IKI Teppanyaki Bento (Closed)

下雨天，找個有得泊車的地方。 次次都睇呢間要等位。今天竟然有位。 同小吉二人去試試。 叫了個大蝦鮑魚牛柳餐，二人前的。 有六隻大蝦， 好甜好彈牙。 鮑魚也有四隻，雖然不是很大，但勝在新鮮。 牛柳不算太林，還可以，而且都幾大碟。仲有飯，前菜，湯等。 個餐只係 $408, 都算對得住價錢。 另外，加了一酌蘋果梳打， 食咗熱辣辣嘅鐵板燒，飲杯冰凍的， 勁正。 最後，如果個餐有甜品就完美了。

今日射左波無番工，去左上水搵朋友吃lunch之後，就去左沙田行街等胖蕉下班，係附近搵野食就擇左IKI食晚飯。起初係門口睇以為係單純日本野，原來係西式加日式feel，都幾有趣。我們點左一人一個餐，兩個人其實都夠飽，份量算多，每份都有擺得靚靚仔。食物方面:麵豉湯有點咸，多一點海帶比較好喝。沙律的菜新鮮，但醬汁太少了！主食魚和龍蝦肉算新鮮和燒得幾香，有嚼口。雞扒有點乾和咸，煎得幾香脆的。沙田人食飯很多，食飯都等位等一段時間，但服務都算ok既。

一行六人因為怕搵唔到位，所以差不多6點就食飯，唔駛等位就有得食。一入座店員主動問我地要唔要安排BB櫈，然後亦為小朋友準備餐具，十分貼心。我地4個大人2個小朋友只係叫咗2個2人餐同散叫一兩個菜，都食唔曬。頭盤個沙律幾好食，不過啲芝麻醬就少咗啲三文魚我本身麻麻地，不過同行嘅小朋友就不斷encore主菜好正，由其係鮑魚，唔會煎到太老太鞋口套餐加錢嘅炒雜菜，分量比較少，味道不錯生𧐢係散叫，同行友人一個人清曬最後加多個天婦羅，有我最愛嘅炸番薯另外我叫咗杯士多啤梨薄荷梳打，都好好味，忘記影相

見這家餐廳不用等候，我們決定光顧。一入座，店員已經說：「一個鐘頭之內交枱！」座位很擠迫，一張四人卡座，和另外兩位食客搭枱，環境很嘈雜。點了一客牛扒虎蝦二人餐加一客炒野菜，先來了面豉湯和前菜。面豉湯清香而不太鹹，有昆布和白蘿蔔片；前菜是酸薑，開胃提神。沙律一大盤，很普通的蕃茄、生菜及粟米，拌勻了芝麻醬，有酸酸鹹鹹的香味。主菜來了！很大塊牛扒以及六隻虎蝦，我們要求牛扒燒得七成熟，可見它仍有一些血水，肉質軟腍，內𥚃呈粉紅色顯得細嫰。有濃濃的牛肉味，亦帶有一點脂肪。六隻虎蝦份量相當多，蝦肉雪白結實，爽口亦彈牙。炒野菜顏色吸引，椰菜嫰綠，菜絲爽脆。缺點是座位窄，服務員像「滾水淥腳」，說話和上菜的速度極快，像茶餐廳伙記一樣。

以前黎沙田都無留意有間咁嘅嘢,見到都好多人好爆決定試下佢.一個set都係100左右. 有西冷牛, 有三文魚, 仲有好多揀. 最尾我地兩個人叫咗個牛肉粒同比目魚. 另外加多咗38揾要咗個細份嘅煎三文魚. 落完單無耐就有人攞沙律上黎. 唔洗另外加錢本身有跟.牛肉最先上黎, 試咗下有d失望. 因為好干身同埋好硬. 一開頭佢仲有問要幾成, 我叫就叫5成. 最尾7成都唔止. 另外細份煎三文魚幾香, 層皮有少少脆脆地好食. 太重手咗d,偏咸. 而比目魚都係同樣問題兼且最緊要d肉唔夠嫩同滑.總體黎講雖然未算好差但真係小失望.

