沾仔記麵食

Open Now

Now Closed

下午茶時間又到啦，最好就係嘆碗鮮蝦雲吞麵。去開佐敦就揀咗沾仔記，係門口見到有好多米芝蓮推介，即刻入去試一試先。餐牌內有湯麵、撈麵、油菜、小食、飲品、外賣生料等，款款吸引。三拼  (+$12 轉蝦籽撈麵 )   $59依碗係轉左蝦籽撈麵，蝦籽鮮味十足，鹹鹹香香，每條麵都沾滿蝦籽，麵條有韌性夠彈牙，完全無鹼水味，食起嚟好順滑，充滿麵香。大大粒鮮蝦雲吞，皮薄餡靚，裡面全部都係蝦，蝦肉好新鮮爽口。牛肉係選用優質，牛肉煮到啱啱熟，入口新鮮嫩滑，牛味香濃。鯪魚球都好大件，爽口鮮味，食落口感軟綿綿。另外三拼連埋高湯，湯底用咗豬骨、蝦籽、大地魚乾等材料熬煮嘅上湯，味道非常清甜。單拼 (+$12 轉蝦籽撈麵)   $47   另一碗都係轉蝦籽撈麵，麵條幼身，有蛋香味，口感煙韌彈牙，與蝦籽拌勻一齊食，口裏嘅鹹鮮味散發出來，主食點左牛肉，嫩滑有咬口，係新鮮牛肉，牛味香濃，撈麵嘅湯底係分開，湯用左多種材料熬製而成，飮落味道好鮮甜。淨鮮蝦雲呑    $35      剛剛食完粒雲吞覺得好味，立即加單點碗淨鮮蝦雲吞。鮮蝦雲吞皮薄餡多，入面起碼有3隻大蝦，份量十足，蝦肉彈牙，食起嚟好爽脆，湯底清甜順口。時令油菜  

餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼 $47三拼有鮮蝦雲吞兩隻，鮮鯪魚球兩大隻同新鮮牛肉6，7片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。拼菜 $6拼菜有生菜，通菜同菜心揀。通菜份量好多，差唔多有一碗。轉蝦籽撈麵 $12麵係幼身，有蛋香又有咬口，質感較乾身，我鍾意加湯一齊食。附上兩條嫩到爆菜心苗。甜酸炸雲吞 大 $45甜酸炸雲吞一客五隻，炸到金黃色，整得皮脆肉爽，配有甜酸醬，味道更好。蜆蚧鯪魚球 大 $45蜆蚧鯪魚球都係一客五隻，炸到金黃色，皮脆肉彈牙，啖啖肉！蜆蚧鹹香十足，有兩大隻蜆。時令油菜 $26時令油菜叫左豆苗，翠綠嫩口，加左少少蠔油就夠味。份量足有一碗。低糖豆漿  $8低糖豆漿係瓶裝，夠凍，仲附上膠飲管。食物質素唔錯，餐廳地方乾淨，裝修光猛，唔怪之得平日午餐時間都好滿。

🎀佐敦。懷舊傳統港式風味 足料飽滿平價之選🙆🎀🪄店名* #沾仔記麵食 #沾仔記🔮地址* 佐敦廟街300號地舖🔮🗾分店地區🗾 佐敦, 土瓜灣💰價錢$138 (1人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_佐敦剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵今次又黎到佐敦食翻啲懷舊野 聽講呢一間日日都滿座 而且好多人都話好好食 所以就過左黎試下😚落車之後都要行大約10分鐘先到 離遠已經見到大大個招牌 當日兩點幾去都係爆曬場 甘受歡迎令我期待感up😍由於餐廳主打平價懷舊為主 所以裝修環境比較簡約 有港式風味～大多數都係以搭枱方式坐 木枱木凳為主🙂🍽️食物質素🍽️餐廳主打雲吞,鮮牛肉及鯪魚球為主 所以選擇唔算太多 但價錢都係相當平價 份量充足 用料都係好新鮮足料😍如果唔係好似甘大食既話其實$100都唔洗就可以埋單 超適合糧尾人士！👀評分💖💖💖💖💖🪄鮮蝦雲吞拼新鮮牛肉(轉蝦籽撈麵+$12) $53首先試左佢地最出名既兩樣野先 估唔到十分大碗😍鮮蝦雲吞好似乒乓球甘打黎 皮薄餡靚 入面起碼有三隻大蝦 蝦肉彈牙可口 而牛肉都係好

