莱茵河餐廳 (Closed)

因為紀念日既關係，想食下西餐，見到依度有豬手食，所以bk左依間餐廳，入到依間餐廳感覺好靜，可能平日既關係，餐廳店員都是自故自聊天，五系好理會客人，到點餐，點了個二人餐，因為見幾抵，包埋甜品，點知..甘就中伏了，首先系南瓜湯，我其實對湯已經無咩要求，但系真系好鹹，應該落左好多味精，我叫店員換過個沙律比我，不過店員態度不太友善，然後到個芝士雞翼，份量食少，芝士好難食，我都未食過甘難食既芝士，然後到意粉，點左個三文魚意粉啦，點知好腥d三文魚，最後到豬手，豬手個皮系淋既，仲要等左勁耐，d肉系梅既，我同男朋友冇食埋甜品就走喇，以後都五會再黎依間野。

兩個女仔去荃灣食晚飯，想搵間近西鐵站嘅，聽其他朋友介紹，揀左呢到，仲用左 openic book位，非常方便。我地點了一客芝士漢堡拼豬筋骨，以及一客意粉，因為太肚餓首關係，食完先發現唔記得影相。本來因為無影相，打算唔寫食評，但係諗諗下都係想推介俾大家，因為份量、價錢、食物質素真係幾好，尤其是個芝士漢堡拼豬筋骨，侍應一放上枱，我地兩個女仔都嚇一嚇，好彩我地兩款食物都係散嗌，如果叫二人餐，跟埋餐湯、沙律、飲品，我好肯定兩個女仔一定食唔哂。味道好，餐廳環境唔錯，絕對值得一試!

精心裝修佈置，歐美式裝修已經好加分；未醫肚都先一飽眼福。試左呢個蟹肉沙律，食材都好新鮮，口感有少少似吞拿魚沙律。加埋切片西柚，個胃口完全大開，期待之後嘅肉同肉同肉，嘿嘿。接住落黎，食左一個芝士雞翼，但呢個一啲都唔普通，因為一上碟個刻，俾啲芝士鎮壓住。如果有芝士迷一定明我心情，呢一"盆"芝士，要諗用咩方法放晒上啲雞翼到。再黎就到牛肉漢堡，HELLO，Beef burger only!? 錯，上面個塊係鵝肝，係鵝肝！當然我冇咁守規矩成個黎，我係就咁K.O 左個鵝肝先，一啲都唔會有內臟腥臭，總要煎得好到位，大家放心食用！真心想多講呢個豬手，係無得"頂"! 慢煮嘅原因令到佢肉唔好變太乾太硬，皮係脆到有聲，唔會好似咬泥膠咁。最遺憾係，我清晒隻手先記得啲酸菜喺底，SO SAD!

打得邊爐多，人都熱氣啲，是日轉一轉食西餐。講番呢間萊茵河餐廳，黎到門口我先認得，原來幾年前都同一班朋友食過，當時我地都覺得質素唔錯。加上近日都有朋友提起，今晚就再回訪。餐廳位於荃灣廣場對面，平日晚飯時間，都有唔少客人，所以週末的話，都建議先行預約。餐廳裝潢花過心思，有濃厚歐陸風味，對正門口係吧枱，一邊係梳化位，木枱、木牆身、高樓底、吊燈，環境舒適。而最重要係唔似好多喺荃灣嘅西餐廳黑媽媽晚市供應二人套餐，賅番店家嘅fb得知，係最近新增的。另有單點小食、沙律、意粉、意大利飯、豬手、肋骨、肉眼、漢堡、甜品等，選擇豐富，定價合理。單點主菜一律可以加錢升級轉為套餐，包括餐湯/沙律、蒜蓉包、咖啡或茶，富彈性，人多食又得，人少食都得。我地點左一份漢堡套餐，另加一份豬手、小食、甜品。是日餐湯、蒜蓉包：菠菜薯仔湯主菜加$32就會包括湯、包、飲品，如果你會點飲品的話，都不妨升級，因為即使係特飲都有半價。蒜蓉包香脆，菠菜薯仔湯亦很足料，菠菜味突出，薯仔未完全變成蓉，尚有口感，湯質地不會過於creamy，而且熱騰騰。洋蔥圈 $38小食方面有雞翼、薯條、墨西哥薄脆、拼盤等，因為問過店員，我地點嘅漢堡已有薯條，就

