SOYmart by 豆乳狂人

Open Now

Now Closed

一直我都超喜歡💕「豆乳狂人」，它是一間創意又有水準的小食店，將傳統豆漿同其他元素結合，做出不同創新口味豆乳飲品或甜品🍮，使我愛不釋手！今日來樂富行街都見到它呀！狂人粢飯有款是牛油果🥑鰻魚玉子粢飯！外層軟糯糯米飯，包裹著鮮味牛油果🥑嫩滑鰻魚，還夾雜脆卜卜油炸鬼、榨菜同肉鬆，極惹味！Mini豆卜即叫即做，新鮮熱辣，咬下是內裡軟綿炸豆腐甜點更是我最愛： 桃膠系列的黑糖3.6桃膠 實在是豐富桃膠，桃膠浸有奶味香濃的糖水滋味養顏！

無黑糖既黑糖桃膠豆花真心無野講店員就咁比左我我都知自己衰架啦自己無檢查但無諗過寫到明黑糖桃膠豆花都可以無黑糖姐唯有當比錢買教訓利申食到一半先發現無黑糖！直接睇圖

諗住假期留港消費，食完飯去買個甜品豆乳狂人曾經去沙田店食好好味買左和風白玉，豆花同芝士雞軟骨點知雞軟骨硬過骨頭，豆腐花變一pat pat豆腐漿咁真心想知點講水準下降成咁😿😿老闆真係要諗諗佢

係樂富晏就唔知食咩好，誤打誤撞見呢間「豆乳狂人」冇咩人，啲位又坐得舒適就諗住試試佢🤓餐廳係採用自助形式，我哋首先要喺門口收銀位買好食咩💰再入去揀位坐🪑食物準備好店員就會叫我哋去攞👀狂人粢飯 $32粢飯全部都係即叫即包🤲🏻所以拎到個時仲係暖嘅♨️趁佢暖笠笠食最正🤤原味粢飯先係最OG，入面有肉鬆、榨菜、油炸鬼，出面嘅糯米飯好軟熟，啲餡料多到滿瀉出嚟，肉鬆鹹鹹甜甜，榨菜鹹香而且口感脆嫩，油炸鬼脆卜卜🤤每一啖口感都好豐富，搵返我中學時期嘅味道🥰💕吉列豬扒粢蛋飯 $45餐廳除左有原味粢飯，仲新創咗啲新口味，啱哂追求新鮮感嘅香港人👀粢飯依然有肉鬆、榨菜呢啲傳統陷料，但就加多左吉列豬扒🐷同玉子，吉列豬扒面頭炸得好脆😚不過如果一啖咬哂成個秶飯，我就覺得豬扒嘅味道俾啲肉鬆同榨菜搶咗🤥反而玉子就食到甜味，原來傳統糅合創新個味道會咁夾，唔怪得吸引咗咁多人嚟食🤩酥炸雞軟骨 $38佢個炸粉幾好食，出面佈滿椒鹽，好惹味😋雞軟骨有咬口，仲要都幾大兜，食極都仲有，啱哂一邊傾偈一邊慢慢食💬鮮芋泥豆乳 $32食粢飯點可以唔配豆漿，我就試咗佢哋嘅招牌推介，佢啲芋泥真係冇同你講笑💜份量超多，而且好厚實同綿密，鍾意食芋泥嘅你嚟到

🌟呢間主打豆乳嘅甜品店，之前都已食過幾次，除左甜品，仲有小食同粢飯都好吸引呢！🧡雪雪桃膠豆乳 $56呢款好啱秋冬天飲，有雪燕、木瓜、雪耳、桃膠、桂圓、冰糖、小丸子同豆乳，好滋潤！💛奶蓋豆乳茶 $45之前都試過呢款，今次再encore，有豆乳布甸+珍珠＋西米+烏龍茶&豆乳＋奶蓋＋黃豆粉+白玉，豆乳布甸好香滑，仲有奶蓋好香，好好味，另外配埋黃豆粉+白玉，煙煙韌韌，正呀！🍉夏日之選$60賣相好豐富好多料，仲係粉紅色，充滿少女心，除左有西瓜、芒果、芋圓、西米同豆花，口感豐富又好味！🥑牛油果鰻魚玉子粢飯 $55粢飯以糯米，配上肉鬆、青瓜絲、鰻魚汁、油炸鬼、玉子、牛油果、鰻魚，餡料好豐富！呢個配搭仲好啱我口味，份量十足，好飽肚！🐣地道避風塘炸脆雞 $36雞翼炸得好香脆，而且配上避風塘風味，香辣又惹味🤗

