無論冬天夏天都會想去打邊爐，再加上上次食過生日飯既金功夫點心火鍋，自然就想再去

所以，今次一行８人，可以盡情對住火鍋紙咩都點、咩都試。野食未到齊，大家都拎起筷子，全枱最滿既一刻．

我地就食左：

肥牛(邊抓位)

黑豚肉

珊瑚蚌

桂花蚌

炸魚皮

餃類(全部)

野菜雜菌籃

脆脘魚腩

嘩鬼蝦條

雪花肥牛粒

蟹籽墨魚丸

鮑魚流心蝦丸

揀左幾樣嚟講：

邊抓位肥牛：最吸引我係牛肉脂肪分佈平均夠肉味，呢樣係黎幾多次都保持到水準，亦係我再為此店寫食評既原因。

珊瑚蚌、桂花蚌：值得一讚係份量夠足，夠爽口，依到夠哂癮為止。

其他：

餃類：全部比我地試哂，特別既係呢度可以逐粒叫，大家有咩唔食可以叫少粒，全部試哂無難度。其中黑松露餃最好食，夠石油氣味。

鮑魚流心蝦丸：真係有粒鮑魚係入邊，係細粒左Ｄ，但鮑魚同蝦既味道又真係幾夾。

其他評價不過不失，係價錢略貴！打邊爐就緊係配番杯啤酒啦！

正所謂，星期日，「家庭日」。

屋企人話突然想食點心，當然要陪佢地品嚐！難得星期日，就聽朋友介紹，走香港仔一躺，為左食呢間。

我地叫左個魚翅海皇灌湯餃、黑胡椒沙嗲金錢肚、遠年陳皮牛肉球、濃湯魚肚鮮竹卷。精緻的魚翅海皇灌湯餃，味道唔會太濃郁，皮薄餡靚，餡料份量十足，值得一試。懷舊嘅點心唔止蝦餃、燒賣‧‧‧仲有呢個不能忘記嘅味道 ─ 黑胡椒沙嗲金錢肚。辣辣地嘅爽嫩金錢肚，食落有口感，唔怕話太靭，襯托上紅椒及綠椒，再配上豐富嘅黑胡椒沙嗲汁，確實是豐富你口感。牛肉球食得多，但加入左陳皮嘅製法，你又食過未。爽口彈牙嘅牛肉球及爽甜嘅腐皮，食落仲有香濃嘅陳皮嘅味道；我自己就鐘意食香茜，所以我覺得可以落噃多D，然後再配上喼汁，味道會不同；口感會再好少許！蠔皇鮮竹卷就食得多，但呢款鮮竹卷─濃湯魚肚鮮竹卷，我就初次品嚐！食落味道唔會太濃，鮮甜爽口的嘅魚肚，配上濃香嘅魚湯，滋味無比。我就誠意推介呢款食物俾大家

老友生日，話想食西班牙菜，當然係立即係Open Rice度search啦，見到呢間La Postre得一個負評咁少，就決定去Book位啦！
本來以為佢地去受歡迎，必定坐無虛席，結果去到，只係坐左一半座位，氣氛寧靜優雅，適合兩個人坐係度慢慢傾計！

第一道菜當然係沙律啦，至於揀咩沙律，當然要有西班牙特色既黑毛豬沙律啦，平時就咁食黑毛豬，會唔係咁鍾意佢果種味道，但呢度配左生菜之後，非常夾，再加上薄身既芝士片，但醬汁比較辣，可能係西班牙風味既原因。然後就個人至愛，墨西哥玉米片，揀左牛肉醬放上面，份量夠足，水準之上！然後當然到肉類啦！叫左個豬仔脾黎食，燒得岩岩好，再加上佢配既醬，甜甜地既沙律醬，絕配！食西班牙菜點可以無西班牙海鮮飯呀？店家提供2種份量比我地，2/4人份，圖中係2人份既份量，味道辣辣地，好惹味，青口好食，但蝦略嫌唔夠彈牙，份量絕對足夠比2個人食！再加埋叫左2杯Cocktail，但因為無咩特別，同平時出邊既一樣就唔提及了！