眾所皆知，沾仔記雲吞麵名氣近日爆燈！來佐敦吃實在是明智之舉，坐得舒適，又不會太廹，重點是不用排長長人龍。來一碗大雲吞鮮牛肉雙拼撈蝦子麵，牛肉手切鮮嫩，質素高，有肉汁，醃料味道香而自然。雲吞碩大，餡多爽彈，蝦肉完整一咬而見，還可以外賣生料回家烹煮。雲吞湯頭味道濃郁，配有韭黃。蝦子撈麵乃係佳品，帶有微微鮮甜味，蛋麵條條分明，爽口，掛滿蝦子，令人一口接一口的美味。香煎蜆蚧鯪魚球真是非一般的好吃，表面金黃，魚肉彈牙，以青蔥陳皮調味，蘸上咸香的蜆蚧，香港風味小吃的味道。最後吃點時蔬：腐乳通菜，也是新鮮，腐乳濃稠適中。天時暑熱，喝一口冰凍低糖豆漿，冰箱拿出來真的有雪岀沙冰，外帶也適合，香滑且豆香岀色，有驚喜！

當天下午到訪都坐滿了人 看得出人氣十足環境很有港式風味麵店配料只有雲吞 鮮鯪魚球及新鮮牛肉3樣都新鮮足料 性價比很高⍢3拼（轉蝦籽撈麵+$12）$59鮮蝦雲吞皮薄餡靚 蝦肉非常彈牙鮮鯪魚球同樣新鮮彈牙 牛肉口感嫩滑而蝦籽撈麵麵質較為乾身入口很香又有咬口 真的很久沒吃到正宗的蝦籽撈麵 滋味！3拼麵 $47配料如前者同樣 但選擇了湯麵同樣是全蛋竹昇麵 亦沒有鹼水味 正～炸雲吞（3粒） $30外皮炸得金黃香脆 與湯雲呑同樣足料蘸上甜酸醬份外惹味炸鯪魚球（3粒）$30鯪魚球很大粒 外皮金黃香口但內裏魚肉很嫩滑 可蘸上蜆介汁吃郊外油菜 $18有幾種菜可以選擇這次叫了生菜 爽口鮮甜 配有蠔油低糖豆漿$8樽裝可樂 $8所有飲料都是$8 低糖豆漿不甜 推介～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐📍沾仔記麵食佐敦廟街300號地舖

沾仔記開業多年，主打雲吞麵，有多間分店，今日黎左佐敦分店食😆呢到嘅雲吞同鮮鯪魚球超大粒，成粒乒乓波咁大，雲吞皮薄餡靚，包大好多爽口彈牙嘅蝦肉同豬肉，鮮味十足☺️自家製鯪魚球有好香嘅鯪魚肉味，入口彈牙，牛肉都好軟腍，所以想試晒呢三寶就要叫碗三併麵，價錢仲要好經濟，$47三併😍另外，個湯底好鮮甜，用左豬骨、大地魚等熬煮而成。想轉蝦籽撈麵都係加12蚊，加左蝦籽食落幾有口感😝甜酸炸雲吞都唔錯，一樣係大大粒，但炸到個皮超脆，鐘意食脆口嘅可以叫黎試下，一樣咁足料！油菜都幾翠綠，佢地個蠔油唔會太咸。

香港好多良心小店都用心經營，今天和朋友去光顧的佐敦廟街沾仔記麵食有特色，出品經濟實惠，值得支持。朋友最喜歡蠔油蝦子三拼撈麵。撈蛋麵爽脆彈牙，加埋蝦子更惹味出色，生菜爽甜。上湯三寶都好食，先飲幾口充滿大地魚味的上湯，再享受大大粒，飽滿足料的鮮蝦雲吞，有肉味的牛肉片和真材實料的鯪魚球，大滿足!下午二時後才有供應的蜆介鯪魚球和甜酸炸雲吞也不可錯過。炸鯪魚球又香又彈牙，可口。炸雲吞皮香脆有蛋味，餡料足，點埋自家製甜酸汁味道更佳。韮菜花新鮮淋甜，美味。低糖豆醬豆香濃，口感滑，正。兩個人吃飽又滿足，人均消費$80左右，抵食。朋友走時買了火鍋配料鮮蝦雲吞，鮮鯪魚肉和鮮牛肉回家孝敬媽媽。

