偉記燒烤樂園

Open Now

Now Closed

因之前見呢間bbq場d 食評幾好. 所以就同honey 試吓,我地未到13:00已經去到, 原來未開門不過d 人都好nice 俾我地入去坐同等. 之前個老闆娘仲幫我地選擇左一個唔會曬到既位. d 食物都幾好味. 同埋自助形式, 食幾多自己取, 又有蕃薯,粟米, 面包同牛油任取. 好似honey 想食全雞翼但係搵唔到. 之後個廚師仲好好人話整好之後拎俾我地. 到我燒到4點幾既時候, 個老闆娘仲好nice 咁問我地點解咁快走呀? 4:30後有糖水喎食埋先啦. 不過我地話好飽啦食唔落. 仲問我點解會知道呢間埸, 用咩途徑, 之後我就俾左之前print 個張評語佢睇. 佢仲好nice 咁話多謝我地既意見

我地一行二十幾人諗住去bbq, 見呢間野既食評幾好, 打算去試下啦, 點知... 呢間場開到夜晚2點, 由於我地11點先可以去到, 所以打電話去book位既時候就問定佢可唔可以俾我地坐多半個鐘, 有個女士話冇問題, 可以2點半先走都ok, 仲可以留個唔係露天既位俾我地tim...去之前為免有問題, 我不厭其煩打多次去confirm真係可以坐多陣, 有個哥哥聽電話, 佢話 "有人應承左你就冇問題架喇" , 咁就好喇當我地到既時候, 就冇佢所講既唔露天位置啦, 佢安置我地0係最邊沿既地方, 正正廁所出面. 不過都冇所謂啦, 冇落雨, ok啦咁我地就開始攞野食啦, 都係基本野, 款式真係唔多, 唔太吸引, 都算啦...0係1點25分既時候, 我地再出去攞野食, 點知發覺佢地已經洗緊野喇... 但我地只係攞左兩轉野食, 真係唔夠, 所以問0個度既一個哥哥仔可唔可以俾多少少我地. 個哥哥仔問我地 "你想要d咩丫?" "我地想要d扒" "好啦, 但俾少少架咋" 咁佢態度都冇問題既, 笑笑口咁, 我地都有唔該前唔該後啦.點知, 0係呢個時候有個大叔走過黎, 大大聲同個哥哥仔講 "喂, 唔洗俾咁

秋風起,同男友心血來潮兩丁友去BBQ,呢間場出面有免費泊車,岩晒我地依d揸車人...果日saturday,我地7:00pm到,大約8:00pm巳full場,假日$90位,包一枝水and一枝野飲食物方面,有一般丸類,腸類,竟然有司華力腸...驚喜雞亦,扒類...都ok,野食方面算多,味道亦唔錯~仲提供蒜蓉牛油俾你搽麵包燒添~8:30pm後每隔一陣就打鑼打鼓有凍既糖水, 涼茶和生果派, 好細心...係BBQ場少有提供既,值得一讚我住元朗,區內各個BBQ埸都去過,依間係本人心水推介元朗區最正既BBQ場

0係元朗, 想去燒下野食, 一直以黎都知呢d 任食場可以差好遠, 之前有去過龍鼓灘0個邊, 都覺得唔錯, 硬係覺得細一點既場會細心一點.... 之後有人提議黎呢間, 之前都唔知叫咩名, 但只係知大約個位...進場, 先入去望下有咩野食, 都係見到d 大路野, 不過見到都幾整齊就一試啦先講食物, 肉, 大路野, 不見特別鮮, 但總唔叫有雪味;丸, 應該唔係貴野, 同燒賣真係幾粉.......服務:其實都係自助啦, 帶位都係希口希面架啦, 反應派糖水既會感覺積極d啦清潔:可能都唔係人多, 地面, 廁所都可以接受環境:可能早到, 所以自己個位可以坐闊d, 不過d電視開左又冇聲, 不過燒野食其實又唔係為左睇電視總括而言, 如果唔係自己買野去燒0個d, 尋日既感覺0係呢一類集體場黎講已經叫不錯, 起碼食物環境都乾乾淨淨, 可以再去的

