彪記牛丸麵家 (已結業)

放假和男友到來吃元朗最出名GE牛腩..真係勁有牛味...一人一碗另多點了一碗牛丸...牛丸就一般...無咩特別...如果係牛筋丸就好LUUU...但呢到似乎無....而且都無我致愛GE水餃....但有雲吞...但今次無試因為無理由遠到而來唔試下咁馳名GE牛腩架嘛....飲品凍咖啡..好甜....雖然食碗麵...但一D都唔平....咁樣就花左差唔多成百元..依家樣樣都好貴咯......

講真..清湯腩真係唔係好幾間...仲係要用坑腩個人特別喜歡食坑腩...因為比較有口感坦白講,牛丸就一定係勝利好食!不過牛腩真係全元朗彪記最好食!食彪記牛腩,一定要食肥腩! 肥腩先最好食! 仲有就係牛鞭! 雖然唔係全牛鞭..不過都唔錯..夠味唔韌...一碗肥河+一碟淨牛鞭 + 一杯凍奶茶($40)...已經好滿足!

成日同阿爸阿媽食彪記由細食到大架啦~不過近日通脹加左價但係d質量冇少到都唔錯架叫粉麵一至兩樣餸加凍飲$27至$33啦講下牛腩啦個度最出名架啦平日要食就要早d到4點就會冇哂架啦d牛如果你想食軟d ge呢可以叫肥牛唔叫肥牛就會硬左d 其實最好味係d湯啦清清地好香架加埋d生菜好正架個配搭比起一般牛腩呢呢間個d新鮮d冇咁霉好食!d麵同粉個d同出面冇乜分別~叫牛腩麵呢鐘意清清地可以就咁食不過加埋魚露同埋少少辣椒油就仲正仲好食ps 辣椒油十分之辣加少少好啦野飲方面叫紅豆冰啦~雖然唔係大杯但係加埋d牛黎食好正架不過地方環境呢就差少少冇人掃地少少dirty而且成日好多人..

起初叫左碗牛腩河+凍奶茶但眼見店內人人有杯紅豆冰箱心癢癢又叫杯牛腩河個味道調較得幾好，牛腩好夠"林"河粉OK滑落加埋佢嘅秘製辣椒醬就非常美味!本人立刻買走3樽, 貪佢辣得好好味~凍奶茶好飲紅豆冰仲正, D紅豆夠棉, 椰汁味道亦調較得好好, 必飲推介~

要咗牛丸米, 牛丸好多粒,肉質比較淋,不像勝利那麽彈牙,但牛肉味好重,不過牛丸和湯底都好咸好咸, 本人不太懂欣賞, 座位又迫,滿地垃圾..一次夠了

食彪記唔止一次，有幾次都覺得湯有點鹹~"~前２天去吃湯還是鹹，牛丸跟牛腩保持水準，不過真的太迫了，人又多，最好唔好坐係放碗的位置，不然Ｄ阿姐唔會好小心放碗，湯都周圍飛一一下次想吃時才會再去吧

成日見到啲網友寫彪記啲牛腩有幾好味，自己住元朗咁耐都未去過。於是今日有啲時間，兩點幾諗住應該少啲人的時候去試下。點知去到都仲有好多人，幸好一個人搵位都不算太難~~~叫了碗牛腩牛丸麵，啲牛丸都好有牛肉味。牛腩都okay啦~~ 我諗肥腩或邊腩會好食啲，因為邊腩一早賣晒，而我又見好多人叫肥腩。不過我見啲肥腩真係好肥...個湯底都算清，冇嘉麗園嗰啲咁重味精... 個麵本來都okay，不過麵身好幼，好快"林"晒，唔夠彈呀，美中不足。服務... 環境... 不要有期望

D肥腩好肥，但好味道，紅豆冰好正，不過環境就差o左D!!!!

第一次去彪記，見環境污糟又狹窄又多人，就放棄了；第二次去很少人，那知是牛腩沽清之故。碰了兩次釘，今日抱著非試不可的心態再去，在狹小的店內等了十多分鐘，終於找到位子坐下來落單。　彪記的單雙拼同價($17)，當然要了腩丸河，龍就叫了腩肚河，再加一杯凍檸茶($9)。由於食客多外賣更多，等待時間都幾長，再等約十分鐘食物才上檯。　素聞彪記清湯出色，一試，的確又鮮又甜，把平平無奇的河粉襯托成美食。牛丸有濃濃的牛肉鮮味，亦是高於坊間水準，不過要算最好吃一定是牛腩：紋理清晰不靭不稔，帶點肥肉更見香口美味，絕對拋離了同區的嘉麗園及勝利牛丸!個人覺得與九記打成平手。得媽咪提點，不忘一試特製辣椒醬，也甚美味!　不過粉麵的份量較細，男仔食會不夠。故時有見男人一點兩碗，我們對面的食客更加一人解決一淨牛丸與肥腩河，令我心中暗暗佩服!　希望餐廳可以改善一下環境，這樣我一定會常來幫襯!

尋日帶我老婆去食彪記,因為呢間野好多人排隊, 我又最唔鍾意排隊但甘岩尋日係附近買六合彩就例外啦十二點九左右, 門口已經十幾人係度等外賣好艱難甘樣逼左店舖, 同樣甘多人等位食既都好合作, 食完就走, 唔會霸住晒終於等左十分鐘就有位坐低老婆叫左個牛肚牛丸, 我叫左個肥腩牛丸雙拚都係17蚊, 好抵食牛肚好味, 牛腩肥左少少, 但亦好有牛味牛丸唔同外面食到那些彈牙的, 但夠肉味但我嫌佢地既湯底同牛丸都偏咸如果唔介意等位, 逼人, 地方污糟的話單計食物質素, 確實係唔錯的

味道好淡, 牛腩好靭, 牛丸OK, 環境一般, 服務一般.一句講晒: 真係無乜特別.

The best part of their meatball is the texture. You can really feel it. Unlike other beef meatball which might have been minced too much.Customers start to quere in front of the shop before it opens. And you can hear the Master start to cut the beaf the 1st second after the shop is opened. And he continues to cut and cut - nonstop. Business is very good.Strongly recommended for a real taste of beef meatball.

老實講，由細食到大，我覺得全元朗牛丸最正係佢，可能鍾意食爽口既朋友未必覺得正，但肉味實在一流，試過買一斤返屋企煮麵，連d湯都有肉味！牛腩夠味又夠淋，正！講環境雖然差，但記得以前佢門口可以擺個陣仲誇張：門口唔夠d食客夠膽死個較硬淨紙皮箱當都要食，可想而知佢幾好味！同埋大家不防留意下，佢地就算幾多人都唔會落錯單，連次序都唔會錯，邊個叫先就到邊個，認真神奇！

7.23(日)一訓醒就同男朋友出左元朗食lunch一去到門口勁多人,好在d人只係等外賣,入到去仍然人山人海,等左好耐先等到位叫左丸腩河,丸腩米同可樂呢到d牛腩好重牛味,不過就瘦左小小,相信叫肥腩會更合我心意牛丸唔係彈牙個隻,但好重肉味,我最like呢到既portion比例細~兩個人最好叫2碗牛腩粉/面+1碗剩牛丸share就perfect~一定會再黎食~不過下次會考慮外賣~因為實在太迫~太肚餓,唔記得影相~

間中唔去食去呢間野係食肥同邊丸都ok食就真係好食不過環境又差d