香港老字號粉麵店，一定要試下呢間聞名已久的沾仔記麵食🍜來到佐敦分店，雖然麻雀雖小 五臟俱全，環境還帶有中國古典風格，呢度出名既主打美食款式不多，此乃貴精不貴多。今次我就點左秘制蝦籽撈麵，雙拼鮮蝦雲吞同鮮鯪魚球，麵同雲吞鯪魚球分開上，可以邊食撈麵，邊飲雲吞熱湯，又可以當沾麵咁食，雲吞大大粒裡面有4-5 顆蝦仁，真係超足料，鯪魚球也是大大顆好彈牙，令人食得好開心😀另外小食：1. 甜酸炸雲吞 $30（3 粒）2. 蜆蚧鯪魚球 $30 （3 粒）又係大大粒只是做法不一樣，但味道一樣咁好食🤤仲有點左時令油菜就點了 韭菜花$26 唔係度度都有得食而且好鮮嫩😋

我今日去佐敦辦事，順道約同好友去位於佐敦廟街300號地舖的沾仔記麵食食麵，裝修可有懷舊情懷，環境尚算寬敞，坐得舒服。我點左個三拼湯麵（粗麵）$47，轉蝦子撈麵$12，好友點左個三拼湯麵（幼麵）$47，餐飲係低糖豆漿（凍）2支共$16。三拼是鮮蝦雲吞、鮮鯪魚肉及鮮騸牯牛肉，鮮蝦雲吞好大隻，內裹著全隻蝦，好味又有咬口；鮮鯪魚肉又是大大隻，好彈牙呀；鮮騸牯牛肉好新鮮，牛肉味濃，肉質嫩滑又好食；麵底好食，有咬口；湯底好味，低糖豆漿好好飲。

行街隨機入佐嘅鋪頭，諗住平平地食一餐頂肚。結果開盲盒有驚喜。一碗三拼粉麵，有鮮蝦雲吞、牛肉、鯪魚球，單拼35，雙拼41，三拼47。價錢公道，重點係用料夠曬誠意。一粒鮮蝦雲吞入邊竟然有4隻鮮蝦，食落啖啖肉，好滿足啊。同埋鯪魚球大粒到成隻煎餃甘，真係好大方好有誠意做生意啊。仲有佢地檯面嘅辣椒油加入湯粉都好好味。蝦籽撈麵，好彈牙嘅麵底，兼且真係密密麻麻嘅蝦籽掛麵。仲點佐通心菜 + 酸辣炸雲吞，脆炸嘅雲吞皮加飽滿鮮蝦肉，點甜酸醬，風味十足。如果一個人來食，簡簡單單一碗麵，一百蚊有找食到好滿足。

今次要支持一下香港傳統美食，就係呢間位於佐敦《沾仔記》，正正就是傳統港式雲吞麵店，開業超過廿年，相當歷史悠久。麵店設有七張富有中國氣息的圓枱和圓櫈，每張枱可供約4-6人坐。麵店主打三款主食，包括雲吞、牛肉及鯪魚球；可淨食或配麵、河粉或米粉。單拼$35、雙拼$41 及三拼$47等。亦可拼菜、加蝦籽或轉撈麵。另外亦有多款時令油菜，如韮菜花、豆苗（$26），一般其他油菜有生菜、通菜（$18）。也有輕食粉麵及小食等。今次選了「雲吞、鯪魚球雙拼麵」（$41），加「腐乳通菜」（$18）麵質確實非常爽彈，湯底出色，尤其喜歡以韮黃代蔥花。至於雲吞大大粒，超多大蝦，而且非常爽口鮮甜；此外雲吞加入有大地魚粉，令雲吞更加提鮮。鯪魚球更加超大兼且彈牙。下次要再來試一試牛肉，採用新鮮騙牯牛肉，值得一試。另外，亦有生料供應，可以買回家作煮食配料添。