之前係荃灣試過呢間主打豆乳既甜品店，前排行街見原來有分店當然要試下，佢地可以堂食亦可以外賣，今次試左幾款味道唔錯又足料! 豆乳茶：焙茶珍珠小丸子 $42用左日本焙茶加入牛乳、珍珠、小丸子製成，值得一讚焙茶味道香澴，配上煙韌珍珠同小丸子口感更豐富，味道不會太甜 多芒系列：多芒小丸子 $48多芒仙草 $45身為芒果控當然要試下! 面頭真係鋪滿香甜芒果，小丸子果款入面有西米，食落較飽肚仙草口味更清爽，兩款都好食 ▶️新品：芒西豆花 $55天氣熱可以try呢個，用左芒果同西瓜好fresh，豆花豆味香濃，入口滑溜溜雪雪木瓜燉桃膠 $68冬日養顏之選，入面加左雪燕、木瓜、桃膠、雪耳、桂圓、冰糖，口感豐富，可熱食也可冷食，好足料

🍡狂人炸芋圓 $45呢一個份量真係超級驚人!🤩呢個迷你三色芋圓外層炸到微脆，能夠保留到芋圓嘅煙靭口感，配上三款唔同嘅醬醬：黃豆粉、煉奶同奶蓋，真係食到一粒接一粒😋🍨多芒小丸子 $48本身諗住芒果唔係當做，唔係好期待嘅。但係出乎意料芒果又非常鮮甜，而且入邊加左好多西米同芒果🥭小丸子🍡唔會又硬又實，有咬口得嚟又唔會咬極都咬唔開，又幾好食😚🥑牛油果鰻魚玉子栥飯 $55 呢個栥飯入邊有牛油果🥑鰻魚玉子肉鬆同埋油炸鬼🫔栥飯本身已經比較飽肚，加埋咁多唔同嘅材料，小編建議兩個人分享會更加好🫣🫣傳統涵料結合埋創意新涵料，味道估唔到又非常之夾，而且極有口感，味道又好豐富🥰。推薦俾大家呀😆⛱️夏日之選 $60雖然入咗11月，但係天氣仍然都幾熱下，所以就叫咗個夏日之選，希望身心都可以涼快少少😂😂小編其實貪佢入邊有西瓜，消暑解渴🍉😂芒果同西瓜嘅味道👅非常之夾，而且非常足料🍉勁多生果🥭🍉🥭🍉🥭🍉

自從食過一次豆乳狂人覺得驚為天人好好食，耐唔耐都會幫襯下，佢啲濃郁豆乳同多料甜品真係好jeng🤤💓多芒楊枝甘露 $48楊枝甘露係我top 3喜愛甜品😀佢超級超級多料，𢳂起啖啖都係好甜大粒嘅芒果肉，西米同西柚，加上芒果椰汁，大滿足😆🥭粢飯 $32鹹食都有驚喜😗粢飯入面嘅油炸鬼仲係脆嘅，入面好多肉鬆同榨菜，糯米煙韌有咬口，食半個已經飽咗😬Mini豆卜 $28估唔到佢份量咁多，一啖一粒脆卜卜，加埋啲椒鹽調味粉食好好味😋西瓜豆乳 $48試新產品🍉飲落係滿滿嘅西瓜味>豆乳味，我幾鐘意，入面仲有西米同豆花，初嘗覺得西瓜同豆乳係幾夾嘅，可試🤓仙草豆乳 $28輕豆乳 $22仲要咗兩個豆乳做早餐☀️原味豆乳無糖健康，入口順滑，配我最鐘意嘅仙草都不錯🥸