今日一行七人, 去偉記燒野食, 交通比想像中方便, 由西鐵荃灣到元朗, 都唔使二十分鐘, 跟住坐的士仲有得claim $10, 好抵呀!食物:扒類入味, 大件,又冇雪味雞翼有全翼, 中翼, 仲有三種味道選擇, 正!方飽估唔到咁軟熟, 加蒜蓉牛油, 味道一流!推介: 豬仔骨, 魷魚, 司華力腸, 必食之選食到飽飽地,仲會打鑼打鼓有冰凍糖水, 涼茶和生果, 好細心.之前D人話佢個厠所冇上蓋同燈, 但今日去佢又有喎, 可能人唔係咁多, 個厠所好乾淨, 加分.最後要提係佢地D服務態度好好, 下次會再去.PS : 記住要帶蚊怕水....白花油都OK

好想搵返D朋友出黎聚,好耐都未試過咁齊人啦最初打算自己買野去燒烤場燒,只不過非常大雨選擇去D自助任燒既燒烤場,原本去另一間既,去到佢地話9月先開返喎...頓時企左係佢門口唔知點算唯有近近地行去偉記啦!!!!可能唔識行既關係,行去偉記都行左我地十幾分鍾。佢地既椅有D DIRTY,要抹一抹先坐得..講下D食物啦,其實D野食都算幾齊,一般扒類,丸類,腸類都有,仲有我既最愛"司華力腸"扒類 - 我比較鍾意就係佢既雞翼,肉質唔"潺"之餘味道又正,應該唔係劣質肉丸類 - 一般,唔係太好,又唔會話太差...加埋佢既醬汁就可以好些少腸類 - 最正肯定司華力腸啦,燒至脆皮都唔燒焦,十分抵讚,芝士腸都好好,芝士好明顯從內喳出,一D都唔粉,都係抵讚既食物就個人而言,偉記既食物味道唔太差,可以接受,佢仲有多款醬汁供應,不過搞笑既係佢個廁所,露天的...不過廁所係無燈,所以夜晚會好黑!!!!佢仲會打鑼打鼓派糖水＆生果,好似古代火燭D人打銅鑼咁但係我地無拎到黎食環境相信同大部份既自助燒烤場一樣,唔會話好\十分豪華,岩晒一大班黎聚一聚,吹下水,傾下以前開心既事與近況。

同老公第二次去食，因為覺得佢算平，食物質素亦好好。今次再食，丸、腸、肉，差不多樣樣都保持水準，好味！值得讚既係佢有幾種醬料(茄汁、辣椒油、泰式醬)比人點食物，其中泰式醬同食物最夾，老公係一個怪人，咩都要點辣椒油來食，3點半時出過一次凍木瓜糖水，大熱天時可以食到足料又夠凍既免費糖水，真係好窩心，亦証門佢對客人有heart，再次認定佢係我地既燒烤飯堂2個人燒左3個鐘，走時經過路邊仲貪得意去摘綠化芒，有成隻手掌咁0家！仲有好香芒果味，不過就唔食得既，燒烤仲可以享受郊遊樂，真係好開心

我未燒前打去問點去，佢好有耐性教我去，仲話我知搭taxi 可以claim $10~我同班fd 燒1pm-6pm 果場，每人$78~我地搭taxi claim 到 $ 10~我地燒左好多 round 都仲食得落，但有d失望係食唔到「豬仔脾」... 好彩有我鍾意既燒賣!!!d 腸仔呀果d 都ok，扒果d都ok！我鍾意食魷魚、牛扒~最大收穫係我試到佢個「蒜蓉牛油」搽麵包，我燒到好脆，真係好好食！我未試過bbq 燒成3塊黎食！佢有好多醬架！開心死我！有我最鍾意既泰式辣醬！仲有tabasco、沙茶......露天個toliet比較乾淨，我如果下次去，會坐個蓬同露天之間果d位，舒服好多~我地食食下，佢打哂鑼，有糖水~ ha！係「雪耳木瓜」好味呀！之後，仲有舞獅tim！好熱鬧！我地6:00 pm佢有廣播，要走lu~總括黎講都ok~

