六丸(居食屋)日本料理 (Closed)

旺角女人街之上其實有好多食店，其中呢間六丸居食屋就係一間喺呢度屹立多年嘅日本料理。記得以前拍拖時都好鍾意嚟捧場，因為食物新鮮，價錢大眾化，而且服務夠親切。一段時間冇到訪，所以今日又同老公重遊舊地。景物依舊，令人特別想當年，隨心就揀咗幾樣凍食先開個胃口。原價$120嘅三文魚刺身，只要食滿$180就可以以優惠價$70食到，當然要叫返一客。三文魚刺身每片厚切，啖啖鮮味，真係想一試再試。珍味小食拼盤包括有海蜇、芝麻三文魚同味付螺肉，全部都係開胃小食，好味到我哋連墊底嘅青瓜絲都唔放過。香芒松葉蟹棒卷賣相非常精緻，色彩又夠繽紛。入面除咗有松葉蟹棒，仲有青瓜絲，上面鋪上芒果肉同蟹籽。店員問我哋是否食辣，就推介我哋試呢個火炙地獄黑豚肉烏冬。對我嚟講確係有啲辣，不過又好好味，原來喺濃濃嘅豬骨湯之上加點辣油係咁惹味同開胃。黑豚肉叉燒呈半肥瘦，食落感覺又唔太肥膩而帶點甘香。雜錦天婦羅都幾大堆頭。除咗有炸蝦天婦羅，仲有南瓜、番薯、青椒同冬菇，總共有八件，真係相當豐富。食完呢餐之後，所有回憶即刻返晒嚟。

難得今日放寬晚市堂食，所以同我朋友仔喺旺角睇完戲之後，就近近哋，試下呢間日本餐廳。 餐廳環境都唔錯，服務員姐姐態度好熱情。 我哋叫咗岩石燒雞粒鍋飯、地獄黑豚肉拉麵、凍檸茶、同埋蜜桃梳打水。見佢個紫薯甘栗餅幾吸引，所以就叫埋做小食。 落咗order冇幾耐，啲嘢食好快就到。岩石照燒雞粒鍋飯好有驚喜。嚟嘅時候溫泉蛋震下震下，令人視覺上食慾大增。而且佢啲雞粒係唐揚炸雞塊，食落口甜甜地，雞皮炸得外脆內軟，雞肉好嫩，成個飯都好足料，真係大件夾抵食，好滿足呀！ 至於地獄黑豚肉拉麵，就啱曬鍾意食辣嘅朋友仔啦！佢嘅湯底係有少少麻辣，而且湯既面頭有啲辣椒油，完之後舌頭嘅麻辣感覺持續咗一段時間，令人愈食愈上癮呀。 蜜桃梳打水同凍檸茶都ok㗎！又凍又夠氣，夏天飲好消暑呀！ 配埋地獄黑豚肉拉麵就啱啱好！至於小食紫薯甘栗餅，真係令人食過返尋味，炸到外脆內鬆化，咬落口粉粉地、甜甜地 ，而且又食到紫薯嘅粒粒。呢個配搭認真唔錯，十分推薦！ 總括嚟講，呢間餐廳啲嘢分量又足、價錢又抵，性價比好高呀！行開旺角又想食日本嘢嘅朋友，都可以試下呢間餐廳。

陪朋友到旺角睇電子產品, 穿過通菜街, 兩旁攤檔都冇開, 未知是否因疫症而結業, 還是有預報大雨關係, 平時兩邊嘅隱世商舖食肆都呈現出來。見肚餓, 就隨意入咗間日本餐廳食餐dinner, 餐廳環境不算光鮮, 有點殘舊感, 反而更有日本當地地道舊店似的, 而且設大部份卡位, 坐得比較闊落。食物款式多, 除了價錢比較抵食嘅晚市定食, 仲有好多散叫嘅沙律、小食前菜、壽司刺身卷物、串燒等等… 【厚切牛舌串】HK$35/串牛舌有點厚度, 表面有油光同埋少少黑椒吊味, 口感爽而不韌, keep到juicy肉汁。 【三文魚芝士卷】HK$58飯卷表面分別沾上紫菜粉、蟹籽兩種口味, 再卷上三文魚粒同cream cheese, 整個入口奶酪味偏重, 細味更有三文魚嘅魚香。 【石板燒魷魚】HK$78小小石板熱辣辣滋滋聲上檯, 香噴噴, 魷魚味道甘香, 爽而不硬。  【日式炒雜菜】HK$50大量椰菜、芽菜、蘿蔔絲炒起, 整體甘甘地, 口感極爽脆嘅椰菜味道最為出眾。 【鮮茄濃湯海鮮鍋】HK$68蕃茄湯底味道香甜濃郁, 食材很豐富, 底部墊上椰菜同埋少量彈滑嘅粉絲, 海鮮鍋包括有大小蝦各一隻、青口、蜆冇沙、魷魚等