有人病咗話想食麵，我就諗起好耐冇去沾仔記食鯪魚球啦🤤原來佐敦沾仔記搬咗舖，而家喺廟街300號，不過都係行前多幾步啫～ 蝦籽撈麵 $41唔知係咪好耐無食，覺得好好食！！ 啲蝦籽又唔會過鹹，然後想講個湯啊，甜甜地，加上D韭黃粒好鮮甜，我未試過覺得呢個湯會好飲😋😋😋 雲吞麵 (單拼) $35雲吞有蝦就大家都知，但係未食過一粒雲吞內裡蝦嘅比例係多過啲豬肉咁多🫢 呢啲傳統嘅中式麵有鹼水就一啲都唔出奇，好彩依度D鹼水味就未到苦，所以都仲可以接受。鯪魚球鮮牛米 (雙拼）$41鯪魚球大大粒好好肉地🤣 牛肉好滑，食得好開心☺️腐乳通菜 $18 正常操作，份量夠多👍🏻食咁多嘢，埋單都唔使$200😀 覺得好抵！！食食下聽到話收爐了，原來呢度19:15就last order。好彩今晚早食飯，如果夜啲嚟就冇得食啦。大家留意喔😉

今日又去到放半日嘅日子，去咗佐敦搵嘢食，因為今日好想食啲中式嘅幼面，行行吓就走咗入去呢間小店，雖然已經2:00 ，但係都係得一兩張吉枱，見到價錢都好經濟，就入咗去坐低因為冇食早餐好肚餓，所以叫咗好多嘢，我叫咗個三拼撈麵加蝦子，叫咗碟蠔油豆苗，招牌炸鯪魚球同炸雲吞，再叫多咗樽豆漿，本來想飲可樂，但係個職員話佢哋嘅豆漿好有豆味同埋低糖嘅健康啲，我就叫咗樽全部嘢都係意料之外嘅咁好食，首先撈麵嘅餸超級多，同面嘅份量一樣咁多，麵嘅份量同埋蝦子嘅份量都係極多，可以係叫做兩個人嘅份量，重點係佢嘅面超級好食，完全係我食過咁多間中式麵最好食嘅一間，冇鹼水味同埋個口感非常爽口，蠔油豆苗又係新鮮爽脆，鯪魚球炸得得好香，好大粒，仲有蜆介醬跟埋😎炸雲吞就正常發揮，豆漿啱啱好可以平衡返煎炸食物叫咗咁多嘢都唔超過$150 ，抵到爛，極度推介

Jim Chai Kee Noodle is not just a typical HK style noodle restaurant. Instead of the HK staple beef brisket, they offer only three types of noodle ingredients - shrimp wonton, dace fish ball and beef slices.Each portion of wonton or fish ball includes two huge pieces. Shrimp wonton was filled with crunchy shrimps and minced pork with a balanced amount of fat. Silky wonton skin. The beef slices had been tenderized in advance. Smooth texture. Pretty thick cut.I must say their dace fish ball was on

談到香港的美食，難以忽視的就是那一碗香噴噴的雲吞麵。沾仔記所呈現的雲吞麵，不僅是一道美食，更是香港文化和人情味的寫照，創辦人50年代已經從地攤開始買雲吞麵，最特別的是只賣他最滿意的三種食物：雲吞、鮮牛肉同鯪魚球甫入店內便聞到那香氣撲鼻湯底，經過長時間的熬煮和調味，親切感油然而生 。鯪魚球搓得如小孩拳頭般大，口感卻不死實 ，蛋麵也是傳統做法，每日鮮製，攤放一段時間「走鹼」 。吃蝦子撈麵時最好先喝口熱湯，讓口腔濕潤、味蕾啟動，再開始吃麵，韌性夠、蛋香足，不知不覺一大盤麵條就被掃空，而且口齒間還留存著蝦籽的鮮香，久久不散。作為留下來的人，一直麵很喜歡香港的多元文化和融合，小店的雲吞麵不僅僅是一種美食，更是一種記憶和情感的寄託—————-𝙒𝙚 𝙤𝙧𝙙𝙚𝙧𝙚𝙙:甜酸炸雲吞蜆蚧鯪魚球蝦籽撈麵三寶河—————————————————𖠿𖥣 沾仔記麵食 (佐敦)〒佐敦廟街300號地舖—————————————————⠀⠀⠀⠀⠀⠀⠀⠀⠀