Video
Read full review
2017-07-20
3643 views
打得邊爐多，人都熱氣啲，是日轉一轉食西餐。講番呢間萊茵河餐廳，黎到門口我先認得，原來幾年前都同一班朋友食過，當時我地都覺得質素唔錯。加上近日都有朋友提起，今晚就再回訪。餐廳位於荃灣廣場對面，平日晚飯時間，都有唔少客人，所以週末的話，都建議先行預約。餐廳裝潢花過心思，有濃厚歐陸風味，對正門口係吧枱，一邊係梳化位，木枱、木牆身、高樓底、吊燈，環境舒適。而最重要係唔似好多喺荃灣嘅西餐廳黑媽媽晚市供應二人套餐，賅番店家嘅fb得知，係最近新增的。另有單點小食、沙律、意粉、意大利飯、豬手、肋骨、肉眼、漢堡、甜品等，選擇豐富，定價合理。單點主菜一律可以加錢升級轉為套餐，包括餐湯/沙律、蒜蓉包、咖啡或茶，富彈性，人多食又得，人少食都得。我地點左一份漢堡套餐，另加一份豬手、小食、甜品。是日餐湯、蒜蓉包：菠菜薯仔湯主菜加$32就會包括湯、包、飲品，如果你會點飲品的話，都不妨升級，因為即使係特飲都有半價。蒜蓉包香脆，菠菜薯仔湯亦很足料，菠菜味突出，薯仔未完全變成蓉，尚有口感，湯質地不會過於creamy，而且熱騰騰。洋蔥圈 $38小食方面有雞翼、薯條、墨西哥薄脆、拼盤等，因為問過店員，我地點嘅漢堡已有薯條，就
晚市供應二人套餐，賅番店家嘅fb得知，係最近新增的。另有單點小食、沙律、意粉、意大利飯、豬手、肋骨、肉眼、漢堡、甜品等，選擇豐富，定價合理。單點主菜一律可以加錢升級轉為套餐，包括餐湯/沙律、蒜蓉包、咖啡或茶，富彈性，人多食又得，人少食都得。
我地點左一份漢堡套餐，另加一份豬手、小食、甜品。
是日餐湯、蒜蓉包：菠菜薯仔湯
主菜加$32就會包括湯、包、飲品，如果你會點飲品的話，都不妨升級，因為即使係特飲都有半價。
蒜蓉包香脆，菠菜薯仔湯亦很足料，菠菜味突出，薯仔未完全變成蓉，尚有口感，湯質地不會過於creamy，而且熱騰騰。
蒜蓉包、菠菜薯仔湯
$32
37 views
0 likes
0 comments
菠菜薯仔湯
17 views
0 likes
0 comments
洋蔥圈 $38
小食方面有雞翼、薯條、墨西哥薄脆、拼盤等，因為問過店員，我地點嘅漢堡已有薯條，就唔重覆喇，揀左一樣熱氣嘅洋蔥圈。
炸粉唔厚，食落香脆冇油淋淋。
洋蔥圈
$38
12 views
0 likes
0 comments
BBQ醬豬肋骨拼特量芝士漢堡 $168
特量芝士漢堡係見到友人食過大讚好食，我地先點嘅，本來單點漢堡係百零蚊，但見有個拼豬肋骨都幾吸引，所以點左呢份。
漢堡size大到驚人，溶岩般嘅芝士份量一樣驚人，要我自己食哂真係不可能任務，好在可以同朋友share。
芝士質地唔算好稠身，上枱時仲流住出黎，但放涼左後，都會開始變杰，襯熱食最好。
味道唔算強烈，始終量多，如果做得太鹹太濃味，食多幾啖會飽滯，呢個質地剛好。
漢堡包並冇特別處理，食落頗鬆軟，牛漢堡肉厚身，屬飽肚之選
BBQ醬豬肋骨較出色，醬汁甜酸度適中，肉質唔韌又入味，而且肋骨輕輕一切已經分離，方便食用，份量亦不少，都幾抵食
BBQ醬豬肋骨拼特量芝士漢堡
$168
52 views
0 likes
0 comments
慢烤德國豬手 $198（需時30分鐘）
有9成人都點嘅烤豬手相信都係小店招牌之一，而且都真係等左約半小時，令我期待感up，亦都冇失望呢！
原隻豬手上碟，份量十足，店員亦可以幫忙切開，不過由於我地想影相，就由朋友操刀切豬手。
慢烤德國豬手
$198
29 views
0 likes
0 comments
一刀切落，皮薄酥脆，唔會太燶亦唔會太硬實，食落確確聲，好似食緊乳豬皮般，可見慢烤時間、火路都掌握得很好。
皮肉間脂肪唔多，肉質保持嫩滑，不乾不老，配上茄汁、蘋果蓉、蜜糖芥茉，平衡肉嘅鹹香味道
墊底嘅係薯條同酸椰菜絲，薯條由於被豬手壓住，略為變腍；酸椰菜絲清新開胃，係不錯嘅配搭。
個人認為呢間嘅豬手都值得一試呢。
慢烤德國豬手
$198
30 views
0 likes
0 comments
香橙法式薄餅配雲呢拿雪糕 $58
甜品方面有奶凍、芝士餅、慢煮紅酒梨、薄餅等。
我地點左香橙法式薄餅，賣相不錯！兩塊薄餅放左片香橙，橙味突出清新解膩不過雪糕可能因為薄餅熱度，溶得較快。
香橙法式薄餅配雲呢拿雪糕
$58
23 views
0 likes
0 comments
福斯坦堡小麥啤 $68
福斯坦堡小麥啤
$68
19 views
0 likes
0 comments
玫瑰花露 $14（套餐半價）
玫瑰味道唔會太假，飲品甜度適中。
玫瑰花露
$14
14 views
0 likes
0 comments
餐牌：
Post
