Pati by Lassana (Closed)

在工廈內的任選的單點套餐, 看似很抵, 但實質卻不是很好吃以在工廈內的樣子來說已經很不錯, 很衛生很漂亮的賣相, 但吃起來怎麼樣呢?點了沙律, 菠菜跟雞扒, 看樣子就知道了, 非常大份而且很多汁!不過就因為這個, 所以非常滯! 沙律醬超級肥膩, 吃多一點已經很飽滯, 菠菜更甚, 因為有點太咸, 雞扒大是大, 不過超級甜, 而且皮也不怎麼樣, 非常一般, 大得來完全沒有雞味也完全沒有肉汁, 所以結論是...不好吃的這杯套餐附送的薑茶實在很不怎樣, 非常淡沒什麼薑味, 喝起來跟熱的白開水完全沒兩樣...

【一人自選午餐 】套餐包括自選一款主菜 + 一款配菜 + 一款沙律 + 飲品。由於1:45pm 才到, 所以好多食物都只有少量, 選擇變得好少, 沙律只有3款, 配菜也是3款, 主菜有3款包和2款肉類。本來一心諗住就算揀無可揀, 但只要食物有質素都不錯, 但都幾失望。沙律可以混合給我, 所以我揀了一款有少許生果的沙律, 另一款是普遍雜菜沙律. 蔬菜不夠新鮮, 都偏軟腍, 顏色也變得暗了。不過難得呢度賣點是夠多菜較健康, 總好過全是肉類.。而配菜只有2款煮的豆或菜, 不太吸引之下, 選了焗薯, 好夠飽肚。焗薯不太熱, 不竟放太耐, 就算有溫熱功能的放置, 也不及剛出爐的熱辣辣, 所以也扣不少分。味道其實幾好, 夠粉綿加上雞蛋沙律令味道豐富。主菜揀了黑色的麵包, 是蟹肉沙律包. 整個餐中最吸引, 蟹肉沙律份量多, 而且好滋味, 蟹肉也沒腥味.麵包雖然再加熱多次, 外層微硬, 但內裡都鬆軟, 也不錯。最後沒有加錢, 只點了伯爵茶, 用茶包沖有好有唔好, 方便快捷又衛生, 而且仲可以添多幾次熱水來沖, 不過就冇咩誠意, 返公司自己都沖到。總括, 食物一般, 而且價錢偏貴, 只係比較多菜類, 幾

又黎荔枝角做野，所以指定動作又上黎search下有咩好食，見呢間好多好評，而且價錢竟然唔洗$100，所以就決定黎試下原來呢到係一個food COURT, 先買飛後再去order, 明明食評話有好多款沙律選擇，但今日只得幾款，我地揀左蜜桃沙律，菇，西蘭花同凱撒沙律，好評如潮既蕃薯沙律就未見蹤影，到揀主菜，亦係得幾樣揀，亦唔見有焗薯，我同同事唯有一個叫包，一個叫左炆牛腩黎試下，之後再跟咖啡，因為2人餐，所以比1人餐平幾蚊其實呢到份量係多，4款沙律都係ok, 但主菜真係唔掂，牛腩冇咩味而且好un, 個包仲差，反叮到硬哂，至於杯咖啡，仲差過茶餐廳所以真係唔試唔知真定假，好彩呢餐$6x, 代價唔算大

依舊要左個一人自選套餐：沙律：蘋果沙律味道唔錯，蘋果好爽脆清甜，仲有烘過既果仁，提升左味道層次，感覺到廚房既用心！配菜：碎蛋沙律焗薯3樣入面水準最高既一道，個焗薯火候剛好，入面既焗薯口感一流，有咬口得黎又軟滑，最正既係碎蛋沙律份量十足，食到最後都仲有沙律配薯仔食，唔會只得薯仔咁寡！主菜：三文魚碎蛋沙律牛角包今日既牛角包大失準，上次食仲有少少脆、同埋牛油香，今日兩者欠奉！碎蛋沙律同焗薯入面既沙律一樣，味道唔錯！不過唔知果啲黑色係味燶左定黑松露碎、但聞唔到有黑松露味。今日黎主要係為左encore個牛角包，但好失望～下次都係試下其他新野！🤤

喺工廈隔離既food court仲有好一片唔起眼既小天地！見佢喺openrice打荔枝角既排名幾高就黎試下！我揀左個set，有沙律、配菜、主菜各一揀，睇落好多菜同時賣相都幾吸引！我就點左個南瓜沙律、炒蘑菇同三文魚碎蛋牛角包，份量十足，仲包杯熱飲！個南瓜沙律唔會過淋有咬口，仲落左泰式甜辣醬，好惹味！就咁普通煮南瓜已經好好食，炒蘑菇就不過不失啦，主菜就最令人滿意啦！有我成隻手咁大，佢仲會加番熱，個牛角包咬落去仲脆，有牛油香，但唔會太油，入面既碎蛋份量夠多、味道一流，略嫌三文魚鹹左少少。整體黎講好好食！ 蔬菜份量多，感覺好fresh!下次黎荔枝角好想再黎食呢順道一提，員工態度都唔錯！佢地仲會主動問洗唔洗幫手介紹，加上有問必答！

