六丸(居食屋)日本料理 (Closed)

今日同男人黎開旺角買野 晚飯時間附近見到好多個紅燈籠既餐廳門面，感覺都幾日本風，行近睇見到唔少食物相，睇埋個餐廳都幾多款式可以揀，我地就決定試下🤩我地入到店內，都有一種日本風味我地睇完餐牌之後就落單，d 店員都好有禮貌！第一樣叫左牛肉壽喜燒湯烏冬，蛋俾我影相之前唔小心整爛左😂佢個湯底味道岩岩好，有時會好驚d 壽喜燒d 湯底太甜。另外d 牛肉係湯餘溫整熟，咁就岩岩好，唔會太老！入面都好多料！雞翼串燒，燒得好香🥰呢碟牛舌燒得岩岩好，最驚有d 店太硬，咬唔開，但呢度就無咁既情況！最後我地仲叫左呢碟壽司拼盤set , 性價比高，有好多款任君選擇🧡仲有我最鍾意嘅花之戀壽司🍣close up d sushi 🍣每件都好食！Total 埋單$440,兩個人食到咁多嘢，都真係抵！

隊友話今日想食日本野，睇完明日戰記行過旺角見到呢間門面好大既日本料理，原來呢度開業有成10年，真係睇唔出，因為入面乾淨又企理，裝修有特色，地方仲好闊落添。呢度有好多唔同種類既選擇，幾乎你諗到嘅都有，有刺身，壽司🍣，卷物，燒物，揚物，鍋物等等。我地見咩都有，就除左主食之外咩都叫啲，因為價錢又唔貴，相當抵食。樣樣食物都唔錯，整體體驗好好。三文魚刺身-一共有十件，大件抵食。鰻魚卷-入面有玉子，青瓜同蟹柳，當然唔少得梗係上面既鰻魚，再洒上芝麻同少少鰻魚汁，調味剛好。蟹肉忌廉薯餅-雖然蟹肉唔多，但我覺得好好食，因為入面忌廉好滑，外脆內軟又唔會油，就算唔點沙律醬都好味。蟹子軍艦/芥辣八爪魚軍艦-呢個係地隊友鍾意所以叫，我自己就唔好，隊友話塊紫菜係脆既，唔係淋晒，軍艦最緊要呢樣野。豚肉泡菜鍋-個湯都幾辣同都幾足料，有大量蔬菜，仲有泡菜，豬肉，仲有粗粉絲，熱辣辣，唔錯。大阪燒-好掛住大阪，外脆內軟，上面鋪滿郁郁下既木魚花，味道唔錯，食落有啲似小丸子味。牛舌串燒/牛柳粒串燒-乾身得黎入面keep到juicy，牛柳粒間住有洋蔥，唔會太膩。香芋丸子🍡-呢個做甜品一流，外面脆，裡面香甜煙韌，淡淡芋香。

有壽司，有刺身，有卷物，有燒物，有料理，有甜品，開大餐吖，會唔會好貴呢？話你知，就係因為唔貴就咁點吓點吓，就點咗咁多啦。今日見到“火灸醬黃燒蟹棒壽司”和“火灸左口魚邊壽司”好似都唔錯，有特色喎，唔係普通蟹棒咁簡單，加咗醬黃汁多咗一層味道，而左口魚邊火炙咗更添香口。“三文魚加州卷”係喺食放題唔會點太多嘅食物，今日就來一份慢慢品嚐。“四點刺身拼盤”有蝦，有三文魚，有吞拿魚和鱆紅魚，都好新鮮。“番茄鴨胸手打烏冬”通常係愛來醫肚嘅，手打烏冬好好，有口感，擺耐少少都唔會"爛"。“厚切牛脷串燒和五花腩串燒”的牛脷不負其名真係好厚，食落口感又唔韌，五花腩有D油脂但又唔會好過。好多時會點日本小蕃薯做飯後甜品，今日見有“紫芋甘栗餅”，平時少見啲，估唔到好好食，下次來一定會encore 。