今日是我姨甥孫生日.所以就第一次去偉記燒野食因為我們在露天地方燒野食 . 點知燒燒下野食落雨 . 我地問d工作人員有冇雨傘 . 他們話要等 佢地食完飯先拎俾我地 , 但佢地食完飯都無拎俾我地 . d雨便開始越落越大 . 佢地後來先開始拎太陽傘出來俾客人用.但係d太陽傘數目係唔夠個燒烤場咁多人客用o既~o~ 開得咁大間露天燒烤場 . 竟然無咁多太陽傘供應俾客人用之後我地差不多20人只係有3把太陽傘用.都唔知遮得食物 or 遮到人~o~仲係要我地走去好似d難民咁去搶先至拎到3把太陽傘 . 我見有d客都無得拎tim~o~另外D野食就真係麻麻地 . 雖然都幾多野食揀 . 但D味道就唔夠味和唔夠色 . 尤其牛扖.好似燒黎燒去都唔熟咁~O~~O~廁所又無燈黑漆漆 . 又露天. 個頂無野遮 . 我要拎住把傘先去到廁所~O~如果俾我有得揀 . 我下次一定唔會再去偉記燒野食 服務態度差到死 . 設施又唔夠 . 食物又唔好味

最近一直她想BBQ,但又怕自己整野食,最後看完網評來左偉記~地點都可以呀,因為主要坐的士出入,$20一程,第一程的收據仲可以入場時claim返$10,抵讚~場大,位唔會太逼,有露天也有入面,因為不近樹木lucky的沒有喂蚊.只係那天D椅子有夠"乾淨",黑黑的我們都自己洗一洗才坐~正式開始燒,食物由比較貴的司華力腸,豬仔脾,豬頸肉,到比較大路的豬,牛扒,丸,燒賣,面包都全備好,總點係味道唔錯,腸同丸食得出不是平貨,因為又香又唔會一口粉,肉夠味不老又不過咸,加上醬料頗多(蜜糖,chili sause, Tomato sause, Garlic butter, satay sause)多燒幾次都唔會悶~一直期待大家說送的糖水,那晚是清補涼,雖然一開始覺得怪怪的,飲落原來好得,夠凍又清甜!再之後第2次是派蘋果仔,都好甜,第3次的涼茶我便沒有拿了~整體而言$88十分合理,可以任食又玩得耐又咩都唔駛準備,所以如果唔趕時間唔怕坐車倒是值得推薦

之前去過好幾個場, 對任食燒烤食物的質數都無會抱太大期望! 昨晚一行9人到偉記, 真係另有一番感覺! 打電話訂位時已經覺得佢地d 人好有禮貌. BOOK 咗6點正, 我地準時到達, 個場唔係好多人, 幾位服務人員都好有禮貌問我地鍾意坐露天定室內, 又問我地PREFER 睇邊個台! 個場好企理, D 爐位唔迫.到講下D 食物:必食!!!牛扒 - 入味, SIZE 剛剛好, 唔會太大或太細, 好易义豬扒 - 厚薄適中, 調味好, 唔硬 雞翼 (有全翼, 有中翼) 仲有幾隻味炸龍蝦丸, 墨魚丸其他選擇:仲有鮮魷, 士華力腸, 芝士腸, 多春魚, 各式丸, 魚片頭.蔬果類只得栗米及蕃薯, 不過蕃薯超好味!!! 餐具供應充足, 用膠碟鋼义夠環保! 膠手套, 蒜蓉牛油, 蜜糖都係無限量供應!$88 包一支水, 一支飲品 (飲品選擇多! 有鑵裝有樽裝)整體黎講真係對任食燒烤有開心新體驗!

$88分2段....好似中午至5:30pm 及 6:00pm~零晨 (包一水+汽水)之前睇左open rice~我地在千色坐的士入,坐了約$18~keep單可向偉記取會$10~出來時無咩的士,又多人等的士, 所以行出去...行左約20分鐘呀食物都係一般野~好普通.....無咩特式...味道都係一般最差是d牛油...好可怕...好似屎咁...有個大筒放在係麵包側邊要自己取碟裝~ 特別野食....會在唔知咩時候突然打噹噹...叫人去排隊攞野食...例如: 當晚有 生果, 涼荼, 糖水, 每次一種~~無試過所以唔知~~不過分野那個人好好,係咁sale野, 又作句子~有麻雀打 $200~之後比番麻雀佢會比番$100你~ 有個投射大電視~睇踢足球會好正 ~d椅子任坐,地方都大~ 仲有免費泊車d炭應該是計人數而比的...我地那天大約20人,佢地放左好似4~5包比我地, 都用唔完....好似唔夠用是要$15 or$13包炭最唔開心是佢地d工作人員好惡...好黑社會feel, 我地有打去booking,但不知可撰位置, 當天去到佢地比露天, 之後有朋友怕下雨話想轉入去

