大盛日本料理 (已結業)

4-7-2008遲來的4月回顧(Part 2)。大盛向來都有保証，三文魚刺身($38)，每次所到必選。很多食肆做旺了，多人來了服務和質素會變差，但就是欣賞大盛，依然很出色。另外有牛油果軟殼蟹卷($50)，單是牛油果都比其他日本壽司多，用料夠足，這優點可應用於辣味吞拿魚卷($40)。很多沙律醬舖面但辣味依然存在，夠惹味份量亦足。壽司外，還有博多冬菇($38)。像天婦羅般我就只覺一般，煎煎炸炸不太習慣，還是喜歡吃那些牛油燒冬菇金菇帶子等等，取其味道夠香。最後綠茶冷麵($28)，普通喬麥冷麵吧，何來有綠茶。這冷麵就稍為有一點失望了。時間尚早，吃得不多，不過下次重來要揀，我依然記得上次炒飯那份香。亦因為時候尚早，只是6時半，還未有大批等位人流，可以舒服的晚飯直到人流增多才走，今晚真的不錯。可惜上次9折卡丟失了。不過和女友最後結帳離開又有多兩張優惠卡。炎炎夏日，最好就是多吃優質壽司。

可能我是以平的心態去食這家店吧,所以覺得滿意.在尖咀紅磡區,要吃得平,除了大飯堂如food court之類,也很難找到平東西.這家在山林道的日本店,午巿的價錢經濟,廿六元至四十元左右.先說廿六元的,包一個拉面和餐飲.三十六元的,除包拉面和餐飲外,還可自選四件不同款色的壽司.如三文魚,鰻魚,熟蝦,吞拿魚etc.包保你食得飽.這次我叫三十六元的,點了雞扒拉面,和四件三文魚.雞扒很乾身,不油膩.沾點日本鼓油,算是不錯了.至於三文魚,則較一般,但午巿有不同款的壽司可供選擇,已經加分了.(當然不感到鮮味,若晚巿也是如此,則不太好吧)至於味道方面,拉面還是可以的.相信牛肉飯之類味道更濃

之前試過新蒲崗舊店,印象中的壽司扺食夾大件一行5人叫了20多款壽司及10多款小吃飯麵....d壽司確實件件都有番咁上下分量,大多數都係廿蚊留下,但味道只係一般,雪味多過鮮味,朋友都認為大部份剌身都係交現成貨或化學,先可以做到扺食夾大件,同樣地佢餐牌上小食選擇甚多,但同樣係驚喜欠奉當然都有部份食物都ok,例如炸南瓜球,及香蕉牛肉燒都幾特別,另外友人order水母剌身,不過得3件關係所以小弟冇試,友人話甜甜地滑滑地幾特別..

4月9日星期三，因為有朋友生日，朋友想食日本野，之前都食過呢間大盛，覺得野食大件夾抵食，所以今次又再幫襯，於是我地4個打去book位，我地被安排坐房，本來好開心架，有得坐房。我地點菜時見到檯面張紙好似茶樓張點心紙，可以剔，咁咪o係o個度寫囉，張紙仲寫住叫我地點菜就用剔既，唔怕落錯單啦！點知o個個帶黑框眼鏡既待應一見到，即刻變樣，掉返張紙o係檯面，唔出聲o係度抄，但我朋友見到佢抄漏左一個，好心提返佢啦，佢就沉下來黑面講：「得啦，我整左架啦」，佢講完之後冇再同我地重覆order左咩食物，因為佢冇重覆，所以我哋先驚佢漏單，點知好心仲比人串。臨走仲串串拱講左句：「駛唔駛比個餐牌你呀？」乜野意思？係咪話我地唔應該o係張紙度剔？到斟茶時，黑框眼鏡男將d茶倒瀉左落張檯度，我以為佢斟完會返轉頭抹檯，點知係無囉，搞到張檯濕左，但第二個侍應又照放d食物上黎。難道佢地覺得咁無問題？最嬲都唔係呢d，我地食到咁上下，d人係咁趕我地走，人地o係度影緊相，佢地又不停o係度執檯，穿穿插插咁，擺明係要趕你走，最過份係，錢都未比，就開始收我地d茶，然後拎d新既茶呀、墊檯紙放檯面，咩態度呀，仲要唔係慢慢放，係掉上檯o個隻，

3月22日星期六同朋友慶祝生日.. 叫左長曼魚壽司勁凍好似唔熟..甜蝦壽司無口咁... 蟹子沙拉壽司勁水d沙泣溶曬...北寄背壽司還可以同埋叫左蝦天富羅就無咩油都幾ok不過勁多粉...仲有最好就係個什棻火鍋... 條青魚勁油啊又唔係平喎4 個人每人$117

上星期同朋友共四人，叫左啲 壽司有三文魚、鰻魚、甜蝦同蟹子，另外叫左熟食有蝦天婦羅、蟹粥、煎銀雪魚同焗帶子。壽司好差！甜蝦“梅晒”超唔新鮮，鰻魚得個長字又凍又無味，蟹子同三文魚算可以。熟食都係好差！蝦天婦羅：炸粉幾吋厚，肉質好爽可惜無味。蟹粥：蟹肉“梅”唔新鮮，味道衰過飲水，加上好似“紙”生菜絲做配料。煎銀雪魚可以啦！焗帶子：好“鞋”又係無味，啲 蛋焗過火。服務生態度比起啲 食物質素還要差，個個黑口黑面，叫佢加茶收碟識講唔會做，轉頭無件事。落單慢半拍上菜慢半拍，不過埋單就好快，未食完已經講多謝俾錢！待客之道、服務及食物質素欠佳，如不改善好快關門大吉！

