IKI Teppanyaki Bento (Closed)

新城市廣場大多食肆價錢都唔平諗住會有D保證啦點知呢間野真係令我完全係當頭棒喝先係沙律雖然我前言講緊到但其實都唔係一無是處既起碼沙律真係唔錯沙律菜夠新鮮,而且沙律調味剛剛好一向不太好醋味既我,都因為佢既醋而食唔停垃圾！垃圾！但一份沙律點都無辦法補回垃圾主菜所失既分數叫左牛柳同西冷老實講,牛係我既至愛,而牛柳更加係我牛入面最鍾意食既部位就係貪佢夠軟,肉汁豐富,牛味香濃,又唔會太肥膩但係呢間野簡直完完全全浪費左件牛柳雖然佢未煮到全熟不論係牛柳同西冷,都係軔到似食橡膠咁而且一D肉汁都冇,可見本身舊牛既質素係幾咁差仲夠膽死收幾舊水一個真係送比我都唔會再食垃圾！大家樂既鐵板餐都好過佢！本身打算食餐好既點知依家比呢間垃圾搞到冇晒興致好後悔冇上OPENRICE睇下呢間野既評價先建議各位就算中左六合彩有錢冇定洗都好都唔好食呢間唔係錢既問題而係唔好對唔住你個胃

  新城市廣場出晒名貴，間間餐廳都要每人$100-200，仲有勁多人食，係app攞左飛都要等成粒鐘（無法啦星期六晚）我地一早係app攞左飛，都要等一個鐘..好不容易終於有枱啦，餓到就黎吞到隻象！我地叫左個「活龍蝦鮑魚定食」，$548兩個人，先來一個沙律，凍凍地，有d出水，但係啲菜好翠綠都好鮮味，真係索索聲架！麵豉湯都好夠味，唔似溝水，味道幾正，但偏咸。先黎隻活龍蝦，講明活真係活架，仲郁架勁生猛，令我覺得自己有d殘忍！龍蝦好大隻，龍蝦肉都是白色的白裡透紅，味道好鮮甜，加上桌面上既海鮮汁仲更加入味！鮑魚大大隻，上枱時已經無殻，肉質一d都唔靭，個感覺好似魚旦咁彈牙，但係偏咸左d。偷左d老公份牛排，有d後悔無食牛扒！！牛扒質素好高，入口即融，仲有一d肥肉都無！牛扒好林而且好厚肉，筋位切得好好，由於鐵板燒上，我地揀左3成，上枱時已經變5成，但肉質都唔會靱，真心覺得好呢！最like既何止係主菜呢！仲有洋蔥，林晒，吸收晒啲d肉汁海鮮汁，不過唔好食太多，因為都幾油～  

入左間餐廳，薄燒牛肉又冇，牛柳都無...咩都冇就唔好開門la..一係你咪係門口個餐牌mark住今日缺貨la..冇嘅野仲放係餐牌到...仲唔係欺騙顧客！已經唔係第一次係咁！我以後都唔會再黎！

呢間餐廳由開業到現在，我都是長期fans因為食物質素頗有保證,價錢相宜但近一年食物質素越黎越差今日去完之後決定永不光顧事緣今日中午自己一個去食lunch去到門口等左一陣，侍應們都好忙碌，我亦無催促他們帶位終於等到一位員工同我有eye contact我也示意想入黎佢走埋黎但skip左我去左我後面個家庭問佢幾位，個員工本身都黑面之後好彩有另一個員工見到我，先問我係咪一位，然後帶我去座位到落單，d侍應都係悔悔氣氣，好似我好麻煩咁但我已經長期光顧所以都好熟悉點落單好快脆利落十秒就讀完我要咩組合好啦，落完單，到沙律黎埋，前後十分鐘都無人倒茶比我我唯有‘麻煩’佢地幫我倒同個黑面侍應講，佢叫我等陣，等左五分鐘都未有同另一個侍應講，十秒就倒左比我然後我食完沙律等個鐵板上，等左二十分鐘我隔離個叔叔遲過我點單，但人地已經成個鐵板餐都食完喇我忍唔住又要‘麻煩’多佢地一次問我個餐幾時黎當然係要經過無限次同侍應擦身而過，被人見到又扮見唔到既過程先搵到人幫我追追單追完都好快黎到，味道係好食的但周邊都有肉已經凍左，應該師傅整完比侍應放涼左一段時間到埋單，又玩一輪我睇你唔到你見唔到我既遊戲埋完單走我又衰醒唔起拎返單儲