燒烤癮長時間發作，卻又一直約不到大伙兒，今次就來個二人燒烤夜。地方似係有點隔涉，但其實沿著千色廣場走入去都幾易搵到，路程只需十多分鐘。一來到，d人雖然唔係笑曬咁口，但總算唔似大部分既燒烤場咁黑口黑面，同埋可以俾人揀位坐，服務算係咁啦。食物選擇都幾多，因應時間(我出過去拎3次野)由十多至近三十款。除了大眾化既扒類丸類腸類，仲有燒賣、豆卜、雞腎……大部分都幾好味，除左一款三角形既魚蛋，已經酸縮臭。當中有款絕對要試既就係蒜蓉牛油包，佢特製既蒜蓉牛油真係無得頂，係我咁耐以黎，食過最滿意既蒜蓉牛油包!!絕對會為左佢而再入黎。另外，到某一時間會有人打鑼打鼓，派糖水、生果同涼茶。我地呢晚有白果腐竹糖水(甜左d，但同出面糖水舖有得揮)、蜜棗(很清甜新鮮，拎完一次又一次)同埋五花茶(少糖夠健康，肯定係自家製)次次都係朋友仔出去排，佢話有d似輪米的感覺wor，ha。

前日同fd飛的到,因為好搵自己行入去.位位$80,包兩支飲品新年黎講算係咁有30幾款野食,咁ge價錢吾挑剔好開心有蕃薯(包哂錫紙),粟米同埋面包提供,仲要係"算容"牛油,一開波就整左幾片食 very nice而且有糖水,涼茶提供,不過係分段好搞野.佢地打哂鼓咁宣佈^^最抵讚就係d紅豆沙一d都吾欺場仲好過某d糖水鋪d紅豆大大粒,吾會太甜岩哂我鐘意太租ge我咁ge價錢制得過呀ps"服務幾好.我地食完糖水問幾時再黎佢地吾係答完就算.仲話俾d水果我地要住先..同埋我搵吾到牛油,佢地又大大盤咁幫我般過黎.好nice ^^

上星期六原本想去西鐵燒烤場(之前去過都ok既, 加上貪佢地點方便), 點知佢宜家裝修緊… 咪係open rice睇下有咩既替代品, 錯有錯著去左偉記… 點知好有驚喜!!!我覺得呢度d野食都幾好, 款式&選擇都幾多, 丸有起碼有6款, 款款都唔錯, 爽口彈牙, 唔似得有d地方既丸既肉質腍同霉~ 腸都有4-5款, 仲有燒賣, 豆卜, 粟米, 麵包… 肉類都係大路果d, 醃得唔錯~ 豬頸肉好味, 雞翼都唔錯…最搞野既係燒燒下野食, 冇啦啦有條人出黎打鑼打鼓, 宜~ 仲有額外野食供應??... 呢晚出場次數: 3次, 有木瓜雪耳糖水(本來冇唸過食, 以為會好甜, 點知又幾好味喎, 唔係太甜, 啱啱好~), 羅漢果涼茶(呢個都好味, 微甘), 同埋桔仔(不過我地冇拎到, 所以唔知好唔好) 去BBQ, 點會唸到有d咁特別既事發生先得家, 所以係毫無心理準備之下有d咁既食物同服務比你, 而水準又OK既, 算好好家啦, 值得推介人地黎…不過佢唔好既地方係超難搵+路牌好唔清晰!!! 我地6個人兩架車先後到場都盪失路, 大家都去錯另外一間"歡天喜地"… 呢個場既位置又好搞野家喎~ 係上公路冇啦啦一個燈牌寫