大隻佬麵家 (已結業)

一邊喝Banababa的果汁，一邊向旺角走，經過黑布街街口，發現了一個有趣的店名「大隻佬麵家」，櫥窗貼滿了老闆跟藝人們的合照。大隻佬精選有雲吞、豬手和牛根，窩夫與蝦子餅都很感興趣，便選定了是日晚餐的地點。餐牌上有很多emoji啊！窩夫點了豬手米，豬手用上柱侯醬，顏色比用南乳醬的來得自然，豬手炆得很腍很入味，膠質很重。蝦子餅點了金莎撈麵配辣牛筋，辣牛筋的味道很好，但對窩夫來說太辣了。金莎撈麵是大隻佬的招牌菜之一，金莎是指炸香了的大地魚碎，這款撈麵坊間少見，值得一試。麵條爽口彈牙，一點梘水味也沒有。另外點了一碗淨雲吞，蝦子餅說有韭黃的雲吞才是正宗的做法，雲吞皮夠薄夠滑，蝦肉和豬肉的比例剛剛好，吃得出傳統雲吞的味道。蠔油芥蘭軟硬適中。

麥花臣睇Show前，要找個地方醫肚，被位於黑布街盡頭的「大隻佬」店名吸引，細看之下原來是間馳名撈麵店。大隻佬老闆非常nice，見我們第一次到訪，詳細解說有什麼必試推介！最後點了濃情金莎撈麵及薑蔥豉油王撈麵，再加一碟蠔油芥蘭！濃情金莎撈麵 $46到抵一份撈麵可以有幾濃情？老闆解釋「金莎」其實是以曬乾後的大地魚自家製磨成粉抹，再灑在麵條上，由於其顏色呈金黃，故稱之為「金莎」。單是感受他們把大地魚磨成粉而付出的汗水，加上大隻佬老闆的熱情，濃情即時爆棚！麵條極之彈牙，乾身兼爽口，已見功力。再配合大地魚粉的咸香，吃下去比蝦子撈麵更鮮，更勝一籌！以後想吃蝦子撈麵，倒不如來個金莎撈！薑蔥豉油王撈麵 $40另一推介的薑蔥豉油王撈麵，蔥和薑是9：1比例，滿碟綠油油的新鮮青蔥，以薑絲點綴，蔥油混合以豉油王炒香的撈麵，麵條入口便不會太乾，連拌清湯都不用了！店內有二人卡位雅座，下次想在旺角區吃點簡便的，定會再來找大隻佬老闆相聚！

琴晚黎食門口痴哂同明星影ge合照 以為咁出名所以入左去食32蚊碗面撈就40蚊碗我叫左一碗湯面一碗撈同平時普通一間面店真係冇咩分別味道都冇特別ge 腩汁又吾濃 吾知係d水定d湯溝得太浠lol同埋d staff 態度好差我就真係吾明點解明星會突登去食

大隻佬老闆熱情親切，好主動每次落單到笑容滿面問要碟油菜麻，又積極地推介菜式，very good！其他職員嬸嬸見到都特別落力！孭晒袋帶晒衫去到旺角，真係要偷懶一晚唔操拳喇，大髀肌肉痛到發唔到力，腳震震去到拳館樓下都要截返！去食豬腳補補去先得！暫時食過最好味既豬手，珍苑、群記、深仔記、池記都行埋一邊。豉油皇豬手撈麵走蔥，超鬆化軟滑膠口黏黏的，絕對骨膠原！浸得入味，不濁不嗆兼清爽，不油不膩不羶又乾淨，仲有修腳甲添！啖啖肉啱晒食肉獸，大愛。推介酒香辣椒油兼勁辣，冒住汗不停吸啜爽爽幼麵，黏著厚厚辣椒肉併上極品豉油皇，濃濃豉油香加辣味飄香，辣到情緒高漲。蠔油芥蘭，$16 蚊既芥蘭果然高質，甜到不得了！爽脆多汁，咬到咯咯聲。連菜葉都無渣鮮嫩，沾上咸香不濁蠔油，好味高質。腩汁白菜仔，今晚只有白菜仔、芥蘭、菜芯揀乍。白菜仔不過不失，鮮爽又充滿水份，係唔夠甜啫。食過最好味都係西洋菜，爽甜又特別。豉油皇金莎撈麵加雲吞走蔥，怪您過份美味，必食推介！勁爽鹼水麵，彈到索索聲，越趙越 high 越停唔到手！豉油味濃厚甜美又芳香，撈上木魚粉非常鮮甜惹味！不過麵既份量太少，我啜兩啖已經食晒，以我胃口要食三碟份量先夠飽呢

