武士拉麵 (Closed)

記憶中武士拉麵都開咗好多年，時常係食飽咗嘅狀態下經過，今日終於係空肚路經，凍凍地食碗拉麵暖暖肚。裏面店面好細，一行長枱，面對老闆煮麵。老闆話原本佢只供應三款拉麵，後來因為客人需求就一口氣加夠10款。我哋挑選左元組級嘅1號同2號。德川將軍拉麵說是醬油豬骨底，入口最突出嘅卻是魚介味，比起一般醬油底添加了鮮香老闆話我呢款拉麵可以添加佢哋嘅魚油果真香氣倍增！豊神將軍拉麵男朋友熱愛食蔥，所以揀咗呢款拉麵蔥香十足，呢款就冇咁建議加上魚油以免搶去蔥油嘅香味。加點了餃子飽滿香口，喜歡！店面小小，老闆十分親切，全場也在跟客人說笑談天，感覺溫暖。

美食博士今次帶大家食正宗拉麵🍜豊神將軍拉麵 $98🍜足利將軍拉麵 $98豊神係四国香蔥油湯底，足利係黑蒜油豬骨湯底，兩個拉麵啲肉都夠多夠大塊。就咁食味道都唔錯，唔會話好鹹，不過另外加埋啲黑胡椒，發覺更加惹味，至於啲麵質都算幾彈牙。老闆仲俾咗餃子🥟我哋食，佢好好客，有講有笑。環境同傳統拉麵店差不多，有張小橫枱，門口有張將軍嘅壁畫幾出眾。不過講真地點雖然係尖沙咀，但其實有啲吊腳。📍武士拉麵 - 尖沙咀柯士甸大廈地下

武士拉麵既店鋪外面裝修比較低調，入到去店鋪細小的，全部座位都係bar枱位置，但換黎既就係同老闆同員工既距離好近，整個晚餐過程都好有人情味，即使第一次黎食，入到黎都會感受到好親切既感覺😆拉麵口味都好多選擇，每種麵都幫佢地起左個名😆點左兩個老闆推介既拉麵德川將軍拉麵呢個係醬油魚介豬骨湯底，魚介味道好鮮，唔覺得咸溏心蛋仍然流黃😎 同埋好鍾意佢啲拉麵口感好有韌度！唔會煮到好淋好濟足利將軍拉麵呢個係黑蒜油豬骨湯底，對於熱愛黑蒜既我岩曬口味，神奇地食完又唔會口渴！平時食其他地方拉麵會覺得味精好重要係咁飲水，呢次無呢種感覺～日式煎餃子雖然餃子已經煎到金黃色，有少少焦邊，但咬落口感仍然有水份，而且皮薄多肉

我和朋友偶爾也會到這邊吃晚飯，這裡遠離大商場，卻有很多小店選擇，這天天氣開始轉冷，但又穿不夠衣服，我們就決定來這間拉麵店取取暖。一進餐廳，看見餐廳佈置都很有日本特色，我們坐下後就看餐牌及點菜，這裡的拉麵有約十款湯底選擇，湯底濃淡度，麵條粗幼度以及麵質軟硬度亦可自由選擇，非常貼心，我們因為第一次來，所以全都選了適中。我點的是四國香蔥油拉麵 ($98)這一款感覺在拉麵店比較少見，好奇心之下我就點了這碗。從小時候吃碗雲吞麵都要走蔥的我，如今長大了已經愛上了香蔥的氣味。這拉麵真的很多蔥，非常吸引，而且蔥香的味道，和豬骨湯真的很配襯。這湯底一點都不油膩，正合我心意。至於叉燒有兩塊，面頭有燒過，非常香口，肥瘦適中，而且很柔軟。而拉麵麵質我也很喜歡，軟硬度適中，而且富有彈性。溏心蛋很漂亮，流心的感覺剛剛好，非常美味。朋友點的是黑蒜油豬骨湯拉麵 ($98)其實我原本也很想點這款，因為我本身很喜歡吃蒜，所以朋友這碗拉麵來了我馬上試一試湯底，黑蒜蒜香味非常濃郁，真材實料，喜歡蒜的朋友不可以錯過。而這碗拉麵有木耳絲增加口感。日式煎餃子 ($30)一共有五隻，肉味鮮甜，配有蔬菜非常豐富，而且皮煎很香口。由於今

