對於尚鮮日式燒肉放題相信放題愛好者， 應該唔會陌生！120分鐘任食A5和牛！ $398加一服務費，價錢合理！ 絕對好吸引！因為一般和牛細細塊就要幾百蚊！所以就約埋朋友去啦！  第一樣出埋就係意份賣相非常吸引嘅和牛拼盤！原來意道嘅和牛係來自鹿兒島， 有卡仔顯示牛的部分，俾大家知道邊道好食再encore ，值得加分！  油膩分佈局均勻！燒起來的油香！真的不得了！令人垂涎三尺🤤入口即溶 食幾轉真係好易番本！  食放題當然不少得食刺身啦！ 無雪味算新鮮！ 不得不提帶子夠厚身，又鮮甜！必食 擺盤不錯，仲有煙霧效果添！  原來仲有甲羅燒、帶子、蠔、鮑魚， 海鮮已調味味道不錯！ 最後截單時，服務員送上貴價雪糕！ 少少驚喜！ 120分鐘的放題，真的令人非常滿足， 又不怕趕時間食，可以同友人一路傾幾一路暢快地食！的確不錯！值得再來。 

第2次嚟至尊滿屋食放題啦 通常一諗唔到食咩就食放題 咩都有唔洗煩 今次嚟無上次咁多人 可能係肺炎都少左人出街食飯  而家比上次嚟多左個自助小食吧wo 有沙律呀 d炸嘅小食 仲有湯同2款熱食 野飲選擇都係咁多 可以任飲sake同梅酒 仲有啤酒都任飲 鍾意飲酒嘅人嚟呢度一定番本 坐低梗係叫左刺身先啦 最值得推介一定係帶子 好鮮甜 食左十幾粒呀 round 2 壽司 我鍾意佢細細粒一口size 可以食多d款 我記得上次嚟食個羊架印象深刻 今次一定要encore 燒得好好味 平時唔食羊嘅我都食左成舊 今次令我好surprise 係個天婦羅 剛剛炸起好脆好好味 仲有其他小食都一貫質素 想食熱野可以試下佢個粥同埋湯麵 都唔錯呀 不過如果雪糕有任食就好啦 一人一杯真係唔夠喉

這間日式放題，食材新鮮，款色又多、價錢適中，有唔係貴，食物方面魚生好新鮮又肥美！真係正吖！至於魚生真係好多款式！應有盡有，計係來食魚生都回番本!真係好正吖！其實還有其它好野! 天婦蘿炸虾、夠哂鬆脆，好新鮮，D蠔又大隻好正吖！其它方面有牛仔骨味道一流！冇得定！還有其它小食雞翼尖正吖！so甜品方面款色好多、都唔知食邊樣先好！樣樣都想食，總之係應有盡有！真係食到未停過！真係實在太多款式！總言之一句，正正正！👍👍👍

抵食日式放題 就嚟聖誕節 諗唔到去邊慶祝不如放題 因為咩種類美食都有🤣滿足每個人口味 今次冇去兆萬試伏 發現譽發有新店！ 位於2/F 裝潢非常日本風 間隔舒服唔會迫 掃QR code 落單 上菜又快又冇漏 空碟10秒內就有人收走 成餐飯好順暢 . 強烈建議大家要加$88升級 因為會多好多食物種類的選擇 重點是任飲麒麟/黑啤/清酒 勁易番本 另外飲品&雪糕款式同一般放題不同 有新鮮感 整體來說很不錯 食足三個鐘 . ✨💖✨必食推薦✨💖✨ 1️⃣刺身蝦🦐見我叫咁多隻就知好食啦 2️⃣厚燒玉子🍳encore左兩次 好甜又多汁 夠滑唔乾 3️⃣炆牛尾🐄令人眼前一亮竟然係熟食 全部都好淋又入味 其實鐵板牛舌&羊扒也很不錯 4️⃣串燒配啤酒一流🍻特別係燒蠔/帶子/海蝦 勁大隻 5️⃣雪糕🍨推介奶茶&玄米茶 茶味超級濃！ 海鹽味都幾好 原來係本地製作 好出色 要支持下