今次要入沙田買床單, 行完一田之後就在下面的飲食樓層找吃的, 鼻鼻聞到好香的鐵板燒味, 又見內裡都乾淨企理, 就不作他選點了二人前龍蝦2隻 + 比目魚扒餐食龍蝦size中等, 肉質鮮甜, 新鮮度十足, 不過調味一般, 沒有對龍蝦的味道有太大幫助, 比目魚扒味道都係偏淡了, 即使點醬汁食都不外如是...但蝦跟魚都肉質不錯, 美中的不足隨餐配上白飯2碗, 沒有日本飯的香, 只是一碗加了少少黑芝麻碎的珍珠米而已, 但不像是日本入口的好貨, 也是入得口而沒驚喜的食物如果不太要求高, 其實晚飯未嘗不可, 因為價錢都唔係太貴, 不過又唔會專登去食呢

首爾之行還有兩星期就到了，湊週末到旅行社交尾數後，順道取得航機資料，在餘下的兩星期就可以看看特價貨品，在樂天網站先訂購，嘩不知不覺離題了，總之就「未出發先興奮」。準備充足的我只欠幾樣東西，就是行李箱和冷手套了。所以就打算到沙田的一田選購，很久沒有到沙田新城市逛街了，店舖和餐廳都換上耳目一新的感覺，也可能是我太久沒來，有種「大鄉里出城」的感覺吧。朋友沒有像我這麼「大鄉里」，知道我愛吃海鮮，介紹他曾經去過的IKI。人流沒有旁邊School Food的人多，但我已經被IKI門口餐牌的介紹迷住。看一看價錢方面稍有點猶豫，但見到一盤的豐富海鮮和牛柳，今次就「豪食」一次吧。取好牌號，大概等兩張枱就到我們，星期六的八點多，這樣也不算太過份。大概在等候期間看過餐牌，都知道套餐大概包括了什麼。大部分的鐵板餐廳都會設立開放式廚房，擺設吧檯，讓客人可以一睹師傅的烹煮時的英姿。IKI Teppanyaki Bento也不例外，並設有卡位讓人數較多的客人可以方便交談聊天。我們二人被安排到四人的座位，距離門口的座位是面對鐵板的吧檯，卡位和二人座位；而我們坐的位置被分派到距離門口較遠，雖然我們二人，但IKI都會安排

食店環境OK夠寬敞~雖然2人座位較窄..但都OK坐得舒服Set Lunch..另一半點個"美國安格斯牛柳"($98)5成熟牛柳整體味道唔錯~只係有少少韌我要"挪威比目魚扒"($88)比目魚煎得好透..口感好嫩滑Set Lunch另一半配"稻米白飯"~我配"香菇飯"香菇味唔算突出~飯粒睇上去好濕..但口感唔濕而黏口檯上附有醬汁..伴上海鮮,辣醬,肉醬汁都ok唔錯跟上"香瓜菜..沙律菜..麵豉湯"~沙律菜份量好..新鮮好味餐飲(+$8)..熱咖啡味道ok濃郁芳香~用上熱奶..感覺好貼心餐飲(+$8)..凍檸茶茶底清晰..茶夠香~整體食物好唔錯..服務超

中午時份在新城市廣場有啲肚餓，但無奈在這購物地帶覓食永遠都是一個很困擾的問題全都是貴、貴和貴，除非是食M記吧 在無太多選擇中，去了這間「IKI Teppanyaki Bento」。人沒有很多，坐位還餘下不少中午食物款式不多，SET只有數款，無選擇底下二人均點了豚肉前菜只有一小碟沙律的物體，沒有味道左邊還有一碟不知什麼，很難食兩豚肉餐是一樣的，分別只在於香菇飯和白飯。坦白說，白飯還好比香菇飯，那香菇飯濕濕的質感和沒有特別的味道比白飯還要差勁而且份量系極少，系超級少，食幾啖連碗飯都沒有了豚肉味道沒有什麼味道，就是普通豬肉味。基本上，以後也不會來了

第一次黎食，叫左一個通常都會好味既漢堡牛扒食，第一啖咬落去，條脷感覺到好鹹，本人一向喜歡食鹹野，不過呢個漢堡的確係鹹，味道普通啦，5太乾，有d口感，不過個漢堡放係鐵板同放係碟上係無分別，至於吸引到我食欲既係個新鮮沙律同幾香既香菇飯。👍👍👍

