意壽司-心意之日本料理

營業中

休息中

呢間舖頭你諗住細細地好似家庭式，點知佢的確係細細地，不過不算太家庭式，點餐之後出菜非常快速幾個主食冇乜影，其實質素不差，不過就沒有太特別，因此沒有特別拍照。一個是湯烏冬，其實慢煮雞柳都唔差，好嫩湯烏冬夠熱，質地響起上來都有點彈牙的質地；另外石鍋飯夠熱，你可以咬到一粒粒有點兒香脆，即是弄到有點飯焦的那種石鍋飯。那個牛脷，是薄片，肉汁非常豐富，內裏牛肉味道亦都很強，可說是燒得剛剛好，味道又香濃的薄燒牛舌，並且除了肉汁之外，還有少許牛脂肪的味道。螺肉好多喎，好像只是$10多$20 ，但是份量十足，其實呢度叫一碟螺肉，份量好似比起爭鮮壽司的更多，一個盤子裏內裏都裝滿晒因為呢一餐都算係替母親慶祝生日，因此其實散叫，即使叫滿成張枱，都不算太過昂貴，比先前原本計劃去食放題/自助餐都要便宜，因此還加了個帆立貝蟹膏刺身，太大件的飯盒杯中間夾了少許蟹膏，質感夠肥美味道夠香。這大盤壽司拼盤，一盤有10多件，份量夠多，質素也相當不錯，即使很快端來，不像是即叫即切（不過小型壽司舖你也不會期望它即叫即壓吧。三文魚不算太過肥，味道剛好其他的好像海膽軍艦，非常好看，紫菜不會太過軟林；另外這個帶子軍艦，質素不錯，混入少

咁多餐廳執有時真係自己一手做成下午2點入去食，食完最尾一舊壽司司就即刻收走你D野，5分鐘後再問你杯野飲要唔要，想迫你走咁，但又有吉枱同無人排隊，都唔知係未趕住收工。食物方面，炙燒壽司件件都有沙律醬，攪到件件都一樣味，食唔出係咩壽司，只認得出有蛋壽司，同卷物。職員方面，唔知D餐廳職員是否皇親國戚，有兩個女職員態度好差。最後，總括嚟講，你係比隔離間日本野平D，平均6-70蚊有交易，但換來一肚氣，我唔再想食完背脊骨落啦。

地點比較冷門但真係超高質～係我既日式飯堂🤤🤤🤤～有好多個set揀份量勁足🤭梗有一個set啱～散叫都好抵食亦有好多特色野～壽喜燒鍋湯底甜度適中，牛肉好多🤤🤤最鍾意揀個壽司set👍🏻刺身新鮮又有個迷你烏冬濕下口，唔會覺得剩食壽司好dry~私心推薦雪酒煮花甲～係我食過既最好食，個清酒唔苦味道有層次～一黎忍唔住飲幾啖湯先～花甲好大隻數量好多～仲有d粗粉絲吸晒d湯好正👍🏻👍🏻燒物都燒得好好食～👍🏻

食日本嘢通常都唔會差得去邊。依間小店坐落於福來邨嘅對面，如果唔係住嗰頭，都真係要特登去搵佢先知。午飯時間去到已經好多人排隊等位，店內位置大約40個左右，如果要搭枱的話，都會幾迫夾。首先要讚落單速度以及送餐速度十分之快。叫咗兩款魚生飯，賣相都唔錯，食落係好味嘅，魚生夠新鮮，佢隻蛋亦都好好味。

午飯時間可以去食，又平又抵食，質素仲要唔差。叫左個咖喱雞球蟹籽石鍋芝士飯，熱辣辣出曬煙，咖哩汁好香濃，蟹籽芝士🧀互相配合拉曬絲，份量夠曬飽，之後加杯熱奶茶完滿結束。算多人幫襯，包括學生哥打工仔，$50幾蚊既日式午餐，環境舒適。

5:18叫屋企人親身去落單 諗住趕到午市啦 $5x蚊拉麵 點知枱面放住張晚市餐牌 $8x蚊 屋企人唔知頭唔知路 比佢地落左做晚市價 我事後問番間野 到底午市係幾點到幾點 佢地答話11點半至5點半 我就話我屋企人5:18分落單 點解係晚市 佢地話 如果客人想叫晚市都可以叫咁我想問 我晚市時間想叫午市係米都可以叫番啊？