芝味十足 ，但48元來說，份量太小了54元 自選3種沙律,今次我選擇左 咖哩螺絲粉，同魚柳熱狗，份量十足。抵玩指數：（2.5-3）因為這間food court 就咁啱開係我公司下面，所以經常幫襯，先講環境，位多，衛生情況合格，價錢在food court咁多餐廳中算中上，味道不差，沙律款式多，但飲品基本上只有花茶叫飲得下，在同區來說不算好抵玩，但魚柳熱狗味道不錯，夠飽。傳聞這間餐廳有優惠咭，一次過比200可以食4餐自選沙律，平均每餐慳4元。

下著微微細雨的一個星期五，我再訪這個food court的這家店。上次吃的是卡邦尼意粉，這次選的是沙律+前菜+主食 $63。沙律我選了蕃薯紫薯，意外地難食，不甜的，沒什麼味道；不軟的，是很生很硬的質感。前菜選了雜菇，正常的，味道也適中。但我應該選另一款前菜：菜菜，因為我這個沙律蕃薯已經很飽滯了，加上一大地菇更是滯上加滯。主食點了三文魚牛角包。牛角包有碎蛋沙律三文魚，用料還好。而包雖然在端給我前叮熱過，但還是不太熱不香口。我另加了$6轉飲Mocha，但我也不怎麼喝得出朱古力香味，感覺是飲一杯普通的咖啡而已。最後，甚少吃剩食物的我竟然吃剩半碟，這店令我稍為失望。

嘩。嘩。嘩。滿足到一個點。第一次去打算食。勁多人。位置係food court。偏偏個日得番一款所以無食到依家第二次去啦。有四款可以揀就去cashier俾錢買飛叫左個二人餐。兩個starter,兩個main,兩杯drink,再加$18蚊叫左個cheese cake好吸引呀第一個，蘋果沙律，炒雜菇，三文魚蛋沙律牛角包。熱檸水分量好足。一個人食勁飽。蘋果爽口配少少提子乾第二個，蘋果沙律，牛油粟米，小龍蝦沙律竹炭包。凍檸茶佢裝碟個陣我好驚訝。俾勁多粟米。出面食好少會有甘多竹炭包幾特別，吸引左我試。有口感好有頭。蘋果沙律又係。食完覺得個口好攰。但太好味。唔想浪費重頭戲。芝士蛋糕。跟餐加18蚊。抵芝士味係我杯茶。濃郁。又滑身。

都係因為睇咗啲好評先來 但係冇諗過會咁失望。。。 沙律係暖嘅 好驚食完會呵! 去到同我講個cheesecake 就係要當跟餐嘅 maincourse叫。冇得散以叫 未聽過有餐廳甜品當主菜。隻鴨肶好韌😣😣d燒汁有帶橙味完本可以好好食。。 不過冇加熱變咗一舊舊。。。。。杯咖啡都OK 算比得上大家樂杯即磨嘅成餐63蚊咁難食我都覺得唔值可能如果我早兩個鐘嚟 啲嘢會好食啲但係我又唔覺得將啲嘢食整熱 ，啲沙律保存得凍啲，新鮮啲 ，係咁難嘅事

係荔枝角very food court有間快食ge自選菜，佢係一個價錢揀幾個送咁，配搭就自由配，都幾得意先比左錢先，然後再去選食物，價錢一D都唔貴，仲有得自己配搭，正選擇都幾多，唔知點揀好每一個section可揀一樣，有菜有肉，營養都好均衡架!!最後揀左菠菜，扭扭粉，仲有鴨脾。仲有mocha一杯，份量都幾多，好滿足朋友叫左呢個蟹餅勁多蟹肉，好有口感!個鴨脾估唔到一D都唔乾，好香口，肉都幾嫩tim~~

Pati 是這個foodcourt中看起來最高檔的一家， 在foodcourt中開cafe亦似乎是新鮮事。Pati 的裝修簡潔， 食物都展示了出來，賣相十分吸引。點了二人餐， 每人可選一種沙律， 一款主菜， 一款配菜 及 一杯飲品。我點了cesar salad，三文魚碎蛋牛角包， 炒雜菇 及檸檬薑茶， 沙律算新鮮， 炒雜菇很香又爽口， 質素不錯， 三文魚口味較淡， 份量不多， 碎蛋正正常常， 牛角包淋左唔酥脆， 有點失望。檸檬薑茶是twinings出品， 香氣十足， 喝完還可以請店員加水， 很是滿足。朋友點了芒果鴨胸沙律， 炒雜菜， 墨汁咖哩龍蝦包， 配上蜜桃茶。芒果鴨胸沙律及炒雜菜都不過不失， 沒什驚喜， 墨汁包外表特別， 味道吃不出來墨汁味， 咖哩龍蝦餡偏淡， 有期望的話恐怕會失望。蜜桃茶我沒有試， 朋友說味道不錯。整體味道不算突出， 不過份量不少， 價錢在foodcourt 裡算貴， 但如果想在foodcourt吃一頓舒適的牛餐， Pati仍是個不錯的選擇。

