德如茶餐廳

營業中

休息中

德如茶餐廳📍𝙶/𝙵, 𝟷𝟽-𝟷𝟾 𝚂𝚝. 𝙵𝚛𝚊𝚗𝚌𝚒𝚜 𝚈𝚊𝚛𝚍, 𝚆𝚊𝚗 𝙲𝚑𝚊𝚒, 𝙷𝙺˗ˏˋ 𝘔𝘦𝘯𝘶 ´ˎ˗◦ 懷舊西多士一般… 喺屋企自己嘅水準◦ 懷舊沙嗲牛肉麵牛肉都算腍 但係牛肉同麵都唔夠入味◦ 懷舊雪菜肉絲米｡･ﾟﾟ･　　･ﾟﾟ･｡𝚁𝚊𝚝𝚒𝚗𝚐: ☻.𝟻𝚁𝚎𝚟𝚒𝚜𝚒𝚝: 𝙽𝚘#foodamante_wanchai #foodamante_茶餐廳

金鐘附近茶記真係唔算多。工作日一點半左右唔使等位，又唔使搭檯，都算坐得OK。叫左滑蛋叉燒飯，都幾多叉燒，味道屬正常發揮。奶茶聽講獲選為全港四大奶茶，細細杯$21，都係正常發揮。服務方面，店員都比較忙，樓面都好快手。下次來可能會叫是日午餐，因為是日午餐加野飲平好多，好似只係加$10。不過可能比較晏，是日午餐選擇唔係好多，有兩款。價錢係金鐘價錢。不過附近堂食$100樓下又坐得ok的，選擇都唔算太多，所以都會再來的。

路過見到間門面好好好普通既茶餐廳，諗住入去食個午餐。坐低啲位又唔舒服，樓面紅毛啊姐態度又差，點餐時，諗多一陣都西口西面，今日點個a餐鮮茄豬扒飯，啲汁甜過頭，啲飯又有少少生水，59+11 ，完全唔值

超級難食的茶餐廳, 食咗個星洲炒米 碟嘢係凍嘅 !杯奶茶冇茶味，一碟嘢加埋杯嘢飲要差唔多$90, 貴唔緊要但係唔好俾啲垃圾人,食午餐又得返一個餐剩 , 咁諗住散叫碟椒鹽豬扒飯啦 ,跟住又可以無啦啦又將個椒鹽豬扒飯變咗做午餐。午餐同散叫因為杯嘢飲爭成$20, 咁都得嘅。呢鋪德如茶餐廳真係唱好香港。大家千祈唔好中伏 ,垃圾茶餐廳 ！德如茶餐廳 不如你搞番好間茶餐廳先唔好以為有舊街坊就可以keep住個水準咁差希望唔好破壞香港形象

1點去到已經冇咗兩個午餐，價錢$59，加$11凍飲。淨返兩個餐我唔係好鍾意食，所以叫左個唔係餐嘅椒鹽豬扒$69，凍飲加11。 其實估唔到啲飯係咁硬，豬扒又瘦又肥。。但點都好，肚餓嘅時候咩垃圾都食啦。。食左5分鐘，我見到個午餐牌加左椒鹽豬扒飯！咁我咪叫個侍應講係咪會做返午餐俾我？點知佢話：寫左唔改得架啦！ （咩料，幾分鐘後平20蚊）我仲見到個侍應走去细細聲問老闆得唔得，個老闆零晒頭。。。 ，你去問即係都覺得有問題啦。。本身已經收得貴。。講真幾分鐘都唔肯轉，你係唔想做熟客生意啦一定，咁樣嘅服務態度你都唔方做得耐！ 最重要唔係好食！

真係聞名不如一見，諗住今日天氣唔係咁熱就試吓，嗌咗個午餐B. 鮮茄蛋牛飯，一食落口啲汁甜到爆…仲飲緊珍珠奶茶超甜冇分別，同夥計講，佢就話老細話叫我下次自己要識得嗌少甜，真係唔該晒！我建議佢個Menu要寫”可以嗌微甜、少甜、正常甜、超甜!