突然好想食碗雲吞麵嘅時侯，身在旺角，好自然想食大隻佬！以前坐係後卷就食到熱辣辣，現在係舖頭食就舒服多了 辣牛根撈麵，炆到剛剛淋，有囗感，又有煙靭，辣辣地，好野味零梘水味嘅麵，我覺得係超正！又爽口又彈牙，幼幼的，又滑溜 淨雲吞，蝦肉豬肉比例剛剛好，一啖一隻，大小剛好。皮又薄又香，肉又有彈性，仲有大地魚湯底，冇得輸

I was still a bit hungry so I went to look for something small to eat before going home. My friend suggested to eat wonton noodles, he said this shop is very popular so we went in. I got the spring onion with egg noodles and my friend got the wontons and beef brisket with egg noodles. I like my spring onion with egg noodles very much, we didn't order the one with soup inside; we ordered the dry one with soya sauce. After I mixed the spring onion with the egg noodles, it smell so nice. The egg no

放工後帶朋友仔去試下大隻佬麵家。每次去到都心大心細，好難決定食咩。餐牌上各式各樣嘅湯麵，撈麵撈河實在太吸引～是次㸃咗姜蔥豉油王撈麪，濃情金莎撈麪，油菜同淨雲吞。 雲吞大小適中，一口一粒，蝦肉爽口加上少量肥豬肉嘅油香，佩上韭皇清湯絶對唔俾麥奀記遜色。 濃情金莎撈麪即係豉油王撈麪加上適量炸香咗嘅大地魚碎比一般嘅蝦子撈麵更有特色。大地魚香脆，幼麪沾滿秘制豉油皇，麫質彈牙，口感十分豐富。除撈麵附上由大地魚和蝦榖制成嘅清湯，味道鮮甜重有大量蔥花香。從食材嘅配搭到烹調，都可感受到大隻佬嘅細心和誠意。

記起上趟重臨"大隻佬"吃東西，赫然發現粉麵的水準比從前大有改善。從此以後，在旺角逛街逛得累想醫肚時便多了一個落腳的好選擇....上次嚐過外頭少有的撈河是甚感不錯頗具滋味的，今回再來決定斬多四兩，來一碟甚具創意的豉油皇炸醬撈河....一睇賣相就知屬重口味之作。儘管看起來是爛茸茸一patpat似的毫不吸引但食來味道卻甚佳 ---- 每條河粉皆均勻地沾有帶微甜的豉油，實際上光吃這一個已能令我滿意了；舖面的炸醬味濃烈但沒有過鹹，肉末是半肥瘦的沒太嚡口，有水準....相比起河粉，小弟反倒甚欣賞那伴湯 ---- 入口相當鮮甜不油而蔥花又夠多，喝後滿嘴都是來自蝦殼及大地魚的鮮香....菜完全無額外醬油的添加，充份能體驗到菜天然的甜香，而且掌勺的也沒有胡亂的淋上太多熟油在菜上，淥菜時候的拿揑亦掌控得頗佳....吃得肚子飽飽，又是時候會合兩母子了....個人獨享美食的美妙時光，總是快樂但短暫的....

這間前身隱藏於巷仔之內，內有乾坤，地方偌大的麵店，自己曾經幫襯多年，但自從它搬到現址營業，並改名做「大隻佬麵家」之後，便一直沒有再幫襯過。這一天，才終於再次相聚。入了舖的它，地方光鮮了，環境變好了，價錢不同了，就連商標也有了，是個年輕有型的大隻俊男，說真的，這兒的大隻佬並沒有它那麼吸引，但這兒的大隻佬，可真是貨真價實，童叟無欺的，而這大隻佬，正正是這兒的老闆，這天我在這兒吃麵的時候，仍然見到紋了身的他，仍像昔日一樣，在此座鎮。與太太一樣都是吃撈粗麵，不過我吃的是「豉油皇豬手撈粗」，而她吃的則是沒有豬手，但有數條白菜仔點綴的「豉油皇撈粗」。這兒的豬手還是好的，三大隻的豬手都算皮厚肉多，但濃濃的豉油皇味仍不能完全掩蓋麵條本身的鹼水味，而且麵條也太過硬身，不是自己喜歡的口感。反而另叫的「腩汁菜心」，因為要灼腍些的緣故，雖然灼得稍久，但完全達到要腍的要求，腍甜好吃。這日「大隻佬」的撈粗，雖然不算十分之好，但見到這在區內屹立多年的店子，可以繼續經營，而且形象一新，還是替它高興的。