本身好鍾意豆乳狂人的豆乳系列今次同朋友去左樂富分店餐廳設有堂食，仲有好多打卡位ꔐ芒西豆花（$55）上面堆滿芒果同西瓜，下面係豆乳同豆花豆花唔會好甜，好香濃豆香，ꔐ咖啡奶蓋豆乳（$42）咖啡同豆乳原來咁match，咖啡亦令豆香更明顯裡面豆乳布丁份量都好多，而甜度唔高，可以好好享受咖啡香同豆香ꔐ黑芝麻豆乳（$42）層次一黑一白超靚·上面是黑芝麻奶蓋下面是豆乳同豆乳布丁，底部還有珍珠芝麻撞上豆香，豆乳味好濃，但又唔會蓋過芝麻香而珍珠煙煙韌韌，口感好豐富ꔐ牛油果吉列蝦青瓜絲粢飯（$52）第一次試佢地粢飯，拎上手暖笠笠裡面有吉列蝦、蛋、油炸鬼同超多肉鬆粢飯軟糯口感，配上香脆吉列蝦，食落層次係好食又飽肚嘅粢飯！

經過成日見到人哋買飲品同埋糖水外賣，今日見到冇咩人就堂食試吓，真係超級好味，粢飯好足料，糖水都大大杯，其實一個粢飯兩份share再一人叫一杯飲品都好夠啊，我哋食咗四樣嘢飽到上心口啊！同埋坐得舒服，可以同朋友食個糖水傾吓偈❤️🍡超煙靭豆花 $42豆腐花好滑，上層有奶蓋勁正，奶蓋好香濃！仲有小丸子，芋圓同珍珠，口感好豐富，大大杯兩個人share都冇問題，我哋食完仲買咗個外賣俾屋企人食😍😍🍹奶蓋西瓜波波豆乳 $60呢個超級有驚喜，表面有奶蓋同埋豆乳，中間係新鮮打嘅西瓜汁，西瓜蓉嫁，最底係黑糖珍珠，西瓜同豆乳係好夾！仲有兩粒大大嘅西瓜好甜好好食🐷吉列豬扒粢飯 $45個粢飯超大個仲要好足料，影完相入邊嘅油炸鬼都仲係超級脆，吉列豬扒炸得好香脆，配埋玉子同埋菜脯非常之有口感！🐟牛油果鰻魚玉子粢飯 $55粢飯入邊有好大塊鰻魚，鰻魚醬汁好好味，呢兩款粢飯都好出色，仲有另外兩款粢飯下次再食

其實之前一直想試 {豆乳狂人}、今次因為經開樂富所以去試吓！我本身好鍾意食豆乳製品 、而這裏有好多款豆乳及甜品選擇、每一款都好吸引😍桃膠芋泥小丸子: 小丸子口感好QQ, 芋泥亦好香滑超綿，配上滿滿的爽滑桃膠、口感層次豐富💕個人超級喜歡吃這個🩷西瓜🍉豆乳：淡淡的豆香氣味配上清甜西瓜味，感覺好清新、原來味道可以係甘夾的！特濃可可豆乳：濃濃的豆味加上可可味、口感十分濃郁、感覺營養十足🌟雪雪木瓜燉桃膠: 有雪燕、木瓜、桃膠、桂圓、雪耳等等……這個甜品超足料、味道香甜、食完好滋潤及養顏👍🏻而家天氣飲就最啱😋吉列豬扒粢蛋飯： 粢飯入面有好多料，豬扒、肉鬆、蛋、榨菜及油炸鬼！吉列豬扒口感脆脆、加上鹹香肉鬆，層次豐富🩷鹹蛋黄炸雞翼:，雞翼炸到好脆口、外脆內軟，加埋鹹蛋黃，真的超級邪惡😍期待下次再去、因為超愛這家豆乳同粢飯、我仲有好多其他食物同豆乳想試吓👅

