更多
2020-06-11
1083 瀏覽
聽聞德如轉手重開就去幫襯下 65年歷史不容易 充滿人情味 裝修後店鋪乾淨好多坐都坐得舒服啲 位置都吾同左水吧位變左近廚房 幫襯過幾次 今次去無見到舊老闆 但見到有是日精選飲品半價 良心老闆👏🏻 距地啲碟頭飯份量多到可以兩個女仔share食 好抵食!特別推介家鄉炒飯辣辣地又夠鍋氣 由於吾會成日有人同我share 我一個人既時候只會叫沙嗲牛肉麵 朝早同晏就都order過 我發現早餐同中午既係吾同 中午係有埋青椒紅椒吾會得啲肉 岩曬我地啲女士有菜食 吾洗加錢叫碟菜 我個人幾中意中午果個 食得出係落鍋炒過吾同出面果啲咁hea 至於四大奶茶之一點會吾飲距地杯奶茶 杯奶茶夠滑又重茶味 我個人吾中意偏奶 正中我心意 正!太古廣場多數都貴野 尼間野岩岩係三期隔離 所以對比價錢黎講係吾貴 上班族長期飯票!
張貼