之前試過九龍灣嘅武士拉麵，知道尖沙咀有一間，所以特登過嚟試吓。舖頭細細，只得八個座位左右，但好有日本舊式拉麵店風味！座位前面有很多醬料，不過我鍾意食原汁原味，所以冇試度。我叫左…..豊臣將軍拉麵：湯頭味道唔會太濃，雖然加入左香蔥油，但唔會太油膩，啱啱好，大量嘅蔥粒令到整碗麵好清新，幼麵軟硬適中，爽口，還有半隻溏心蛋，入味！叉燒肥瘦適中友人叫左…..德川將軍拉麵：醬油豬骨湯底比較濃，配上木耳，口感好爽！

今次同男朋友嚟到呢一間武士拉麵食飯，嚟到呢間拉麵餐廳除咗俾佢嘅裝修佈置吸引之外，亦都俾佢嘅Menu吸引咗。因為Menu嘅菜式全部都係用一啲日本戰國武士嘅名來命名，令到成個環境呢都充滿着日本嘅氛圍。最後男朋友揀咗豐神將軍拉麵（即四國香蔥油湯底)，而我就揀咗足利將軍拉麵（即黑蒜油豬骨湯底），追加左半熟玉子。先講豐神將軍拉麵,拉麵湯底充滿濃郁嘅香蔥油味道，加上加咗大量嘅新蒽喺上面，令到成個拉麵嘅味道非常香濃，令人食慾大增。拉麵嘅硬度適中，而且叉燒口感良好亦有足夠嘅脂肪，非常好味。而半熟玉子亦做到流心效果。而足利將軍拉麵，拉麵嘅湯底加左大量黑蒜油，有濃郁嘅黑蒜油味道之餘亦有香濃嘅豬骨湯味。拉麵嘅硬度適中而且叉燒味道很好，夠淋且入味。而木耳和紫菜這些配料亦相當好味和夠份量食咗兩碗咁好味嘅拉麵男朋友覺得唔夠喉，最後追加左一客日式煎餃子。煎餃子嘅質素幾好，餃子嘅皮煎得非常香脆，餡料味道好，係日本風味嘅餃子。

佐敦與尖沙咀中間連帶的柯士甸道，成條街以韓國食肆居多。因此選擇種類類不希望千遍一律，星期一普遍都是上班下班族吃飯地方，並沒有星期五那樣熱鬧。同學住美麗華，伴隨她沿著諾士佛臺一路走下，直至走進一間拉麵，名字叫武士拉麵。入屋環境好似日本某個小巷街頭，而負責人也是熱情三言兩語好似鄰家的大哥哥感覺。餐牌參照了日本戰國武將名字，有豐臣，真田等等。想起來應該玩上一場戰國無雙😂佐料方面，在等拉麵期間就留意，有特別調製的魚油，辣椒油等等。|黑蒜油豬骨湯拉麵^黑油即黑麻油，又是黑蒜油，由大蒜和麻油先後炸製成。蒜色澤會愈炸愈濃，直至黑色，因此，一碗黑蒜油拉麵成本居高。最近好多藥膳雞湯都採取黑蒜以及藥材調製，黑蒜相對黎講抗氧抗酸，對女人尤其顯著。今次選擇黑蒜，純粹是因為喜歡的黑蒜。豬骨湯濃郁飄香，一口落去又不會過鹹。|四國香蔥油拉麵^這一款是店裡最多人叫的，也許是因為它蔥香的味道，陪襯豬骨湯確實是清香。碎末般蔥花鋪在麵上面。所有拉麵的招牌都是這一塊叉燒，脂肪都有本身油香味道而不膩。而拉麵麵身的質感也不錯，韌有彈性。只可惜如果加上一些清酒，我也許會在流連忘返。