疫情反覆接近兩年了，好耐冇去過日本旅行，我和表妹都好懷念日本的美食，她提議到旺角百老匯電器後面一條街，是通菜街一間六丸居食屋吃日本料理，餐廳門外掛上火光熊熊的十幾盞紅色燈籠，餐廳內裝潢充滿日本居酒屋氣氛，座位舒適。Menu有特價精選是無限次數，價錢大眾化，必然要點，賣相吸引的唐掦九州池魚仔和一片一片的燒三文魚皮，入口酥脆香口；長度足足有隻碟咁長的海鰻壽司，入口即溶，蕃茄牛柳手打烏冬，嫩滑溫泉蛋和稔嫩牛柳令質感煙韌的手打烏冬更添美味！優惠價錢給食客的主角之一鮮甜三文魚刺身，是這豐足日本菜的完美終結！

女人街自從冇遊客到執咗好多賣嘢排檔，平時比排檔遮擋的兩邊店舖反而奪目，望到其中有間叫六丸(居食屋)日本料理，門口掛飾和佈置，真的好像日本居酒屋。座位以卡位為主，坐得舒服。黑松露三文魚沙律：將三文魚切粒再加入黑松露沙律醬製成，兩者互相配搭香氣四溢，黑松露的香氣加上濃郁的沙律醬，有助刺激味蕾，開胃醒神。牛油果軟殼蟹卷：軟殼蟹香脆可口，配creamy 滑溜的牛油果，加上面頭鋪滿蟹子同沙律醬，口感豐富。三文魚壽司甜蝦壽司：三文魚肉質鮮美，色澤鮮明。甜蝦鮮甜。壽司飯軟硬適中。香草燒雞翼：雞翼開邊串燒比較香口，肉質都好入味！鐵板帶子牛油燒：用鐵板盛載帶子上枱，熱辣辣香噴噴，帶子沾滿牛油香味，非常惹味！中間仲有金菰和冬菇，一樣爽口惹味！六丸地獄海鮮拉麵：先來一口湯底非常有驚喜，湯底濃郁帶點微辣，大蝦、青口等海鮮令湯底非常鮮味，流心蛋好滑溜，拉麵軟硬適中，帶點煙韌嘅口感，每食一口麵都有濃郁嘅湯汁，非常惹味！

終於可以在晚市堂食了，今天OT完，放工一個人來到旺角逛街，走到這間叫做「六丸居食屋」的日本料理，在門口看到餐牌，看到選擇非常之多，賣相吸引，決定今晚晚餐在這裏享用。一打開餐牌，圖片色彩繽紛，選擇甚多，各式各樣的日本料理和壽司都很齊全！三文魚親子丼這個三文魚親子丼非常之大碗，上面鋪有最少七至八片厚切三文魚，三文魚顏色鮮艷，味道新鮮，讚。三文魚子粒粒飽滿，味道甘香。五花腩串燒所有串燒都是即點即燒的，五花腩的層次分明，肥瘦適中，絕不油膩，而且還有啖啖的椒鹽香味。鹽燒雞軟骨我向來都非常之喜歡吃雞軟骨，喜歡它的爽脆口感，這裏的雞軟骨也值得推介。唐揚池魚仔份量太多了吧，一送上枱，我被這一籃子的池魚仔嚇親，起碼有10多條的池魚仔！魚仔炸得很乾身，外脆內軟，比多春魚更加好吃。一個人的我，飽到要捧着腹子離開，這樣豐富的日式料理晚餐才約二百元，太抵吃了！下次一定要來encore。

自從4月21日開放夜市堂食以來，累積多時的“食”力爆發咗，多咗夜晚出來行街shopping 搵嘢食，見大廈樓下看更的次數也多咗好多。鬼咩，之前冇夜市堂食，的舖頭夜晚都靜咗落來好多直情唔開添，成個城市爭D變成“無人之城”。呢日行到旺角，來到通菜街，見到呢間居酒屋好大的招牌，好似好囍慶咁，偷偷望下，都有D啱食的東西，而且依然有我喜歡的闊落地方，舒適嘅座位。咁就唔好放過，做足“安心出行"，scan埋“電子針卡”之後就點咗以下食物：1."蕃茄鴨肉手打烏冬"，68蚊2."牛油果軟殼蟹卷"，58蚊3. "蒜片和牛粒"，78蚊鳥冬絕對係手工打造，好高質好煙韌，鴨肉帶些少油香，給烏冬添上滋味，蕃茄用嘅係新鮮蕃茄，好fresh，看似簡單的一碗烏冬食出好味道；牛油果和軟殼蟹皆是我鍾意食物，兩者加埋也是絕配冇得輸；蒜片和牛的蒜片炸得好香口，一啖蒜片，一啖唔韌的和牛，成碟食晒，如果單獨食蒜片，我未必會喜歡， 但咁樣的搭配就非常之match到。