荃灣廣場附近嘅大壩街、享和街，食肆愈開愈多，種類豐富，有火鍋、越泰、西餐、甜品店等。是日去到萊茵河餐廳，聽唔少朋友介紹過，朋友中亦都有一位特別喜歡佢地嘅漢堡，經常光顧，今晚我就同朋友們試試。餐廳嘅裝潢富歐陸風味，對門口位置係吧枱，雖然係西餐廳，但燈火明亮，個人比較喜歡呢種設計早前幫襯過福來邨一帶嘅西餐廳，環境暗到我地要開手機燈先睇到餐牌，真誇張。店員好快送上水、餐牌，並介紹佢地嘅特色手工啤，好快我地就揀好食乜喇。落單不久，先上酒水，我地幾個吹下水，飲啖酒。餐廳雖然播住音樂，但並唔係好嘈吵果種，氣氛不錯。而且不得不提，店員服務係好好，細心又有禮。福斯坦堡小麥啤 $68，5.4%：經店員推介，揀咗呢隻小麥啤，店員會係你面前將啤酒倒入啤酒杯，啤酒杯係經過雪藏，可保持比啤酒嘅冰涼感，入口清淡而順滑，麥味唔算好濃，幾易入口玫瑰花露 $14：因為跟餐半價，唔飲酒嘅我飲番特飲。洋蔥圈 $38：洋蔥圈正常大小（見過炸到大得好恐怖）炸得香脆，粉唔會厚，香口好食BBQ醬豬肋骨拼特量芝士漢堡 $168：BBQ醬味道唔錯，夠惹味，唔會過酸，豬肋骨肉一切即離骨，唔韌之餘食得方便，推介。漢堡體積大，食落鬆軟，上面

同一班好耐冇見嘅朋友聚會，唔想打邊爐成身有陣味又唔想食日本野，朋友推薦左間西式餐廳，今次就嚟試一試啦餐廳裝修係復古風西式餐廳風格，牆相掛住唔同嘅懷舊擺設，非常有異國風情嘅感覺頭盤試咗菠菜忌廉湯同埋意大利油醋沙律忌廉湯菠菜味濃郁，沙律清新開胃，蒜蓉包外脆內軟又香，不錯！小食有一個鐵板芝士雞全翼同埋蟹肉柚子雜菜沙律，炸雞翼實在太罪惡啦！芝士可以拉出長絲配合雞翼一齊食十分濃郁惹味！雞肉炸得酥脆但又不失鮮嫩，仲有陣陣的蟹香味，食落的柚子雜菜可以中和一下油膩感香草茄蓉辣肉腸意粉黑松露野菌長通粉火候十足 調味十分出色，只是吃多有點漏鵝肝和牛芝士漢堡鵝肝和牛咬落肉質非常豐富厚實，每一口都是飽滿的肉汁 ，惹味十足！慢煮德國鹹豬手特別推介外面脆皮做得非常酥脆之餘肉質都非常細緻嫩滑澳洲肉眼扒五成熟剛剛好肉味出眾 入口即溶最後仲有精緻甜品奶凍作為完美嘅結尾。

踏入餐廳第一刻，被歐美色裝修吸引着，令我完全忘記咗自己喺荃灣呢一個人煙稠密嘅地方。頭盤沙律以黑醋汁配搭新鮮蔬菜，十分開胃。加上菠菜忌廉濃湯，唔會太膩，建議加少量黑椒調配。如果嫌頭盤沙律唔夠食，可以試吓點埋呢個蟹肉沙律。芝士雞全翼，芝士沒有跟你在客氣，完完全全佈滿成個鐵板，食落去，每一啖都有濃郁嘅芝士，令我不禁有一種幸福嘅感覺。朋友話食一食白汁就知西餐做得好唔好，咁呢間一定好！因為呢個香草忌廉蘑菇長通粉嘅白汁味道同忌廉口感都好到位， creamy 得黎唔會膩。重頭戲：慢煮德國鹹豬手，服務員講每一個步驟都十分講究，從腌製過程到烹調，一絲不苟。食落去皮脆肉嫩，完全唔會太乾，呢30分鐘好值得等。牛味濃郁，嫩滑多汁，口感豐富奶味香濃，完全唔會過甜，口感滑到似布甸

