九份飽 (黃埔新邨佳富樓)

營業中

休息中

由台灣番嚟已經3個月～仲係好掛住魯肉飯就嚟呢間朝聖好多朋友都話好食4個人叫到一枱都係海苔肉鬆起司蛋餅$39咸香拉絲～加埋辣醬好好食我同姑姐食辣既食左邊姑媽同姑拉唔食辣右邊係油膏滿足唔同人既口味酥炸魷魚$48份量好多，好脆有咬口胚芽奶茶$25(熱) 少糖8糖成個面都係胚牙QQ地瓜球$37好好食外蘇內軟糯仲有餡呢個大推無得頂芝士奶蓋紅茶(凍)$25 半糖5分奶蓋好香唔太甜，茶味濃郁懷舊魯肉飯(小)$35好彩叫左細碗都食唔晒隻碗係細但個碗好深好近似係台灣食既魯肉飯一解思鄉之情鹽酥雞$38份量十足，好蘇脆唔會太咸，外脆內軟台灣擔仔麵$50好近似台灣味胚芽奶茶$25 半糖5分黑糖珍珠奶茶$25 半糖5分紅燒牛筋腩刀削麵$70牛筋腩炆到好淋唔錯湯底偏甜唔夠辣香酥排骨米粉$52排骨鬆化唔會太硬怪不得多人排隊店內裝飾好有心思店員十份有善有禮貌4個人食左4百幾蚊下次再嚟試埋甜品

之前都試過九龍灣，今次黃埔開分店再encore 香酥雞扒魯肉飯味道：🌕🌕🌕🌕🌘評價：雞扒炸得好香口，肉汁都保留到。而肉燥飯，醬汁少左啲啲，不過味道上幾好食，分量都夠兩個女仔食。主食黎計，cp值幾高海苔肉鬆起司蛋餅味道：🌕🌕🌕🌕🌗評價：係一款我會必叫嘅蛋餅。餡料份量幾多，配上甜醬油，辣椒醬😌肉鬆係脆身啲個款。炸甜不辣味道：🌕🌕🌕🌕🌖評價：原先上碟嘅時候見佢一兜唔算好多，不過食極都未食得完。甜不辣有幾款又長條型同扁身，幾款唔同嘅口感👍🏻👍🏻再配上九層塔一齊去炸，正😄滷汁青菜味道：🌕🌕🌕🌕🌑評價：原來佢嘅青菜係生菜，再配上滷肉飯既汁，冇咁單調冬瓜茶味道：🌕🌕🌕🌕🌑評價：冬瓜茶有得揀甜度，既可以飲到冬瓜茶嘅味道亦唔會太甜大腸包小腸味道：🌕🌕🌕🌕🌘評價：大腸包小腸比想像中精緻，不過如果兩個人食就啱啱好，一啖一嚿👍🏻👍🏻👍🏻📌九份飽 (黃埔新邨佳富樓) (紅磡)紅磡船澳街99F號黃埔新邨佳富樓地下4N號舖#香港女生 #生活日常 #吃貨人生 #九份飽 #平民美食 #台灣美食 #香港美食 #黃埔美食 #紅磡美食 #紅磡美食推介 #❤️

喺黃埔搵台灣嘢，”九份飽”係ok嘅選擇。講ok，唔係因為佢嘅滷肉飯有咩問題。實際上佢嘅滷肉飯算係幾好食，個人認為係接近阿元水平，當然未去到台灣當地嘅名店咁好食啦，不過細碗35蚊大碗45蚊係可以嘅，滷肉粒肥瘦均勻，相當不錯。問題出喺另一熱門嘅鹽酥雞上面，我哋二人食，二人都食到佢有洗潔精味，可能今日失手？齋講炸係炸得唔錯，而且份量幾多。雙重芝士蛋餅就正正常常，但頭尾部分會少咗啲餡咁。佢嘅抵食仲體現喺餐飲，主菜加10蚊就有包括凍菠蘿紅茶做餐飲了。另外，雖然睇落逼迫結結，坐埋牆的話都還算舒服。

星期一下午5:30，一位，直入。諗住食少少野，俾$39下午茶吸引。下午茶set食物係fixed，無得加錢轉飲品。下午茶餐A ｜$39(珍珠奶茶、鹽酥雞、粟米芝士蛋餅）首先黎左杯珍珠奶茶幾好味，奶味濃，有台灣feel，d珍珠都煮得煙韌，唔差，好過好多台式餐廳。之後鹽酥雞上枱，明顯係即叫即炸，超熱同香脆。唔乾，味道正常。最後黎既係蛋餅，都係熱辣辣，餡料正常量，味道都係正常想像到既味。食物唔算好出色，但所有野都係新鮮熱辣，$39黎講好滿意😄。食得好飽。餐廳免收加一😀