位於尖沙嘴韓國街嘅武士拉麵✨裝潢極具日本傳統拉麵店風格🎏拉麵共有十款湯底任君選擇🥢大部份都以將軍名命名👀湯底濃淡度👉🏻麵條粗幼度👉🏻同麵質軟硬度亦可由食客自行決定👧🏻相當貼心💕餐廳老闆熱情親切👨🏻‍🍳仲同我哋分享製作拉麵嘅心得🥰話湯底係日本拉麵嘅靈魂所在🇯🇵所以對湯底嘅要求特別嚴謹😮每日會用上大量豬骨煲8至10個鐘🐷期間不斷攪拌逼出肉汁👏🏻再混合三種魚乾同蔬菜🐟增添味道層次同減低油膩感🤠可見製作絕不馬虎🙆🏻‍♀️質素亦有一定保證🎀🔸豐臣將軍拉麵（$98）➿四國香蔥油湯底豐臣將軍拉麵由四種不同日本蔥煮成🌱入口含濃郁蔥油香💃🏼配料有兩大塊叉燒🐖半隻溏心蛋🥚紫菜同木耳絲👂🏻拉麵口感爽滑🍜每條都沾滿湯底嘅精華😋絕對係一碗色香味俱全嘅拉麵💥🔸足利將軍拉麵（$98）➿黑蒜油豬骨湯底未上枱已聞到香氣撲鼻嘅黑蒜味☺️豬骨湯底濃而不膩🐽配料一樣有兩大塊肥瘦均勻嘅叉燒💁🏻‍♀️混合醬油炆💫煲5個鐘🔥再用火槍燒出多餘油脂🔫食落肉味濃郁😺而且肉汁豐富🌟入口即溶💋加少少自家製招牌魚油🐠味道更上一層樓👍🏻值得一試🥳

沿柯士甸路步行，附近都有好多食肆，近嘉華大廈與柯士甸大廈有間超隱世拉麵館 「武士拉麵」， 看見門面有點特別我們心大心細，最後都是決定食碗拉麵試試，於是便推門進去。店裡不算大卻有一種走進日本小店似的感覺，環境潔淨舒服的，店長用了親切友善笑容歡迎我們。🥢德川將軍拉麵 $88這碗將軍拉麵是用醬油魚介豬骨湯底熬製，聽店長介紹是用了三種魚煮足八小時，期間加入蔬菜有助吸油口感不會油膩，果然入口濃郁又不感膩。😋再講二件大大片自家製叉燒，用了四小時炆煮，再用火槍迫走多餘油份，入口感覺甘香肥美軟腍一點渣都沒有，世界級好食。👍到拉麵時間控制剛好不軟不硬，湯汁掛麵食出麵香滋味無窮。木耳份量頗多爽口彈牙，糖心蛋超有水準，蛋黃色澤金黃且流心美味之極。🤣真心從未試過食拉麵連湯底都喝清🤣🤣🤣勁👍🥢豊臣將軍拉麵 $98閨密的豊臣將軍拉麵，湯頭是用四國香蔥油做成，這款湯底清鮮可口，與我碗魚介湯兩者各有千秋，喜歡食蔥的必試蔥香四溢同樣滋味難忘。記得加點特製魚油又有另一番味道。原來店長就是廚師，他推介我們試試他們自家特製辣椒油同黑椒油，嘩😍😍果然味道獨特，香口惹味一點都不辣最適合我。👍👍🥢日式煎餃子 $30煎得金黃且油份不