依間餐廳既員工服務態度極度惡劣，強烈建議大家不要再去！！ 話說午餐繁忙時段同另外一位同事黎依到食野，1點左右黎到門口有大約10餘人等位，期間見到餐廳入面有幾張4人枱是空置的。
唔知道餐廳是否想營造一個好多人排隊等位既假象，當時門外包括我在內有4-5組的2位客人，但侍應堅持不放行。
等左大概20分鐘，果幾張4人枱依然無客，門口聚集愈來愈多人。
依個時候有位中年眼鏡男侍應行經門前，我遞張飛比佢，指住d空既4人枱話我地等左好耐可唔可以坐果邊。
個男侍應黑面望住我，一手搶左我張飛就粒聲唔出行開繼續做野，我地完全黑人問號，咁即係點啊？最尾無理咁多照坐落去

食物方面我叫左傳統牛肉石頭鍋飯，我唔知佢地係點整既，d飯本身勁濕一pat pat咁，再撈埋隻蛋成碗稀飯咁 埋單果陣因為咁岩無散紙唯有比1000蚊，女侍應一見到又即刻黑面咁叫：無錢找啊！然後塞番本單簿比我又極快速咁行走左
最後要同事行過幾條街去便利店唱散先搞掂。依間餐廳既員工極度暴躁，無乜事真係唔好走去食

依間酒店位置方便，服務非常細心有禮。食物方面lunch buffet 有蟹腳，淨蟹鉗，青口，細隻毛蟹，蝦同龍蝦仔，如喜歡食海鮮，lunch buffet 算係咁，但熱食味道就一般，中式熱盤唔多，都係燒味，菜同點心。種類選擇我覺得是正常，我見好多人主打海鮮，不停攞蟹腳，佢refill 速度都好快，應該可番本，但對我黎講buffet的多選擇性比較重要。用openrice 優惠平日lunch buffet 約300蚊一位。credit card都好似有優惠，但我就沒有果張信用咭，所以無留意有幾多discount。

聖誕大餐食乜好🌲 一踏入12月去到邊都播緊聖誕歌 雖然今年裝飾同氣氛都不及往年 但也要珍惜身邊的人 好好聚一聚 . 係尖沙咀返工/熟悉尖沙咀一帶的朋友 一定有聽過花木🇯🇵水準超高的日本餐廳 不論選材 師傳 擺碟 環境都好有日本的感覺 重點星期日至三仲有七五折 屬中等價錢 可以話係附近打工仔/傾生意的必去處 . ❄️❄️❄️最新推出的大滿足火鍋套餐❄️❄️❄️ 鹿兒島和牛盛宴💕抵食到不得了 ▫️前菜 打頭陣係🐙芥末八爪魚刺身 好爽口彈牙 芥末不是很攻鼻的那種 配上青瓜一起吃幾夾 不得不說擺碟真的好美好精緻 加了不少分 ◾️刺身四點 分別是油甘魚 三文魚 帶子 蝦 最喜歡就是油甘魚 充滿好香的魚油味 三文魚幾肥美厚切 帶子有口感又鮮甜(微微青檸味) 蝦好大隻啊 頭部更是滿滿的蝦膏👍🏻絕對新鮮 ▫️壽司三貫 池魚 燒鯖魚 和玉子三款口味 沒想到最好吃的反而是玉子💛必試無誤 口感是超級滑同甜 可以話係香港Top 10 玉子壽司的頂層和底部都是蛋 好邪惡 另外 壽司的手握飯的酸度和黏度都好滿意 ◾️生蠔 表面加上一個秘製醬汁 是日式醬油加柚子的味道 令生蠔的海水鮮味加上一般清新的感覺 幾特別 ▫️自家製日式甜品 是日式餐廳一般會吃到的蕨餅 黃豆粉口味 再配上奶凍(熱情果/芒果味) 相對有驚喜 個人偏愛芒果口味 因為感覺會香甜一點和更嫩滑 . 點解會話這個套餐非常抵食呢？ 因為除左上半part的冷吃 還有下半part的熱吃 重點是任食 雖然款式不多但超新鮮 CP值爆燈 基本上食完松葉蟹 幾塊和牛同黑豚肉已經番本 ✨👇🏻✨以下火鍋配料無限添加✨👇🏻✨ ◾️北海道松葉蟹 店員提供專用工具 所以好容易&方便就食到蟹肉 超鮮甜 啖啖肉又夠彈牙 每隻腳都好大 蟹醋又一流 好幸福🦀食兩盤都唔過份 好掛住日本啊~ ▫️鹿兒島和牛 個花紋靚到不得了 雖然未去到入口即化嘅程度 但肉質已經好滑 冇乜根又重油香 每一塊都一樣 ◾️沖繩黑豚肉 呢個黑豚肉個人覺得比和牛再好食啲！ 個油脂分布真的太過分啦 好滑好香好邪惡 ▫️稻庭烏冬/日本米飯 叫了稻庭烏冬 下面是鋪了冰粒 麵條呈扁長形 稻庭烏冬和讚歧烏冬不同之處在於口感更細滑 ◾️新鮮野菜 野菜拼盤也非常豐富 建議先煮這個 因為大葱 洋蔥 南瓜等蔬菜能令昆布湯底更加甜

