大盛日本料理 (已結業)

第一次食係年幾兩年前卦. 食咗一次, 發誓冇下次. 因為質素太差了. d壽司超難長, 係大件, 但竟然食唔晒. 其他的忘記了.昨天意外地重臨, 點了豬軟骨烏冬+壽司定食, 仲有燒牛舌, 帶子和三文魚腩. 定食, 牛舌, 帶子ok, 不過不失. 三文魚腩肥但超鹹. 整體水準一般, 比之前好了, 但跟好味仍有很遠的距離!

三文魚壽司大大件, 好似食緊刺生咁.奄烈魚生飯好食又低食

前後食過兩次大盛，終於有時間寫食評。第一次食全因為女朋友好想食拖地三文魚，但又唔想入元朗，結果係度試下，發現質素跟千之壽相約，於是有第二次。再來食的時候，女朋友變得愛上了食大大兜的青瓜沙拉，而這裡的有很多蟹子，而且很脆很新鮮，惦!在這裡女朋友還偷師的學懂了清酒煮蜆和豆漿鍋，可以在家大飽口福，但以後外出食飯又少了兩個選擇。還有，這裡的炸蠔和串燒都是可以的，各種食物的份量都好足，絶對抵食，只可惜因我倆太喜愛試新店而良久未有再回來......

男朋友話想食大盛,因為佢今日好想食佢地的肥美三文魚.呢間大盛同男朋友來過兩次.今次係第一次試dinner.店內很少客人,可能我地早啦! 坐左一陣侍應就比左一碟好細Size 的中華沙律我地. 之後我地就order左:三文魚刺身$38----份量多,三文魚飽滿鮮甜.三文魚壽司$15----好多脂肪,好甜好滑.吞拿魚壽司$30----切得比較薄,有雪味.芝士魚子壽司$20----同板前的味道一樣好味,好濃芝士味.炸辣吞拿魚卷$48----同第一次食比較冇咁好食,因為整法唔同左,變左唔好食.後來男朋友埋單,我拎張單睇,原來個中華沙律收$10,咁我覺得佢地咁做法有問題喎! 好似呃人咁,唔講就放抵碟野.份量又極少.我睇到佢地台台都會咁做的.加埋一$170.

同朋友去食lunch,食物算ok架, 不過服務同環境都係差, 午飯時間人多已經令到整間店好嘈, 再加埋佢地個爛鬼音響設備, 仲要開到好大聲, 驚死人聽唔到咁, 結果兩個字----吵耳連落單都辛苦呀, 呢個環境叫人點可以安心進食, 同朋友傾計更加唔使指意!希望可以改善

經過了一天半山「歷險」，我和男友都累極了，快快地去tst大盛食dinner。7點多去到沒有full，這次終於不用坐無椅背的椅子了。order了三個dish:清酒煮蜆($40):湯淡淡的，因此蜆也沒有多大味道，而且蜆肉很不肥美，比較失望。什錦天婦羅($38):很油呀，炸得不好。蜜桃蟹子沙拉($28)︰最好的一道!有很多蟹子，而且很脆很新鮮。雖然每樣都不是出色，而且也沒甚服務，環境又麻麻，但我都是繼績支持的，不單因為有vip9折，更因為是抵食之選呢。

尋日第一次去大盛食晚飯,因為我地有十個人o既關係話要等齊先可以入。但係我地只係o黎左七個都比入亞,可能費時我地左住門口啦。啲o野食真係拍得住元朗,好長o既三文魚壽司、蛋壽司、鰻魚都勁長,好好味。清酒煮蜆個清酒好清,可以飲埋。雞胸串燒我就覺得「鞋」得滯。如果兩、三個去食就okay o既,因為入面一大班人食飯都幾逼。同埋一定要訂位,因為接近九點依然好多人響出面等位。廁所得一間,女仔會唔方便。

同同事們三人去食lunch, 叫左一個义燒拉麵, 餃子拉麵, 牛肉飯(全部都係lunch set)义燒好味, 肥瘦適中, 好林, d麵亦ok, 湯不會太鹹同事話d牛肉飯也不錯, 夠大碗d 餃子就係炸既, 佢話上次食果個綠茶麵就好難食, 因為下面係冰, 淡踎踎,個碗係大, 但係大部份係冰整體來說, 食物ok, 但環境就差d, 衛生情況一般(lunch set 送麵鼓湯or 汽水)

我覺得呢間野都幾差下，唔係話佢貴，但係咁o既價錢可以係出面好多仲好，同類型o既"三上"好佢好多~~三文魚係大件，但係乜你地唔覺佢完全唔新鮮架咩??海膽要左半板，但係點解同張相相差咁遠~~牛肉茄子卷，爆油環境都係尖沙咀嚟講佢都算幾差~~

食過幾次lunch, $35 一個魚生飯o既set 真係好抵好扺, 以前o係九州食要成$70+. 就算呢個鋪o既前身都係$70+ (呢個鋪位轉手過幾次, 都係做日本野). d 魚生都幾厚, 有次果d魚生直頭係成吋厚, 個飯都夠大. 夜晚試過外賣魚生飯, $60+, 價錢都算扺.另有一次同個客去食lunch, 4個人食左300 幾蚊, 真係捧住個肚走. 不過佢地d service 就真係好一般. 初初第一次去我地過魚生飯要等成半粒鐘, 我地都唔明, 都係切魚生, 又唔洗煮, 都唔知點解咁耐. 所以我地第二次去食o既時候, 第一時間就嗌左先, 唔等其他人... 不過之後又ok 返V_V不過service 差可能係冇加一..... 我都有幾個月冇去過, 唔知而家有冇service charge, 之前lunch 就冇. 所以$35 食個魚生飯set真係扺到爛...

