偉記燒烤樂園

Open Now

Now Closed

去咗呢間燒嘢食但食咗好似無食咁因為質素太一般了所以食咗好少Ｄ人話有燒豬脾仔肉但我真係見唔到有可能又係貨量小買完就無呢度選擇既食物唔多我數得出咁濟豬扒.雞翼.牛扒..雞全翼,豬頸肉.腎.燒排骨.雞扒.魷魚令外就係Ｄ平價丸類..紅腸.雞肉腸.燒賣.多春魚.栗米.蕃薯..麵包講最差一定係雞扒.腎.魷魚.醃到Ｄ肉質已經變哂有種滑潺潺既感覺豬頸肉.腎.燒排骨呢三種都係染到橙色咁我就最憎加呢Ｄ顏色醃料最唔明係要加Ｄ醃色粉醃到橙色咁為乜攪到無哂原有食品既味道我唔食牛所以肉類只係豬扒有番豬扒既肉質無比Ｄ加工醃料破壞到而Ｄ雞翼燒極Ｄ皮都唔脆即係佢醃既時候唔夠乾身所致最好食反而係佢碗糖水.我只係覺得燒栗米.燒賣同麵包係最好食88蚊係平但真係唔得我令願比多小小錢質素好Ｄ好過比88蚊無好嘢食我重唔抵添啦但質素好貴小小既邊度有呢???燒烤場多數元朗.屯門呢Ｄ地方我都係响呢度揾先嚟見佢無乜劣評但竟然.....地方都乾淨既同埋有某Ｄ人都幾好禮貌.但真奇怪問佢攞多隻碟都唔可以比

24號一大班fd去燒野食雖然係比平日貴，不過平安夜到到都貴架啦而且依到都有另外送生果、糖水都ｏｋ同埋佢依到d豬臂仔真係幾好食(都幾搶手，好快俾人夾晒)但係佢地都fill得幾快，所以都唔會話冇得食其他ge都唔錯總括黎講，都值得一試唯一就係依到交通唔係咁方便，最方便都係搭的士/揸車搭的士有回贈都好搭到去每人都係$1到

上星期六去完,大致上都ok嘅.交通唔算方便,但係亦都好易搵到(我自己揸車),朋友喺元朗搭的士都唔洗15蚊.勁多車位,地方幾大幾企理,爐之間唔會話逼到冇位行.係個廁所得果兩格-唔太方便,仲要男女共用,成日排長龍!!!食物一般啦,任食嘅-都預左係大路嘢,好多丸類,腸都有3種,雞翼係自己醃嘅,係冇一pat pat嘅效果呀,不過可以話係完全冇味,麵包都有,only牛油,好多燒烤場都有蒜容啦!個人意見: 整體都算ok嘅,如果有揸車嘅話,仲有好多選擇,大埔有兩間都好過佢!!!

今天一行 12 人到 這個 BBQ 場. 去時真的比較麻煩, 要轉塔的士. 但還算近的.到左場地, 打點一切後, 我地開始燒野食.食物方面, 款式都算多, 丸都有十幾種..., 扒, 當然又係例牌, 豬牛羊...友人說 肉類比較 "un". 魚疍 和 腸仔 就吾錯.但大致上和其他 BBQ 的食物分別不大.另外, 佢地有時會有人打鑼打鼓去 派 糖水, 庶汁.., 仲有 粟米..., 都叫做幾有氣氛.整體 okay. 同其他沒有太大分別.

呢個八月十五，酷熱：氣温攝氏三十度/ 相對濕度58%偉記夜場bbq 中秋價係110 ，任燒至凌晨2點，每人入場送幾枝螢光棒十一個人一個大爐。三包炭，加炭每包15。自己覺得最好食係：燒賣，因為佢夠太粒。而且佢調製ge豉油都好好味。所有扒都無試到。由於太熱，所以實在唔想對得個火太耐。由於調味料好多，有士喇叉啦、蒜蓉牛油啦。相信好多野都可以燒得好好味。特別：好多CHEAP CHEAP地又得意GE扭蛋機都係2蚊雞一次。有一D20蚊ge 釣鴨仔（無時限）、掟飛標（20枝）、角子老虎機遊戲（40個銀）。仲有d細細馬仔機，帶埋細路黎都幾好玩！柴娃娃玩螢光棒同燈籠，去邊都一樣咁開心。咁酷熱黎燒，平時送咁多糖水。嗰晩8點入場，燒到1點幾淨係派過夏枯草。收你110，話佢合理又唔想。希望平日好天氣再黎一次，試下佢係米真係之前d食評講ge咁好啦。