剛開業的時候，這間舖常排長龍。直至最近都時不時見到有人排隊。 今日經過碰巧沒有人排，於是便入去試試。之前食過不同的台灣餐館，也沒有找到心宜的。見到這裏的食評都相當唔錯，所以滿心期待。 坐低叫咗一個排骨麵，再加錢叫一杯茉莉茶凍飲。因為係新裝修的，環境OK。招呼方面就一般般。 排骨麵來到。 廚房將排骨同麵分開，令到排骨唔會咁快淋。麵底一般，不算Q口。麵嘅份量唔算多。急不及待的咬了一口排骨。排骨鬆軟。感覺唔錯。但又覺得味道有啲唔同，好像多了一些味道。 再食多一啖，發覺排骨應該是加了孜然這種香料。 跟住之後嗰幾啖，這個孜然味道就呼之欲出。之前食北方菜見過及食過用這種香料的餸菜，但從來沒有在台灣餐廳中品嘗過。可能是我見識淺。而且我自己對這種香料真的有d抗拒。 所以這幾塊排骨，對我來說，是夾硬食落去。 落差真的頗大。😢希望餐廳若有用特別香料時，可以考慮在餐牌上註明一下。畢竟這個味道通常都不會在一般的台灣菜上用到。

星期六下午4時左右光顧，全店只有兩枱客人。點了肉鬆芝士蛋餅，大腸包小腸，和甜品九份芋圓一開始先上了九份芋圓（$40)平平無奇,賣相和味道都不吸引,碗裏除了有芋圓和珍珠，還有兩小塊豆腐和涼粉，有點兒怪怪的，芋圓不煙靭，比鮮芋仙的差很多。之後上的肉鬆芝士蛋餅（$37），切成4件，每件剛好一口就咬掉咗，份量不多。味道也不好吃，只是一塊餅皮包着肉鬆和蛋，完全不像台灣的蔥抓餅。大腸包小腸（$35），一團糯米包着兩片臘腸，上面有一些酸菜和芫荽，不評論這道菜式。服務方面，人手足夠，有四五個樓面。每吃完一碟食物，很快就有店員過來，問也不問就收走（搶走）你的碟子，好像想你快點走。所以不到30分鐘就埋單走人了。由進入店內一刻至離開時，也沒有一位店員會和你打招呼，埋單俾錢，一聲多謝也沒有。唯一可取的地方就是店舖內的裝修，有點兒懷舊，可以打下咭。另外價錢也便宜。如果這樣的價錢，不用排隊等位，可以一試，但計及食物質素和服務，真的試過一次就算了，不會再光顧

有日要去紅磡做嘢但臨時取消咗，11:30有啲肚餓又唔想就咁食個飯，見到呢間九份飽有我想食咗好耐嘅蛋餅，就決定幫襯佢😝兩個人總共嗌咗三樣嘢，分別係台灣擔仔麵($50)、雙重起司蛋餅($33)同埋鹽酥雞($38)，另外加$10要咗杯芒果紅茶仙草😋估唔到個麵都有幾多唔同嘅料，例如半隻滷水蛋、蝦仁、貢丸、酸菜、肉燥，肉丸彈牙多汁，蝦仁大大隻又爽口，麵質方面有啲似油麵、我幾鍾意佢嘅硬度👍🏻芝士蛋餅真係做到拉絲嘅效果，餡料份量好足、食完飽到上心口，不過略嫌表面嘅餅皮未煎到好脆身，下次都係嗌返芝士加另一種餡料，食落應該會冇咁滯🤣酥雞算比較大粒嗰種，即叫即炸所以夠熱夠脆，咬落去都好多肉汁，一份大概有13粒，兩個人夠食有餘，非常推薦大家試吓👍🏻

🍜台灣擔仔米粉 $50擔仔麵入面有半隻蛋、蝦 🦐 、貢丸🍡、肉燥、酸菜、芫荽🌿，台灣米粉順滑掛汁，湯底唔會太濃😝🫔肉鬆起司蛋餅 $37蛋餅微脆，肉鬆滿滿，入面仲有cheese，味道咸香😝，配上甜醬汁，唔會太油膩，側邊仲有辣椒醬🌶️可以點🍗滷味拼盤 $37滷味拼盤有豆腐、雞蛋🥚、豬耳朵同埋雞翼，滷水醬汁香，雞翼入味肉嫩，豬耳朵脆身😆.✨餐廳以九份為主題，帶有台灣風情，擺左燈籠做裝飾🏮，紅磚牆加上九份商店同戲院布置，食物選擇多，cp值高價錢親民.

今天和朋友在黃埔逛商場，所以又到這一家店吃午餐。這家店佈置的挺用心，有台灣feel！和朋友不但嘗了地道台灣美食，還吃的好飽又不貴，性價比幾高。這個地方確實挺好，下次還會再來。懷舊魯肉飯飯帶著滷汁的香味，飯香和滷汁以及肉香混合，我忍不住把整整一碗飯吃完了，太香了！不但有大片大片的鮮嫩多汁的滷肉，還有雞蛋，營養均衡又好味！紅燒牛筋腩牛筋和腩肉融合湯底好入味，牛筋口感韌性，腩肉肉質鮮嫩多汁，米粉吸收湯汁好滋味。

