德如茶餐廳

營業中

休息中

聽聞德如轉手重開就去幫襯下 65年歷史不容易 充滿人情味 裝修後店鋪乾淨好多坐都坐得舒服啲 位置都吾同左水吧位變左近廚房 幫襯過幾次 今次去無見到舊老闆 但見到有是日精選飲品半價 良心老闆👏🏻 距地啲碟頭飯份量多到可以兩個女仔share食 好抵食！特別推介家鄉炒飯辣辣地又夠鍋氣 由於吾會成日有人同我share 我一個人既時候只會叫沙嗲牛肉麵 朝早同晏就都order過 我發現早餐同中午既係吾同 中午係有埋青椒紅椒吾會得啲肉 岩曬我地啲女士有菜食 吾洗加錢叫碟菜 我個人幾中意中午果個 食得出係落鍋炒過吾同出面果啲咁hea 至於四大奶茶之一點會吾飲距地杯奶茶 杯奶茶夠滑又重茶味 我個人吾中意偏奶 正中我心意 正！太古廣場多數都貴野 尼間野岩岩係三期隔離 所以對比價錢黎講係吾貴 上班族長期飯票！

聽人講哩度最出名就係家鄉炒飯，黎到就一定要食，咁我就一於放晏就過黎試下。嘩好大碟，自己一個食唔哂，同啲同事share一個飯，佢又唔會話一定要2個人就叫2個飯，除番開每人都係$32 已經好飽。因為見隔離幾枱都有叫西多，最後又叫左一份西多，個侍應問想要邊隻味 (花生醬/火腿芝士) 估唔到有2隻味可以揀，好好食!  仲叫左杯熱奶茶試，因為唔想啲冰溶左溝淡左，好滑，比起以前好飲好多! 好懷舊好正，今次真係大滿足

有65年歷史嘅茶記於同一個地方重開 由於地點好近我屋企 於是我哋就喺店舖重開後冇耐就幫襯 店內裝修冇乜點變 感覺上好似乾淨咗😂😂⠀⠀奶茶出名應該好多人都知道 食物方面我就鍾意食麵包類 (西多士、奶醬多、鹹牛蛋治) 多過炒粉麵飯 嗰日去食晏叫咗個沙爹牛肉麵 味道和做法同其他茶餐廳嘅好唔同🤔 我呢碗沙爹牛肉似係豉椒牛肉嘅做法😂 我個人唔係好buy😂😂用呢種煮法然後放落碗麵度⠀⠀價錢方面以茶餐廳嚟講真係收得貴 HKD48一碗沙爹牛肉麵 一份午餐精選$56唔連飲品 叫埋飲品差唔多$80買賣單....⠀⠀四月去嘅時候服務係唔錯 可能係因為有舊老闆喺度睇住 今日再去....嘩....落單嗰位嬸嬸究竟係未瞓醒定係喺太空漫遊緊..講咗N咁多次都落唔到單 嬸嬸好坦白同我哋講佢係新嚟嘅 啲單亂晒籠 明明未嚟齊啲食物又話齊晒 ..⠀⠀店外嘅茶檔車依然保留住喺同一地方雖然已經冇開檔 但依然成為客人們打卡嘅熱點

又係lunch時間今次黎到金鐘/灣仔既德如茶餐廳係太古廣場三期附近比較隔涉，有少少難搵不過lunchtime都幾多人下睇黎都幾受歡迎嗌左最出名既「家鄉炒飯」🤩我張大枱5個人有3個都係食呢個 😂睇英文係叫Indonesian Fried Rice，應該係算印尼既家鄉炒飯 😆個炒飯好夠色，有叉燒，蝦面頭仲有啲乾脆既白飯魚口感非常有趣個飯有少少辣，食左陣就嗌埋枝大可樂係玻璃樽裝，好有風味又熱又香又微辣既炒飯配埋大枝可樂真係一流 😍不過野飲全部另計，大可樂$16個炒飯$62夾埋$78有少少貴不過個家鄉炒飯果然名不虛傳，係好食既 😊

朋友來灣仔區搵我食lunch，特登帶佢來德如，露天cha chaan ten，好好feel，最近天氣又涼涼地，吹下水食個飯，重要有好多白鴿係隔離building，呢個view對於中意懷舊茶居仔的我來講真係無得輸！完全唔覺自己置身喺咁商業的灣仔area。叫左個星洲炒米 $68，超超超超超大碟，兩個人share都完全夠飽！美中不足係佢餐不跟野飲，要散叫，最平都$18 can of coke不過個飯咁平，當拉上補下都非常超值呀：）大推！！！！！！！