旺角抵食嘅日式料理🏮 今晚放工後 去旺角百老匯睇電器 之後搵嘢食 呢間餐廳位於女人街 屬於繁華地段 睇落已經經營一段日子 裝潢簡約 但不失日式feel 坐卡位都算舒服 店員殷勤有禮 親民價錢 😌 傍晚時分 天文台話好快掛8號風球 所以我哋急急腳 叫嘢食 食完好快啲返屋企啦😁 珍味小食拼盤$48大大碟咁 我比較鍾意食八爪魚🐙 火焰左口魚邊壽司$22左口魚邊 肉質鮮嫩 加上燒汁 魚油極香 食後口有余香 真係食完又想再食 推介 😋🤣 火焰醬皇燒蟹棒壽司$16腳蟹棒超大嚿 啖啖肉 好新鮮 滿滿的幸福感🥰 三文魚刺身$70塊塊都好厚肉 鮮甜肥美👍 雞泡魚乾$58入口咁香 點埋沙律醬仲正 送洒一流 😉 雞軟骨串燒$28香脆仲有雞油香 調味都啱啱好😍 鐵板牛油粟米$42鐵板 熱辣辣上枱 充滿焦香 用匙羹食超方便🥰 蕃茄鴨胸手打湯烏冬$68濃濃的蕃茄湯底 加煙燻鴨胸 及彈牙嘅手打烏冬 超正😎 芝士年糕$32👍梗係要叫我最鍾意食嘅芝士年糕啦 為呢餐畫上完美的句號 😎😎😎 🎈六丸(居食屋)日本料理 (旺角)旺角通菜街75-77號地下 kfoodie #hkfood #hkfoodblogger

今晚搵舊同事食飯，叫佢旺角搵間CP值高，介紹咗六丸居酒屋，係地鐵站E1出口，行2分鐘非常方便，入去光猛闊落！三文魚刺身（十切）餐廳做緊推廣，食夠180就可以優惠價70蚊換😳😳好抵食‼️三文魚🍣刺身夠新鮮爽口又厚身！唔會因為做特價比少咗，帶子好甜香芒松葉蟹棒卷，一碟有六件，芒果酸酸甜甜，上面淋左少少椰汁，食落有d似芒果糯米飯，幾得意三文魚明太子串，好大串！三文魚燒到油份出哂黎，配埋明太子沙黃醬，食完一串好full~好滿足五花腩串燒，肥瘦均勻好香口，仲有少少黑椒，唔錯唔錯蕃茄牛柳手打烏冬～蕃茄湯底濃，牛肉好多😙‼️香脆香芋丸，新鮮熱辣辣炸出泥，好好食咬落去煙煙韌韌，芋香味十足!

女人街真係好多好野食架😋今次入咗呢間六丸，睇外面咁多燈籠就知係食日本野入面就家庭餐廳Feel, 飯堂就係要咁先坐得舒服架嘛叫得做飯堂級就一定要大件夾抵食啦啲定食都係六七十蚊，日本餐廳嚟講算好平另外仲有啲特價精選，都唔算貴落咗單先見到原來仲有生蠔食😭天氣咁熱緊係食返件刺身先啦叫咗個4點刺身拼盤有吞拿魚、三文魚腩、油甘魚同甜蝦件件都厚切大大舊，鮮甜無筋👍🏻👍🏻👍🏻👍🏻胡麻豆腐沙律，大大碟無問題👍🏻👍🏻👍🏻另外叫咗特價精選果幾款壽司款款都好好味😋個人推薦松露和牛，好香仲有左口魚，油份夠高入口即溶👍🏻👍🏻👍🏻👍🏻最後係黑豚肉拉麵🍜麵底係香港常見拉麵底，辣辣地唔錯👍🏻👍🏻

今日同朋友做完facial就搵餐廳食，係旺角行左陣，就見到呢間日本餐廳仲有開，就同朋友試下呢間六丸日本料理。一入到餐廳員工好有禮貌，即刻安排我地入座同招呼我哋，場內好多位，所以都坐得好舒服。我地叫左刺身作為頭盤，有三文魚同帶子，擺盤都幾靚，仲要估唔到佢啲三文魚塊塊都好厚身同好新鮮，帶子都鮮甜，完全夠晒2人份量。 食完刺身，就試佢嘅小食，我地叫左雞軟骨串同鐵板牛油什菇，雞軟骨串好香雞油味，夠香口好岩送酒一齊食，什菇就好香濃嘅牛油味。 主食叫左個黑松露帶子炒飯，一上台就聞到超香黑松露味，仲有好多粒帶子肉，估唔到都幾足料，鍾意食黑松露一定好鍾意！仲叫左個芝士炸蠔卷，芝士味好濃，蠔都炸得外脆內juicy，最底仲有D辣辣地既茄汁，都幾特別！ 最尾叫左個香芋丸子，呢個真係好食，超軟超香，其實食到最後已經好飽，但同朋友都食晒左D丸子，因為個芋頭餡真係好正，佢有個沙律醬點，但我覺得其實唔點醬都好夠味。

