抹茶館 (Closed)

總喜歡得閒就要黎一黎喜歡佢好多野 第一 地點方便第二 基本上 唔洗排隊 當你係星期六日晚上 係旺角食飯 度度都要排隊等位 佢唔洗但你唔好以為佢無料 第三 佢有客等位都唔會趕你走當然 最重要係質素 基本上 永無失準所以我好喜歡黎食 如果星期六日約人 book唔到地方 大家可以考慮下 而且又要甜品食今次4行人 叫左兩個二人餐但好傷心咁包的餐飲得番一款 真心令人失望果日先七點半 會唔會係咁另外小食方面炸雞 就無乜特別 但個蠔就唔ok主食的意粉一如既往的好 永遠覺得佢份量少左d 可能係我貪食啫

抹茶館－顧名思義有很多綠茶類的食品，他們有抹茶熱飲、抹茶冷飲、還有芭菲和軟雪糕等。今日工作得很晚，下午四時才吃午飯，在這裏竟然還有午市套餐。於是點了一客黑麻汁濃厚豬骨湯拉麵（$69）及凍黑蜜牛奶抹茶（$39），坐低唞一唞。吃完好飽，晚上回家煮青菜吃當晩飯

唔好以為寫明抹茶既餐廳就只有抹茶既食品、飲品同甜品賣，呢間一樣有唔同既咸食提供，無論鍾意食抹茶定對抹茶唔Like都好，都會搵到心水野食是日叫咗一個2人套餐，售價＄230, 有齊前菜小食、主菜同飲品，價錢算中等而且環境雖然係商場Open Area但當日都唔算好嘈吉列蠔3味蠔Size唔會好細而且上枱時熱辣辣，相信即叫即炸。炸粉唔會好厚同埋蠔內仲有好多水份，炸既時間掌握得幾好。3味意思係有3款唔同既醬放係炸蠔到，每款醬味道都唔錯，若大家喜歡食蠔，應該都會喜歡食蕃茄煮海鮮看似用咗好多蕃茄去煮但味道唔太濃，不過海鮮方面都算多，有青口、蝦、蜆，相比之下吉列蠔優勝好多海鮮豬肉泡菜丼小妹對海鮮同泡菜都幾鍾意，見到有呢個組合當然不能放過啦！泡菜唔會好辣同酸所以配飯食一流。豬肉係薄切的不過海鮮份量唔係多，幸好有泡菜濕濕地，食碗飯容易食哂自家製他他醬清甜醋炸雞肉丼炸雞有3舊，都算幾大舊。雞肉配上他他醬，醬汁幾好味而且感覺唔會太膩。因為配上白飯，沒有任何醬汁就感覺乾咗D，如果喜歡醬汁”送飯”就會令大家有少少失望喇茉莉花茶＆柚子茶小妹喜歡無糖飲品，所以呢到既茉莉花茶最岩我，因為佢係無糖架柚子茶就比較淡，如果落多

我同老公就快試晒雅蘭中心2樓嘅舖頭今日輪到抹茶館 裝修和風式，座位寬敞坐得舒適 下午茶時段人流少比較清幽我叫咗個味噌拉麵 ，面質ok，但不是爽口果種，豚肉夠淋，但湯底有D咸，吾係濃味果種我老公食生薑炒豚肉，加個凱撒沙律，二份炸蠔個炸蠔炸得吾錯，外脆肉 juicy有驚喜我老公連食二份最後講一講佢個飲品，我見有好多關於綠茶既飲料，甜品，加上店名叫抹茶，應該好好味先真，點知我叫左杯冰綠茶，外表就靚，但飲落口淡而無味 初初我以為未攪勻，咁攪勻再飲多次都係咁樣，好似水加咗綠色嘅液體落去咁，真係非常失望綠茶冇綠茶味即係等於雞冇雞味咁都唔知飲緊乜 我梗係唔敢試埋其他嘅甜品啦