今日放假和媽媽行街 ，行到差唔多中午又係時候尋食見媽媽未試過鐵板燒就入去試吓需然座位唔係舒適寛敞，但都在毎台檯底放置一個籃俾客人放背囊、手袋、衣物等，已免弄污和被偷睇餐牌可以散叫或叫套餐，我哋兩個人就在二人餐裏面選擇，我哋選左個虎蝦帆立貝鮮蠔牛扒定食套餐有一盤蔬菜沙律、兩碗味噌湯、虎蝦帆立貝鮮蠔、美國安格斯西冷和兩碗日本稻米飯首先送上就係蔬菜沙律和味噌湯，沙律好大盤蔬菜好新鮮好爽，味噌湯味道適中唔太鹹虎蝦帆立貝鮮蠔，上枱時聞到好香虎蝦幾大隻，咬落彈牙美味帆立貝鮮甜味美鮮蠔，蠔味濃，蠔肉嫩滑美國安格斯西冷，賣相好吸引，外層香脆、內裏肉嫩好腍，食落肉味濃日本稻米飯，食落囗真係曰本米，口感軟滑味道甘甜

今天我和小朋友一行三人到沙田新城市廣場午膳。原本想食鼎泰豐，可是小朋友見到的鐵板燒想試一試鐵板燒的滋味。我和小朋友便在十一點半開門之前排隊等候。當十一點半開門之後我們便進入餐廳坐在吧枱前面，當我們一坐低就聽到廚師不停地用粗口自言自語罵客人，說為什麼這麼早有這麼多客人。我想問如果餐廳沒有客人，你會有工作嗎？難道客人在排隊等候用饍是罪嗎？ 如果他真的不滿意他可以選擇不做， 而不是不斷自言自語地就駡客人。 他這樣的服務態度， 食物的質素可想然之是十分之差的。今天我很後悔進這間餐廳用膳。 希望餐廳的管理層能夠正視這個問題。

沙田新城市廣場絕對係一個美食嘅集中地，亦都有好多連鎖式嘅餐廳，間間門口都排晒隊。今日約咗個舊同學行街，行完街我哋就揀呢間唔使排隊就入去食喇。餐廳入面都幾多人..位置亦都有少少迫..但侍應嘅服務係非常好..打開餐牌睇睇點餐嘅食物種類其實唔算多，我同朋友就選擇個二人套餐加左＄40將牛肉薄燒轉西冷牛扒其實就不過不失，但我就略嫌佢有少少硬。雞扒就冇乜味比較淡同埋有啲乾。帆立貝幾好食，而我朋友就好欣賞個比目魚。買單大約一個人二百幾蚊，不過真係食得好飽最後碗白飯我都食唔晒。

一家三口去完文化博物館睇彼思展，諗住近近地去沙田市廣場食晚餐啦！阿女話好耐無食鐵板喇，於是就嚟到呢間，咁好睇時間都算早未夠6：30，所以去到就可以入座！睇咗一陣，只有二人同一人嘅餐，阿女決定叫一個一人餐和二人龍蝦餐！完成呢餐之後，阿女終於講咩價錢真係咩質數！