呢間餐廳其實都有留意開, 每次經過嘅時候外面總會有人等緊位.睇過一些食評都話侍應態度差, 其實佢鋪頭細細只有兩個上左年纪嘅侍應. 地方有確係淺窄. 但係筆者留意到其實佢哋有一大群熟客, 經常留位畀熟客. 相信呢個舉動形成功挽留一班熟客嘅心. 或者可見好多中年男子都有其受落. 所以可以話呢間餐廳第一間有固定客源嘅餐廳.就筆者所見是應亦都毫不吝嗇會請一啲食完食物嘅顧客離開, 因為呢間店舖真係長期都有人等緊位.就食品方便看到很多食評都是焗豬扒飯. 筆者自己本身尚未嘗試豬扒飯, 但是鐵板餐亦不少人下單.就是次用餐食物質素而言, 不過不失, 份量不少. 筆者下次應該會嘗試焗豬扒飯或者乾炒牛河.

今日同舊同事食lunch, 由於我女朋友好中意食佬野，所以一開頭已經filter out d 矯情嘅餐廳。見灣仔有間老字號嘅茶檔，就梗係要去會一會拒。一坐底，menu 已經有哂經典嘅炒粉麵飯。當然，身為一個要扮中佬gei我，要叫番中式gei 飯，嗌左咸蛋蒸肉餅飯。一黎到，幾大碟飯，有菜，拒仲要有成個咸蛋黃，用足料，肉餅更加吾洗講，好入味好好好食，最後食哂d肉餅食吾哂飯。最衰拒野飲要分開叫，甘黎得，就一定要try try 拒d奶茶，都ok ge, 係埋單貴左d......

由大排檔做到舖位，嚟間老字號在灣仔靜靜的一角無人不識。週六下午比較少人，可慢慢享受寧靜的一面。奶茶非常出名，濃厚的茶味在口腔內徘徊，質感滑溜。奶醬多士比較細件，烤得焦脆，奶跟花生醬比例恰到好處，好味。

某日午膳時間經過日月星街, 看見這間餐廳外, 有綠頂的檔, 就好像中環 蘭芳園 一樣. 看見有很多人幫襯, 在炎熱的五間有四五枱客人坐在路邊. 心想這間餐廳 一定有一定的水準.於是入內叫了一碟乾炒牛河, 牛河鑊氣夠火喉足, 牛肉份量不少, 配上辣醬. 可以說是少有的好吃. 看見牆身的報道, 奶茶應該是一絕. 所以更點了一杯奶茶.果然奶茶沒有令我失望, 茶底和一般的港式奶茶不太一樣, 牆上的報道說有七種茶底混合而成. 奶茶可畀中環蘭芳園.

是日同男朋友黎依間食野，因為佢話依間好出名。我地lunch time黎到果然已經好多人，佢地係兩邊都拍晒台比人坐（其實有d阻街），好多都係附近返工既西裝友同鬼佬。咁男朋友就叫左個泰醬雞扒飯，我就叫左黑椒牛肉炒紅飯（即係蕃茄汁炒飯底）。留意佢地係無餐既，所有野散叫，另外叫兩杯野飲。有偷食左男朋友個飯，味道好普通唔驚喜，似我媽煮既煎雞扒加泰式辣醬。雞扒唔夠脆口。到我果個，其實覺得個combination好奇怪，個面係黑椒汁但個底又係蕃茄，anyway係食唔到蕃茄味。如果就咁叫個黑椒汁牛肉飯會更好一d。埋單兩個人都170，味道真係好一般無人講到咁好，但價錢就相對地貴。

友好介紹德如茶仔，趁在附近一試。平時都在附近濕平和食西餐，原全沒有留意它的存在！OpenRice 的相像大排檔，原來真實是小店有室內有少量戶外，地方整潔，員工有禮。在OpenRice 很多人推薦的家鄉炒飯$58，顔色比較深濃味，材料豐富；小蝦，臘腸，义燒粒，卜卜脆和蛋，幾特別。飲品要分開叫，奶茶以我水準不夠濃，顏色淡，加上膠柸上，失望😞以午餐$79一人計，舊茶仔格局偏貴。

