明記雞雜粥 (已易手) 新餐廳

今日同男友仲有另一位朋友去左旺角行...漫無目的之下走左入明記雞什粥度食..我見個名都係有雞什粥咯咁就叫碗雞雜粥試下..男朋友同朋友都要車仔麵樣樣齊..但車仔麵其實都係只要九款「食送」..比其他地方少..另外叫多碟豬潤腸...我碗雞什粥其實ok..無乜特別咁啦...不過唔知點解比例完全不均...雞腸勁多...但其他料如雞腎、雞潤、雞件就少之又少..雞心更只有一粒..不過唔知點解我特登留到最後先食ge雞心到最尾竟然搵唔到..唔通見到雞心只係我幻覺？！男朋友佢地個車仔麵樣樣齊佢地就話超唔掂..一舊牛腩都無..剩係比牛筋佢地..其他食物如魚蛋、豬皮等一陣雪味....男朋友連碗麵都食唔晒豬潤腸都好難食..又話即拉但係貶下眼即到..真係拉得咁快？我食左一條已經知大鑊..豬潤整得好難食...總括黎講呢間野除左價錢方面ok之外其他都唔ok.

我地去附近間戲院睇完spiderman，就來呢度食野。見到佢張poster話樣樣齊15蚊，有雞雜，魚片，鯪魚球，皮蛋瘦肉，雞咁多樣野煮埋一碗？初頭都唔信，後來幾位阿姐都話係就試下。嘩！碗野真係好多料呀，但係就unevenly distributed囉，好似我個碗就冇左ｄ鯪魚球，但係有好多雞腸，有ｄ就好少魚片，所以都唔係話樣樣齊架。但係整體來講，碗野都幾好味既。不過佢個樣就好似唔係幾乾淨，碗野賣相都可以改善下。

打從中學已經常踏足此地,起初只為好奇,及後為了尋寶(寶是我另一珍藏,已有十多年收集興趣,家中堆積如山,近年已日漸難找),與廟街某書店相交多年,一有時間便會去吹水尋寶,此街有很多人稱為舊廟街,以往有不少車仔檔亦已入舖,風味全無,最令我懷念的是除此粥檔外與同學街邊炭爐打邊爐及另一位身體有缺憾檔主所開的車仔麵檔,前後者都已入舖,生活穩定,可喜可賀.要健康不如唔好出街食,係我一向格言,粥底十年如一日軟如綿,雞雜粥無謂加d外人入黎,走魚片,走皮蛋,一樣咁正,生腸爽口,雞腸豐腴,雞潤夠粉,而雞腎彈牙,可惜雞肉相比下有點失色,雞味不太特出,亦唔夠滑,雞腸經熱粥一焗,雞油徐徐浮上粥面,油光滿面,再配上薑絲,花生,蔥粒及大頭菜粒,令口感復雜,一個字形容,正.係香港都幾難搵到有咁地痞文化既粥檔.其實賣粥幾位都是同鄉,自不然用有限的家鄉話聊天,份外有親切感.

雞雜粥好足料，真係咩都有。粥底夠綿，但個叉燒腸就唔係咁得，又唔滑又唔熱。

小春所說的Inside something 真的笑爆咀，現在有時看到什麼牛雜豬雜雞雜都會想起，市井文化。這裡的Inside something 可算利害，賣到街知巷聞；是日要了碗All in one，除了粥底夠綿，而裡面的材料越食越有，最美味的可算是這裡的雞腸吧，鮮味足夠，雞味濃鬱及夠趙頭；雞件又夠滑漏，生腸夠爽脆，怕吃Inside something 的朋友真的是一種損失。阿姐服務態度很好，跟她閑聊又道盡制作雞雜鮮為人知的事情。你說經常享用就高危，但長時間才一碗，久違的市井文化。

星期六自閉飯想食有餡腸粉,經過搜尋後決定油麻地明記;係門口已經見到好大堆雞件、雞腸,幾位阿姐同隔離檯幾位女仕介紹雞雜粥,既然強烈推介我都要一碗,另加比較少機會食到既豬潤腸粉。睇過其他食評知道呢度即拉腸粉幾得手,一心以為今次都有高水準腸粉食,點知我碟豬潤腸粉唔係即拉!!而係響熱櫃入面一早整好製成品=( 撇開整定問題,腸粉份量相當足夠,以$10價錢的確抵食。腸粉質感還可,相信新鮮拉好會更加美味;豬潤切得細細粒都幾多份量,由於放係熱櫃,所以全部豬潤都熟透,進食會好放心。雞雜粥都相當大碗,粥底幾綿係我鐘意個種稀杰度,而且幾夠味道,因為入面有d大頭菜粒同薑絲,增加味道同口感。除左應有雞雜之外,仲有一件雞、豬肚同好似生腸物體,內容的確好豐富而且份量唔少,尤其雞腸、雞腎為多。除左車仔麵,原來仲有雞雜麵,聽落都幾特別,過一排再黎試下,我想再試下真正即拉腸粉嘛,因為碟腸粉,今次真係俾唔到笑面。