三文魚刺身($45)，價錢已經半價左，共十片，好抵食，每片都好長好肥美，而且仲係用魚腩部位油脂味香濃。香芒乳酪松葉蟹卷($55)，乳酪既微酸，芒果既甜，再點一點wasabi既辛辣，三種味道一次過衝入味蕾，配搭埋松葉蟹既酥脆口感。牛油果軟殼蟹卷($58)，牛油果色澤都好靚好新鮮，軟綿綿既口感，加上蟹籽既爽口，軟殼蟹既脆口，一次過放入口，口感層次豐富。牛油炒雞腎($52)，上菜時熱辣辣仲出緊煙，雞腎唔韌好易咬，帶微微爽口，加左芝麻和黑椒食落更加香口，唯一改善係如果能夠切得大片一d食落口感會更好。鰻魚炒飯($78)，個飯睇落平平無奇，內裏實際上有好多片鰻魚，絕對係落足材料。

中學時代嘅回憶🤣🤣嗰陣時又冇乜錢但係又想食好嘢都會黎女人街搵食🥰佢啲set dinner真係好抵食😍豬軟骨豆腐鍋定食 $78定食仲會有2塊三文魚刺身，麵豉湯同前菜！感覺好豐富🤩🤩係一個平時食放題牛肉鍋個啲😚湯底略略覺得淡啲會更好👍🏼但個湯送飯真係perfect match!!!!!入面有好多菜，2個超滑嘅豆腐，薯粉，金菇冬菇，3個豬軟骨！豬軟骨淨係軟骨部份好淋，其他就有小小硬🙈🙈另外仲叫咗個壽司烏冬定食 $78total 有8舊壽司🍣同一碗烏冬！好多嘢食😚😚👍🏼男仔啱唒！食得出個烏冬係稻庭烏冬好有咬口😍好食！海鮮雜錦沙律 $68wahh超正！好多刺身，有油甘魚，三文魚，三文魚籽，甜蝦！好新鮮！！！唔會腥！！！超大碟！！好食🫢炸雞軟骨 $45麻麻地！！！有小小乾！！！不過勝在個醬好食🤩食到飽晒先唔洗每人150！好抵！

終於開返堂食啦！日日都約朋友出街食飯，又到月尾，最窮既時候。今次同朋友約左係旺角女人街食，見到呢間日本野不記錯都好多年，價錢好經濟，我地即刻入去試下～ 見到d定食都唔錯，仲有魚生，麵豉湯送埋。 我叫左網燒牛肉定食，用珍珠米，隔黎配沙律都幾好。當然唔好expect 好靚嘅牛，以呢個平民價錢佢做得唔錯，份量又夠，配埋bb沙律醬更加好味，好送得飯。朋友叫左豚肉生薑燒定食，配埋洋蔥之類既配菜，又係好送得飯～ 另外，餃子佢煎得香脆，有別於其他店既餃子，佢係野菜餃子，而其他店既餃子好多都只係煎個底，佢就4面都煎晒，配既汁有d似沙律汁。 呢度最令我諗起係中學時期，同同學想食日本野，就會入呢類平民日本小店，滿足下個胃～

六丸日本料理疫情緩和返，晚市終於開返啦，但四圍都係人，等位都等到傻，咁唯有去旺角啲橫街揾下野食啦。行到通菜街見六丸日本料理冇乜人排，咁就入去試試佢。由於疫情只係放緩咗少少，所以餐廳都唔係太多侍應返工，所以當日既上菜速度都比較慢，但都冇乜漏單情況。我地今日唔算太餓，只係叫咗一個晚市定食同兩個小食。壽司烏冬定食壽司水準不過不失，魚生唔算好新鮮，但處理得唔錯，冇乜腥味同雪味，醋飯唔會太實太酸，呢個價位都算合格。而烏冬方面都好好食，煮得啱啱好，有咬口唔會過淋，好食既。鹽燒三文魚頭呢個有驚喜！上碟有三大舊，非常抵食。而且魚頭肉質好嫩滑，而且魚油豐富，食落滑溜又食到魚油香，好唔錯。燒五花腩呢到既燒物都幾唔錯。，豬腩肉肥瘦均勻，外皮燒到好香脆，油脂感亦好充足，但略嫌有少少韌，不過都算係好食之作。