記得之前食過它的坂上將軍拉麵（ 蕃茄豬骨湯底）， 對它的獨特甜酸湯底念念不忘， 而且較少有日本拉麵舖供應自家製辣椒油， 而且非常香口惹味， 整體體驗給我一種發掘到隱世美食的感覺! 今次來到山林道附近工作所以立即相約朋友再食， 但原來之前她也吃過， 而且同樣留下不錯印象， 再次證明美味是不受店鋪大細和地區影響的。今次即管試試我另一款喜歡的味道， 辣味， 所以叫了九州地獄（ 辛辣地獄拉麵）， 而朋友因為沒太好胃口所以叫了北條將軍（ 番茄胡麻冷麵）。九州地獄（ 辛辣地獄拉麵）店員已事先告知他們的地獄拉麵是比較跟日本傳統的， 所以不會勁辣， 但會勁香。 的而且確賣相雖然辛辣， 但入口第一觀感反而是集中在辣椒的香氣， 除了貫徹味蕾， 鼻腔同樣充滿享受的香氣， 而辣度只有微辣， 所以我不吃辣的朋友異常的喜歡， 胃口也開了。 選了比較掛湯的幼身拉麵， 叉燒厚身但軟淋， 肥瘦亦都適中。 再次得到我自己內心認證是食高質拉麵的好地方。北條將軍（ 番茄胡麻冷麵）明明是拉麵店 ，但我朋友反其道的叫了冷麵， 當然 被我冷眼。 結果我的質疑被它的美味完全征服， 醬汁除了估計到的日本芝麻醬外， 相信亦加了不少餐廳自

早排有朋友去咗尖沙咀見客，咁就順便約岀嚟食晏。我哋兩個都鍾意食拉麵，所以就決定帶佢去試一試武士拉麵。武士拉麵間店鋪唔大，大約得十個坐位左右，不過就有種去咗日本嗰啲小店嘅感覺，好適合一個人自己享受或者兩個人一齊傾吓偈食飯。餐牌有五款麵可以選擇，另外仲有炸雞、章魚燒同餃子等等嘅小食。我嗌咗碗「豐臣將軍拉麵」，即係四國香蔥油湯底拉麵，入口濃郁嘅蔥油香，配料有兩大塊叉燒、紙菜同埋半隻糖心蛋，鍾意蔥嘅朋友一定啱。小食方面我哋嗌咗碟餃子，老闆見我哋兩個人就話送多隻餃子比我哋，一人三隻，餃子煎得啱啱好，唔會好乾身，點埋酸酸哋嘅醬汁幾好食。老闆非常熱情，會同食客吹水，仲同我哋講咗佢以前喺岀面做廚房嘅事跡。如果你有興趣嚟試武士拉麵我建議你趁早去試，老闆有提及之前開嘅兩間分店都因為肺炎嘅關係結業，得返尖沙咀一間繼續營業，老闆話都唔知會做到幾時，可能做多大半年就唔做。咁有人情味嘅小店真係越來越難揾到，希望武士拉麵可以捱過疫情，等多啲人可以接觸到呢間隱世拉麵店。

果日同朋友相約放工後去食拉麵一落到tst就落狗屎幾經辛苦終於黎到武士拉麵其實黎呢度食 我地都係openrice度搵見佢d拉麵係用日本將軍名黎命名 覺得幾有趣就黎試試我同朋友睇完menu都唔係好決定揀咩拉麵老闆見狀 就提議幫我地揀 (笑)我地就好放心咁交比老闆 hahahahaha唔使一陣老闆就煮好左兩個拉麵比我地豐臣將軍拉麵呢個拉麵係四國香蔥油的湯底蔥花份量都幾多湯底清新得黎 又帶有濃濃的香蔥味我自己平時都好鐘意蔥的 覺得呢個湯底好岩蔥控的朋友們足利將軍拉麵湯底係黑蒜油豬骨一拎出黎已經聞到好香的黑蒜味仲有唔少的木耳絲老闆話個湯底係用新鮮豬骨去煲同埋黑蒜油都係佢自己親手整豬骨湯底香濃得黎 唔會有果種極為油膩的感覺幾鐘意佢湯底果種質感而且個湯底會有少少苦澀味 呢個苦澀味係出面都好少會食到每碗拉麵都有半隻流心蛋叉燒入口酥化 肥瘦比例都幾好拉麵質地軟硬適中 食落都幾有口感老闆份人又好健談 好熱情下次會再黎食其他款的拉麵