原本都唔想留言俾負皮，但真係唔舒服辛苦左幾日。今次係特登上黎第一次留言。事源係附近返工，想搵間出色嘅茶餐廳，咁見佢係出名又老字號就去買lunch食，去到見到個環境其實都有啲惡劣，以為有咁多人推薦就唔會中伏，同埋價錢其實一啲都唔平，比起附近嘅餐廳貴，另外野飲係單一收費，一個普通單餸飯$6x，如果係好食就話值得姐，問題係唔好食，打開盒飯賣相其實同街邊雙餸飯無分別，食落有陣up味，唔好食之餘又貴結果食完仲腸胃炎，屙足三日，真係想xxxx，食物質素欠佳，一定唔會再幫襯

今天中午LUNCH TIME來到了德如茶餐廳這家位於灣仔的港式餐廳。餐廳的位置非常方便，就在星街閙市，讓人在外出時也能隨時來到這裡享受美食。進入餐廳後，我能感受到這裡懷舊的氣息，裝潢復古，讓人感受到了香港早期的生活風格。餐廳內部設計融合了傳統和現代風格，燈光柔和，營造出一種非常溫馨的氛圍。我點了🐮干炒牛河和🍲西炒飯作為我的主餐。首先我試了一口乾炒牛河，干炒牛河是很多人來德如茶餐廳必點的菜式之一。牛肉很嫩，口感很好，但是整體味道有些微不足道，缺乏以前的獲氣, 牛河有點濕, 名廚張錦祥Ricky 話過, 乾炒牛河要好味，首先要夠鑊氣，牛肉要Juicy之外，河粉也不可以斷開一截截，是一道講求技巧的美食, 所以是餐廳廚師的考牌菜式。另一道同事食的西炒飯味道普通，它是用青豆、火腿粒、蝦仁和雞蛋等材料炒製而成，口感柔軟但不油膩，味道尚可。除了這些主打菜式，德如茶餐廳的炒食選擇很多，例如炒麵和炒飯。然而，這些菜式的味道比較普通，沒有太多亮點。不過，德如茶餐廳是香港飲食文化的重要一部分，它的招牌奶茶☕的確香濃可口，讓人回味無窮, 實在是讓我驚豔不已。它的茶底非常香濃，牛奶的味道也很濃郁，讓我有種忍不住

今日喺附近做嘢，見仲有時間，就食個早餐先。 通常食茶餐廳早餐我都會嗌沙爹牛肉麵， 今次嚟到星街呢間出名嘅茶餐廳，就叫咗個沙爹牛肉公仔麵配炒蛋多士試一試。炒蛋炒得幾唔錯，多士就正常水準。重點係個沙嗲牛肉麵，沙爹牛肉係凍嘅，佢應該係想靠個湯浸返熱，但佢比嘅湯又少又唔熱， 仲要冇咩味，我叫佢哋加多啲熱湯畀我 ， 點知都幫唔到幾多 ，我食咗兩啖就放棄了💁🏻‍♀️朝頭早十點幾唔算太多人，附近仲有好多茶餐廳可以選擇😅

朋友介紹德如茶餐廳嘅奶茶十分出色 甚至可以媲美大坑嘅炳記 聽完之後即刻決定週末去灣仔星街試吓呢間茶餐廳究竟有咩咁特別 我哋大概十二點半到去到，距離遠距離遠遠已經見到有幾個人排緊隊，果然聞名不如見面 排隊嘅時候待應已經比餐牌我哋睇吓有咩食。 見到隔籬枱嘅哥哥仔，叫咗一個招牌炒飯，就決定跟佢試吓究竟係咪咁好食 同行嘅朋友就叫咗粟米魚柳飯 當然點少得我哋兩個都每人一杯熱奶茶 每人一碟飯再加嘢飲 大概$80 比出邊茶餐廳貴少少 嘢食嚟講，我會覺得比出邊茶餐廳好食，所以大家不妨貴少少都可以試吓 奶茶茶底香濃，亦都係推介俾大家嘅一個好選擇

