍烏東,几件雜錦壽司,炸物(芝士條)一個手卷我另外再點左廣島蚝同油甘魚..三文魚等壽司好快就上有得食啦~!佢原有的雜錦壽司味道一般,冇咩驚喜,炸物(芝士條)唔係咁掂,上枱已經凍左,冇乜芝士味,辣味三文魚手卷味道一般, 紫菜唔會太淋,勉強感覺到有少少脆,三文魚份量好夠,如加多兩片青瓜會更加好~!廣島蚝.三文魚壽司口感唔錯,新鮮唔會有鯹味,廣島蚝好肥美,唔會乾爭爭我最中意係油甘魚~~魚肉厚厚的好有口感,清清地的魚香配合埋上面點點的柚子漿同黑松露漿,真係絕配!好滿足食左一個快餐~好滿足咁返去工作~!
題外話/補充資料：
呢到D侍應排位真係好有特色,就算係下午茶時段唔多人,佢地都中意將D客人迫埋一堆
可能方便招呼掛…如可以有更多空間感, 我覺得會更好~
(以上食評乃用戶個人意見 , 並不代表OpenRice之觀點。)
張貼