每次晚上經過都見到滿座，一直都好奇這間晚餐如何。海鮮魚生飯跟餐有手卷才82蚊性價比很好而同行另叫壽司set跟餐細海鮮湯也好喝，另點雞皮串燒得軟硬剛剛好，整體都不錯亦平民路線。耐何食到前半問題開始,手卷太上重下輕而托盤附載不了結果自行倒了部份魚籽落地。承載鼓油盤久久沒洗清仍有污積。由於姐姐們太心急做下一張單,吃完便趕著收碗結果碰到剛沖了過熱的熱茶倒瀉落同行處。及後除了道歉亦不懂適當處理,結果要自行用濕紙巾涼及傷口但也紅足了一日。最後還繼續沖熱茶其實是反效果,雖說是不小心沒什麼好說但處理不當下，結果原本不差的一餐也變成失望離場。

講真，我今日試咗間日料店，真喺有啲出奇咁好味。佢哋間壽喜燒牛肉鍋簡直係爆燈推介🌟！肉片肥美滋味，同啲鮮甜的蔬菜混埋一齊，仲有啲日式粉絲吸曬湯汁，嗰種滑溜溜嘅口感喺口入面嚟個大爆炸，好過癮！至於啲壽司，都幾入味架，尤其係個蟹膏帶子，新鮮得黎又豐富，咬落去蟹膏味滿嘴，真係好正宗👍！但個赤蝦就少咗啲，無所謂啦，總體嚟講都算抵食。唐揚魷魚軟骨嗰個酥脆得嚟唔會太油，每一啖都炸得啱啱好，就算食幾多都唔會覺得膩。食完餸後，個人感覺呢家食店真係得，食物新鮮，選擇多，質素都算不錯，偶然想食番口日本味，呢度絕對係個好選擇🍣🍜！响這個嘈雜嘅城市裏面，發現咗一個街坊嘅寶藏日料店，下次我一定會再黎，又或者試吓啲新嘅菜色！

這條街上有很多人氣餐廳，所以經過很多次這間餐廳都沒有試過，這晚星期日經過，反而另一間人氣日式餐廳不用排隊，而這間門口人頭湧湧，所以決定一試！排了隊要等幾張枱，但係翻桌率都算快，所以不用等很久。入去最後決定了試一試寫在黑板上的廚師推介—日式蕃茄雞翼拉麵加三文魚壽司（$78）。雖然聽名字好像很伏，但星期日夜晚有套餐，而且不用加一，還送了小食，性價比已經十分高！小食我選了三文魚壽司，壽司味道就十分一般，加上家人選的壽司套餐，味道也一般，所以不建議在這間餐廳吃壽司。說回我的日式蕃茄雞翼拉麵，想不到賣相十分不錯，而且蕃茄湯頭都算美味，帶有番茄的味道和微妙的甜味，合格有餘。雞翼就是普通鼓油雞翼，但也算鮮嫩多汁，麵條不是自家製或手製，像味千拉麵那般味道，以這個價錢來說很不錯。這道菜還有海苔和溏心蛋等多種配料。總的來說，食物對得起價錢，不妨一試！

好耐冇食過日式餐廳，朋友推薦呢個海壩街抵食日式小店，呢到出名唔收加一，份量夠多！嚟開荃灣呢頭一於試試佢～芝味咖喱雞石頭飯💰HK$56面頭有好多蟹籽，炸雞份量多，配上日式咖哩汁、芝士同埋蛋炒飯，撈勻哂之後仲有拉絲嘅效果，相當邪惡🤤個人認為汁撈飯比起啲炸雞更出色～日式牛肉壽喜鍋配白飯💰HK$62壽喜燒鍋材料嘅份量好多，入面有白蘿蔔、獅子狗、牛肉、生雞蛋之外仲有埋粉絲！個湯底係壽喜燒果種一貫嘅清甜，令人好開胃！

🖤黑白配⚪️喺荃灣行行吓街，覺得有啲肚餓，睇吓有咩好食，經過意壽司嘅時候，發覺出面都幾多人排隊等候，出於好奇，就諗住入去試吓😂試完之後覺得好驚喜！食材新鮮味道又好，仲要唔收加一！餐廳主打日式小食壽司刺身，成個裝修環境都係屬於小店街坊性質，唔係有啲咩裝修嗰啲，但係環境乾淨企理珍寶和風三文魚卷 $56個底係用咗加州卷，包住咗蟹柳、青瓜、同埋甜蛋喺裏面，表層就鋪咗三文魚籽、蛋黃醬同埋三文魚，大嚿得黎好豐富🤩🤩火炙芝味軟殼蟹卷 $38火炙咗嘅芝士🧀同埋三文魚籽鋪左喺軟殼蟹卷上面，個軟殼蟹🦀食落去好香脆，足料👍🏻👍🏻👍🏻鵝肝和牛粒石頭飯 $92個飯用石鍋上熱辣辣🍚，和牛同埋鵝肝配埋個炒飯混合埋一齊，啖啖飯香七味燒牛舌尖串 $14牛舌🐮串燒上面沾左醬油汁，食落去甜甜地 七味燒三文魚腩骨 $36食落嘅感覺有啲似雞泡魚乾，但呢個食落會硬身啲同埋魚香味重啲 🐠