雖然落住滂沱大雨，但同友人們相約左一個月既飯局必定要勢在必行，完全無損我哋一齊出去覓食嘅決心朋友堅稱荃灣的這一間西餐廳有全香港最好食嘅德國脆皮豬手，所以我哋相約今日收工一齊走去陌生嘅荃灣，尋找呢隻據說是香港最強嘅德國脆皮豬手其實店面地點一啲都唔難搵，連我呢啲路痴都搵到，就響正荃灣廣場正對面。裝修好有風格我哋一行四人就叫咗兩個二人晚飯套餐，先上黎既有菠菜忌廉湯濃濃既菠菜味，飲落十分清新芝士雞翼雞翼炸得10分通透，脆口。而芝士溝埋忌廉再配上雞翼，真係多重滋味！蟹肉醋沙律蟹肉一點都不客氣！超級多！而沙律菜亦十分新鮮。黑醋調味得宜，更顯風味。 辣肉腸蕃茄意粉蕃茄味什濃，配上辣肉腸，十分惹味黑松露野菌長通粉黑松露超香，長通粉十分有咬口，爽口彈牙鵝肝和牛漢堡鵝肝味道濃郁，慢慢在口內溶化，配上和牛的香甜味，一絕牛扒肉味濃郁，肉質軟淋，一口落去豐富多汁，仲超大塊，有成10安士終於見到傳說中既德國脆皮豬手果然好好食！豬手肉一咬落去爆肉汁，而脆皮脆的程度比乳豬更利害一問侍應，原來豬手先慢煮最後有客人order了才送入焗爐焗脆，所以要等30分鐘呢隻豬手，絕對值得我山長水遠咁走入黎荃灣食佢最黎套餐送上既甜品侍

係openrice見到荃灣多左唔小嘅餐廳，於是放工就去左搵間試下，之後呢間舖幾好，就入左去開餐。黑松露芝士漢堡係舖頭外面已經見到呢個黑松露芝士漢堡，有得睇又有得食之餘，價錢都可接受。餐廳唔小有漢堡俾客人自選，食客自己選擇。而且都真係好大份量下，芝士味都算唔錯又夠濃，最特別要介紹就係個黑松露味真係超香，又惹味。豬肋骨呢度嘅豬肋骨好有心思，唔會有雪藏味，仲用左啲自家醬汁調味真係唔錯。 今次嘅體驗都算幾好，比起一般舖頭所有野都做得好更到位，仲要有街景睇，有機會都要再黎先得

行下行下，又到左醫肚嘅時間，經過萊茵河餐廳門口，見到Menu 都幾吸引，就入去試下啦侍應禮貌帶我們入座，聽到我地想食豬手，便提示要等半個鐘咖所以我們Order 個煙三文魚沙律，慢慢等煙三文魚好新鮮哦，沙律菜爽口清新再加個鵝肝焦糖菠蘿沙律添，鵝肝煎得好正外脆內軟，夾埋啲菠蘿，味道極配，一啲都吾膩主角出場。。。慢烤德國咸豬手，好大隻哦外皮脆卜卜，但肉質好嫩，吾"鞋",咸度適中，好入味，醮點芥茉蜜糖醬，味道更佳餐廳環境真不錯，播著懷舊民歌，好好聽

價錢適中，服務幾好， 不用排隊！ 西冷牛扒幾好食， 龍蝦湯不錯， 虎蝦意粉 味道適中不太鹹！ 位置喺荃灣廣場附近！ 座位尚算舒適，有手工啤酒供應！選擇不算多，很多客人叫burger 同德國豬手！