24/2下午 同全家人 諗住去試下呢間岩岩黃埔新開無耐既台灣餐廳 咁門口排左五分鐘就入得 咁入到去 當日叫左 魯肉飯加冬瓜湯 雞扒魯肉飯 牛筋腩油麵 蛋餅 炸墨丸 仲有三杯野飲 咁當我地叫完野 想要幾杯水 咁問一個短髮既女待應 可唔可以比幾杯水我地 一開頭叫佢拎幾杯水 態度已經唔係好好 跟住佢比完水 就態度好差咁問我地 你地落左單未架，咁都算啦 咁食到7788 我阿媽 老婆仲食緊 佢就兩分鐘埋黎收一轉野 個炸墨丸問都唔問 一行過黎就收左佢，論野食 係可以 唔差既 所有野都有水準 亦都明白有人排隊 想人流轉得快 但老人家食得慢少少 無辦法 我地都係食左半個鐘左右 你就不停埋黎收野 趕客咁款 一係你就同係門口講 限時用餐 唔好不停埋黎 收野 趕人走咁款。總結 野食可以 但短髮中年女待應態度極惡劣

有朋友從英國回港，可以和一班朋友好好地食下，一間長時間都要排隊的台灣食堂。因為店舖不是有很多位，所以今次多兩個人便要等多兩張才能夠有位了。天氣有點冷，在外面要排隊，平時便找了另一間食了；不過，今次有很久無見的朋友傾吓偈，笑吓傾吓，時間過得特別快，便有位坐了。明天要飛台灣，先食吓個魯肉飯，看看和台灣的有沒有分別。台灣菜，我一定要冬瓜茶的，今次加了珍珠，不錯不錯。QQ 地瓜球便食到很飽，食下去好似在食無湯的湯圓，十分QQ。我個人便不太習慣外面的咸味，不過打卡一流。今次彩蛋，便是上面題過的台灣之旅pre-trip。下次便是寫台灣食評了。

🤍薯餅火腿蛋餅 $35呢個真係好特別食落蛋香味重🍳薯餅都脆脆哋同熱辣辣🥔配埋火腿同蛋食好特別不過如果有埋芝士就好啦🧀-🤍台灣擔仔米粉 $50清得嚟但幾好食嘅米粉🍜有肉丸 蝦 芫荽等等🍤值得一提嘅係個滷蛋滷得好入味🤤肉碎都令到個米粉更惹味😍-🤍香酥雞扒滷肉飯 $55雞扒幾脆都夠juicy🐣滷肉飯都夠多肉碎夠味

剛剛新開嘅時候，每次經過都比佢既裝修吸引左我既目光。但係夜晚晚飯時間基本上日日都大排長龍，所以新開張咁耐，都未有機會試到。啱啱尋晚經過，見到唔使等位，所以就入去試吓。佢成間舖都掛滿同九份一樣嘅燈籠。都未開始食飯都已經有去咗台灣旅行嘅感覺。⭐️紅燒牛筋腩米粉肉質嫩滑，湯底唔算太鹹，味道同份量都適中⭐️珍珠奶茶佢跟餐可以加$10配一杯嘢飲,可惜只限於紅茶綠茶，冬瓜茶等等嘅茶類飲品。但係偏偏就冇珍珠奶茶，珍珠奶茶要以原價$23計算。不過食台灣嘢又點少得珍珠奶茶🧋，所以都係照叫左！珍珠奶茶不過不失。

#九份飽 琴日同同事去食飯，同事話係第二區食過依間台灣野話幾好，原來公司附近都有間，所以就去試吓。同事叫咗滷肉飯，一大一細，我就叫香酥雞扒滷肉飯$55。不包飲品，但可以加$10要指定飲品。初初見到個飯覺得好似有點細，塊雞扒夠脆，滷肉飯肉碎都夠多，而且仲有開邊鹵水蛋。食落發現其實都幾飽，名副其實九份飽🤪同事既大滷肉飯又係其貌不揚，成大碗都係飯，真係要好肚餓先好叫，或者唔會加配小食。整體味道覺得幾好，店唔會太大，晏咗去都要門外等位。@foodiehck2022 #港飲港食平靚正 #午餐 #台灣菜 #滷肉飯 #香酥雞扒

九份飽位於黃埔，裝修別具特色，充滿台灣懷舊感覺，食物水準級，而且價錢親民，難怪人氣高企，長期岀現人龍。懷舊魯肉飯（小）魯肉肥瘦適中，肉質鬆軟入味，品嚐到滷水的甘香，味道不會過鹹，推介香酥排骨米線炸至香酥的排骨肉質嫩滑，口感外酥美味，搭配台灣米線，口感順滑海苔肉鬆起司蛋餅台灣地道小吃，大愛！蛋餅捲著滿滿配料，流心起司配上海苔肉鬆，香口惹味！必食精選！九份芋圓（溫）整碗放滿三色芋圓，豆花豆香濃郁，仙草Q彈，入口幼滑，再配上黑糖糖水，整體甜度適中，層次豐富❤️招牌奶茶（熱）微糖必試！奶香茶滑，甜度可自由調節整體來，性價比極高，期待下次再到訪 @jiufenfull 九份飽📍紅磡船澳街99F號黃埔新邨佳富樓地下4N號舖