看Dinner set 的價錢一般以上, 就叫了個鐵板燒$200左右非常多野食, 龍蝦、鵝肝、大蝦、三文魚、牛柳粒, 雜菜,主菜龍蝦、鵝肝、大蝦、三文魚、牛柳粒配碗白米飯, 牛肉好林身, 廚師燒得外有點點脆口, 內粉紅嫩色, 很不錯!餐廳服務可以, 所有的waiter 同廚師都非常attentive, 上菜前都會細心咁安排細節次序, 時間安排得好好, 食既過程有層次. 另外, 落單之前, 廚師..服務員又會同我地溝通下, 了解清楚我地想食咩, 先至幫我地落單, 服務好好

入到去坐低左環境ok啦！啲服務生都好有禮貌！叫左個下午茶三文魚扒炒飯！見到一個廚師一邊炒飯一邊講粗口，唔知個飯係唔係咁先有味！重點個廚師塊面重黑過块鐵板，可能擺係佢塊面到炒重快熟！之後等左一陣，個飯黎啦！點知過到黎我都feel到個鍋真係唔熱嘅！都唔緊要啦！我就徒手打開左個蓋食左一啖得個兩個字講曬“暖”一啲都唔熱！不過跟餐饺子都ok，炸到金黃色外脆內軟，都熱過個飯啊！不過個飯都算有味嘅！之後黎埋杯凍檸茶！杯野都掂嘅！但係個飯真係無得輸啊！

去開沙田foodcourt，見到佢價錢唔貴，又有鐵板燒，就入左去試下，點知中伏。佢有午市套餐，感覺幾抵，叫左個安格斯牛柳同三文魚扒餐，每人一舊水左右，但完全唔掂。三文魚扒好薄，得塊條板既一半都唔到，個醬又怪怪地，又無魚味。牛柳塊鐵板唔熱既，d牛又凍又少，好似放左半日咁，叫鐵板燒d野唔熱，都唔知仲有咩價值。其他配菜都好普通，總之黎講就唔值。

星期六剛睇完戲，撞正食晚時間，間間餐廳都排長龍。見到IKI唔洗等位，即刻衝去叫個二人餐太約hkd$3XX，有安格斯牛，大蝦，帶子，三文魚，包飯，沙律，湯，我地 坐係bar枱，望著師傅煎板，餐店環境舒適，氣氛十分好。主菜，大蝦蝦膏十足，好有鮮味。 三文魚煎得剛好，不會太老，脆脆地，不算太油。帶子，有鮮甜味，唔“鞋口，好味。安格斯牛熟得太老，入口已經覺得有d“鞋“口。整體食物OK，環境及招待很好。

跟媽媽一起辦完事後時間已經不早，若然回家吃晚餐一定又是頹廢了是，所以便決定了進行兩母女久違的逛街。在大戰一田後已經六時半，雖還不是飯點，但我們深知Happy Friday的人龍定律就選擇early dinner(這樣才有下一場美食！)在看了幾家西餐的set dinner都不太吸引後決定了這家鐵板燒餐廳！一開始我們對二人前有興趣可礙於每款都有我們不吃的共同物：牛，所以決定各自點菜！雞肉炒飯和茶碗蒸是媽媽的選擇，在此不予評分，但是淺嘗幾口也有些意見；前者味道不錯，我們共同認為不太膩口，而且用上日本珍珠米，也是加分之處，可在吃完後發現碗底都是油，加上媽媽覺得很滯，所稱不上上乘之作。後者茶碗蒸的用上了木魚湯底，雖味道香甜卻讓人感受不了蛋味，建議可以用質量較佳的雞蛋或者減少木魚湯的分量，另外配料方面有雞肉，冬菇和銀杏，三者都不過不失，只是種類宜增加才襯得起$22的跟餐加碼！以下就是我選擇的餐點：北海道海鮮鐵板燒套餐($138)漬物(2/5): 原本我是一個大愛醃製食品的人，但這個有點過於重口味，除了牛蒡以外我也吃不下去，幸好有媽媽和我分擔沙拉(3.5/5):這個一人分量讓我們眼前一亮，其實是足夠