想吃日本菜又怕貴，這裡可以滿足需求。最鐘意是牛油果軟殼蟹壽司，新鮮炸好的軟殼蟹，軟糯的牛油果，配上壽司卷就是一絕，而且是很大一卷，上面放了很多三文魚籽，絕不欺場。👍三文魚刺身，本是普通的菜式，但用了新鮮肥美的三文魚腩，感覺是超享受了，切得厚厚的三文魚腩，蘸著醬油綠芥末，嚼得滿口魚油香，豐富的奧米茄3，好像吃了一周的份量。😍再來是燒花魚，以前很少有這種魚，今天有幸試到了，燒得很香，皮脆肉嫩，加上檸檬汁，羅卜茸，一新口味。😋吃完魚🐠肉吃牛🐮肉，滋滋響的鐵板蒜片牛柳粒來了，香濃的蒜香拌著大塊牛柳粒，看到都流口水🤗，洋蔥蒜片是嫩滑牛柳的最佳搭檔。😘還有蟹子海膽炒飯，鋪滿蟹子的加州卷，真是太豐富了，吃得飽飽的，下次吃日本料理還要來這裡。😊

今日係旺角行街，朋友突然話想食日本菜，做左一輪功課之後，近近地黎左六丸居食屋醫下個肚。餐牌選擇種類多，睇左一陣先決定到食咩。前菜點左特盛海鮮沙律，果然份量特多，而且三文魚 蟹籽 甜蝦都好新鮮！另外仲有火炙黑松露和牛壽司同珍寶赤蝦壽司，2款壽司都無令人失望，和牛燒到好香，配黑松露又唔會完全遮左和牛味道。試左二款鐵板，鐵板燒牛舌同牛油帶子。牛舌好厚，味道適中，唔會太咸。帶子大大粒，牛油香味濃。最後試埋吉列炸蠔同蕃茄牛柳烏冬。炸蠔有5隻甘多。而烏冬要特別讚，睇顏色都知湯底濃，而不會太咸，牛柳口感嫩。

三文魚刺身、帶子刺身兩個都好鮮甜，而且三文魚好肥美，食到油脂嘅味道！香芒乳酪松葉蟹卷佢個芒果都甜甜酸酸咁，好醒胃，同埋佢唔係蟹柳，係高級D！加埋啲蟹籽好多層次😛牛油炒雞腎屋企好少食雞腎，所以見到就即刻嗌！個雞腎口感好好，好爽脆，有啲人可能會覺得內臟有浸味，但佢佢用牛油煮令到成個dish都好香！軟骨餃子呢個就正正常常，冇乜特別，都係平時嘅雞軟骨餃子咁樣，入邊有啲軟骨同埋肉！不過都煎得幾靚嘅，外皮係金黃色！香草燒雞翼佢唔係平時嗰啲食開屋企個d兩骨雞翼，所以肉會多啲，個外皮燒得好脆，入邊好Juicy！甜甜地加埋香草既調味非常夾！牛柳粒串燒牛味好濃，又唔硬，配埋洋蔥食好香～

經常都會去旺角行街睇戲食飯，今日就約咗朋友去波鞋街買乜嘢，行咗一陣有啲肚餓去搵嘢食，第一時間上 OpenRice望吓有咩好嘢，見到附近有間日本餐廳，啲評級都唔錯於是就去試吓。六丸(居食屋)日本料理,地址喺通菜街75號地下。去到舖頭地方都算好大，而且座位嘅空間感好闊落，坐得郝幾舒服。鮮茄濃湯海鮮煱 68 元 海鮮鍋用料10分豐富，有大蝦，蜆肉，青口，將海鮮嘅鮮味濃縮晒係蕃茄湯嘅甜味，所有鮮味濃縮埋一齊味道好有層次。牛油炒雞腎 52元 雞腎非常之爽口，而且加埋啲調味，洋蔥味，入口好惹味，另外有少少芝麻喺面，整體嘅味道層次豐富。蒜燒羊架 78 元 羊架燒到啱啱好，加埋有啲蒜香味，令到羊嘅味道更加突出，而且羊肉肉質非常嫩滑，真係好好食，食兩件都覺得唔夠。三文魚刺身 三文魚嘅色澤同埋肉質都非常新鮮，加上三文魚有少少脂肪，入口特別爽甜，唔使點Wasabi食，完全食到三文魚嘅鮮味。呢個簡直係我最愛。而且件件三文魚都算大片，真係又抵食又好味。值得一讚。雜錦天婦羅 68 元 天婦羅啱啱炸好，味道又香又熱辣辣，而且粉漿唔會太厚，入口一啲都唔油膩。我自己就最鍾意食大蝦天婦羅。蝦嘅肉質爽口彈牙，鮮味十足。牛油