一到食飯時間超級肚餓又唔知食咩好又想唔好咁肥又想多d菜咁就揀左呢間快靚正!我就揀左1人套餐，有沙律+前菜+主食，我就叫左煙鴨胸沙律，白汁西蘭花，豬胸骨。煙鴨胸沙律 :清清地酸酸甜甜咁幾開胃，不過沙律份量可以多番d，唔多夠食白汁西蘭花前菜又係太少了，其實可以俾多少少囉，得幾粒仔，呢個煮得幾淋幾入味豬肋骨如果係熱會好好多，佢太細舊而且冇乜肉

最近朋友得知坐落於荔枝角工廠區少有的食堂，所以特地來一試，希望會有驚喜。餐廳環境餐廳位於foodcourt的正中間，每間餐廳都有屬於自己的範圍，星期六食堂中有營業的餐廳並不多，所以有很多地方可以選擇。餐牌Foodcourt是用中央購票系統，選擇食物前需要先到中央收銀處落單購票，購票後才到櫥窗領取食物。由於是foodcourt的關係，食物都是以簡約為主。櫥窗 櫥窗擺放著各式各樣的食物，按前菜，配菜，凍主食以及熱主食分類滿滿的擺放著，讓人一目了然自選套餐 (二人餐)我們點了二人自選套餐，每人也有一款前菜，配菜及主菜，以下是第一個餐的配搭，有營又健康。通粉沙律前菜的選擇只有沙律，由於我很久沒有吃通粉沙律的關係，我想也不想，直接點了這個。螺絲形的通粉滿佈大半碟食物，看上去很豐富。此沙律用橄欖油及少量黑椒作為醬汁，主要材料為通粉和絲絲的紅綠椒，簡單為主，混合起來味道清清涼涼的，淡淡的橄欖油及黑椒味會邊咬邊散發出來，非常健康的一道沙律。焗新薯焗新薯真的非常美味，薯沒有被焗得太乾或太生，咬下脆脆的薯皮，薯的水份慢慢浸透出來，已經很好吃，再配合車打芝士汁，濃郁的芝士味和薯味很夾，味道得以昇華。巴馬火

今日跟朋友去荔枝角食左個健康午餐，有多款選擇，一個沙律+主菜+配菜+餐飲。都係63/set lunch .2人仲有優惠，120元2套餐。店員仲話遲些會推出3人餐，價錢仲更加優惠。現在中午時間好少有沙律食，適合我呢D怕肥人士食。我就叫左個凱薩沙律+煙肉芝士牛角包+熱檸檬水。沙律係有機生菜加特制醬汁，生菜新鮮爽口，好味怕食蔬菜嘅人都會必食，煙肉牛角包。煙肉長而大，芝士足夠蓋著煙肉。每口都有煙肉和芝士既味道。這樣已足夠包。我朋友就叫左個蘋果沙律、竹炭包配吞拿魚、烤鴨髀配柚子汁+窩夫+熱檸檬茶。嘩佢個竹炭包內嘅吞拿魚超多，果包軟綿綿，另外個烤鴨髀仲好味，鴨脾夠瘦配特制柚子汁，我最愛吃蘋果沙律，新鮮蘋果加左沙律醬爽口清甜，好醒胃。呢間店仲有好多主菜選擇，今日不能盡試。下次我會再去試下其他主菜。我朋友仲話每日都有唔同款式配搭，日日食都不厭。早餐都係22-32元，下午茶仲低，卡邦尼意粉都係43元。平民化價錢，法式享受。

做義工前先吃午餐，别以為站着切菜三小時是容易的事，試過便知有幾疲累。依然點那份一主菜一沙律一配菜的$63，我個人認為『有營』的午餐。第一部是選沙律，要從六款沙律中點選自己的喜愛，那天的囗味是選了《華道夫沙律》，即是有蘋果、合桃、西芹、葡萄乾並佐以美奶滋的那款沙律，個人喜歡蘋果香及整體沙律的那份柔美味道; 第二部是選配菜，通常都是蔬菜、菇菌、薯仔的種類，只不過是要知道它的煮法是有甚麽不同。在這部份我點了《炒雜菇》，個人接受绝大部份的菇菌，並不會因為它在市場裏的售價而挑三揀四。這份炒雜菇是炒得乾身，没有因為水水而把菇味弄丢，吃落囗是入味，爽身的菇質會有咀嚼感。主菜這方面我點了《烤雞扒配蜜糖黑椒汁》，一塊雞扒是既大又厚肉，切開雞扒來看，肉汁是依然流出來的，吃過是没有雪味，肉質不嚡，那個蜜糖黑椒汁是少辣、惹味也不嗆囗，總算選對了。來到Pati又怎能不喝他家的咖啡？凍美式是依然的入囗醇美。味道 3.5環境 3服務 3衛生 3.5抵食 3.5