彪記牛丸麵家 (已結業)

一個人悶悶地,竟然走左去元朗掃街,諗落都幾無聊.上次同阿火掃街團食過一次,感覺唔錯,雖然一個鐘前食左飯,應該都食得落既.單雙併都係$22碗,一場黎到,無可能唔食牛丸同牛腩.丸腩米: 先講個湯,比較清,但芳香濃郁,熬了段時間,牛丸雖然比較散,並非德發那類型,但入口牛味充斥口腔,相反牛腩就失色得多,肉炆得唔夠淋,亦可能係咁啱比左舊硬身d比我,米粉亦偏向鞋身一點,灑幾滴自家制辣油,味道果然有層次得多.下午二時半,由入門口到離開,人流不絕,伙記快手快腳,老板收錢唔停手,門口不時傳來要客人'移車',可想而知都幾誇張.

第一次去叫左一客清湯牛根腩米粉，同一杯菠蘿冰牛根腩米粉，牛腩非常腍身帶有牛味，而牛根就ok清湯不是想像中咸，可能平時食慣濃味不過菠蘿冰就差左少少，用上罐頭(非地門)菠蘿，頭一兩啖還有波蘿味但都最後就淡如水下次有機會試下牛丸先得！

14/6(日) 5pm跟加國玩伴午聚過後,坐西鐵到元朗作實地視察(已成為我倆消遣活動之一).事後路經此地,猶記其耍家牛丸,良機得要把握一下.小試牛刀,單單嚐了一碗牛丸米$22;手打牛丸,外表輪廓看來不太圓滑,質地乃刻意的粗獷,牛味果然強勁;躲於人後的米粉份量也滿慷慨!無奈店內牛臊味充天,而且地面濕滑,垃圾滿地,實在讓人啞然!若要捲土重來,外帶為上算!

下午四點多，估不到還爆滿，厲害。裝修沒有勝利那麼光鮮，感覺更加街坊，生意亦更好。第一次食，原以為牛丸也如出一轍，想不到跟勝利的完全不同。沒有那種爽口的彈牙，反而較實；再仔細點食，應該混了牛筋，食落較有嚼勁，牛味也較突出。湯底極鹹，也不研究是不是牛湯還是下了味精，一點都未動過，牛丸伴辣醬食算了。一杯凍茶亦過甜，配套都乏善足陳，但只說主角牛丸的比賽，彪記勝利了。

我食咗牛邊腩，牛丸，朋友食牛雜，飲紅豆冰湯清但鹹腩肉稍韌;九雜　﹣腸鹹到入心，肚鹹，膀鹹，全部都鹹，但又唔係好搶喉，又無話食到勁飲汽水。紅豆冰　﹣　一般普通

朋友很少入元朗及屯門的，本來話去嘉麗園，但到了元朗又話要去彪記牛丸麵家。去了當時食午餐的時候，非常多人，要自已在枱附近等位，很討厭。等了十多份鐘，終於有位，我叫了牛肚、牛丸湯伊麵，朋友叫了牛腩、牛筋撈伊麵。2個人去食野，非常好，可以食到4樣食物，牛肚好咸，牛丸好好味，牛腩好肥，牛筋好咸但好淋，湯伊麵一般，食完好口渴。其間見人叫了肥腩，看見d肥腩是左右兩邊是肥膏，中間只有1吋左右的牛腩，好肥呀。

好耐冇去, 經過元朗, 忍唔住走去.牛腩就覺得比舊時差左d, 瘦腩有d韌; 湯唔肥膩, 仍舊清湯, 依然 夠味; 紅豆冰, 仍然出色.但整體都好似舊時比較好!

我男友鍾意食牛腩 所以都周圍去試琴日去試左呢間好多人話好好食好出名既 彪記啦點知!!我嗌左牛腩牛根米 男友嗌左牛腩河我男友話d河粉''鞋''到爆 牛腩都係普通係個湯真係清囉滿記11蚊碗既牛腩牛根都好過佢又迫 因為原鋪冇位 所以去左''外賣區''坐原本22蚊一碗要加多1蚊埋單46

彪記是元朗出色的牛丸店，它的牛丸牛味突出，質感較實而帶嚼勁。今天補習後到附近吃了牛丸牛雜米粉和油菜，牛丸仍然是一貫的出色。牛雜中有牛粉腸和金錢肚等，滷得夠入味而且十分的香口，牛粉腸質感粉嫩而有鮮味，牛肚有咬口但不太硬，不錯。油菜沒有要蠔油而要了腩汁，食感普通。米粉煮得剛剛好，不膍而猶爽口，伴著腩汁吃又是不錯的。環境迫，呀姐快手，但態度不好。不錯，會再去的.