今日上完堂難得約埋舊同學一齊聚舊，本身打算約係旺角cafe一齊食下野傾下計，點知去到原先想去既cafe先知道進餐時間限時個半小時，知道舊同學每次聚會都會傾好耐計，同時又有人遲到，見唔對路，即刻轉地方！黎到雅蘭中心有好多野食，揀咗呢間抹茶館諗住食下tea，應該可以傾耐D既！抹茶白玉芭菲呢個賣相已經好吸引，一層層唔同既食物，有威化，抹茶雪糕、柑橘、忌廉、脆片、抹茶凍。有唔同層次既口感、味道，啱哂甜品控。培煎茶一上枱就係咁既造型，感覺好中國茶。開頭驚飲落好苦，但其實諗多咗，好香茶味，好夠熱！綠茶朋友叫咗綠茶。抹茶大福卷大福卷唔會好厚皮，食落都唔會太甜，再配埋抹茶既最佳伴侶︰紅豆，感覺十分配搭，雲呢拿雪糕透心涼。抹茶白玉雪糕餡蜜抹茶雪糕再配合紅豆蓉球，配搭白玉、柑橘，底下係抹茶凍，再將黑糖糖漿倒上，一齊食好滋味。結果我地一路食一路傾計，都有幾個鐘頭，店員都冇催我地走，環境都幾舒服，唔錯喎！下午茶套餐MENU

今天因為出左來旺角做野，晏左食lunch,勁肚餓，不嬲如果行開旺角，都會入雅蘭中心揾野食，層層都有不同菜式選擇，好耐冇食抹茶館了，一于今餐lunch就食佢。中午餐廳做緊lunch set,之前試過好多了，飯類就試過「照燒雞肉伴溫泉蛋丼」單點的有「吉列蝦咖哩丼」今天就試下從未試過的「卡邦尼溫泉蛋烏冬」Lunch set包飲品一杯，我揀左熱飲玄米茶卡邦尼汁好大碗，上面鋪住好厚既芝士粉，只是烏冬份量少左d,好似冇幾條咁。晤知我系太肚餓，定系卡邦尼芝士太好味，我就覺得如果烏冬加多d會開心好多由於都被甜品餐牌吸引左，order左一份搽茶大福卷，糯米皮唔夠Q,餡冇想像中好味，有少少鞋，伴左一球雲尼拿雪糕賣相ok,味道有待改善。或許日本去多了，對日本野要求高左，有d難滿足要求哈哈不過老實講，在香港抹茶館算系咁了，之前試過「抹茶提拉米蘇」都幾值得推薦

同朋友喺旺角食完晚飯，幾個女仔一齊梗係要食甜品🍧有兩位同行友人都係抹茶愛好者，見到雅蘭近近地有間抹茶館🍵就入左去試吓啦呢間抹茶館有晚飯套餐同甜品食，抹茶甜品都幾多選擇，抹茶飲品更有兩大版menu，分熱飲和凍飲。最後我地揀咗: 抹茶雪糕配和菓子，同埋草莓pancake🥞抹茶雪糕溶解得頗快，偏甜，重奶味，抹茶味不夠濃。旁邊只有三粒和菓子，少許生果和紅豆蓉，紅豆蓉太甜草莓pancake不過不失🥞Pancake微熱，口感輕盈，草莓甜甜的🍓，這個比抹茶雪糕優勝總括而言，這間甜品店可一不可再

年三十下午肚餓去咗食日本餐廳＄39包野飲$39包野飲叫左個牛肉飯🤣味道似吉野家感覺牛肉嘅質地都好似不過可能因為下午茶份量的確很少今日餐廳人都算幾多可能放假來到🤣🤣儘管係下午茶 當男人去食真係未必夠食😄😄餐包埋野飲我就叫埋柚子茶偏甜 自己加多點水可以當飲多杯員工服務態度都好

套餐有個芝士蟹肉沙律係整得幾好味、他他炸雞無咩味道、食起個味道吾似日式炸雞、好厚炸粉、另外個燒豬肉溫泉旦飯、個豬肉片完全無豬肉鮮味，個湯好大胡椒粉味、個花茶幾好係用茶葉成個茶壺沖來 。

去完意粉狂熱食飯後甜品，對面就有抺茶館，點咗特製白玉紅豆抺茶漬。點知中晒伏，湯圓冇味，要點紅豆先有甜味，仲差過利川湯圓，同期望的很不同。綠茶有一張紙教你點沖，要用竹掃攪拌至起泡，只係搞gimmick，味道同元氣綠茶一樣。只能說呢個甜品只係得個賣相，同有得俾你沖綠茶玩下，味道就唔好太高期望。

This place is full of matcha desserts and drinks, perfect for any matchaholics! Quite like their matcha tiramisu and the red bean with mochi and matcha soup (diy). Their iced matcha drinks are also very rich and not too sweet. The service was good in general.