成張單加埋非常接近＄１０００，4個菜及2杯Cocktail，對於我黎講都幾貴，但值得既！

同friend打完波, 去左荃新天地行之後
行經大壩街, 見到大大招牌”泰國人海南雞”
頓時諗起食過食過旺角分店果間, 印象中佢嘅海南雞飯係好味
見到冇咩人唔洗等位, 就入去食
照舊叫個lunch set嘅海南雞飯喇, 仲用$10配多杯青檸梳打!!
海南雞飯, 三樣野: 8件雞, 雞油飯同冬瓜湯
雞嘅份量唔算太大, 1人食用算係岩岩好, 雞連皮食都幾滑, 真係將d雞去晒骨, 食落真係啖啖肉, 配埋佢碟雞醬個味岩岩好
雞油飯浸得好香, 軟硬適中, 唔同一般嘅白飯!! 冬瓜湯就不過不失喇冇咩特別
呢間野d staff有d係泰國人, 仲學識左海南雞飯嘅泰文!!!!
埋單都係$62, lunch食泰國野, 對我黎講算係合理啦!!!
今次第2次食, 都係冇令我失望。

眼見Little Vegas係Open Rice座擁如此多既好評，當然要黎試一試佢地有咩特別之處！先講沙律，叫左可謂最傳統正宗既凱撤沙律，沙律醬同菜混合得好好，唔會只係係菜面淋沙律醬，但留意，加雞肉是要加錢的！呢２碗唔係同一碗湯黎架！係龍蝦湯＆牛肝菌湯，龍蝦湯好味，而少見的牛肝菌湯亦帶黎新鮮味道，值得一試！到水牛城雞翼啦！呢個係好多人都係Open Rice有講既，無介紹錯，真係好食，水牛城雞翼應該係炸雞翼配合燒烤醬（如果我無估錯的話）！雞肉辣ＰＩＺＺＡ，單係芝士己經令成個ＰＩＺＺＡ生色不少，食唔出辣味，另外餅底可人感覺厚左Ｄ。本來叫兩個ＭＡＩＮ　ＣＯＵＲＳＥ，但友人愛食薯條，大大份薯條令三個人唔駛食其他野己經飽哂！
至於黑松露菌意粉，就比其他菜式略遜一籌，比較平平無奇！

總體黎講，相當滿意，而且價格適宜，係朋友聚會既好去處！

同一個朋友黎呢度食個小小既生日飯！
餐廳內格調舒適，不枉為聚友既好地方！Steak and egg hash skillet
入邊有薯仔、芝士、牛柳粒、磨菇，再加一隻雞蛋係上邊，本來我對雞蛋撈芝士配有懷疑既態度，但食落就知非常之掂！不過個人建議要撈暈少少，否則食到最後會唔夠味。。。。。Mac and cheese
熱辣辣既熱鍋，燒出陣陣芝士既味道，再配上通心粉，每口都可以拉出ＰＩＺＺＡ般口感～！Pandan waffle with strawberry icecream
黎呢度又點可以唔食埋窩夫先走呀？
窩夫配搭士多啤梨雪糕，因為有朋友生日，特意為佢準備（要係訂位時叫定架）！
都算係一番小小心意架～！

一年四季都鍾意食打邊爐既我，生日又點少得個爐呀？

今次一共６個人黎打邊爐，一坐底，例行公事，調好自己碗豉油先

然後再揀湯底，叫左一個白玉翅雞鍋，放係個爐度等２－３分鐘，就有店員為我地每人分一碗湯，湯味夠濃且甜，飲完湯，店員就上黎加水。雪花肥牛粒，識食一定係食佢，肥牛粒最易吸收湯料精華肥牛，相信係好多人心目中的我最喜愛的火鍋配料。黑松露餃，非常好食，估唔到黑松露可以有咁既食法，一啖咬落去立即食到滿滿既黑松露味道！鵝肝墨魚丸，鵝肝入口即融，唔駛任何調味都己經鮮味十足，比夠５粒星！玉簪蝦丸，特色之作，雖然我平時唔食青瓜，但今次兩者混合之下口感同味道都唔錯！
其他食物隨影：＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
總結而言，大滿足！！！！！！！
今餐生日飯絕對係抵食！！！！！！！
今次選擇既丸、餃類偏多！！！！
不過都絕對無問題！！！！！