無辣不歡既我今日就黎挑戰爆汗串串, 聽講佢D辣好正宗, 而且依種串串係香港都唔係好多地方有得食, 所以趁happy friday黎食原來鋪頭唔係好大, 不過離遠都見到佢黃色招牌, 鋪面唔大入面坐位都唔算多, 但係都唔會迫狹, 而且都有準備滕籃比客人擺野。價錢都係百幾蚊任食, 飲品就加30蚊任飲, 食麻辣點可以唔飲野呢, 飲番三兩罐汽水都回番本了。 先食d小食, 叫左棒棒雞, 香辣無骨鳳爪, 酸辣厥根粉。棒棒雞唔知點解佢整到個雞肉好好咬口, 加埋麻醬一定夾仲好開胃! 鳳爪香辣惹味, 厥根粉幾有驚喜, 第一次食, 麵質好爽彈, 最重點係佢個汁, 酸酸辣辣好過癮! 爆汗串串 主角黎啦! 今日小試牛刀食個小辣先, 一大碗串串都幾壯觀, 咁樣食既好處為可以每樣都試下, 一串一啖咁其實真係幾過癮, 當中有d係覺得好好食必叫既: 蓮藕夠爽口, 黑木耳大大塊爽脆, 成都小香腸細細條咸香, 千層肚好咬口, 鴨吞香口.. 重點係全辣食材浸過佢既麻辣湯後都入哂味, 將本身既食材味道再昇華! 嗜辣人士一定中意囉!! 唔好睇佢一串一兩粒, 咁食法我地食左兩round再加埋其他小食都好飽, 不過依度係任食既, 唔飽咪叫到飽為止啦 成都豬腸麵 知道依度既辣係出色, 想試埋佢唔辣既食物, 叫左個豬腸麵豬骨湯底, 湯望落好清但食落都好香豬骨湯味, 而且湯式唔油膩, 食完一堆麻辣再食番依個清清地又覺得幾夾幾舒服, 而且麵質仲幾彈牙, 唔錯喎! 成都老冰粉 必叫❗最尾一定要叫依個冰粉做甜品黎結尾, 冰粉質感似涼粉, 但依個晶瑩d再脆口d, 面頭有d果乾同芝麻, 食落冰凍有口感又甜, 清走左d麻辣既油膩感, 細細碗所以就算食到好飽都要叫一碗黎食呀 我地除左飲汽水之外叫左個烏梅汁, 酸度比甜度好, 解辣一流 十分唔錯又過足辣癮既晚餐, 酸辣香辣麻辣都好出色, 下次會挑戰中辣, 睇下係咪真係會爆汗