燒烤場來說, 其實不算太遠...行十分鐘便出返大馬路其實尚算十分方便....食飽左行十分鐘仲好啦~~消費方面, $80-$100左右,始終是任食,有d 食物味道太鹹都無可厚非了...食品種類算叫應有盡有, 又可以自己帶野食去燒....蜜糖同其他醬汁任加...場地寛敝, 衞生情況可以接受....有大電視睇..耐唔耐有糖水生果派...十分有綽頭...個人方面頗喜愛這個燒烤場!!

十幾個fd 入到去燒, 開左兩個爐, 唔洗迫住迫住d 野食好多都好咸, 味道我覺得一般般, 食物有:廚師腸, 芝士腸, 粗大版司華力腸, 紅腸火腿丸, 牛丸, 豬肉丸, 獅子狗, 燒賣, 魚蛋, 蝦丸雞中翼, 雞全翼, 雞扒, 豬扒, 豬頸肉, 豬骨, 牛扒魷魚, 多春魚入場88 蚊, 包一支水同一樽野飲(限定幾類)燒燒下會派甜水果d (好多人排, 有時佢仲會拋過黎)豆腐花, 川貝雪梨水, 柑桔, 蕃茄味道覺得略咸左d交通唔係太方面, 都係靠的士但夜晚走果時, call 的士都無架入黎等左好耐先等到一架經過(司機大哥話行出d 有小巴搭)

老友試過勁讚不錯，適逢假期相約大家去BBQ。地點十分不便，在元朗市中心打的去，到深夜玩完後無的士，行了十多分鐘才出到市中心，十分山長水遠。與一般自助任食無異，燒烤食物不外乎丸類、腸類、扒類、雞翼、麵包等，還好的是扒類、雞翼是自家醃製，醃料不會糊狀，沒有一pat pat效果。最有特色是有每隔一段時間人打鑼打鼓，宣佈有糖水、涼茶、生果等派發，一窩蜂的出去輪候，有點似輪米的感覺。由於是日假期要$98一位包一枝水及一罐飲品，而且有新規定，同行的其中一名是會員，新會員又要付$10會費，我們一行10人差不多$1000，肯定食不到這個數目，勁唔抵。

自從聖誕節之前已經很有BBQ的渴望，終於等到朋友有車用，當然要燒個死去活來啦~!這個燒烤樂園地點頗偏僻，加上我們幾個港島區人，駕車一但miss了那個路口，便又要掉頭再來過。打電話到燒烤場求助，找到了~!抵達的時候已差不多晚上八時，星期六的晚上竟然沒有想像中多人。剛開好爐時遇著戴牛仔帽的大叔敲鑼派糖水，派代表取了一碗，不錯~!然後當然去取食物啦~!嘩~有好多款丸喎~!咦? 咁大碌既? 咩黎架?原來係司華力腸~!在旺角的街頭小食檔閒閒地十蚊八蚊一碌，呢度任你燒~抵食到爆~!肉類方面，雞牛羊各款醃的味道十分正~!簡值比得上親生阿娘煮的佳餚。另外還有粟米及鍚紙包好的蕃薯，一大桶牛油任你取，燒甚麼都塗一點牛油，香到不得了~!其間大叔又派了木瓜雪耳糖水、桔仔、菠蘿片和蕃茄。我人生之中第一次燒蕃茄，把整個蕃茄叉住燒，原來很美味~!入場費包一樽水和一飲品，原來飲品可選道地的綠茶，不像小欖的只是一罐汔水。另外買一樽1.25L的金桔檸檬只不過$10，比超市還便宜啊~!場內還有釣鴨仔、飛標等遊戲，還有大型投影電視，一次過滿足大人和小朋友的願望~!廁所方面尚算清潔，可能當晚人不算多的關係。唯一不好的地方是我們

星期日去BBQ, $78, 包一支飲品一支水. 食物ok啦不過不失, 而且牛油蜜糖sauce果d野都係任用, 而且仲有電視睇, 算唔錯喇. 不過, 最想講係送果d野食.大概8-9點左右有個好搞笑的大叔就大鑼大鼓出來宣佈有野派(要排隊拎). 其實果d都係平野不過令氣氛好d熱鬧d開心d咁! 果晚派左5次野:1. 雪梨川貝水2. 雜果涼粉3. 蓮子薏米糖水4. 桔5. 蕃茄 好搞笑, 佢派每一樣野都狂sell 勁hard sell! 睇佢派野都係一種娛樂!!全晚最差係拎野飲果度果幾個男人, 成副MK格又無禮貌!!!!