喺佐敦前往尖沙咀戈條好長嘅小街到有好多小餐廳，中間我注意到一間拉麵店，出面播住日本節目嘅介紹，有好多人排隊，戈次我就對佢有左印象結果有次下午去完佐敦cafe，就諗起夜晚可以去戈到晚餐，好彩唔係太多人排隊，好快就入到去入到去發現店已經係老店，不過唔影響我對佢嘅評價，食物先係餐廳嘅重點我叫左個德川拉麵（醬油魚介豬骨湯底）好快有得食，湯底如圖咁濃郁，但唔會好咸，食到魚介嘅鮮味，海鮮加豬骨嘅配搭令整體加分朋友叫左香蔥油湯底，大量嘅蔥鋪蓋在面，飲落係蔥香同豬骨湯嘅火花，提高左湯底嘅衝擊力待應（定唔知老闆）非常熱情，會同我地吹水，仲講左好多當年佢做廚房嘅事跡。非常好客，我見佢仲請隔離台飲收藏左好耐嘅酒，好多餐廳已經無同客人有咁多聯繫，所以好多回頭客翻去幫襯佢所以食物固然之係第一，但原來有埋人情味仲係bonus，我鐘意呢間小店

今晚試咗一間拉麵小店， 位於尖沙咀近韓國街附近 ，雖然店子細細，但氣勢絕對唔輸蝕，店名叫將軍拉麵。我相信店主應該對日本文化有濃厚興趣， 餐牌上所有拉麵都以不同年代的武士封號作為命名， 相當有趣。店內座位唔多，店員態度殷勤同顧客打成一片， 洋溢著小店溫暖感覺。德川將軍拉麵位置同廚房近的好處係保證上枱熱辣辣，此拉麵用醬油魚介豬骨湯底，唔會太鹹唔會太肥膩，但係感受到魚介的鮮味。 有兩片叉燒，薄薄的， 有燶邊，食落好香口，加上半隻溫泉蛋同配料， 相當唔錯。豐巨將軍拉麵我朋友叫了呢個，用了四國香蔥油做湯底評， 我見有好多葱，評價也不錯。

疫症之下婚紗舖執笠嘅愈黎愈多，金巴利街附件嘅晚市都愈黎愈靜，不過靜有靜好，起碼唔洗下下排幾十分鐘先有得食。今次黎到依間小店 - 武士拉麵，真係細細個就睇住佢大😂。鋪面唔係好大，坐到十幾個人到。我同Mcdull叫左兩碗拉麵、炸雞，餃子，咩都試晒。農臣將軍拉麵(四國蔥油湯底) $98足利將軍拉麵(黑蒜油豬骨湯底) $98我食蔥油味，Mcdull食嘅係黑蒜味；我好快手影完相就忍唔住要開動，賣相好吸引，一飲個湯，ummm，唔太濃味，唔似出面主打豬骨湯底嘅拉面咁一飲就成口油，冇咗個種油膩感，但反而愈食愈想食落去，食晒成碗麵加埋小食岩岩好；面底爽爽地，份量正常，日式叉燒就得兩塊，唔太多，亦都比較瘦，可能我真係太中意食肥，Mcdull表示唔好食咁肥啦🐽但我一向食拉麵都係著重湯>麵>肉，所以👍神奇係一向唔多中意食拉麵嘅Mcdull都清得晒成碗拉麵，Mcdull jepjepjep表示好食，完。炸雞$38煎餃$30我對於拉麵舖嘅小食一向冇乜期望，炸雞同煎餃上枱，我哼左首歌「若談樣子 不會叫好 不算最討好，……」但食落出奇地好食，兩碟嘢上枱嗰時都係熱辣辣，尤其是係餃子，外皮脆一脆，一咬落去