之前同屋企人做節，再去呢間日式放題 預先book咗枱，唔使等，即刻入座，餐廳嘅環境好舒適，個場十分闊落，座位舒適，我地有卡位坐，有飲品區同甜品自助區，其他野食都係入紙落單。 每次食放題番本之作一定係主打刺身，選擇有好多，包括三文魚、甜蝦、甜蝦、泰式生蝦、松葉蟹鉗、松葉蟹棒、厚燒玉子、珍寶帶子、北寄貝、八爪魚、希靈魚 甜蝦有甜味，口感有黏黏地既膠質，肉質細棉，味道甜美 厚切三文魚刺身大大件，咬落肉質細嫩鮮美 原粒帶子，都係必食之選，肉身好厚 食完刺身再來D香口惹味小食 炸物如雞翼﹑銀雪魚、牛舌都好深刻因為太好味 天婦羅大蝦，蝦彈身牙之外，係即炸的，粉漿薄脆口 海鮮鍋同牛壽喜燒火鍋都好正，食左兩鍋 壽司想講款式好多，我地都點左好多食，真心回本，味道同連鎖壽司店無差別 甜品方邊出面自助區有少量選擇, 每人有雪糕可以揀movenpick /Häagen-Dazs一杯，我揀左Häagen-Dazs特別季度限定版，原來係焦糖味，唔錯 野食選擇多，野食即整夠熱唔係番叮 壽司即整紫菜仲係脆身，上菜速度都算快，order咗嘅食物都好快， 而且是漏單嘅機率小，職員服務態度不錯，會再黎

最近去過韓國的表妹經常懷念在韓國吃過的炸雞。在同事介紹下我約了表妹一起去旺角通菜街威達商業大廈，樓上一間梨滿園韓式料理餐廳。原因這餐廳最近推出90分鐘用優惠價錢可任食多種不同口味的韓國炸雞。 門面logo彩色繽紛，充滿韓風味道，餐廳地方寬闊，座位舒適。 韓式小食有泡菜、蘿蔔、芽菜仔幾款，都是我自愛吃的。 炸雞有芝士、蜜糖、薑蔥、甜辣和秘製醬油五種口味，雞肉質感皮脆肉滑嫩。 表妹喜歡芝士、蜜糖和秘製醬油，我就喜歡酸酸甜甜辣辣的口味，我倆都encore幾次，這噸只用優惠價便可任吃多種不同口味的炸雞確是番本。

史力加先生又綁了幾位朋友來試一試任吃點心。沒辦法，就是看到「任吃」兩字欲罷不能😂 午市任吃點心主要有3張點心紙👇 但所提供的點心並非只有飽點，一般去茶樓都會點的燒賣、蝦餃、牛肉球及鳳爪等也有👍🏻而我們4人當然瘋狂地點了很多，為大家重點推介幾款不得不試點心😋 👍🏻蝦籽燒賣：大粒，多蝦，平時為特點，屬可番本之選 👍🏻蝦餃：比燒賣更大粒，咬開見到多隻蝦，外皮不會過厚，重點番本位！ 👍🏻薑蔥牛柏葉：現時較少茶樓提供的懷舊點心，濃郁薑、蔥、蒜味，值等一試 👍🏻炸物：咸水角、春卷、炸雲吞均是即叫即炸，熱騰騰 👍🏻牛肉球、鳳爪、飽點、燒味：水平如平常茶樓的味道，但以任吃來說，都可試一試 最後4人只需400多元，就吃了接近30籠或碟點心😆 所以都值得推介大家試試👍🏻😄