聖誕節前有朋友跟我說他們試了元朗一個BBQ場,雖然是偏遠一些...不過他們都有私家車可以直達那裡!接著我們便說要和這班朋友一起再去,不過是在聖誕節假期,我們都怕沒有位,所以便早幾天前便訂定位子了.一訂之下,原來特別假期是要$98/位.小童$78. 但都明白特別節日貴一些都不過份..而且都是尋開心的,便不介意了!我們訂了24號晚,大約7點到達(因要上班的原固),那裡的停車場都算大,而且是免費泊車。進到埸是自己購票式的.食物是自助形式,喜歡拿什麼有自己的選擇權.不過可能當天實在太多人了,很多食物一拿出來便清光.而且亦未能及時補回.有少許不滿意.會在平日的時間再去.因為不想太多人爭食物了!

上星期日同成班朋友去呢度BBQ,開頭都有諗住去比較近既西鐵,但諗到係馬路邊就唔係咁想,因為好似一路燒一路食塵咁..所以都係一致決定去偉記BBQ. 其實之前都聽過好多人講過呢間BBQ,開頭唔知點去,不過係元朗搭的的都係十零蚊.5個人都係每人幾蚊..好化算呀~一去到就見到好多閃閃燈,仲靚過張相添~!好有聖誕氣氛!入到去,每人承惠$78.每人一支叉同一張飛,當然係換汽水同水既飛黎啦~個度D人就即刻問我地幾多位,想坐邊度同埋想睇咩電視,服務都幾好呀~吾知點解下位朋友"ONG"講到D態度好似好差咁既..同埋佢地都有求必應呀.多人想開多個爐佢地都肯喎!服務唔錯呀!另外就係野食方面, 有好多野食選擇,不停加野食,個朱仔脾同埋D香茅雞翼就好好食...仲要免費既粟米,蕃薯,涼茶,糖水(估吾到仲有糖水飲,仲要免費).面包任拎,菜包都只不過係$5/2包..真係好抵食!最後食完野就行個圈,因為見到後面有攤位遊戲玩,有擲飛標,撈金魚,射波波,釣鴨仔,老虎機...總括黎講...呢度都算全元朗天水圍最好既一間...我都諗住聖誕再去..應該到時D氣氛實好好姐~推介!

第一次去的時候感覺好差,因為個個工作人員都好似黑X會,感覺奇差,說話大大聲,粗口連連!真係好差,食物?都算OK的,不過可以再好D囉!

上星期六跟同事去呢到燒野食,先打電話來問問幾點開,他們說1點左右,不過我2點多去到野食還未拿出來,但看到都有人一直進場,等到3點多食物才由雪櫃拿出,不過同事也在那時才到,所以沒差,這裡食物不算少,該有的大都有嚕,不過蔬菜好像只有粟米跟蕃薯少嚕點,入場就有一枝水跟飲品可以拿,推介的有雞全翼,雞中翼都好好味,(我就吃不少嚕)粟米加上一大塊牛油再加蜜糖燒好讚! (雖然好肥..牛丸都好味,整體上都很不錯而且~~~ 最讚的是, 場內有泰式甜酸醬提供!所有東西沾醬吃都好好味(吃個不停我們由3點多燒到11點,當天晚上有涼茶(羅漢果),糖水(龍眼肉蓮子紅棗+雞蛋)+蕃茄+新鮮菠蘿+柑桔送送的時間還要敲的,弄到氣氛很好我們都食到一路笑一路吃好開心下次要燒野食的話還會再來這間吧

試過附近幾間燒烤場, 覺得這間算係最好.食物唔錯, 選擇都比一般場多, 又有糖水送, 服務都幾好, 值得再去~~