好耐之前, 我已經好想試彪記牛丸, 昨日終於有機會了, 開心開心 去到四點多, 已經無牛腩, 無腸, 無河粉 , 咁早就賣晒? 好失望呢!!! 後來先知呢度收七點, 要食牛腩真係要早啲嚟食轉叫丸肚麵, 牛筋丸好食, 個人喜歡此種牛丸多過勝利牛丸, 麵質夠彈牙, 牛肚普通, 個人覺得嘉麗園好味啲, 不過清湯底又鹹又油, 影響少少食慾 我以為我碗丸肚麵已經好鹹, 點知老公點嘅魚片撈麵先係終極咁鹹, 老公話好鹹好鹹而且份量非常少, $22, $23碗得兩三啖, 真係食唔飽 食完碗麵, 我倆都非常口渴, 然後要即刻過綿綿冰解渴呢!!!

牛腩 clear soup type, together with Hui Kee, they are the best in Yuen Longg, but sorry, compaed with those outstanding ones (not necessarily famous) in Kowloon, it can only be ranked average so it's not worth a trip going all the way to Yuen Long to try it.The size is smaller than Hui Kee but a few dollars more expensive.

一踏入店內(3:00PM)已經聞到好大陣牛味,但係衛生情況就唔太好~~~我食丸腩河,個湯好清,顏色同清湯無乜分別,牛腩只得3.5舊,牛丸3粒,份量真係比較少,不過最緊要好食清湯無色,但有味,係好香既牛肉味,加上滑滑既河粉,河粉好快吸收左湯既味道,一食牛腩就覺得遜色左少少,腩好韌,攝晒入牙縫,仲要3.5舊個都係同一個部份,咁即係3.5舊都係韌,唯有慢慢咬,牛腩肉汁好好味,好有原汁原味既感覺,牛丸個纖維比較粗,又係攝晒入牙縫,食食下途中都忍唔住要挑下牙縫,然後再繼續食................$22蚊一碗丸腩河

由有街出變無街去的一晚, 唯有變身孝順女, 陪媽媽買野煮飯仔。 逛菜欄之前, 先要媽媽陪我來吃碗東西。 家母都說"元朗冇檔好東西", 所以我心中充滿期待, 究竟好唔好食呢?當然, 標題已回答了。5時多, 一坐低就話冇腩冇腸...... 心中正納悶, 退而求其次要了淨膀丸, 家母就要了蛋筋米。 我認為牛膀做得不難吃是不難的(當然要好好好食又有其學問)。 這裡的牛膀不粉, 很有嚼勁, 連我呢個後生女都怕哽死的, 個人認為係幾難食嘅。 牛丸跟同區的名物的風格不同, 是很多筋的一種, 合我心意, 可惜不夠彈性, 也不及格。 論最好吃是我迫家母叫的牛筋, 很稔很香, 不錯, 至於魚蛋及米粉不提也罷了。吃牛腩, 本人最重視是一口湯。 這裡的湯牛臊味都夠, 不過調味略鹹... 連埋一罐可樂都不過六十元, 幾抵食, 因為呢個理由, 我會再俾機會其腩及腸的。

數日前,到此一吃,今次差唔多無晒肥腩咁滯..好彩男友那碗都還可以..我都至少有一塊...今次仲試埋呢到ge河粉..ok幾好食喎..又唔會吸晒d湯..另外叫ge牛丸好似好食過上一次添...但嗰日係weekend所以好迫..好多客..但我地都唔使點等位..食物質素好高但食客唔好mind環境較為差..因為都幾dirty...所以最好weekday去...

同朋友仔各自要了丸根米同丸腩米。很可惜，給予我們既印象都不太好。首先牛丸唔彈牙亦無牛肉味，感覺似街市都可以買返黎既普通貨色；至於出名既牛腩亦唔夠腍，或者我地應該會大家都讚好既肥腩；最後米粉完全不對我倆口味，比較硬，感覺上還有點生。不過牛筋就好好味, 份量都頗多；另外湯底鮮甜夠清澈。p.s.呢度食物份量較少，同檯既2個男人都要食兩碗再加罐汽水先可以抱住個肚離開。