天氣涼終於可以搵d夏天唔會去的地方食飯.今日終於黎到德如. 其實路過過好多次. 但落雨天又唔會黎. 夏天又唔會黎. 因為坐外面真係好熱.雖然裡面都有坐位. 但lunch time時間好多人. 所以難得今日涼涼地決定走"上山".十二點半左右街邊坐位已經坐滿一半. 好彩行快一步. 咪重要同人搭枱.雖然係街邊大排檔. 但唔少著得靚靚的辨公室人員都係度食飯.我叫左個蝦仁炒蛋飯. $55. 已經叫左少飯, 都好多飯... 食完十分飽.d蝦隻隻都有返咁上下大. 重要好爽好彈牙. 個蛋都唔hea你. 超多, 食完飯都重可以食多幾啖餸. 十分滿足.重攪到搭枱的朋友見到大叫個蛋炒得好靚喎.是日推介係糖醋骨飯.$55 我地當然唔會咁蠢叫晒兩個啦. 都叫下其他嘛.叫左少飯. 但個飯都重好大碟, 究竟normal係有幾大碟飯?個糖醋骨好入味. 肉亦都唔un.  重點係食完唔會令到你好口喝, 讚.而且下面重有好多菜心. 同平時得個兩條重要係咁意淥下的比較. 呢度真係超貼心.  價錢話平唔平, 話貴都唔係好貴. 但用料十足. 怪不得長年都咁多人幫襯.有機會要試下其他款式. 今日食完佢超飽

日月街人煙稀薄，鬧市中的花園靜土。於附近的獸醫診所出來，因有寵物關係，只能夠選擇此地。 沒有餐牌，只有寫在tiles wall上的炒粉麵、早餐，價格也一一列上。驟眼一看，價格偏貴，早餐也只有數款，但沒有像冰室一樣的配搭：粉麵＋多士＋雙蛋。頓時陷入失落沙洲，有Ａ沒有Ｂ，有Ｂ卻沒有Ｃ。 轉眼間，我只好選擇午飯，因為早餐實在不合我心意。 咸蛋肉餅飯($53)有菜心作伴菜，感覺輕盈，能夠與肉餅相輔。咸蛋肉餅份量足夠，略嫌咸蛋味偏淡。 早餐:火腿通粉+多士+餐飲($40)火腿通粉用最原始沒有坑紋那一種，沒有咀嚼感。火腿份量不足半塊。 飲品非常的懷舊，相信是絲襪奶茶此做法，撞出幼滑口感。茶面都有微小的點點茶渣。 最為令人大失所望，就是午飯是不包括飲品，需要散裝點餐。但一杯熱飲要＄２０元，收到帳單實在驚嘆不已。當然，價目也清楚列明於tiles wall，但沒有提示一句，雖不感到受騙，但在現今社會的茶餐廳實為罕有。若有細心提醒，相信會更好。 而且餐品選擇小，於灣仔我可不是沒有選擇。相信也沒有亮點令我會回頭。不過，能夠迄立至今，相信有一定的支持。就等如佔盡地理優勢，與周邊的西式餐廳有鮮明對比，偶爾念著

之前經過見到呢間餐廳啲枱擺曬出街 然後啲餸菜係寫曬喺幅牆度 全部都係一大碟嘅炒粉麵飯 特登搵日去試下係咪真係咁好味lunch time去到已經坐滿好多人我哋一行十一個人 拍埋兩張枱 喺斜路上面斜度都應該有30度 嗌咗好多款飯同麵 全部都上得好快味道都唔錯不過要喺個斜路上面食啲有汁嘅飯都真係一個挑戰 要食得極小心 最鍾意係星洲炒米 炒得好好味又唔會太油夠香夠辣又夠乾身 呢個係價錢相對平少少而又可以極速食嘅選擇

之前我剛剛在灣仔，幫襯過一間以甜味冬甩麵包為招牌食品的印尼冬甩店，以價錢中等價錢，但是都能夠食到甜味牛油果沙冰，跟以莓果甜味為主的冬甩甜品。食完冬甩之後，我見時間尚早，看灣仔還有什麼小食店可以幫襯。結果我橫過「皇后大道東」，沿着「聖佛蘭士街」斜坡往上走，再在「進教圍」路口位置轉左，終於給我在「光明街」找到，一間門前放着一架古色古香排檔攤位的茶餐廳，茶餐廳的名稱就叫做「德如茶餐廳」。或者正正就是因為「德如茶餐廳」處於「光明街」的盡頭位置，所以「光明街」的街道上近乎沒有車輛，可以容許「德如茶餐廳」，把以前遺留下來的排檔保留下來，作為現在「德如茶餐廳」的生招牌。不過講句老實的說話，其實現在還有排檔，仍能保留原有牌檔牌照，繼續保留傳統大排檔檔攤，例如中環的「勝X園」跟「蘭X園」就是這樣子。所以我光顧過灣仔最後的排檔「德如茶餐廳」，再飲過「德如茶餐廳」水吧師傅製作的「茶走」之後，我立刻認定了，「德如茶餐廳」的透明膠杯「茶走」，感覺跟「勝X園」的膠杯「茶走」幾乎有九分相似。「德如茶餐廳」另一個最有趣的地方，就是「德如茶餐廳」奉行以往遺留下來的價目表定價手法，把當日可以提供的食品，包括飯類食品跟三文