每次午飯時間經過女人街的「六丸」，都見到座無虛席，甚至有人在等位，可見這間鋪的受歡迎程度，今日和朋友來食晚餐，興幸時間尚早，不用等位。餐牌很大本，選擇很多，一定有你喜歡的。「五花腩串、牛舌串」先來兩款串燒，五花腩和牛舌醃得很入味，燒得非常香口，厚切牛舌很有口感，送酒一流。「牛油果軟殼蟹卷」$58這價錢有六舊軟殼蟹卷，不單賣相靚，亦很美味，營養價值高，真是價廉物美。「雜錦天婦羅」$68有蝦、南瓜和冬菇，炸粉薄薄的一層，遮掩不住裏面新鮮的食材。「牛油炒雞腎」$52很少日本餐廳有炒雞腎這款小菜， 薄薄的雞腎很有口感，色香味俱全。「番茄牛柳手打烏冬」$68濃郁的蕃茄湯底配軟腍的牛柳，再加上爽口的手打烏冬，完美。

今日難得相約久未見面的朋友在旺角行街食飯， 在一輪行街血拼後， 十分疲累， 終於到食飯傾偈嘅時候。剛好路過一間日本餐廳， 睇過menu 價格合理， 就入去試下。入去後，見餐廳十分光猛，主要都多卡位， 正適合我們傾偈。服務員姐姐，之後都好熱情推介左他們有些日式套餐及特價食品，都好抵食。不過，同朋友成年冇見，今次就食豪啲，叫左個刺身拼盤，可以食多幾款不同刺身。另外， 再叫左兩款特價小食， 同牛肉鍋定食， 今晚可以食飽飽。首先來了， 刺身拼盤， 有帶子， 蝦， 吞拿魚， 三文魚腩， 油甘魚。油甘魚好有油香， 而帶子就好鮮味。最印象深刻係三文魚腩， 十分肥美， 啖啖油香。下次自己行街經過， 平平地試下，特價三文魚刺身先🤣另外， 叫左個五花腩串燒， 肥瘦分明， 加左鹽調味， 好似食緊半肥瘦燒腩仔甘。再來左個牛肉鍋定食， 都好多牛肉同菜配搭不錯， 蔬菜令牛肉冇甘膩， 平衡一下。中間來了個卷物也正常。我們邊食邊傾左好耐， 可能係閒日而價錢又合理都見不少放工的打工仔食個日式定食作晚餐， 又有後生情侶約會食飯。仲見有個靚女叫左個細既蟹子沙律， 都好大份下， 同個男友講話是否叫錯😂， 搞到我下次都想試下🤣

街坊推介日本菜，非常抵食，食店在旺角通菜街75至77號地下六丸居食屋日本料理。港鐵旺角站D2出口，步行約2至3分鐘，女人街第一段，百老滙電器後面過咗先達廣場馬路，轉左入女人街，六丸居食屋就在右邊直行。店內環境清潔整齊，充滿日本風格，座位寬敞，大部份都是卡位，舒服雅致，服務員禮貌招待，多款日本菜譜，有刺身、壽司、定食、拉麵、魚生飯類、日式料理、揚物，樣樣都有，而且價錢非常大眾化，任君配搭選擇，使客人稱心滿意。三文魚刺身$70原價$120，超抵食，新鮮甜滑度可比酒店自助餐的質素，為保持新鮮用了大碗碎雪粒冰鎮，使口感更加爽脆彈牙，而且份量十足，件件厚切，真是超級美味，抵讚。鹽燒花魚$48燒焦魚皮表面，肉質鮮嫩多汁，魚味很濃，食後口腔還留魚香味。厚切牛舌串$35, 五花腩串燒$25牛舌燒至剛好，每串3件，肉質爽淋彈牙加上燒汁，使味道更特出。五花腩燒焦表面，外表焦脆而肉質有些小油脂，更覺惹味可口。香芋丸子$28丸子炸至金黃色，內面是香濃的芋泥，配上日式沙律醬，味蕾充滿著酸甜脆的口感，非常好食。牛油果軟殼蟹卷$58賣相精美，6件放在長碟上，每件舖滿牛油果片、蟹子和沙律醬，卷內是脆卜卜的軟殼蟹，卷外

舖面算大佔兩個舖位，到嘅時候已兩點，不過餐牌本身冇下午茶依然繼續午市。呢輪食咗好食嘅蛋包滑蛋飯之類，一不留神又嗌咗個「滑蛋豬扒飯」。就知衰咗。蛋黃蛋白冇搞勻維持邊黃邊白，滑蛋同個「滑」字冇緣，頂多只能叫「濕蛋」，豬扒外皮預咗俾蛋扎住唔慌會脆，但質地鞋過我塊面，硬過我脾氣……質素類近便利店買自叮嗰啲飯盒。「壽司烏冬（松）轉拉麵」情況好啲，碗拉麵居然比照片大碗，好多壽司排哂喺度，質素唔算太曳，仲有件三文魚腩，小型花之戀係一件吞拿一件三文，算係大堆頭對得住個價錢。去櫃檯找數先發現只收現金或boc pay，而我後面冇人排隊，摷銀包袋散紙俾錢時成手都係嘢唔得閒，歷時大約1分鐘，收銀已顯得唔耐煩反反眼……旺角食肆侍應啲態度果然名不虛傳。完。