食飽飯想搵個地方食甜品點知度度都好多人。朋友鐘意綠茶，見唔算多人排隊(始終過了晚餐時候)，就不如坐低飲杯茶啦~日本茶道體驗，黎到好好笑，大家都唔識處理，應該點沖茶同搞好，厚住面皮問職員點搞作，職員好有禮同我地講解搞搞下，過程幾好玩喎，朋友話好正，可惜我唔好綠茶，我覺得好苦囉。我就叫左杯綠茶系列既飲品…上面有啲cream 感覺杯野無咁苦，好驚飲得茶多瞓唔著吖~不過，喜歡綠茶既朋友仔不妨試下。搵日試下佢正餐先…好似幾吸引

好耐前已試過抹茶館，但對食過既野印象模糊，代表上次試既麻麻地啱心水。~今日中午同朋友打完麻辣邊爐，想揾的甜品中和下，朋友提議呢間，作為抹茶控既我即想在一次認真品嚐。我叫左抹茶Tiramisu set,朋友叫左一杯白玉雪糕牛奶抹茶(唔記得影)&另一杯唔知咩名(睇圖片)。~Tiramisu配杯茶望落好精緻，甜味適中，個盒size細，做左一層蛋糕+奶油+抹茶粉，口感層次便不會太分明，可以話中規中矩。~白玉雪糕牛奶抹茶係一杯綠茶latte,類似士得巴個款，但多左所謂既白玉係煙韌既小湯圓及抹茶雪糕，比起士得巴我個人覺得口感更為豐富，抹茶同奶味比士得巴黎得更濃厚滑身，抹茶雪糕色澤深邃，抹茶味濃。用驚喜黎形容呢杯!另外個個麥片雪糕杯，感覺有的似自選乳酪咁，有多款配料，好多層。個雪糕比前者淺色軟身，抹茶味較淡。我還是喜歡前者多的。~總括抹茶飲品做得出色，甜品選擇亦較多。喜歡綠茶既朋友都會眼。至於價錢中庭啦～佢地仲有飯類仲未試過，下次試左在分享

抹茶館呢個名真係聽咗好多年，但真係對佢無咩印象，因為坊間實在太多打著抹茶旗號開嘅餐廳，所以確實搞唔清邊間打邊間。我一心以為佢純粹係一間甜品舖，但今日經過望望咁多人食主餐，先知佢係賣日本定食為主，不過咁岩經過只係想坐下叫咗兩個甜品就算。抹茶軟心朱古力芭菲好大杯，好Fancy岩晒用嚟相機食先。雪糕尚算濃郁，不過啲奶油Cream就好heavy；軟心朱古力係精髓，少少苦澀唔會太甜然後慢慢溶係口，配合Cereal為成個芭菲加上Crunchy口感，但係食完Cereal個part已經好濟，再加上底層嘅椰果同抹茶好唔夾，亦都太甜所以最後都放棄咗啲椰果，建議加黑糖似乎更好。抹茶湯丸子就好失望，丸子煲得過稔，煮到爛晒無咬口而且過粉，用嚟沖茶嘅水唔夠熱，處於微溫狀態，而且有陣生水味，不論加入丸子一併享用定係單飲都唔好飲。若然係旺角，純粹想搵個位休息下，又唔想去Starbucks同人迫，呢到確實係唔錯嘅選擇，嘢食唔係貴，只要揀岩嘢食的話質素都算中中挺挺，亦唔洗同人搭台同排隊，呢到都算係咁架喇。

第一次吃這間店，入座沒人理會，到想座下時才問幾多位座外面都不成問題，點餐時揮手呼喚很久店員有經過拿食物給別客但沿途目光只看地下（有金拾嗎？）忍不住2人聲亮呼喚才來下單（簡直神級店員！)餐送到來時飲品剛好中間位興朋友聊得入神沒有留意到旁邊有店員拿來食物，就是站在一旁又不放在桌又不開聲叫客人幫忙移動飲品位置，最後我同朋友自覺地移開店員才放下食物（看來神級店員想玩心有靈犀），有賣相不代表放得入肚子，因為這個飯就是很難吃，的確不是這間店的特色小食，但都未免強差人意！而且餐具極度嘔心，用紙巾抹出一片黃色來朋友同我的餐具都一樣！最後只得雞塊是還可以。以上可能甜品才是主角，朋友有就甜品好吃的，但我個人已經想快快難離開這間店結帳都要說2次真的夠經典（明明就沒有什麼客好招呼）