是晚與朋友黎到荃灣呢頭打bowling,順道食埋晚飯先返屋企！本來以為都係普通港式西餐，但原來都仲有特式手工啤酒揀返，見返都有唔同味道嘅啤牌可以選擇！因為今晚都要食豬手，當然要有啤酒啦！原來依度晚餐時段，手工啤酒買兩枝第二枝有半價。第一枝$68，即係$100有兩枝！可以試試！另外都叫左個沙律，用左西柚同吞拿魚醬整成。西柚偏甜，唔酸，好開胃。用上羅馬生菜，無伏！登！登！登！豬手黎啦！豬手份量足夠我地兩個食！另外，蘋果蓉醬沾豬手味道新奇，又甜又咸，但又唔會話好奇怪，算係一個唔錯嘅嘗試！薯條偏稔，鍾意脆卜卜嘅朋友就會有D失望啦！

今晚同朋友去左荃灣一間食德國菜既餐廳，位置都幾好搵，就係正正係荃灣廣場對面。一入到去就已經見到牆上面既裝修幾有心機，燈光暗暗地有D情調但係主角當然係野食啦，所以快D睇下本menu先我地叫左兩個前菜，分別係黑松露薯條同烤雞沙律薯條上台十分夠熱，黑松露味都算濃烤雞沙律分量超大，有六塊大大既雞肉，而且上面鋪滿芝士。如果女仔可能食呢一碟就會飽haha主菜方面都叫左兩個，有德國烤豬手同西冷牛排不愧為德國菜餐廳，我同朋友都一致覺得豬手係全晚最好味既一碟。外皮十分鬆脆，豬手肉又夠林。最好既地方係已經幫左你拆骨，岩哂我地呢D懶人。牛排既水準就不過不失。個人鐘意食再生D既肉質。但原來豬手同牛排都會跟薯條，早知唔叫個碟前菜。既然食得德國菜，就一定要點杯啤酒啦。餐廳好似做緊優惠，手工啤酒大部分都有特價，所以幾抵飲。我就試左呢款香港手工啤「新界」入口好順，而且果味好香。總括黎講呢間餐廳好多野食野飲都唔錯，下次去開荃灣可以再戰

呢日又同男朋友黎左荃灣，無計啦，D人住咁遠☹️。去左呢間係荃灣廣場後面成排餐廳嘅其中一間，侍應好熱情咁招呼我地入去試下！～見個2人餐幾抵，又有餐湯，又有甜品咁，仲想點喎！餐湯係粟米湯配多士粟米湯唔算好甜，較為清，唔會話好creamy,清清地幾好！黑松露野菌長通粉黑松露味好重，D長通粉好掛湯。另外都落左唔少芝士去做調味，另外長通粉煮得岩岩好，唔會都軟生。雖然唔算太特別，但感覺幾好！慢烤德國豬手豬手配有三種醬汁，分別係茄汁、蘋果蓉同mustard。豬手可以叫侍應幫手切開，雖然份量唔算太多，豬手燒到好脆，入面好juicy,唔會燒到乾哂！最後食返個奶凍，朱古力味唔太甜，奶味好濃，好味道！

同娘親慶祝母親節 , 見到呢間評價一向唔錯 , 所以試下等位都唔算太耐 , 始終晚飯時間 , 30分鐘都唔算過份喺門口時已經睇中想食咩 , 特別係慢煮德國豬手, 所以一入去就點菜 , 我地點咗 4 樣嘢一 ) 沙律 - 煙三文魚唔會過鹹 , 整體都好新鮮二 ) 芝士雞翼 - 個人個覺 , 唔好有芝士會好啲 , 可能呢款芝士味好一般 三 ) 小龍蝦意粉 - 好香濃...意粉質地亦唔錯四) 慢煮德國豬手 - 失望 , 可能係唔啱我口味 , 因為對呢個菜色都有啲偏好 , 試咗好多間 , 呢間我都係唔會再食呢個菜 , 主要覺得冇味 , 肉質好鞋...同埋可以煮個方法問題 , 入口太油 , 有點似食緊湯渣 , 不過係好油的湯渣, 而配的酸菜, 因為吸哂油及本身個味都一般, 所以係唔好食 , 薯條就中規中舉都會再去, 都會選其他款的沙律及意粉試下要讚下, 服務態度係唔錯的