武士拉麵 (Closed)

今次同男朋友嚟到呢一間武士拉麵食飯，嚟到呢間拉麵餐廳除咗俾佢嘅裝修佈置吸引之外，亦都俾佢嘅Menu吸引咗。因為Menu嘅菜式全部都係用一啲日本戰國武士嘅名來命名，令到成個環境呢都充滿着日本嘅氛圍。最後男朋友揀咗豐神將軍拉麵（即四國香蔥油湯底)，而我就揀咗足利將軍拉麵（即黑蒜油豬骨湯底），追加左半熟玉子。先講豐神將軍拉麵,拉麵湯底充滿濃郁嘅香蔥油味道，加上加咗大量嘅新蒽喺上面，令到成個拉麵嘅味道非常香濃，令人食慾大增。拉麵嘅硬度適中，而且叉燒口感良好亦有足夠嘅脂肪，非常好味。而半熟玉子亦做到流心效果。而足利將軍拉麵，拉麵嘅湯底加左大量黑蒜油，有濃郁嘅黑蒜油味道之餘亦有香濃嘅豬骨湯味。拉麵嘅硬度適中而且叉燒味道很好，夠淋且入味。而木耳和紫菜這些配料亦相當好味和夠份量食咗兩碗咁好味嘅拉麵男朋友覺得唔夠喉，最後追加左一客日式煎餃子。煎餃子嘅質素幾好，餃子嘅皮煎得非常香脆，餡料味道好，係日本風味嘅餃子。