年初六, 未開工, 估不到臨時召集也可成雀局。回想一下上一次雀局已是幾年前的一個八號風球夜, 今次打成實在興奮。眾人相約旺角打牌, 先來吃些東西填填肚。轉到中旅社後的大隻佬, 上次吃雲吞, 炸醬都未可令我很滿足, 今次再來, 要吃他們招牌辣味牛筋。麵條爽口彈牙, 撈上辣味湯汁, 效果極好。就連蔥花也美味起來。牛筋味道也算可以, 但就是炆得未夠。入口有點硬, 中間芯部未夠入味, 還是似有不足。

傾完嘢有啲肚餓，行去黑布街揾大隻佬，好耐無嚟過，還記得第一篇食評是我寫的，今日唔知點解店內好大陣漂白水味，點了招牌豉油王炸醬撈河($44)及秘製豉油王撈麵($34)，雖然知道呢度豉油王撈麵會落豬油，但又其實已經慣咗會問有落豬油嗎？服務員話有，一聽完好像放下心頭大石。招牌豉油王炸醬撈河，之前食評提過與好多麵店之炸醬不同之處是炸醬顏色跟豬肉絲一樣是淺啡色，而坊間很多都是比較深色同較濃味(通常紅紅橙橙色的)，味道不會太過鹹，河粉本身不是靚貨，是幼身的但不是最滑溜的，好在撈了豉油及豬油，就是豬油令河粉滑一些，不過撈得未夠均勻，而河粉再配上炸醬一齊食後，挽回不少分數。秘製豉油王撈麵，之前食評亦提過值得一讚是師傅處理撈麵過程做得不錯，每條麵條都能均勻地沾上秘製豉油，加上豬油後完全能蓋過麵條本身之鹼水味，令麵質更爽同更彈牙之餘，亦食到好濃之豉油味，不錯！所以話豬油是靈魂！

大隻佬就是先前於附近的龍記，好吃，可惜不敵租金。去到叫左牛雙併撈河，賣相麻麻，牛腩有點韌，辣牛筋就腍滑，加上香辣口感，不錯。河粉就好散，好難用筷子夾起，呢點真係好失望。另外朋友叫左個豬手撈，皮多而肉少，麻麻地。好彩既係爽滑肉，不過就鹹，膠質有，不過就無乜油香。味道差了點，回不到以往的目的。

叫了一碗雲吞麵,一個牛腩河老公食雲吞麵幾好食,雲吞叫做一口一粒幾好.其實我覺得十分普通及湯底普通,牛腩河,其實牛腩OK,好多舊添,唔會好肥,個湯底腩汁都濃味,不過碗粉唔夠熱,隻河粉簡直不可接受,我好耐未食過咁難食既河粉,大部份一舊舊痴埋,煮得又唔夠,無心機之作我第一次慕名而去,份量唔多都唔緊要,比個咁既質素我,本來鐘意都支持小店,但都比少少誠意呀.不過以旺角來講環境唔錯,這裡人流唔多,坐得舒舒服服,冷氣又夠,唔使怕比人趕走.

今餐就去返上次食唔到的大隻佬 辣牛筋麵$30牛筋未算出衆加添麻辣味道確可加分麵質爽口不韌我喜歡招牌豉油王炸醬撈河粉$44炸醬偏甜不過襯上豉油王河粉就有D新口味衝擊也不錯吖我返而喜歡那碗湯清清香的好喝呀~郊外油菜$16芥蘭淥得未夠淋,整體而言岀品不差但這價錢嚟講偏太精緻囉

以前第一次食呢度嘅撈河，覺得好好味，點知之後就再去就無左喇⋯⋯知道開返，就黎再食啦，但完全食唔返當年嘅味道。其實個撈河唔係唔好食，但就覺得無乜特別咁，佢個河粉軟硬度都適中的。另外叫左個金莎撈麵，普普通通。油菜就唔錯。但唔知係咪裝修靚左嘅關係，價錢都貴左好多。我都係鍾意返當年果間大隻佬⋯⋯