一個月前同朋友食團年飯,由於之前太busy所以咁遲先打....我地一行8個人去,之前訂左vip房,去到都等左好耐.....不過都預左一開始就有個女侍應幫我地落單,我地都叫左好多食,但係佢已經黑面.........一黎到蟹子沙拉,得好少蟹柳,應該得一條,其他應該得d青瓜絲同一(住)蟹子,但個碗勁大個同之前係觀塘食既唔同..........都唔明d蟹柳有幾貴,如果得咁少就唔好落好過到d生野食....唔明點解d油金魚係肉色,人地果d應該係白白地色,有少少透明,所以我地無人食,重有d立魚,有一陣怪味,個fd話好似膠味,食一啖即吐,好差難食d廚房野都ok係個女侍應一路黑面......落完單之後要加水又黑面....加單又黑面,到埋單都黑面....我地有比錢黎食野都唔明點解要睇佢面色....呢個人實在太差,我諗下次都唔會落黎食野d野食幾好食都假..員工態度有問題就十分趕客P.S.間房入面有烏英+

首先講要改善o既地方book左位, 仲要係夜晚9點, 都可以無位, 結果等左近半個鐘, 不過呢個係唯一一個唔好o既地方至於好o既, 一句講晒, 真係抵食夾大件推介蟹粥, 隻蟹真係好大隻, 碗粥又多, 都係$68細食o既人, 2個人叫一碗蟹足都夠飽埋單另外推介係奄列魚生飯, 口感超正, 又大件, $42!!仲有8件裝o既壽司, 如加州卷, 大盛卷等等, 件件都大件, 都只係廿幾至三十幾蚊!招牌o既長身三文魚壽司, 標價$17/2件, 埋單竟然係$15/2件!!!只係食左以上o既野,已經超飽, 攪到本來想叫o既炸雪糕都放棄左....3個人, 都係食左$285....一人都唔洗一百, 但都食都最後兩舊壽司要猜輸果個食埋佢.....

ｄ野幾好味喎！佢出名既特長壽司其實只係塊魚長ｄ，不過可以當係一壽司+ 一魚生咁，價錢又唔係好貴。另外其他食物都好好，包括：1) 黃金焗蠔(ｄ芝士幾有咬口)2) 炸芝士露筍卷(卷內好似冇ｄ沙律醬，加埋ｄ露筍口感好好)3) 蟹籽軟殼蟹卷(ｄ軟殼蟹好有蟹味)4) 奄列包魚生飯(賣相靚，ｄ飯包住ｄ魚生又多又大舊，味道又好！強烈推介！)5) 炸蝦天婦羅(食唔出有咩味，可以不試～～)

等咗一個鐘頭, 見到有好多人都喺出面等緊, 心諗應該會好正! 可惜, 食物實在沒有特色, 價錢中等, 不會考慮去第二次, 外面實在太多選擇了!大盛卷($45-50/8件) –呃鬼, 得d蟹柳, 蛋, 鰻魚, 仲有少少其他嘢…千祈唔好試, 食加州卷無咁嬲.大蝦天婦羅(6隻/$38) - 超多炸粉, 完全唔掂, 第一啖就已經成口油膩膩, 食到一半已經食唔落去, 掉咗.有蛋包住嘅卷($88/8件) - 超多沙律醬, 無特別, 唔值$88.甜品雪米磁(免費)$200以上, 用HSBC, 中銀, 渣打信用卡簽賬有九折埋單後, 送上多張VIP卡, 永久九折(不過俾VIP卡都無用, 唔會再唻第二次!)環境方面, 狹窄...沒椅背…不舒服…服務方面, 無其他食家講到咁恐怖, 有個女仔斟茶都好有禮貌. 不過上菜嗰d就差d, 求其將d嘢食放响枱邊…

book了位，我們就準時到達，當時7時半，店子還未full。因為kfc的關係，我倆都還半飽，於是order了芒果蟹子沙拉---芒果酸，有很多蟹子，可能加了小小芝麻汁，幾好味。三文魚刺身---幾厚，不過食食下有點膩。什錦天婦羅---有蝦有菜，又係食到好膩。由於這餐是有慶祝男友生日和除夕，所以都食得好開心。只可惜大家都飽，不能食多幾樣食物。此店不好處是強收取小食費$10，還要是我們不愛的枝豆。