是日午膳同同事喺灣仔嘅德如茶餐廳午膳。餐廳嗰時顧客頗多，要喺餐廳外擺摺枱。為左盡快有得食，所以同另一位同事叫左是日午餐中嘅咸蛋肉餅飯。不過似乎有漏單情況，以致第二個飯要一段時間先送上。肉餅質地鬆散，似乎只係用攪碎嘅肉，而非剁碎嘅肉。而家肉餅大部分味道黎自咸蛋同豉油，味道上其實幾令人失望。不過以58蚊價錢而言，喺灣仔區黎講價錢尚可接受。但係跟餐如果叫嘢飲會唔着數，例如凍檸茶只會按原價打個半價，額外加超過十蚊。

之前weekend 經過好幾次都無開 今日黎開灣仔就黎食lunch平日1430去到 無乜人 都坐得寬敞即刻叫杯奶茶先奶茶通俗學Milktealogy 提過幾次德如 以為佢啲奶茶實無死啦最期待既奶茶竟然難飲 (已經唔係普通茶餐廳既水平) 真係有啲失望茶青味好明顯 奶唔夠 如果合埋眼都唔知飲緊奶茶 如果同我講 我係飲緊普通茶紀一坐低就比杯紅茶你飲果啲 我都信不過網上話德如轉過手 可能食物質素有改變都唔出奇見openrice好多人介紹佢個豬扒 唔錯既 幾入味同鬆軟但係佢啲飯唔夠熱 食左一陣就開始凍 而且好硬身就唔係好得啦德如無午市/下午茶套餐 散叫都要total 60-70 一個人 不過都平過星街月街果堆西餐/cafe既係附近住/工作的確唔錯既選擇 不過我下次就算去開灣仔都唔會突登過黎食啦同樣價錢 出面好多茶餐廳都交到貨 另外佢啲凳非常難坐 只係承載到半個pat pat既硬木凳 坐得耐會腰痠背痛

午餐時段本來想去咖啡店，但要等位，於是行兩步去德如，經常來，基本上是飯堂。轉個彎行一段行斜路，就見到德如。餐廳很多人，都是打工仔，不過很快有位，但要搭枱。點了午餐西檸魚柳飯，點完聽到樓面大聲嗌“西檸魚柳”賣晒。好彩！魚柳外脆內嫩，不油膩，甜酸汁非常開胃，和魚柳味道搭配，但和白飯就不太夾，甜酸汁送飯麻麻。午餐$69連凍飲，不算平，但滿足。

今日去複診，複診之前要食個靚早餐，點知搭搭吓車先記得原來星期一佢唔開門😮‍💨心知不妙，今日都睇怕兇多吉少。🫣我就最怕呢啲情況，臨急臨忙點算好呢？結果真係千揀萬揀揀咗個爛燈盞，揀咗間都有少許出名嘅大排檔，諗住快靚正，點知⋯⋯⋯沿路又諗住去一間我心儀嘅麵包舖長龍店去買我最鍾意食嘅牛角包🥐點知又無啦啦裝修😭唉😨心諗有冇咁黑仔❗️平日呢個時間正常都冇乜人嘅～諗住簡簡單單要件多士+奶茶，誰不知多士又唔出色，奶茶更加唔使講，完全失望😞食食吓俾我發現個Menu嘅價錢同佢寫嘅好似有啲出入，我心諗會唔會寫錯啊？多士餐要$30？雖然佢都唔係第一間收$30 ，出面最平我食過$20多士餐。原來佢個Menu係寫多士單併$22雙拼$24熱飲加$6凍飲加$8！omg 人哋出面明碼實價冇餐就冇餐，呢度咁樣我唔喜歡囉。一肚氣，又響度早知呢樣早知果樣，邊得嚟咁多早知丫😖正所謂條路自己揀 pk 唔好喊。結果唔好話女人嘅直覺唔準呀，複診真係出咗事晴天霹靂。😰😨。

請看看唔記得烘底又賴我無講 個阿姐語氣又差 個阿叔連找錢都特登找散俾你的 。茶餐廳的茶餐無餐的 所以西多 沙爹牛治 凍奶茶熱奶茶 四樣要一嚿水 附近有好多出色有心思又好食的餐廳都唔使 主要是食物質素反映廚房態度樓面語氣反映工作心態問題。好激氣呀⋯⋯