今日同朋友過左離旺角行街，臨近月尾，荷包乾塘，想平平地搵間日本餐廳食🫡 咁啱途經通菜街，見到依到好多餐廳，就隨意入左一叫六丸既居酒屋，性價比好高🥳😆首先餐廳環境好企理，裝修都好有日本居酒屋style🌃 野食由小食、燒物、鍋物到主食都一廳俱全，好多元化😛 仲要價錢超親民，$50幾蚊就deal🎉 性價比好高加州卷由飛魚子包住壽司飯、蟹柳同埋青瓜💓 入口味道match🎊牛油炒雞腎🙋🏻‍♀️超推薦，好惹味，雞腎彈牙有口感😁✨串燒：厚切牛舌、燒五花腩惹味香口，值得一食嫁🥳👍🏻日式煎餃子🥟同埋鱈魚乾刺身方便我哋就嗌咗四隻玻璃蝦、帶子、飛魚子✨ 刺身都好新鮮同埋鮮甜，帶子好厚切，口感鮮彈😚💓

發覺食物真係可以喚醒回憶～朋友好多年前讀u時就成日過來食呢間餐廳，充滿佢讀書時嘅回憶。.🌼珍味小食拼盤 $48有八爪魚🐙 螺肉 海蜇 份量不少.🌼三文魚刺身(10件) $70甜蝦刺身 (4隻) $48刺身都好新鮮，三文魚切得幾厚下～.🌼雞泡魚乾 $58烤得啱啱好，口感厚實，越食越香。.🌼蟹肉忌廉薯餅 $32蟹肉配以牛奶味忌廉餡餅，外酥內軟，十分惹味。.🌼黑松露薯條 $38超濃黑松露味道，薯條熱辣辣新鮮出爐喔。.🌼火炙地獄黑豚肉拉麵 $65拉麵韌度啱啱好，黑豚肉都幾大塊。食左咁多小食，兩個人share完呢個拉麵已經好飽。

位於女人街附近，呢間日式居食屋提供嘅食物種類好多，價錢亦相當抵，兩個人食量有限，試咗以下呢啲款式。🥑🥑牛油果軟殼蟹卷（$58）- 軟殼蟹炸得脆，配搭牛油果同蟹籽，口感豐富。🍣🍣三文魚刺身（$70）- 原價$120，特價$70，有10片。分量多，仲要新鮮，鍾意食三文魚嘅朋友必點。🦪🦪吉列廣島炸蠔（$52）- 一碟有五件，炸得鬆脆，蠔味好香，點埋沙律醬食，正。🍢🍢鹽燒冬菇串（$28）& 雞軟骨串燒（$28）- 燒得好香口，勁入味。🥟🥟日式煎餃子（$35）- 一碟有六件，餃子大大隻，分量十足，味道都唔錯。🍚🍚黑松露帶子炒飯（$78）- 炒飯分量勁多，落咗唔少黑松露同帶子，炒得好香，十分開胃。🇯🇵🇯🇵餐廳座位都算多，店員親切有禮，餐牌有各類型不同選擇，價錢仲好實惠。

今日超級大雨呀！好好彩搵倒間日本野，地方好大，所以唔洗等位都可以即刻入去食，好方便~入到黎有種乾淨嘅感覺，因為牆身都白白淨淨，同埋可能因為岩岩清潔完，都有種小清新嘅味道見倒佢好多野食都好平，得別係呢張特價精選，一碟小食只係廿幾蚊，好吸引呀香芒蟹棒卷有好甜好清新嘅味道，入面嘅蟹棒係脆脆地，幾特別三文魚腩刺身同埋北寄貝刺身都幾抵食，佢仲擺咗幾片檸檬喺度，食落唔覺有魚腥味，感覺都幾新鮮三文魚骨腩都係邪惡之選，每塊個皮都好脆，同埋有好多三文魚油脂，所以好好味燒五花腩都係水準之作，呢度嘅五花腩又唔會太肥，脂肪果層都燒到脆脆口，所以食完都唔會好滯。香草燒雞翼腌得超入味，有種類似日式醬油嘅味道，用黎送酒應該好正！最後仲叫左個血池地獄黑豚肉拉麵，佢嘅血池湯底都好夠辣，加上湯底好香，所以超級惹味。拉麵嘅麵質有彈性，係我鍾意嘅味道~食咗咁多野 埋單400蚊都唔使，真係好滿足！