最近愛上搭渡海小輪，北角碼頭旁邊就是 HYATT 旗下的 維港凱悅尚萃酒店，五星級酒店二樓 The Farmhouse 主打高質素酒店自助餐，趁生日前夕跟朋友共嘗最新推出以 ORGANIC 為主題自助晚餐，適合追求健康生活品味的我們。 餐廳有梳化位又有無敵海景，高樓底令空間感大增，坐得舒服之餘環境冇咁嘈，傾計舒服啲。 《ORGANIC》 推出 ORGANIC 主題自助晚餐，美食當前感覺清新自然，養生美顏生果甜品、最喜歡還是他們充滿生命力的香草盆栽，廚師會把他們注入美饌當中，令人精神為之一振，聞到薄荷葉的香味我成個人醒神晒！ 《海鮮》 好多人食自助餐第一時間都想食貴價番本菜式。這裏冷盤雖然沒有生蠔，但係就有我最鍾意食嘅長腳蟹，一條條新鮮蟹柳，一啖放落口係好爽嘅！ 《波士頓龍蝦》 還有手掌般大的龍蝦、翡翠螺、凍蝦、大蜆、藍青口⋯差唔多將成個海洋都食咗落肚。波士頓龍蝦肉質鮮嫩結實，龍蝦味濃郁鮮甜又唔腥，食得出海鮮的原汁原味實在太幸福了！ 一個華麗轉身，旁邊還有刺身吧、壽司、cold cut，新鮮蔬果沙律。 《刺身》 先講講我最喜愛的刺身，油甘魚、吞拿魚厚切，入口甘香充滿魚油香氣四溢，吃得出的鮮味，質感入口即溶。原隻甜蝦連殼上，雖然要落手落腳食，但我旁邊友人拍手叫好，因為可以連蝦籽一起吃，非常惹味呀！ 《有機沙律菜》 沙律除咗蔬菜新鮮有機之外，最特別的是廚師會用巴馬臣芝士即席撈勻，感覺更加矜貴。 《熱葷》 冷盤之後可以吃熱葷了，燒虎蝦、慢煮牛肉正向我招手呢！燒牛肉 medium rare 我喜歡的，入口即化加上濃郁的牛肉味，回味無窮！ 如果想吃碗湯麵這裏也有喎，香港情懷特色車仔麵，喇沙湯底確實不錯。 《甜品》 女仔一向有一個甜品胃，各式各樣時令精緻甜品令我目不暇給，吃了一兩件比較精緻的，玫瑰椰汁西米糕令我無法忘懷，特濃朱古力噴泉，小朋友最愛。 有機蜂蜜配雞蛋仔你有試過未呢？新鮮蜂蜜從蜂巢裏慢慢滴出來，滋潤無比！ 另一賣點是有機生果和新鮮果汁，特點是十分清甜、清新、清香，女生怕肥可以飮甘筍蘋果汁呀！對腸道非常有益的。 《低脂 Gelato》 另一吸引眼球的就是自動旋轉雪糕機，有多款不同口味的 Gelato，猶如12星座般各有特色。聽說是每日新鮮製造，我覺得最特別係開心果、港式奶茶味道。最清新味道酸甜的就是芒果檸檬醋，特別又比較少吃得到。低脂肪唔怕肥，入口質感柔滑，多吃也不會膩，真係百吃不厭！ 最後以一杯香濃的即磨咖啡作結。 總括而言，五星級的家，食物質素高、環境優雅、服務細心有熱誠，無論係慶祝生日、情侶約會或者家庭聚會都值得推介來這裏一試！

食過幾間酒店嘅自助餐，有平有貴，一分錢一分貨，平嘅質素當然冇咁好，但貴嘅亦未必一定能夠令人印下深刻印象。只有The Market嘅Buffet令我始終念念不忘♥️ 佢嘅優勢唔在於選擇特別豐富，老實講論選擇多嘅話點都唔到佢。但正所謂貴精不貴多，佢嘅食物質素係我食過嘅酒店Buffet之中最好👍🏻榴槤冷熱甜品一向係佢哋嘅主打，亦係先生嘅至愛，但我最欣賞嘅始終係佢哋嘅冷盤同熱薰。 冷盤海鮮幾乎每間酒店自助餐都有，係大家打算食到番本嘅重點，正因為間間都有，最容易食出唔同嘅地方。佢哋海鮮零舍新鮮肥美，而且感覺格外乾淨。個人最鍾意長腳蟹，尺寸較一般自助餐嘅大之外，依然保留天然嘅海水鹹味😋另外龍蝦亦非常唔錯！大大隻開邊，隻隻都好多膏，特別有罪惡感😛 北海道帶子原隻切半送上你嘅碟仔，鮮甜肥美，特別滿足☺️燒羊架5分熟，油香豐富，肉質嫩滑，一丁點都唔騷。焗螺配上芝士，香氣四溢，一啖一個😋 當然唔少得我至愛嘅燉湯，今晚嘅湯水係椰子燉雞，鮮香濃郁，感覺非常滋補🥰 以前食Buffet係食「量」，覺得食多啲唔好蝕底，但往往都捧住個大肚腩走，撐住肚皮反而搞到自己唔舒服。而家食嘅係「質」，學會欣賞廚師嘅用心，細心感受食物，未必要食得好飽，而係享受食到好嘢嘅時候嗰種心靈上嘅滿足♥️The Market就係有呢種魔力，先會令我第三次走入嚟食🙃