昨晚一行5人,叫了幾道熱食加幾客壽司,但點知居然係全部先上哂熱食,一客壽司都冇!佢不停上菜但又唔同我地收碟,搞到成檯都係野!忍唔住叫左個侍應上菜之後順便收碟,佢就話轉頭先,點知轉過頭上多2道菜都唔同我地收碟!!!跟住我另外叫第二位侍應黎先收碟!中段想話加個炸雪糕,但個侍應居然以極不禮貌既態度回答話"炸雪糕唔好食,咪叫啦!"一講完就唔理我地既反應走開左!佢究竟係咪同公司佢倒米呀?邊有侍應咁同客人講野家!?而差不多到食哂d熱食時,壽司先出現!但個時大家都已經飽飽地...咁諗住慢慢食,三文魚,鏝魚,甜蝦,蟹子壽司都新鮮ok,但個客帶子壽司就居然比我地食左d"梅梅"地既味道!!!帶子壽司只係大約擺左15分鐘,就居然開始變色!!到最後埋單時就變了淺淺既灰黑色!極為唔新鮮!!!壽司上左先開始同我地"執下碟"想趕客走咁,但我地唔理,慢慢食...最後埋個單,埋左十世都未埋到!!!P.S.除左帶子壽司之外,整體上其他食物都冇咩問題~

讚: 要讚鰻魚好食好香..仲熱辣辣 軟殼蟹脆卜卜...新炸起=]彈: 帶子..好林..唔知點講...總之同板前and峰冇得比 紫菜....好林呀... "魚立" 魚....冇味ga....anyway.... 大盛真係時得時唔得...果餐食得好唔好,.,,, 大家就要睇運氣la

呢度價錢係抵食, 但吾係正宗日本味記得訂位, 訂左都要在門口等30分鐘壽司賣點係"長", 好長的一條魚生, 好吾好? 見仁見智啦冷面, 用一大碗冰放底, 食完一攤水, 其實幾難睇天婦羅蝦, 用細蝦, 唉...但味道OK 啦總括食物, OK但你想好平價錢食最多嘅野, 呢度係好

雖然呢間餐廳7.00pm後到的話便要等上30-45mins 先可進場,但試過其特長壽司+ 特色炒飯+ 特別味道既雪糕為甜品,另加其他特色小食等等,6個人都只係$700多,平均一人$150都唔洗,佐可以儂到攬住肚走,等左甘耐都值得既...所以第二次就識得book定枱.GOOD!GOOD!GOOD!

蟹籽像唔洗錢般大量奉上...海膽是唯一不可一試的食物,其他都是新鮮之選!天婦羅炸得恰到好處. 它設有9折扣咭,但只可以在埋單後問待應拿取for下次使用!

趕客都唔駛做到咁呀....同同事食完飯後,坐左一陣餐廳員工就開始趕客....收碗,收碟都唔係一個問題最大問題係....我地未走,未埋單,佢地就抹檯,set位抹檯o個時仲要將檯上的食物碎掃落我地身上事後,道歉都冇,仲同我地講話有客等緊趕客都唔駛咁呀....依間餐廳我一定唔會再去食

勁難食，勁鹹，鹹到不能接受，簡直係浪費我時間和金錢去食這個外賣。不知所謂！可唔可以比負分！？

之前兩年和家人來過大盛吃，都覺得吃得過。近年發現這餐廳的劣評多了很多，都曾經擔心過是否水準大降...準時入座，很快的點了一臺食物，而且很快就來送來了。雖然漏了樣食物，但還可接受。刺身算是新鮮而且肥美，炸物如炸蝦天婦羅不錯，很少油；金茹肥牛卷賣相雖似炸豬大腸，但吃落發現都有一定水準，起碼不易散之餘還能一口一啖。遲來的串燒雞軟骨很惹味，都算值得等。雖是港式的日本料理，但都真是抵食，如果環境更闊落當然更好。漏單後，侍應的態度積極，唔通真係撞手神？

本來唔係好想去呢度食, 因為我之前同朋友食過一次, 印象中只係記得佢d三文魚好長, 野食真係麻麻, 除左價錢比較平之外, 絕對唔可以稱得上好食... 所以尋日朋友話黎呢間食, 我都reject... 後來諗唔到可以去邊先入左呢間大盛..... 我地訂左7位7點半, 由於人數未齊, 於是我地4個先去拎位等, 入到去我地被安排坐一張只有6個位既枱, 而我地後面就有一張8人枱, 初時我地冇為意, 以為係帶位俾錯位我地, 咁o岩有6個人入左黎就被安排坐呢張8枱, 我地咪問個侍應可唔可以同呢6個人換過枱, 因為我地有7個人唔夠坐, 之後個侍應話唔清楚, 要問番負責帶位果個同事, 咁個男仔就行埋黎問我地咩事(唔知去過既你地有冇好似以下咁俾人對待過, 真係好火)我地同佢講....後面有8個位, 我地7個人, 後面得6個人, 咁可唔可以掉枱?"佢就話: 你地未齊人, 咪俾張6人枱俾你地囉!咁我地話: 7個係唔夠坐, 咁點解決? 係咪可以加張枱?佢話: 有既咪加俾你囉! 我地話: 呢度咪有張吉枱, 加過黎就得啦!佢話: 唔得喎, 如果有客, 俾左你地, 我都係會俾人鬧! 我地話: 咁得啦, 總之你陣間點