經過明記幾次都想試,但一直都無掟起心肝走入去,尋日喺附近做完facial成九點鐘,飯都未食但只係有少少肚餓,諗起明記就喺附近,重唔係天注定要我試？選擇買外賣,要了一碗樣樣齊同一碟齋腸粉,總之講得出的雞內臟都好齊,還有一舊雞肉,兩舊魚肉同五分一舊皮蛋,粥底夠綿,食完唔多覺口渴,但d內臟切得都好碎濕濕,腸同腎夠爽口最好食,至於腸粉就夠滑。但發現明記有埋車仔麵,$10三餸連面,等外賣時見到門口個阿叔齊緊一碗,好似都幾大碗吓,下次有機會要試試!一不做二不休,行咗去廟街榮興買埋蘿蔔糕,n年前好鍾意向呢度食消夜,必叫豬骨粥同蘿蔔糕,勁鍾意食呢度d蒸蘿蔔糕,夠淋patpat,可惜,闊別n年,第一啖入口,竟然覺得有d苦,係未蘿蔔未當造？

無意中找到這一家店,環境實在比較遭,但為了吃有時也顧不得了。吃了馳名的雞雜粥,$ 15 一大碗,材料豐富,味道不錯,而且大概只此一家,別處再吃不到了,不怕吃內臟的絕對值得一試。膽固醇極高的一碗粥,要吃便趁年青吃,人到中年便難再嚐了。

1月19日21:30終於可以南下，落直巴後，到這店來碗樣樣齊。配料：豬：爽肚、脆腸、肉絲 雞：腎、腸、子、心、肝、雞肉，雞油 魚：鯪魚球還有皮蛋和充菜。粥底：一般算綿，但不夠熱是敗筆。師父？北上太多，已習慣了。題外話：電視(國內)介紹藥膳，"玉屏風散牛肉湯"的製作，最後一招竟是在味精！！！

很久之前食過，感覺幾好，今晚在附近上堂，便決定再來試試，叫了一碗生菜鯪魚球粥和即拉腸粉。生菜鯪魚球粥- 生菜切絲，但可以看到d菜唔多靚；鯪魚球非常硬，沒有鯪魚味，死實實一大舊，好辛苦才食了兩舊，最後還是放棄了；粥底幾好味，幾杰身但煮得唔夠綿，但食完之後便知道落了唔少，好口喝。即拉腸粉- 新鮮拉起，拉得幾薄，味道也很好，可惜麻醬和甜醬都太普通，唔得香，而且沒有芝麻落，可惜。看來這裡只有腸粉好味，粥可以不用再試了。

好耐無係出面食過粥，見倒呢度有位即刻入去試下，15蚊一碗，我個人幾鍾意食inside somethings，所以就叫碗雞什粥食下，真係乜都有，仲要好鬼足料，尤其係雞腸真係食極都有，呢度仲有魚皮食，不過見倒人地食十蚊都唔係好大碟所以都係唔叫了。

是日晚餐:豬什粥、豬潤腸粉、薑蔥魚皮豬什粥- 勁多粉腸,粥底夠綿,但味精略為多左豬潤腸粉- 用豬潤做腸粉夠特別,而且即叫即做薑蔥魚皮- 爽+脆(但比同區"和味"o既魚皮稍為失色)整體來說不枉此店全部都是good & ok o既食評

前幾日行街行到廟街果頭, 有d肚餓又有d累, 撞見呢間傳說中o既雞雜粥, 就走左入去試下。叫左招牌雞雜粥+牛肉腸粉, 個粥就冇乜特別, 係個白粥幾靚, d雞雜ok貨色啦, 仲幾多下, 反而入面得一件o既龍崗雞就幾好味, 下次要試下雞粥。至於個牛肉腸就十分之正!!牛肉鮮甜腸粉嫩滑!!油唔太多但d腸粉又唔會痴埋一舊, 夾上黎又唔會話散晒, 幾結實, 又多料, 十蚊碟咁o既質素真係平到笑!!強烈推介個腸粉呀!!(好似有d妹仔大過主人婆)另外想講下個地方, 試食當日落雨, 但地下仲keep到幾乾淨, 起碼冇我最怕o既黑水腳印...比想像中好呢

忽然心思思想吃雞肝.忽然又想起老廟永星里明記之雞什粥.$15一碗,包羅萬有.雞肝雞腸雞肉雞腎,拆散再還原,全部歸納在小弟之胃部.面頭的少少雞油,撈埋粥吃,才吃得出雞味,因為材料不甚入味.粥還粥,雞還雞.但都吃得過.即拉腸粉$10碟,在晚上十一時能吃到此味,非常感動.店子細細,在時間,地理環境之下,搭你檯的,會係公仔佬,馬夫,或者係風塵女子.對我這個天不怕地不怕的傢伙,完全不受影響.

昨日食左個勁飽早餐，午餐當然食唔落啦，但又怕遲d 肚餓，所以就黎食碗粥。見到招牌寫住雞什，不過我一向少食內藏，所以只係叫左雞粥。等左一分鐘左右就有得食，佢唔會好似出面生滾粥咁放料入去煮，所以我即刻試啖睇下會唔會唔夠熱，但又唔會喎。撈一撈，約有8 件雞，估到估唔到咁多，雞鹹左少少，但都ok，因為放在粥入面就唔太鹹。粥本身就唔算太有雞味，但都幾綿。見到佢有腸粉，不過今次太飽食唔落，下次吧！食緊既時候，見到好多人叫雞什粥，我諗應該係唔錯掛。