日式放題食得多，中式真係未試過。假日$258 位~不加埋茶水同服務費就$324. 每人會有一蛊佛跳牆同埋上湯焗虎蝦天使麵（可能加$40轉半邊龍蝦）～其餘任食項目就有5十幾款。 ✨佛跳牆入邊有鮑魚仔，花膠同元貝。花膠夠晒腍，元貝同個湯都好鮮味。 ✨出面有片皮鴨可以任拎，片皮鴨食落少少脆啖啖肉。除左包京蔥，青瓜絲，居然仲有哈蜜瓜😍，個餅皮夠晒薄，幾好食encore 左幾次。美國谷飼牛柳就幾軟腍，加埋個醬汁幾惹味，但牛味不算濃。 ✨上湯焗虎蝦天使麵： 天使麵勁入味，帶d 蒜蓉香，虎蝦大大隻啖啖肉。 ✨金菇肥牛卷幾好食，金菇軟身多汁牛味濃d, 不過牛味最勁係五香牛𦟌，但筋就多左d 未夠腍。 炸蝦餃估唔到幾好食，個皮薄得黎脆脆地，入面d 蝦肉勁多。 乳鴿不過不失，唔算瘦亦唔會太肥，大胃王食多幾隻都可以番本xD ✨燒味裏面燒腩仔最好食，做到皮脆肉嫩多汁👍🏻。貴妃雞味道都唔錯，如果唔係比個胸位我就更happy. 叉燒都ok, 蜜汁味幾重，不過邊位就硬身d. ✨海鮮都幾多款，有清酒蝦，黃金蝦，芝士蝦丸等等，我最鍾意個蟹蓋，入面釀左洋蔥，紅蘿蔔粒，蔥都幾香。 薑蔥蟹雖然細細隻，但食落都有肉同蟹味。 ✨黑糖馬拉糕幾鬆軟，甜度啱啱好，雲吞皮薄饀多彈牙，綠茶包都幾特別，我覺得佢d點心類做得唔錯。 ✨食到中段已經好飽，食個話梅車厘茄消化下，呢個食落勁爆汁，唔知點解食落唔係話梅味，係好似有d 酒味咁，但係幾fresh~~~胡麻肉鬆豆腐都係唔錯既開胃菜，鮑汁鳯爪好入味，欖角骨都幾香。 ✨甜品黎講楊枝金露最好食，唔太甜同埋入面有爽口既水晶珠幾過癮，呢個放題真係超飽，如果係食肉獸可以黎挑戰下。

瘋狂薯條🍟任食......... 當然吾係瘋狂食麥當當薯條，而係土瓜灣一間Fine Dinning的餐廳提供任食薯條。晚餐基本收費$298，因應不同主菜再加錢。 📍頭盤：西班牙黑毛豬拼盤 🔸 香烤麵包配上黑毛豬火腿及黑毛豬肉腸。 🔸咸香味濃濃的火腿滲出香濃的油份，迷人的頭盤。 📍羽衣金蘭蔬菜湯 🔸羽衣金蘭的苦澀味一直都吾係個個喜歡。 🔸今次卻被蔬菜的酸甜所覆蓋，反而成為湯裡的重要口感。 📍傳統馬利蘭州蟹餅（$128） 🔸外加食物 🔸超級超級好味 🔸整個蟹餅都係用蟹肉製成。 🔸蟹味極濃，好似將成隻濃縮左落個蟹餅度。 🔸必點美食。 📍銀雪魚（+$128） 🔸銀雪魚肉嫩多汁，完全沒有雪味。 🔸香香煎過後，銀雪魚的魚油滲溢，遠處也能聞到香味。 📍西班牙棕毛豬肩胛配黑醋汁（+$98) 🔸黑毛豬肉肉質非常非常軟嫩。 🔸放入口已慢慢地融化在口內。 🔸脂肪部分油而不膩。 🔸如擔心仍然太油膩，可沾點黑醋汁減少油膩感。 📍萬眾期待任食side dish 🔸包括蜜糖燒烤薯條及黑醋沙律 🔸薯條全部即叫即炸、每條都熱辣辣，超過癮。 🔸蜜糖燒烤味重，實在超級邪惡😋 🔸黑醋沙律🥗有滿滿的沙律菜，係高質的沙律菜，食多幾盤已經回番本。