之前去食初見既吉列牛既時候見到呢間附近既壽司店，今次黎試下～晚市有套餐都幾抵食，仲要冇加一，最最推介佢地既刺身同卷物，都好高質！  1⃣️帶子蟹膏刺身（$72） 呢個真係一定要嗌！帶子鮮甜，中間夾著滿滿既蟹膏！食落口係creamy既口感加上好重既蟹味🤩面頭仲有啲蟹籽！好正好正！  2⃣️珍寶和風三文魚卷（$56） 每一件都幾大件。個底係加州卷，有蟹柳、青瓜、甜蛋係入面，然後鋪上蛋黃醬、三文魚、三文魚籽，好豐富😋  3⃣️鵝肝和牛粒石頭飯（$92）（配三文魚蟹籽沙律手卷） 熱辣辣咁上枱，個底係炒飯底，有蛋、洋蔥絲炒埋一齊，用石鍋上更加風味十足！配料既和牛粒、鵝肝油分同炒飯混合一齊，啖啖香！晚市套餐可以自選小食一款，揀左個手卷，好抵！  4⃣️心壽司定食配迷你湯烏冬（$88） 有好幾款壽司：三文魚、墨魚、馬刀貝、甜蝦、八爪魚、鰤魚、蟹膏貝柱。另外仲配上一碗仔烏冬，烏冬好滑，份量唔會太多啱啱好，入面仲有蟹柳、筍絲，湯底似係豬骨湯底但係味道偏淡。  5⃣️火炙三文魚腩壽司（$12） 油脂感香，入口即溶🤤  

呢間位於荃灣福來村附近既心意之日本料理，係一個不錯既午餐選擇。尋日點左午市套餐牛肉野菜鍋 (胃口較細, 叫左少飯)，牛肉份量十分足夠，肉質偏肥，加上野菜同埋唔錯既湯底，都算食得幾滿足。不過，對於服務方面就有小小失望。可能因為午市期間多人等位，所以店員不時走埋黎問係咪食完 (都有禮貌地問既)，但不時好似想收食物咁，令人唔好意思食得慢。整體來講，餐廳嘅性價比都算高，食物質素不俗，加上地理位置方便，係一個值得一試既餐廳。

平日午餐通常打電話外賣自取，一段落單勁快，出餐又勁快，15分鐘可取餐。今次老公接放工，近近地行去福來邨食日本嘢。叫咗一個晚餐 壽司烏冬餐，雖然比平時午餐貴少少，但忘記咗影相，有兩件三文魚壽司，有帶子刺身軍艦壽司，赤貝壽司，墨魚壽司，及其他魚類新鮮壽司，只係貴少少但正好多，真係平靚正👍，配有迷你豬骨湯烏冬的。堂食當然叫日本料理的小食😁，燒扇貝，有一個殷勤的店員店員推介我試和風日本燒，仲可以比我選擇鴛鴦燒，另一隻用傳統蒜蓉燒。和風日本燒真係好好味，第一次食到呢種味道，個醬汁應該係佢哋自己調配，內有洋蔥，面層有蟹子，推介大家試吓！另一隻蒜蓉燒略嫌太多油，但味道ok的！炸雞軟骨，香脆，平👍又好食蒜蓉燒茄子，佢哋燒到可以連皮食，味道適中，係略嫌多油咗少少整體滿意，又平又算多選擇，但坐位唔太多，迫少少，但唔係等好耐的，只要要求唔太高的話，可以一試，出面都應該好難得搵到！

荃灣海壩街超親民日本料理心之日本料理/午市牛肉壽喜燒📍意壽司-心意之日本料理 𝑯𝒆𝒂𝒓𝒕 𝑺𝒖𝒔𝒉𝒊🧭荃灣海壩街26號地下💰人均消費: HKD65食過幾次超平嘅街坊日本料理 #意壽司 ！⭐️日式牛肉壽喜燒鍋配白飯 $62𝑺𝒖𝒌𝒊𝒚𝒂𝒌𝒊上枱唔係話好香，不過估唔到啲牛肉又幾靚，仲有幾多！如果個湯香濃啲就正！$62可以食個壽司燒真係好平！#MFJ荃灣 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #相機食先 #荃灣美食 #日本菜