主打不同創新口味嘅豆乳🥛豆乳茶同豆花款款都吸引🥹而最重點係佢哋嘅豆乳口感好rich，飲完超有滿足感👍🏽🎈鮮芋泥豆乳 $32個人No.1最愛，綿滑芋泥加濃郁豆乳，享受豆香之餘有粒粒芋泥，質感順滑，十分推介😚🎈黑白芝麻豆乳 $30香濃黑芝麻加上豆乳，甜度適中，芝麻香唔會搶晒fo，比例調配得好好✨🎈7‘’特濃豆乳原味豆乳分為輕豆乳同特濃豆乳個人就鍾意口感濃郁嘅特濃豆乳☺️豆香味濃，夠晒真材實料🥛🎈芒西豆花甜味嘅來源係清甜西瓜🍉同香甜芒果🥭加上奶蓋嘅鹹香作點綴，滿足甜品癮之餘唔會好heavy😚🎈木瓜雪雪豆花 $56暖笠笠又滋潤嘅秋冬甜品🥰以雪燕、木瓜、雪耳、桃膠、桂圓配豆花，以冰糖調味，味道清甜而且用料十足✨🎈黑白芝麻豆花滑嫩豆花配黑白芝麻，芝麻糊口感香滑味道濃郁，食完一碗超有滿足感🫶🏽🎈狂人粢飯配料有油炸鬼、肉鬆、炸菜，糯米煙煙韌韌而油炸鬼夠香脆，一軟一硬嘅配搭，加上鹹香肉鬆，層次豐富🥰

一直都超愛豆製品，所以這家真的是很適合，豆味超濃，而且款式超多，每次都會和朋友點不同的款式吃。桃膠芋泥小丸子芋泥超多超綿，然後再加滿滿的桃膠和煙韌的小丸子，是很飽肚的一個甜品。不過我一般喜歡再加牛奶吃，變成糖水也不錯！芒西豆花這家豆花比平常豆花更杰更濃稠，中間夾了很多芒果肉和西瓜肉，然後面頭還有奶蓋，奶味加上豆味，第一次吃到這樣的豆花，很特別。雪雪桃膠豆乳裏面有雪燕、木瓜、雪耳、桃膠、桂圓和小丸子，是樂富店限定的秋冬之選，超滋潤又不會太甜，到了冬天熱食應該更正！黑糖紫米豆乳一定要試他們的豆乳試，特別濃豆味，配料又多，而且這種小瓶子很可愛。其實他們還有咸食，這次點了栥飯和避風塘雞翼，都在預期之內，不過這栥飯餡料比平時吃到的多，很飽肚的一個選擇，我都是和朋友分享一起吃。

SOYmart by 豆乳狂人，一路都好喜歡呢間豆品鋪，豆乳較香濃及足料，亦多款口味選擇，大愛大愛🥰豆乳狂人主打主打新派港式糖水，大大碗非常足料，以巨型筒裝盛起各款配料，如豆腐花、仙草、紫薯、芋泥、芒果等🥳店鋪有超過70款糖水和豆乳飲品選擇，共有8個種類：7.6特濃豆乳、豆乳奶蓋系列、豆乳茶系列、桃膠系列、鮮芋泥系列、狂人豆花、多芒系列、三色芋圓。此外，還有小食和栥飯系列，一樣高質！豆乳及豆花都係我最愛，每次經過都要買，亦有多間分店，非常方便😋

🫘豆系甜品嘉年華🫘-立秋到而家 天氣冇咁翳焗 日間温度依然高企 攪到我成日心思思 揾甜品食☺️-🍉夏日之選 $60夏日水果嘅代表 當然係西瓜🍉 不妨捉住夏天尾巴 食呢個甜品 三色芋圓同芒果🥭 紅白黃紫多個顏色撞埋一齊好靚 勁有夏日繽紛水果嘉年華feel 🎠🎡🥳-🥑牛油果鰻魚玉子粢飯 $55食粢飯加甜品 做brunch抑或當tea break 同樣合適 牛油果口感滑溜溜 同鰻魚玉子係絕妙配搭 粢飯軟糯耐嚼 不過要趁熱食-❄️雪雪桃膠豆乳 $56齋望價錢 覺得呢個甜品貴咗啲 原來除咗矜貴雪燕 仲有木瓜/雪耳/桃膠/桂圓 材料幾豐富😙 味道少甜清潤 木瓜香甜 燕窩桃膠養顏 買嚟孝敬老媽子 唔駛佢揀燕窩碎 又浸又燉咁麻煩-🌿仙草豆腐花 $28細細個成日食涼粉 我對仙草 有講唔出嘅情意結 啖啖透心涼🥶 豆花滑嘟嘟 比坊間嘅更有質感 豆味更濃郁-📍SOYmart by 豆乳狂人樂富聯合道198號樂富廣場 ZoneA 1樓 1168-1170號舖