我在七月時也發佈了一篇食評，在食評裡我給矛 ok 的分數。今次我再來午膳，只能評差。無可否認，對比起同層其他餐廳，這裡確是掋食，不需 $100 就能吃到一個週未 lunch set 了。與上次一樣，我今次點了 $98 的雙拼鐵板餐。有沙律、味噌湯和日本稻米飯。食物大致也和上次相近，所以我不打算再重覆一篇了。今次主菜我叫了日式牛肉漢堡扒和挪威三文魚。三文魚不過不失，煎得香脆，但就不覺嫩滑多汁，但尚可接受。但漢堡扒就駭人了，首先漢堡扒太鬆散，口感極差又毫無牛味。忽然看到一舊微粉紅的脆片在肉裡，仔細一看，哇，原來是蛋殼來的！極之失望！最後我加了八蚊叫了熱奶茶，茶溝了過多水了所以淡而無味，加奶後像在喝熱的奶水，難飲到爆！

隨便喺沙田揀間餐廳食晚餐，一坐低見到侍應的服務已覺伏伏地，但又無理由起身走，唯有繼續啦。同男友每人嗌左一個一人餐，我嗰個係A/B/C嘅配搭，想叫鵝肝又賣晒，最後嗌左龍脷柳+羊柳，男友嗌左牛扒+三文魚。等左好耐終於上菜，食物賣相都唔係重點，重點係所有食物都好似係一個唔識煮嘢嘅人求其將啲食物炒埋一碟咁⋯⋯男友的牛扒硬到不得了，我的魚扒同羊柳都無乜特別調味，無肉汁，好乾好硬，茶餐廳都煎得好食過佢⋯⋯唯一有驚喜嘅係香菇飯，但鐵板燒完全可以用難食黎形容，仲要每人平均200幾蚊，我到底食左啲乜⋯⋯走嘅時候出面仲有好多人排隊，我好想叫佢地快啲走⋯⋯

一個人煎20個餐，一碟份量大，一碟份量少， 求其分份量，問你要幾成熟都係白問，個個都係廚師想比幾成熟就比幾成你，杯野飲7成滿，煎燶曬話換就講你有排等，服務態度一絕

10oz男士們係絕對夠食的 因為佢仲有碗白飯跟，有沙律前菜同味噌湯。呢個餐配左虎蝦 幾厚肉 蝦頭應該一早刮清所以冇肉😂西冷嗌左五成熟 上枱個時真係五成！但有餘溫所以食至尾都幾難咬 成塊扒都冇乜味要靠點汁食 不過好在冇乜肥膏同筋位。至於煎鯖魚就有少少失望 好燶 而且一啲都吾脆 之前試過三文魚扒 好食得多

完全感覺吾到食物質素，份量又少。無下次，賣点與食物，食材差。唯一好些沙律。其他食物無一可取，無味道。相返Food republic 食堂鐵板燒又平宜，又有味道，較抵食及罷法仲美觀。

setting 好整齊，有好多款唔同既set manu俾大家選擇而且一入到去，店員會即刻幫你倒茶即刻黎個芝士年糕嘆下先。 唔知係咪冇翻炸既關係，個皮唔夠脆，入面都唔夠熱。我地3個人雖然只係叫左2個set，但係店員都俾左兜好大既沙律我地。汁燒牛舌，唔好睇佢好似好厚咁，其實咬落去一啲都唔韌。 好好味👍🏻👍🏻👍🏻第一個set，比目魚+牛柳粒。比目魚超滑，仲好香；但牛粒就over cooked 同埋一啲都唔juicy，冇油份，可能係因為店員係師傅整好之後再加熱鐵板所致。第二個set，比目魚+蝦。 比目魚同樣係超推介👍🏻👍🏻👍🏻👍🏻👍🏻蝦同上面個牛粒一樣，都係over cooked我地叫左個荔枝梳打，酸酸地，可以中和番鐵板燒既油膩👍🏻👍🏻👍🏻

叫佐個一人前，可選擇3樣食物，咁我揀佐西冷扒，三文魚，同2隻鮑魚，首先 西冷排干到呢， 飽魚勁細隻， 又無味，個飯又爛，所有送都咁細碟。重點係d waiter 係咁漏野， 發緊夢，漏沙律，又漏飯，以後都唔會黎食。